Chapter 85

vasiṣṭha uvāca |
api cedaṃ purā rāma śrutaṃ me brahmadarśanam |
pitāmahasya yadvṛttaṃ brahmaṇaḥ paramātmanaḥ || 1 ||
[Analyze grammar]

devasya mahatastāta vāruṇīṃ bibhratastanum |
aiśvarye vāruṇe rāma rudrasyeśasya vai prabho || 2 ||
[Analyze grammar]

ājagmurmunayaḥ sarve devāścāgnipurogamāḥ |
yajñāṅgāni ca sarvāṇi vaṣaṭkāraśca mūrtimān || 3 ||
[Analyze grammar]

mūrtimanti ca sāmāni yajūṃṣi ca sahasraśaḥ |
ṛgvedaścāgamattatra padakramavibhūṣitaḥ || 4 ||
[Analyze grammar]

lakṣaṇāni svarāḥ stobhā niruktaṃ svarabhaktayaḥ |
oṃkāraścāvasannetre nigrahapragrahau tathā || 5 ||
[Analyze grammar]

vedāśca sopaniṣado vidyā sāvitryathāpi ca |
bhūtaṃ bhavyaṃ bhaviṣyacca dadhāra bhagavāñśivaḥ |
juhvaccātmanyathātmānaṃ svayameva tadā prabho || 6 ||
[Analyze grammar]

devapatnyaśca kanyāśca devānāṃ caiva mātaraḥ |
ājagmuḥ sahitāstatra tadā bhṛgukulodvaha || 7 ||
[Analyze grammar]

yajñaṃ paśupateḥ prītā varuṇasya mahātmanaḥ |
svayaṃbhuvastu tā dṛṣṭvā retaḥ samapatadbhuvi || 8 ||
[Analyze grammar]

tasya śukrasya niṣpandātpāṃsūnsaṃgṛhya bhūmitaḥ |
prāsyatpūṣā karābhyāṃ vai tasminneva hutāśane || 9 ||
[Analyze grammar]

tatastasminsaṃpravṛtte satre jvalitapāvake |
brahmaṇo juhvatastatra prādurbhāvo babhūva ha || 10 ||
[Analyze grammar]

skannamātraṃ ca tacchukraṃ sruveṇa pratigṛhya saḥ |
ājyavanmantravaccāpi so'juhodbhṛgunandana || 11 ||
[Analyze grammar]

tataḥ saṃjanayāmāsa bhūtagrāmaṃ sa vīryavān |
tatastu tejasastasmājjajñe lokeṣu taijasam || 12 ||
[Analyze grammar]

tamasastāmasā bhāvā vyāpi sattvaṃ tathobhayam |
saguṇastejaso nityaṃ tamasyākāśameva ca || 13 ||
[Analyze grammar]

sarvabhūteṣvatha tathā sattvaṃ tejastathā tamaḥ |
śukre hute'gnau tasmiṃstu prādurāsaṃstrayaḥ prabho || 14 ||
[Analyze grammar]

puruṣā vapuṣā yuktā yuktāḥ prasavajairguṇaiḥ |
bhṛgityeva bhṛguḥ pūrvamaṅgārebhyo'ṅgirābhavat || 15 ||
[Analyze grammar]

aṅgārasaṃśrayāccaiva kavirityaparo'bhavat |
saha jvālābhirutpanno bhṛgustasmādbhṛguḥ smṛtaḥ || 16 ||
[Analyze grammar]

marīcibhyo marīcistu mārīcaḥ kaśyapo hyabhūt |
aṅgārebhyo'ṅgirāstāta vālakhilyāḥ śiloccayāt |
atraivātreti ca vibho jātamatriṃ vadantyapi || 17 ||
[Analyze grammar]

tathā bhasmavyapohebhyo brahmarṣigaṇasaṃmitāḥ |
vaikhānasāḥ samutpannāstapaḥśrutaguṇepsavaḥ |
aśruto'sya samutpannāvaśvinau rūpasaṃmatau || 18 ||
[Analyze grammar]

śeṣāḥ prajānāṃ patayaḥ srotobhyastasya jajñire |
ṛṣayo lomakūpebhyaḥ svedācchando malātmakam || 19 ||
[Analyze grammar]

etasmātkāraṇādāhuragniṃ sarvāstu devatāḥ |
ṛṣayaḥ śrutasaṃpannā vedaprāmāṇyadarśanāt || 20 ||
[Analyze grammar]

yāni dārūṇi te māsā niryāsāḥ pakṣasaṃjñitāḥ |
ahorātrā muhūrtāstu pittaṃ jyotiśca vāruṇam || 21 ||
[Analyze grammar]

raudraṃ lohitamityāhurlohitātkanakaṃ smṛtam |
tanmaitramiti vijñeyaṃ dhūmācca vasavaḥ smṛtāḥ || 22 ||
[Analyze grammar]

arciṣo yāśca te rudrāstathādityā mahāprabhāḥ |
uddiṣṭāste tathāṅgārā ye dhiṣṇyeṣu divi sthitāḥ || 23 ||
[Analyze grammar]

