Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

yudhiṣṭhira uvāca |
pitāmahena vidhivadyajñāḥ proktā mahātmanā |
guṇāścaiṣāṃ yathātattvaṃ pretya ceha ca sarvaśaḥ || 1 ||
[Analyze grammar]

na te śakyā daridreṇa yajñāḥ prāptuṃ pitāmaha |
bahūpakaraṇā yajñā nānāsaṃbhāravistarāḥ || 2 ||
[Analyze grammar]

pārthivai rājaputrairvā śakyāḥ prāptuṃ pitāmaha |
nārthanyūnairavaguṇairekātmabhirasaṃhataiḥ || 3 ||
[Analyze grammar]

yo daridrairapi vidhiḥ śakyaḥ prāptuṃ sadā bhavet |
tulyo yajñaphalairetaistanme brūhi pitāmaha || 4 ||
[Analyze grammar]

bhīṣma uvāca |
idamaṅgirasā proktamupavāsaphalātmakam |
vidhiṃ yajñaphalaistulyaṃ tannibodha yudhiṣṭhira || 5 ||
[Analyze grammar]

yastu kalyaṃ tathā sāyaṃ bhuñjāno nāntarā pibet |
ahiṃsānirato nityaṃ juhvāno jātavedasam || 6 ||
[Analyze grammar]

ṣaḍbhireva tu varṣaiḥ sa sidhyate nātra saṃśayaḥ |
taptakāñcanavarṇaṃ ca vimānaṃ labhate naraḥ || 7 ||
[Analyze grammar]

devastrīṇāmadhīvāse nṛtyagītaninādite |
prājāpatye vasetpadmaṃ varṣāṇāmagnisaṃnibhe || 8 ||
[Analyze grammar]

trīṇi varṣāṇi yaḥ prāśetsatataṃ tvekabhojanam |
dharmapatnīrato nityamagniṣṭomaphalaṃ labhet || 9 ||
[Analyze grammar]

dvitīye divase yastu prāśnīyādekabhojanam |
sadā dvādaśamāsāṃstu juhvāno jātavedasam |
yajñaṃ bahusuvarṇaṃ vā vāsavapriyamāharet || 10 ||
[Analyze grammar]

satyavāgdānaśīlaśca brahmaṇyaścānasūyakaḥ |
kṣānto dānto jitakrodhaḥ sa gacchati parāṃ gatim || 11 ||
[Analyze grammar]

pāṇḍurābhrapratīkāśe vimāne haṃsalakṣaṇe |
dve samāpte tataḥ padme so'psarobhirvasetsaha || 12 ||
[Analyze grammar]

tṛtīye divase yastu prāśnīyādekabhojanam |
sadā dvādaśamāsāṃstu juhvāno jātavedasam || 13 ||
[Analyze grammar]

atirātrasya yajñasya phalaṃ prāpnotyanuttamam |
mayūrahaṃsasaṃyuktaṃ vimānaṃ labhate naraḥ || 14 ||
[Analyze grammar]

saptarṣīṇāṃ sadā loke so'psarobhirvasetsaha |
nivartanaṃ ca tatrāsya trīṇi padmāni vai viduḥ || 15 ||
[Analyze grammar]

divase yaścaturthe tu prāśnīyādekabhojanam |
sadā dvādaśamāsānvai juhvāno jātavedasam || 16 ||
[Analyze grammar]

vājapeyasya yajñasya phalaṃ prāpnotyanuttamam |
indrakanyābhirūḍhaṃ ca vimānaṃ labhate naraḥ || 17 ||
[Analyze grammar]

sāgarasya ca paryante vāsavaṃ lokamāvaset |
devarājasya ca krīḍāṃ nityakālamavekṣate || 18 ||
[Analyze grammar]

divase pañcame yastu prāśnīyādekabhojanam |
sadā dvādaśamāsāṃstu juhvāno jātavedasam || 19 ||
[Analyze grammar]

alubdhaḥ satyavādī ca brahmaṇyaścāvihiṃsakaḥ |
anasūyurapāpastho dvādaśāhaphalaṃ labhet || 20 ||
[Analyze grammar]

jāmbūnadamayaṃ divyaṃ vimānaṃ haṃsalakṣaṇam |
sūryamālāsamābhāsamārohetpāṇḍuraṃ gṛham || 21 ||
[Analyze grammar]

