Chapter 90

yudhiṣṭhira uvāca |
kīdṛśebhyaḥ pradātavyaṃ bhavecchrāddhaṃ pitāmaha |
dvijebhyaḥ kuruśārdūla tanme vyākhyātumarhasi || 1 ||
[Analyze grammar]

bhīṣma uvāca |
brāhmaṇānna parīkṣeta kṣatriyo dānadharmavit |
daive karmaṇi pitrye tu nyāyyamāhuḥ parīkṣaṇam || 2 ||
[Analyze grammar]

devatāḥ pūjayantīha daivenaiveha tejasā |
upetya tasmāddevebhyaḥ sarvebhyo dāpayennaraḥ || 3 ||
[Analyze grammar]

śrāddhe tvatha mahārāja parīkṣedbrāhmaṇānbudhaḥ |
kulaśīlavayorūpairvidyayābhijanena ca || 4 ||
[Analyze grammar]

eṣāmanye paṅktidūṣāstathānye paṅktipāvanāḥ |
apāṅkteyāstu ye rājankīrtayiṣyāmi tāñśṛṇu || 5 ||
[Analyze grammar]

kitavo bhrūṇahā yakṣmī paśupālo nirākṛtiḥ |
grāmapreṣyo vārdhuṣiko gāyanaḥ sarvavikrayī || 6 ||
[Analyze grammar]

agāradāhī garadaḥ kuṇḍāśī somavikrayī |
sāmudriko rājabhṛtyastailikaḥ kūṭakārakaḥ || 7 ||
[Analyze grammar]

pitrā vivadamānaśca yasya copapatirgṛhe |
abhiśastastathā stenaḥ śilpaṃ yaścopajīvati || 8 ||
[Analyze grammar]

parvakāraśca sūcī ca mitradhrukpāradārikaḥ |
avratānāmupādhyāyaḥ kāṇḍapṛṣṭhastathaiva ca || 9 ||
[Analyze grammar]

śvabhiryaśca parikrāmedyaḥ śunā daṣṭa eva ca |
parivittiśca yaśca syādduścarmā gurutalpagaḥ |
kuśīlavo devalako nakṣatrairyaśca jīvati || 10 ||
[Analyze grammar]

etāniha vijānīyādapāṅkteyāndvijādhamān |
śūdrāṇāmupadeśaṃ ca ye kurvantyalpacetasaḥ || 11 ||
[Analyze grammar]

ṣaṣṭiṃ kāṇaḥ śataṃ ṣaṇḍhaḥ śvitrī yāvatprapaśyati |
paṅktyāṃ samupaviṣṭāyāṃ tāvaddūṣayate nṛpa || 12 ||
[Analyze grammar]

yadveṣṭitaśirā bhuṅkte yadbhuṅkte dakṣiṇāmukhaḥ |
sopānatkaśca yadbhuṅkte sarvaṃ vidyāttadāsuram || 13 ||
[Analyze grammar]

asūyatā ca yaddattaṃ yacca śraddhāvivarjitam |
sarvaṃ tadasurendrāya brahmā bhāgamakalpayat || 14 ||
[Analyze grammar]

śvānaśca paṅktidūṣāśca nāvekṣerankathaṃcana |
tasmātparivṛte dadyāttilāṃścānvavakīrayet || 15 ||
[Analyze grammar]

tilādāne ca kravyādā ye ca krodhavaśā gaṇāḥ |
yātudhānāḥ piśācāśca vipralumpanti taddhaviḥ || 16 ||
[Analyze grammar]

yāvaddhyapaṅktyaḥ paṅktyāṃ vai bhuñjānānanupaśyati |
tāvatphalādbhraṃśayati dātāraṃ tasya bāliśam || 17 ||
[Analyze grammar]

ime tu bharataśreṣṭha vijñeyāḥ paṅktipāvanāḥ |
ye tvatastānpravakṣyāmi parīkṣasveha tāndvijān || 18 ||
[Analyze grammar]

vedavidyāvratasnātā brāhmaṇāḥ sarva eva hi |
pāṅkteyānyāṃstu vakṣyāmi jñeyāste paṅktipāvanāḥ || 19 ||
[Analyze grammar]

triṇāciketaḥ pañcāgnistrisuparṇaḥ ṣaḍaṅgavit |
brahmadeyānusaṃtānaśchandogo jyeṣṭhasāmagaḥ || 20 ||
[Analyze grammar]

mātāpitroryaśca vaśyaḥ śrotriyo daśapūruṣaḥ |
ṛtukālābhigāmī ca dharmapatnīṣu yaḥ sadā |
vedavidyāvratasnāto vipraḥ paṅktiṃ punātyuta || 21 ||
[Analyze grammar]

atharvaśiraso'dhyetā brahmacārī yatavrataḥ |
satyavādī dharmaśīlaḥ svakarmanirataśca yaḥ || 22 ||
[Analyze grammar]

ye ca puṇyeṣu tīrtheṣu abhiṣekakṛtaśramāḥ |
makheṣu ca samantreṣu bhavantyavabhṛthāplutāḥ || 23 ||
[Analyze grammar]

akrodhanā acapalāḥ kṣāntā dāntā jitendriyāḥ |
sarvabhūtahitā ye ca śrāddheṣvetānnimantrayet |
eteṣu dattamakṣayyamete vai paṅktipāvanāḥ || 24 ||
[Analyze grammar]