ādināthaśca lokasya tatparaṃ brahma taddhruvam |
sarvakāmadamityāhustatra havyamudāvahat || 24 ||
[Analyze grammar]

tato'bravīnmahādevo varuṇaḥ paramātmakaḥ |
mama satramidaṃ divyamahaṃ gṛhapatistviha || 25 ||
[Analyze grammar]

trīṇi pūrvāṇyapatyāni mama tāni na saṃśayaḥ |
iti jānīta khagamā mama yajñaphalaṃ hi tat || 26 ||
[Analyze grammar]

agniruvāca |
madaṅgebhyaḥ prasūtāni madāśrayakṛtāni ca |
mamaiva tānyapatyāni varuṇo hyavaśātmakaḥ || 27 ||
[Analyze grammar]

athābravīllokagururbrahmā lokapitāmahaḥ |
mamaiva tānyapatyāni mama śukraṃ hutaṃ hi tat || 28 ||
[Analyze grammar]

ahaṃ vaktā ca mantrasya hotā śukrasya caiva ha |
yasya bījaṃ phalaṃ tasya śukraṃ cetkāraṇaṃ matam || 29 ||
[Analyze grammar]

tato'bruvandevagaṇāḥ pitāmahamupetya vai |
kṛtāñjalipuṭāḥ sarve śirobhirabhivandya ca || 30 ||
[Analyze grammar]

vayaṃ ca bhagavansarve jagacca sacarācaram |
tavaiva prasavāḥ sarve tasmādagnirvibhāvasuḥ |
varuṇaśceśvaro devo labhatāṃ kāmamīpsitam || 31 ||
[Analyze grammar]

nisargādvaruṇaścāpi brahmaṇo yādasāṃ patiḥ |
jagrāha vai bhṛguṃ pūrvamapatyaṃ sūryavarcasam || 32 ||
[Analyze grammar]

īśvaro'ṅgirasaṃ cāgnerapatyārthe'bhyakalpayat |
pitāmahastvapatyaṃ vai kaviṃ jagrāha tattvavit || 33 ||
[Analyze grammar]

tadā sa vāruṇaḥ khyāto bhṛguḥ prasavakarmakṛt |
āgneyastvaṅgirāḥ śrīmānkavirbrāhmo mahāyaśāḥ |
bhārgavāṅgirasau loke lokasaṃtānalakṣaṇau || 34 ||
[Analyze grammar]

ete vipravarāḥ sarve prajānāṃ patayastrayaḥ |
sarvaṃ saṃtānameteṣāmidamityupadhāraya || 35 ||
[Analyze grammar]

bhṛgostu putrāstatrāsansapta tulyā bhṛgorguṇaiḥ |
cyavano vajraśīrṣaśca śuciraurvastathaiva ca || 36 ||
[Analyze grammar]

śukro vareṇyaśca vibhuḥ savanaśceti sapta te |
bhārgavā vāruṇāḥ sarve yeṣāṃ vaṃśe bhavānapi || 37 ||
[Analyze grammar]

aṣṭau cāṅgirasaḥ putrā vāruṇāste'pyudāhṛtāḥ |
bṛhaspatirutathyaśca vayasyaḥ śāntireva ca || 38 ||
[Analyze grammar]

ghoro virūpaḥ saṃvartaḥ sudhanvā cāṣṭamaḥ smṛtaḥ |
ete'ṣṭāvagnijāḥ sarve jñānaniṣṭhā nirāmayāḥ || 39 ||
[Analyze grammar]

brāhmaṇasya kaveḥ putrā vāruṇāste'pyudāhṛtāḥ |
aṣṭau prasavajairyuktā guṇairbrahmavidaḥ śubhāḥ || 40 ||
[Analyze grammar]

kaviḥ kāvyaśca viṣṇuśca buddhimānuśanāstathā |
bhṛguśca virajāścaiva kāśī cograśca dharmavit || 41 ||
[Analyze grammar]

aṣṭau kavisutā hyete sarvamebhirjagattatam |
prajāpataya ete hi prajānāṃ yairimāḥ prajāḥ || 42 ||
[Analyze grammar]

evamaṅgirasaścaiva kaveśca prasavānvayaiḥ |
bhṛgośca bhṛguśārdūla vaṃśajaiḥ satataṃ jagat || 43 ||
[Analyze grammar]

varuṇaścādito vipra jagrāha prabhurīśvaraḥ |
kaviṃ tāta bhṛguṃ caiva tasmāttau vāruṇau smṛtau || 44 ||
[Analyze grammar]

jagrāhāṅgirasaṃ devaḥ śikhī tasmāddhutāśanaḥ |
tasmādaṅgiraso jñeyāḥ sarva eva tadanvayāḥ || 45 ||
[Analyze grammar]