āvartanāni catvāri tathā padmāni dvādaśa |
śarāgniparimāṇaṃ ca tatrāsau vasate sukham || 22 ||
[Analyze grammar]

divase yastu ṣaṣṭhe vai muniḥ prāśeta bhojanam |
sadā dvādaśamāsānvai juhvāno jātavedasam || 23 ||
[Analyze grammar]

sadā triṣavaṇasnāyī brahmacāryanasūyakaḥ |
gavāmayasya yajñasya phalaṃ prāpnotyanuttamam || 24 ||
[Analyze grammar]

agnijvālāsamābhāsaṃ haṃsabarhiṇasevitam |
śātakumbhamayaṃ yuktaṃ sādhayedyānamuttamam || 25 ||
[Analyze grammar]

tathaivāpsarasāmaṅke prasuptaḥ pratibudhyate |
nūpurāṇāṃ ninādena mekhalānāṃ ca nisvanaiḥ || 26 ||
[Analyze grammar]

koṭīsahasraṃ varṣāṇāṃ trīṇi koṭiśatāni ca |
padmānyaṣṭādaśa tathā patāke dve tathaiva ca || 27 ||
[Analyze grammar]

ayutāni ca pañcāśadṛkṣacarmaśatasya ca |
lomnāṃ pramāṇena samaṃ brahmaloke mahīyate || 28 ||
[Analyze grammar]

divase saptame yastu prāśnīyādekabhojanam |
sadā dvādaśamāsānvai juhvāno jātavedasam || 29 ||
[Analyze grammar]

sarasvatīṃ gopayāno brahmacaryaṃ samācaran |
sumanovarṇakaṃ caiva madhumāṃsaṃ ca varjayet || 30 ||
[Analyze grammar]

puruṣo marutāṃ lokamindralokaṃ ca gacchati |
tatra tatra ca siddhārtho devakanyābhiruhyate || 31 ||
[Analyze grammar]

phalaṃ bahusuvarṇasya yajñasya labhate naraḥ |
saṃkhyāmatiguṇāṃ cāpi teṣu lokeṣu modate || 32 ||
[Analyze grammar]

yastu saṃvatsaraṃ kṣānto bhuṅkte'hanyaṣṭame naraḥ |
devakāryaparo nityaṃ juhvāno jātavedasam || 33 ||
[Analyze grammar]

pauṇḍarīkasya yajñasya phalaṃ prāpnotyanuttamam |
padmavarṇanibhaṃ caiva vimānamadhirohati || 34 ||
[Analyze grammar]

kṛṣṇāḥ kanakagauryaśca nāryaḥ śyāmāstathāparāḥ |
vayorūpavilāsinyo labhate nātra saṃśayaḥ || 35 ||
[Analyze grammar]

yastu saṃvatsaraṃ bhuṅkte navame navame'hani |
sadā dvādaśamāsānvai juhvāno jātavedasam || 36 ||
[Analyze grammar]

aśvamedhasya yajñasya phalaṃ prāpnoti mānavaḥ |
puṇḍarīkaprakāśaṃ ca vimānaṃ labhate naraḥ || 37 ||
[Analyze grammar]

dīptasūryāgnitejobhirdivyamālābhireva ca |
nīyate rudrakanyābhiḥ so'ntarikṣaṃ sanātanam || 38 ||
[Analyze grammar]

aṣṭādaśasahasrāṇi varṣāṇāṃ kalpameva ca |
koṭīśatasahasraṃ ca teṣu lokeṣu modate || 39 ||
[Analyze grammar]