ime pare mahārāja vijñeyāḥ paṅktipāvanāḥ |
yatayo mokṣadharmajñā yogāḥ sucaritavratāḥ || 25 ||
[Analyze grammar]

ye cetihāsaṃ prayatāḥ śrāvayanti dvijottamān |
ye ca bhāṣyavidaḥ kecidye ca vyākaraṇe ratāḥ || 26 ||
[Analyze grammar]

adhīyate purāṇaṃ ye dharmaśāstrāṇyathāpi ca |
adhītya ca yathānyāyaṃ vidhivattasya kāriṇaḥ || 27 ||
[Analyze grammar]

upapanno gurukule satyavādī sahasradaḥ |
agryaḥ sarveṣu vedeṣu sarvapravacaneṣu ca || 28 ||
[Analyze grammar]

yāvadete prapaśyanti paṅktyāstāvatpunantyuta |
tato hi pāvanātpaṅktyāḥ paṅktipāvana ucyate || 29 ||
[Analyze grammar]

krośādardhatṛtīyāttu pāvayedeka eva hi |
brahmadeyānusaṃtāna iti brahmavido viduḥ || 30 ||
[Analyze grammar]

anṛtviganupādhyāyaḥ sa cedagrāsanaṃ vrajet |
ṛtvigbhirananujñātaḥ paṅktyā harati duṣkṛtam || 31 ||
[Analyze grammar]

atha cedvedavitsarvaiḥ paṅktidoṣairvivarjitaḥ |
na ca syātpatito rājanpaṅktipāvana eva saḥ || 32 ||
[Analyze grammar]

tasmātsarvaprayatnena parīkṣyāmantrayeddvijān |
svakarmaniratāndāntānkule jātānbahuśrutān || 33 ||
[Analyze grammar]

yasya mitrapradhānāni śrāddhāni ca havīṃṣi ca |
na prīṇāti pitṝndevānsvargaṃ ca na sa gacchati || 34 ||
[Analyze grammar]

yaśca śrāddhe kurute saṃgatāni na devayānena pathā sa yāti |
sa vai muktaḥ pippalaṃ bandhanādvā svargāllokāccyavate śrāddhamitraḥ || 35 ||
[Analyze grammar]

tasmānmitraṃ śrāddhakṛnnādriyeta dadyānmitrebhyaḥ saṃgrahārthaṃ dhanāni |
yaṃ manyate naiva śatruṃ na mitraṃ taṃ madhyasthaṃ bhojayeddhavyakavye || 36 ||
[Analyze grammar]

yathoṣare bījamuptaṃ na rohenna cāsyoptā prāpnuyādbījabhāgam |
evaṃ śrāddhaṃ bhuktamanarhamāṇairna ceha nāmutra phalaṃ dadāti || 37 ||
[Analyze grammar]

brāhmaṇo hyanadhīyānastṛṇāgniriva śāmyati |
tasmai śrāddhaṃ na dātavyaṃ na hi bhasmani hūyate || 38 ||
[Analyze grammar]

saṃbhojanī nāma piśācadakṣiṇā sā naiva devānna pitṝnupaiti |
ihaiva sā bhrāmyati kṣīṇapuṇyā śālāntare gauriva naṣṭavatsā || 39 ||
[Analyze grammar]

yathāgnau śānte ghṛtamājuhoti tannaiva devānna pitṝnupaiti |
tathā dattaṃ nartane gāyane ca yāṃ cānṛce dakṣiṇāmāvṛṇoti || 40 ||
[Analyze grammar]

ubhau hinasti na bhunakti caiṣā yā cānṛce dakṣiṇā dīyate vai |
āghātanī garhitaiṣā patantī teṣāṃ pretānpātayeddevayānāt || 41 ||
[Analyze grammar]

ṛṣīṇāṃ samayaṃ nityaṃ ye caranti yudhiṣṭhira |
niścitāḥ sarvadharmajñāstāndevā brāhmaṇānviduḥ || 42 ||
[Analyze grammar]

svādhyāyaniṣṭhā ṛṣayo jñānaniṣṭhāstathaiva ca |
taponiṣṭhāśca boddhavyāḥ karmaniṣṭhāśca bhārata || 43 ||
[Analyze grammar]

kavyāni jñānaniṣṭhebhyaḥ pratiṣṭhāpyāni bhārata |
tatra ye brāhmaṇāḥ kecinna nindati hi te varāḥ || 44 ||
[Analyze grammar]

ye tu nindanti jalpeṣu na tāñśrāddheṣu bhojayet |
brāhmaṇā ninditā rājanhanyustripuruṣaṃ kulam || 45 ||
[Analyze grammar]

vaikhānasānāṃ vacanamṛṣīṇāṃ śrūyate nṛpa |
dūrādeva parīkṣeta brāhmaṇānvedapāragān |
priyānvā yadi vā dveṣyāṃsteṣu tacchrāddhamāvapet || 46 ||
[Analyze grammar]

yaḥ sahasraṃ sahasrāṇāṃ bhojayedanṛcāṃ naraḥ |
ekastānmantravitprītaḥ sarvānarhati bhārata || 47 ||
[Analyze grammar]