Chapter 130

umovāca |
deśeṣu ramaṇīyeṣu girīṇāṃ nirjhareṣu ca |
sravantīnāṃ ca kuñjeṣu parvatopavaneṣu ca || 1 ||
[Analyze grammar]

deśeṣu ca vicitreṣu phalavatsu samāhitāḥ |
mūlavatsu ca deśeṣu vasanti niyatavratāḥ || 2 ||
[Analyze grammar]

teṣāmapi vidhiṃ puṇyaṃ śrotumicchāmi śaṃkara |
vānaprastheṣu deveśa svaśarīropajīviṣu || 3 ||
[Analyze grammar]

maheśvara uvāca |
vānaprastheṣu yo dharmastaṃ me śṛṇu samāhitā |
śrutvā caikamanā devi dharmabuddhiparā bhava || 4 ||
[Analyze grammar]

saṃsiddhairniyataiḥ sadbhirvanavāsamupāgataiḥ |
vānaprasthairidaṃ karma kartavyaṃ śṛṇu yādṛśam || 5 ||
[Analyze grammar]

trikālamabhiṣekārthaḥ pitṛdevārcanaṃ kriyā |
agnihotraparispanda iṣṭihomavidhistathā || 6 ||
[Analyze grammar]

nīvāragrahaṇaṃ caiva phalamūlaniṣevaṇam |
iṅgudairaṇḍatailānāṃ snehārthaṃ ca niṣevaṇam || 7 ||
[Analyze grammar]

yogacaryākṛtaiḥ siddhaiḥ kāmakrodhavivarjanam |
vīraśayyāmupāsadbhirvīrasthānopasevibhiḥ || 8 ||
[Analyze grammar]

yuktairyogavahaiḥ sadbhirgrīṣme pañcatapaistathā |
maṇḍūkayoganiyatairyathānyāyaniṣevibhiḥ || 9 ||
[Analyze grammar]

vīrāsanagatairnityaṃ sthaṇḍile śayanaistathā |
śītayogo'gniyogaśca cartavyo dharmabuddhibhiḥ || 10 ||
[Analyze grammar]

abbhakṣairvāyubhakṣaiśca śaivālottarabhojanaiḥ |
aśmakuṭṭaistathā dāntaiḥ saṃprakṣālaistathāparaiḥ || 11 ||
[Analyze grammar]

cīravalkalasaṃvītairmṛgacarmanivāsibhiḥ |
kāryā yātrā yathākālaṃ yathādharmaṃ yathāvidhi || 12 ||
[Analyze grammar]

vananityairvanacarairvanapairvanagocaraiḥ |
vanaṃ gurumivāsādya vastavyaṃ vanajīvibhiḥ || 13 ||
[Analyze grammar]

teṣāṃ homakriyā dharmaḥ pañcayajñaniṣevaṇam |
nāgapañcamayajñasya vedoktasyānupālanam || 14 ||
[Analyze grammar]

aṣṭamīyajñaparatā cāturmāsyaniṣevaṇam |
paurṇamāsyāṃ tu yo yajño nityayajñastathaiva ca || 15 ||
[Analyze grammar]

vimuktā dārasaṃyogairvimuktāḥ sarvasaṃkaraiḥ |
vimuktāḥ sarvapāpaiśca caranti munayo vane || 16 ||
[Analyze grammar]

srugbhāṇḍaparamā nityaṃ tretāgniśaraṇāḥ sadā |
santaḥ satpathanityā ye te yānti paramāṃ gatim || 17 ||
[Analyze grammar]

brahmalokaṃ mahāpuṇyaṃ somalokaṃ ca śāśvatam |
gacchanti munayaḥ siddhā ṛṣidharmavyapāśrayāt || 18 ||
[Analyze grammar]

eṣa dharmo mayā devi vānaprasthāśritaḥ śubhaḥ |
vistareṇārthasaṃpanno yathāsthūlamudāhṛtaḥ || 19 ||
[Analyze grammar]