yastu saṃvatsaraṃ bhuṅkte daśāhe vai gate gate |
sadā dvādaśamāsānvai juhvāno jātavedasam || 40 ||
[Analyze grammar]

brahmakanyāniveśe ca sarvabhūtamanohare |
aśvamedhasahasrasya phalaṃ prāpnotyanuttamam || 41 ||
[Analyze grammar]

rūpavatyaśca taṃ kanyā ramayanti sadā naram |
nīlotpalanibhairvarṇai raktotpalanibhaistathā || 42 ||
[Analyze grammar]

vimānaṃ maṇḍalāvartamāvartagahanāvṛtam |
sāgarormipratīkāśaṃ sādhayedyānamuttamam || 43 ||
[Analyze grammar]

vicitramaṇimālābhirnāditaṃ śaṅkhapuṣkaraiḥ |
sphāṭikairvajrasāraiśca stambhaiḥ sukṛtavedikam |
ārohati mahadyānaṃ haṃsasārasavāhanam || 44 ||
[Analyze grammar]

ekādaśe tu divase yaḥ prāpte prāśate haviḥ |
sadā dvādaśamāsānvai juhvāno jātavedasam || 45 ||
[Analyze grammar]

parastriyo nābhilaṣedvācātha manasāpi vā |
anṛtaṃ ca na bhāṣeta mātāpitroḥ kṛte'pi vā || 46 ||
[Analyze grammar]

abhigacchenmahādevaṃ vimānasthaṃ mahābalam |
svayaṃbhuvaṃ ca paśyeta vimānaṃ samupasthitam || 47 ||
[Analyze grammar]

kumāryaḥ kāñcanābhāsā rūpavatyo nayanti tam |
rudrāṇāṃ tamadhīvāsaṃ divi divyaṃ manoharam || 48 ||
[Analyze grammar]

varṣāṇyaparimeyāni yugāntamapi cāvaset |
koṭīśatasahasraṃ ca daśa koṭiśatāni ca || 49 ||
[Analyze grammar]

rudraṃ nityaṃ praṇamate devadānavasaṃmatam |
sa tasmai darśanaṃ prāpto divase divase bhavet || 50 ||
[Analyze grammar]

divase dvādaśe yastu prāpte vai prāśate haviḥ |
sadā dvādaśamāsānvai sarvamedhaphalaṃ labhet || 51 ||
[Analyze grammar]

ādityairdvādaśaistasya vimānaṃ saṃvidhīyate |
maṇimuktāpravālaiśca mahārhairupaśobhitam || 52 ||
[Analyze grammar]

haṃsamālāparikṣiptaṃ nāgavīthīsamākulam |
mayūraiścakravākaiśca kūjadbhirupaśobhitam || 53 ||
[Analyze grammar]

aṭṭairmahadbhiḥ saṃyuktaṃ brahmaloke pratiṣṭhitam |
nityamāvasate rājannaranārīsamāvṛtam |
ṛṣirevaṃ mahābhāgastvaṅgirāḥ prāha dharmavit || 54 ||
[Analyze grammar]

trayodaśe tu divase yaḥ prāpte prāśate haviḥ |
sadā dvādaśa māsānvai devasatraphalaṃ labhet || 55 ||
[Analyze grammar]

raktapadmodayaṃ nāma vimānaṃ sādhayennaraḥ |
jātarūpaprayuktaṃ ca ratnasaṃcayabhūṣitam || 56 ||
[Analyze grammar]

devakanyābhirākīrṇaṃ divyābharaṇabhūṣitam |
puṇyagandhodayaṃ divyaṃ vāyavyairupaśobhitam || 57 ||
[Analyze grammar]

tatra śaṅkupatākaṃ ca yugāntaṃ kalpameva ca |
ayutāyutaṃ tathā padmaṃ samudraṃ ca tathā vaset || 58 ||
[Analyze grammar]