brahmā pitāmahaḥ pūrvaṃ devatābhiḥ prasāditaḥ |
ime naḥ saṃtariṣyanti prajābhirjagadīśvarāḥ || 46 ||
[Analyze grammar]

sarve prajānāṃ patayaḥ sarve cātitapasvinaḥ |
tvatprasādādimaṃ lokaṃ tārayiṣyanti śāśvatam || 47 ||
[Analyze grammar]

tathaiva vaṃśakartārastava tejovivardhanāḥ |
bhaveyurvedaviduṣaḥ sarve vākpatayastathā || 48 ||
[Analyze grammar]

devapakṣadharāḥ saumyāḥ prājāpatyā maharṣayaḥ |
āpnuvanti tapaścaiva brahmacaryaṃ paraṃ tathā || 49 ||
[Analyze grammar]

sarve hi vayamete ca tavaiva prasavaḥ prabho |
devānāṃ brāhmaṇānāṃ ca tvaṃ hi kartā pitāmaha || 50 ||
[Analyze grammar]

marīcimāditaḥ kṛtvā sarve caivātha bhārgavāḥ |
apatyānīti saṃprekṣya kṣamayāma pitāmaha || 51 ||
[Analyze grammar]

te tvanenaiva rūpeṇa prajaniṣyanti vai prajāḥ |
sthāpayiṣyanti cātmānaṃ yugādinidhane tathā || 52 ||
[Analyze grammar]

evametatpurā vṛttaṃ tasya yajñe mahātmanaḥ |
devaśreṣṭhasya lokādau vāruṇīṃ bibhratastanum || 53 ||
[Analyze grammar]

agnirbrahmā paśupatiḥ śarvo rudraḥ prajāpatiḥ |
agnerapatyametadvai suvarṇamiti dhāraṇā || 54 ||
[Analyze grammar]

agnyabhāve ca kurvanti vahnisthāneṣu kāñcanam |
jāmadagnya pramāṇajñā vedaśrutinidarśanāt || 55 ||
[Analyze grammar]

kuśastambe juhotyagniṃ suvarṇaṃ tatra saṃsthitam |
hute prītikarīmṛddhiṃ bhagavāṃstatra manyate || 56 ||
[Analyze grammar]

tasmādagniparāḥ sarvā devatā iti śuśruma |
brahmaṇo hi prasūto'gniragnerapi ca kāñcanam || 57 ||
[Analyze grammar]

tasmādye vai prayacchanti suvarṇaṃ dharmadarśinaḥ |
devatāste prayacchanti samastā iti naḥ śrutam || 58 ||
[Analyze grammar]

tasya cātamaso lokā gacchataḥ paramāṃ gatim |
svarloke rājarājyena so'bhiṣicyeta bhārgava || 59 ||
[Analyze grammar]

ādityodayane prāpte vidhimantrapuraskṛtam |
dadāti kāñcanaṃ yo vai duḥsvapnaṃ pratihanti saḥ || 60 ||
[Analyze grammar]

dadātyuditamātre yastasya pāpmā vidhūyate |
madhyāhne dadato rukmaṃ hanti pāpamanāgatam || 61 ||
[Analyze grammar]

dadāti paścimāṃ saṃdhyāṃ yaḥ suvarṇaṃ dhṛtavrataḥ |
brahmavāyvagnisomānāṃ sālokyamupayāti saḥ || 62 ||
[Analyze grammar]

sendreṣu caiva lokeṣu pratiṣṭhāṃ prāpnute śubhām |
iha loke yaśaḥ prāpya śāntapāpmā pramodate || 63 ||
[Analyze grammar]

tataḥ saṃpadyate'nyeṣu lokeṣvapratimaḥ sadā |
anāvṛtagatiścaiva kāmacārī bhavatyuta || 64 ||
[Analyze grammar]

na ca kṣarati tebhyaḥ sa śaśvaccaivāpnute mahat |
suvarṇamakṣayaṃ dattvā lokānāpnoti puṣkalān || 65 ||
[Analyze grammar]

yastu saṃjanayitvāgnimādityodayanaṃ prati |
dadyādvai vratamuddiśya sarvānkāmānsamaśnute || 66 ||
[Analyze grammar]

agnirityeva tatprāhuḥ pradānaṃ vai sukhāvaham |
yatheṣṭaguṇasaṃpannaṃ pravartakamiti smṛtam || 67 ||
[Analyze grammar]

bhīṣma uvāca |
ityuktaḥ sa vasiṣṭhena jāmadagnyaḥ pratāpavān |
dadau suvarṇaṃ viprebhyo vyamucyata ca kilbiṣāt || 68 ||
[Analyze grammar]

etatte sarvamākhyātaṃ suvarṇasya mahīpate |
pradānasya phalaṃ caiva janma cāgnyamanuttamam || 69 ||
[Analyze grammar]

tasmāttvamapi viprebhyaḥ prayaccha kanakaṃ bahu |
dadatsuvarṇaṃ nṛpate kilbiṣādvipramokṣyasi || 70 ||
[Analyze grammar]