umovāca |
bhagavandevadeveśa sarvabhūtanamaskṛta |
yo dharmo munisaṃghasya siddhivādeṣu taṃ vada || 20 ||
[Analyze grammar]

siddhivādeṣu saṃsiddhāstathā vananivāsinaḥ |
svairiṇo dārasaṃyuktāsteṣāṃ dharmaḥ kathaṃ smṛtaḥ || 21 ||
[Analyze grammar]

maheśvara uvāca |
svairiṇastāpasā devi sarve dāravihāriṇaḥ |
teṣāṃ mauṇḍyaṃ kaṣāyaśca vāsarātriśca kāraṇam || 22 ||
[Analyze grammar]

trikālamabhiṣekaśca hotraṃ tvṛṣikṛtaṃ mahat |
samādhiḥ satpathasthānaṃ yathoditaniṣevaṇam || 23 ||
[Analyze grammar]

ye ca te pūrvakathitā dharmā vananivāsinām |
yadi sevanti dharmāṃstānāpnuvanti tapaḥphalam || 24 ||
[Analyze grammar]

ye ca daṃpatidharmāṇaḥ svadāraniyatendriyāḥ |
caranti vidhidṛṣṭaṃ tadṛtukālābhigāminaḥ || 25 ||
[Analyze grammar]

teṣāmṛṣikṛto dharmo dharmiṇāmupapadyate |
na kāmakārātkāmo'nyaḥ saṃsevyo dharmadarśibhiḥ || 26 ||
[Analyze grammar]

sarvabhūteṣu yaḥ samyagdadātyabhayadakṣiṇām |
hiṃsāroṣavimuktātmā sa vai dharmeṇa yujyate || 27 ||
[Analyze grammar]

sarvabhūtānukampī yaḥ sarvabhūtārjavavrataḥ |
sarvabhūtātmabhūtaśca sa vai dharmeṇa yujyate || 28 ||
[Analyze grammar]

sarvavedeṣu vā snānaṃ sarvabhūteṣu cārjavam |
ubhe ete same syātāmārjavaṃ vā viśiṣyate || 29 ||
[Analyze grammar]

ārjavaṃ dharma ityāhuradharmo jihma ucyate |
ārjaveneha saṃyukto naro dharmeṇa yujyate || 30 ||
[Analyze grammar]

ārjavo bhuvane nityaṃ vasatyamarasaṃnidhau |
tasmādārjavanityaḥ syādya iccheddharmamātmanaḥ || 31 ||
[Analyze grammar]

kṣānto dānto jitakrodho dharmabhūto'vihiṃsakaḥ |
dharme ratamanā nityaṃ naro dharmeṇa yujyate || 32 ||
[Analyze grammar]

vyapetatandro dharmātmā śakyā satpathamāśritaḥ |
cāritraparamo buddho brahmabhūyāya kalpate || 33 ||
[Analyze grammar]

umovāca |
āśramābhiratā deva tāpasā ye tapodhanāḥ |
dīptimantaḥ kayā caiva caryayātha bhavanti te || 34 ||
[Analyze grammar]

rājāno rājaputrāśca nirdhanā vā mahādhanāḥ |
karmaṇā kena bhagavanprāpnuvanti mahāphalam || 35 ||
[Analyze grammar]

nityaṃ sthānamupāgamya divyacandanarūṣitāḥ |
kena vā karmaṇā deva bhavanti vanagocarāḥ || 36 ||
[Analyze grammar]

etaṃ me saṃśayaṃ deva tapaścaryāgataṃ śubham |
śaṃsa sarvamaśeṣeṇa tryakṣa tripuranāśana || 37 ||
[Analyze grammar]

maheśvara uvāca |
upavāsavratairdāntā ahiṃsrāḥ satyavādinaḥ |
saṃsiddhāḥ pretya gandharvaiḥ saha modantyanāmayāḥ || 38 ||
[Analyze grammar]

maṇḍūkayogaśayano yathāsthānaṃ yathāvidhi |
dīkṣāṃ carati dharmātmā sa nāgaiḥ saha modate || 39 ||
[Analyze grammar]