gītagandharvaghoṣaiśca bherīpaṇavanisvanaiḥ |
sadā pramuditastābhirdevakanyābhirīḍyate || 59 ||
[Analyze grammar]

caturdaśe tu divase yaḥ pūrṇe prāśate haviḥ |
sadā dvādaśa māsānvai mahāmedhaphalaṃ labhet || 60 ||
[Analyze grammar]

anirdeśyavayorūpā devakanyāḥ svalaṃkṛtāḥ |
mṛṣṭataptāṅgadadharā vimānairanuyānti tam || 61 ||
[Analyze grammar]

kalahaṃsavinirghoṣairnūpurāṇāṃ ca nisvanaiḥ |
kāñcīnāṃ ca samutkarṣaistatra tatra vibodhyate || 62 ||
[Analyze grammar]

devakanyānivāse ca tasminvasati mānavaḥ |
jāhnavīvālukākīrṇe pūrṇaṃ saṃvatsaraṃ naraḥ || 63 ||
[Analyze grammar]

yastu pakṣe gate bhuṅkte ekabhaktaṃ jitendriyaḥ |
sadā dvādaśa māsāṃstu juhvāno jātavedasam |
rājasūyasahasrasya phalaṃ prāpnotyanuttamam || 64 ||
[Analyze grammar]

yānamārohate nityaṃ haṃsabarhiṇasevitam |
maṇimaṇḍalakaiścitraṃ jātarūpasamāvṛtam || 65 ||
[Analyze grammar]

divyābharaṇaśobhābhirvarastrībhiralaṃkṛtam |
ekastambhaṃ caturdvāraṃ saptabhaumaṃ sumaṅgalam |
vaijayantīsahasraiśca śobhitaṃ gītanisvanaiḥ || 66 ||
[Analyze grammar]

divyaṃ divyaguṇopetaṃ vimānamadhirohati |
maṇimuktāpravālaiśca bhūṣitaṃ vaidyutaprabham |
vasedyugasahasraṃ ca khaḍgakuñjaravāhanaḥ || 67 ||
[Analyze grammar]

ṣoḍaśe divase yastu saṃprāpte prāśate haviḥ |
sadā dvādaśa māsānvai somayajñaphalaṃ labhet || 68 ||
[Analyze grammar]

somakanyānivāseṣu so'dhyāvasati nityadā |
saumyagandhānuliptaśca kāmacāragatirbhavet || 69 ||
[Analyze grammar]

sudarśanābhirnārībhirmadhurābhistathaiva ca |
arcyate vai vimānasthaḥ kāmabhogaiśca sevyate || 70 ||
[Analyze grammar]

phalaṃ padmaśataprakhyaṃ mahākalpaṃ daśādhikam |
āvartanāni catvāri sāgare yātyasau naraḥ || 71 ||
[Analyze grammar]

divase saptadaśame yaḥ prāpte prāśate haviḥ |
sadā dvādaśa māsānvai juhvāno jātavedasam || 72 ||
[Analyze grammar]

sthānaṃ vāruṇamaindraṃ ca raudraṃ caivādhigacchati |
mārutauśanase caiva brahmalokaṃ ca gacchati || 73 ||
[Analyze grammar]

tatra daivatakanyābhirāsanenopacaryate |
bhūrbhuvaṃ cāpi devarṣiṃ viśvarūpamavekṣate || 74 ||
[Analyze grammar]

tatra devādhidevasya kumāryo ramayanti tam |
dvātriṃśadrūpadhāriṇyo madhurāḥ samalaṃkṛtāḥ || 75 ||
[Analyze grammar]

candrādityāvubhau yāvadgagane carataḥ prabho |
tāvaccaratyasau vīraḥ sudhāmṛtarasāśanaḥ || 76 ||
[Analyze grammar]

aṣṭādaśe tu divase prāśnīyādekabhojanam |
sadā dvādaśa māsānvai sapta lokānsa paśyati || 77 ||
[Analyze grammar]

rathaiḥ sanandighoṣaiśca pṛṣṭhataḥ so'nugamyate |
devakanyādhirūḍhaistu bhrājamānaiḥ svalaṃkṛtaiḥ || 78 ||
[Analyze grammar]

vyāghrasiṃhaprayuktaṃ ca meghasvananināditam |
vimānamuttamaṃ divyaṃ susukhī hyadhirohati || 79 ||
[Analyze grammar]

tatra kalpasahasraṃ sa kāntābhiḥ saha modate |
sudhārasaṃ ca bhuñjīta amṛtopamamuttamam || 80 ||
[Analyze grammar]

ekonaviṃśe divase yo bhuṅkte ekabhojanam |
sadā dvādaśa māsānvai sapta lokānsa paśyati || 81 ||
[Analyze grammar]

uttamaṃ labhate sthānamapsarogaṇasevitam |
gandharvairupagītaṃ ca vimānaṃ sūryavarcasam || 82 ||
[Analyze grammar]

tatrāmaravarastrībhirmodate vigatajvaraḥ |
divyāmbaradharaḥ śrīmānayutānāṃ śataṃ samāḥ || 83 ||
[Analyze grammar]

pūrṇe'tha divase viṃśe yo bhuṅkte hyekabhojanam |
sadā dvādaśa māsāṃstu satyavādī dhṛtavrataḥ || 84 ||
[Analyze grammar]

amāṃsāśī brahmacārī sarvabhūtahite rataḥ |
sa lokānvipulāndivyānādityānāmupāśnute || 85 ||
[Analyze grammar]

gandharvairapsarobhiśca divyamālyānulepanaiḥ |
vimānaiḥ kāñcanairdivyaiḥ pṛṣṭhataścānugamyate || 86 ||
[Analyze grammar]

ekaviṃśe tu divase yo bhuṅkte hyekabhojanam |
sadā dvādaśa māsānvai juhvāno jātavedasam || 87 ||
[Analyze grammar]

lokamauśanasaṃ divyaṃ śakralokaṃ ca gacchati |
aśvinormarutāṃ caiva sukheṣvabhirataḥ sadā || 88 ||
[Analyze grammar]

anabhijñaśca duḥkhānāṃ vimānavaramāsthitaḥ |
sevyamāno varastrībhiḥ krīḍatyamaravatprabhuḥ || 89 ||
[Analyze grammar]

dvāviṃśe divase prāpte yo bhuṅkte hyekabhojanam |
sadā dvādaśa māsānvai juhvāno jātavedasam || 90 ||
[Analyze grammar]

dhṛtimānahiṃsānirataḥ satyavāganasūyakaḥ |
lokānvasūnāmāpnoti divākarasamaprabhaḥ || 91 ||
[Analyze grammar]

kāmacārī sudhāhāro vimānavaramāsthitaḥ |
ramate devakanyābhirdivyābharaṇabhūṣitaḥ || 92 ||
[Analyze grammar]

trayoviṃśe tu divase prāśedyastvekabhojanam |
sadā dvādaśa māsāṃstu mitāhāro jitendriyaḥ || 93 ||
[Analyze grammar]

vāyoruśanasaścaiva rudralokaṃ ca gacchati |
kāmacārī kāmagamaḥ pūjyamāno'psarogaṇaiḥ || 94 ||
[Analyze grammar]

anekaguṇaparyantaṃ vimānavaramāsthitaḥ |
ramate devakanyābhirdivyābharaṇabhūṣitaḥ || 95 ||
[Analyze grammar]

caturviṃśe tu divase yaḥ prāśedekabhojanam |
sadā dvādaśa māsānvai juhvāno jātavedasam || 96 ||
[Analyze grammar]