śaṣpaṃ mṛgamukhotsṛṣṭaṃ yo mṛgaiḥ saha sevate |
dīkṣito vai mudā yuktaḥ sa gacchatyamarāvatīm || 40 ||
[Analyze grammar]

śaivālaṃ śīrṇaparṇaṃ vā tadvrato yo niṣevate |
śītayogavaho nityaṃ sa gacchetparamāṃ gatim || 41 ||
[Analyze grammar]

vāyubhakṣo'mbubhakṣo vā phalamūlāśano'pi vā |
yakṣeṣvaiśvaryamādhāya modate'psarasāṃ gaṇaiḥ || 42 ||
[Analyze grammar]

agniyogavaho grīṣme vidhidṛṣṭena karmaṇā |
cīrtvā dvādaśa varṣāṇi rājā bhavati pārthivaḥ || 43 ||
[Analyze grammar]

āhāraniyamaṃ kṛtvā munirdvādaśavārṣikam |
maruṃ saṃsādhya yatnena rājā bhavati pārthivaḥ || 44 ||
[Analyze grammar]

sthaṇḍile śuddhamākāśaṃ parigṛhya samantataḥ |
praviśya ca mudā yukto dīkṣāṃ dvādaśavārṣikīm || 45 ||
[Analyze grammar]

sthaṇḍilasya phalānyāhuryānāni śayanāni ca |
gṛhāṇi ca mahārhāṇi candraśubhrāṇi bhāmini || 46 ||
[Analyze grammar]

ātmānamupajīvanyo niyato niyatāśanaḥ |
dehaṃ vānaśane tyaktvā sa svargaṃ samupāśnute || 47 ||
[Analyze grammar]

ātmānamupajīvanyo dīkṣāṃ dvādaśavārṣikīm |
tyaktvā mahārṇave dehaṃ vāruṇaṃ lokamaśnute || 48 ||
[Analyze grammar]

ātmānamupajīvanyo dīkṣāṃ dvādaśavārṣikīm |
aśmanā caraṇau bhittvā guhyakeṣu sa modate || 49 ||
[Analyze grammar]

sādhayitvātmanātmānaṃ nirdvaṃdvo niṣparigrahaḥ |
cīrtvā dvādaśa varṣāṇi dīkṣāmekāṃ manogatām |
svargalokamavāpnoti devaiśca saha modate || 50 ||
[Analyze grammar]

ātmānamupajīvanyo dīkṣāṃ dvādaśavārṣikīm |
hutvāgnau dehamutsṛjya vahniloke mahīyate || 51 ||
[Analyze grammar]

yastu devi yathānyāyaṃ dīkṣito niyato dvijaḥ |
ātmanyātmānamādhāya nirdvaṃdvo niṣparigrahaḥ || 52 ||
[Analyze grammar]

cīrtvā dvādaśa varṣāṇi dīkṣāmekāṃ manogatām |
araṇīsahitaṃ skandhe baddhvā gacchatyanāvṛtaḥ || 53 ||
[Analyze grammar]

vīrādhvānamanā nityaṃ vīrāsanaratastathā |
vīrasthāyī ca satataṃ sa vīragatimāpnuyāt || 54 ||
[Analyze grammar]

sa śakralokago nityaṃ sarvakāmapuraskṛtaḥ |
divyapuṣpasamākīrṇo divyacandanabhūṣitaḥ |
sukhaṃ vasati dharmātmā divi devagaṇaiḥ saha || 55 ||
[Analyze grammar]

vīralokagato vīro vīrayogavahaḥ sadā |
sattvasthaḥ sarvamutsṛjya dīkṣito niyataḥ śuciḥ |
vīrādhvānaṃ prapadyedyastasya lokāḥ sanātanāḥ || 56 ||
[Analyze grammar]

kāmagena vimānena sa vai carati cchandataḥ |
śakralokagataḥ śrīmānmodate ca nirāmayaḥ || 57 ||
[Analyze grammar]