ādityānāmadhīvāse modamāno vasecciram |
divyamālyāmbaradharo divyagandhānulepanaḥ || 97 ||
[Analyze grammar]

vimāne kāñcane divye haṃsayukte manorame |
ramate devakanyānāṃ sahasrairayutaistathā || 98 ||
[Analyze grammar]

pañcaviṃśe tu divase yaḥ prāśedekabhojanam |
sadā dvādaśa māsāṃstu puṣkalaṃ yānamāruhet || 99 ||
[Analyze grammar]

siṃhavyāghraprayuktaiśca meghasvananināditaiḥ |
rathaiḥ sanandighoṣaiśca pṛṣṭhataḥ so'nugamyate || 100 ||
[Analyze grammar]

devakanyāsamārūḍhai rājatairvimalaiḥ śubhaiḥ |
vimānamuttamaṃ divyamāsthāya sumanoharam || 101 ||
[Analyze grammar]

tatra kalpasahasraṃ vai vasate strīśatāvṛte |
sudhārasaṃ copajīvannamṛtopamamuttamam || 102 ||
[Analyze grammar]

ṣaḍviṃśe divase yastu prāśnīyādekabhojanam |
sadā dvādaśa māsāṃstu niyato niyatāśanaḥ || 103 ||
[Analyze grammar]

jitendriyo vītarāgo juhvāno jātavedasam |
sa prāpnoti mahābhāgaḥ pūjyamāno'psarogaṇaiḥ || 104 ||
[Analyze grammar]

saptānāṃ marutāṃ lokānvasūnāṃ cāpi so'śnute |
vimāne sphāṭike divye sarvaratnairalaṃkṛte || 105 ||
[Analyze grammar]

gandharvairapsarobhiśca pūjyamānaḥ pramodate |
dve yugānāṃ sahasre tu divye divyena tejasā || 106 ||
[Analyze grammar]

saptaviṃśe tu divase yaḥ prāśedekabhojanam |
sadā dvādaśa māsāṃstu juhvāno jātavedasam || 107 ||
[Analyze grammar]

phalaṃ prāpnoti vipulaṃ devaloke ca pūjyate |
amṛtāśī vasaṃstatra sa vitṛptaḥ pramodate || 108 ||
[Analyze grammar]

devarṣicaritaṃ rājanrājarṣibhiradhiṣṭhitam |
adhyāvasati divyātmā vimānavaramāsthitaḥ || 109 ||
[Analyze grammar]

strībhirmanobhirāmābhī ramamāṇo madotkaṭaḥ |
yugakalpasahasrāṇi trīṇyāvasati vai sukham || 110 ||
[Analyze grammar]

yo'ṣṭāviṃśe tu divase prāśnīyādekabhojanam |
sadā dvādaśa māsāṃstu jitātmā vijitendriyaḥ || 111 ||
[Analyze grammar]

phalaṃ devarṣicaritaṃ vipulaṃ samupāśnute |
bhogavāṃstejasā bhāti sahasrāṃśurivāmalaḥ || 112 ||
[Analyze grammar]

sukumāryaśca nāryastaṃ ramamāṇāḥ suvarcasaḥ |
pīnastanorujaghanā divyābharaṇabhūṣitāḥ || 113 ||
[Analyze grammar]

ramayanti manaḥ kāntā vimāne sūryasaṃnibhe |
sarvakāmagame divye kalpāyutaśataṃ samāḥ || 114 ||
[Analyze grammar]

ekonatriṃśe divase yaḥ prāśedekabhojanam |
sadā dvādaśa māsānvai satyavrataparāyaṇaḥ || 115 ||
[Analyze grammar]

tasya lokāḥ śubhā divyā devarājarṣipūjitāḥ |
vimānaṃ candraśubhrābhaṃ divyaṃ samadhigacchati || 116 ||
[Analyze grammar]

jātarūpamayaṃ yuktaṃ sarvaratnavibhūṣitam |
apsarogaṇasaṃpūrṇaṃ gandharvairabhināditam || 117 ||
[Analyze grammar]

tatra cainaṃ śubhā nāryo divyābharaṇabhūṣitāḥ |
manobhirāmā madhurā ramayanti madotkaṭāḥ || 118 ||
[Analyze grammar]

bhogavāṃstejasā yukto vaiśvānarasamaprabhaḥ |
divyo divyena vapuṣā bhrājamāna ivāmaraḥ || 119 ||
[Analyze grammar]

vasūnāṃ marutāṃ caiva sādhyānāmaśvinostathā |
rudrāṇāṃ ca tathā lokānbrahmalokaṃ ca gacchati || 120 ||
[Analyze grammar]

yastu māse gate bhuṅkte ekabhaktaṃ śamātmakaḥ |
sadā dvādaśa māsānvai brahmalokamavāpnuyāt || 121 ||
[Analyze grammar]

sudhārasakṛtāhāraḥ śrīmānsarvamanoharaḥ |
tejasā vapuṣā lakṣmyā bhrājate raśmivāniva || 122 ||
[Analyze grammar]

divyamālyāmbaradharo divyagandhānulepanaḥ |
sukheṣvabhirato yogī duḥkhānāmavijānakaḥ || 123 ||
[Analyze grammar]

svayaṃprabhābhirnārībhirvimānastho mahīyate |
rudradevarṣikanyābhiḥ satataṃ cābhipūjyate || 124 ||
[Analyze grammar]

nānāvidhasurūpābhirnānārāgābhireva ca |
nānāmadhurabhāṣābhirnānāratibhireva ca || 125 ||
[Analyze grammar]

vimāne nagarākāre sūryavatsūryasaṃnibhe |
pṛṣṭhataḥ somasaṃkāśe udakcaivābhrasaṃnibhe || 126 ||
[Analyze grammar]

dakṣiṇāyāṃ tu raktābhe adhastānnīlamaṇḍale |
ūrdhvaṃ citrābhisaṃkāśe naiko vasati pūjitaḥ || 127 ||
[Analyze grammar]

yāvadvarṣasahasraṃ tu jambūdvīpe pravarṣati |
tāvatsaṃvatsarāḥ proktā brahmalokasya dhīmataḥ || 128 ||
[Analyze grammar]

vipruṣaścaiva yāvantyo nipatanti nabhastalāt |
varṣāsu varṣatastāvannivasatyamaraprabhaḥ || 129 ||
[Analyze grammar]

māsopavāsī varṣaistu daśabhiḥ svargamuttamam |
maharṣitvamathāsādya saśarīragatirbhavet || 130 ||
[Analyze grammar]

munirdānto jitakrodho jitaśiśnodaraḥ sadā |
juhvannagnīṃśca niyataḥ saṃdhyopāsanasevitā || 131 ||
[Analyze grammar]

bahubhirniyamairevaṃ māsānaśnāti yo naraḥ |
abhrāvakāśaśīlaśca tasya vāso nirucyate || 132 ||
[Analyze grammar]

divaṃ gatvā śarīreṇa svena rājanyathāmaraḥ |
svargaṃ puṇyaṃ yathākāmamupabhuṅkte yathāvidhi || 133 ||
[Analyze grammar]

eṣa te bharataśreṣṭha yajñānāṃ vidhiruttamaḥ |
vyākhyāto hyānupūrvyeṇa upavāsaphalātmakaḥ || 134 ||
[Analyze grammar]

daridrairmanujaiḥ pārtha prāpyaṃ yajñaphalaṃ yathā |
upavāsamimaṃ kṛtvā gacchecca paramāṃ gatim |
devadvijātipūjāyāṃ rato bharatasattama || 135 ||
[Analyze grammar]

upavāsavidhistveṣa vistareṇa prakīrtitaḥ |
niyateṣvapramatteṣu śaucavatsu mahātmasu || 136 ||
[Analyze grammar]

dambhadrohanivṛtteṣu kṛtabuddhiṣu bhārata |
acaleṣvaprakampeṣu mā te bhūdatra saṃśayaḥ || 137 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 110

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: