Chapter 54

bhīṣma uvāca |
tataḥ sa rājā rātryante pratibuddho mahāmanāḥ |
kṛtapūrvāhṇikaḥ prāyātsabhāryastadvanaṃ prati || 1 ||
[Analyze grammar]

tato dadarśa nṛpatiḥ prāsādaṃ sarvakāñcanam |
maṇistambhasahasrāḍhyaṃ gandharvanagaropamam |
tatra divyānabhiprāyāndadarśa kuśikastadā || 2 ||
[Analyze grammar]

parvatānramyasānūṃśca nalinīśca sapaṅkajāḥ |
citraśālāśca vividhāstoraṇāni ca bhārata |
śādvalopacitāṃ bhūmiṃ tathā kāñcanakuṭṭimām || 3 ||
[Analyze grammar]

sahakārānpraphullāṃśca ketakoddālakāndhavān |
aśokānmucukundāṃśca phullāṃścaivātimuktakān || 4 ||
[Analyze grammar]

campakāṃstilakānbhavyānpanasānvañjulānapi |
puṣpitānkarṇikārāṃśca tatra tatra dadarśa ha || 5 ||
[Analyze grammar]

śyāmāṃ vāraṇapuṣpīṃ ca tathāṣṭāpadikāṃ latām |
tatra tatra parikḷptā dadarśa sa mahīpatiḥ || 6 ||
[Analyze grammar]

vṛkṣānpadmotpaladharānsarvartukusumāṃstathā |
vimānacchandakāṃścāpi prāsādānpadmasaṃnibhān || 7 ||
[Analyze grammar]

śītalāni ca toyāni kvaciduṣṇāni bhārata |
āsanāni vicitrāṇi śayanapravarāṇi ca || 8 ||
[Analyze grammar]

paryaṅkānsarvasauvarṇānparārdhyāstaraṇāstṛtān |
bhakṣyabhojyamanantaṃ ca tatra tatropakalpitam || 9 ||
[Analyze grammar]

vāṇīvādāñchukāṃścāpi śārikābhṛṅgarājakān |
kokilāñchatapatrāṃśca koyaṣṭimakakukkuṭān || 10 ||
[Analyze grammar]

mayūrānkukkuṭāṃścāpi putrakāñjīvajīvakān |
cakorānvānarānhaṃsānsārasāṃścakrasāhvayān || 11 ||
[Analyze grammar]

samantataḥ praṇaditāndadarśa sumanoharān |
kvacidapsarasāṃ saṃghāngandharvāṇāṃ ca pārthiva || 12 ||
[Analyze grammar]

kāntābhiraparāṃstatra pariṣvaktāndadarśa ha |
na dadarśa ca tānbhūyo dadarśa ca punarnṛpaḥ || 13 ||
[Analyze grammar]

gītadhvaniṃ sumadhuraṃ tathaivādhyayanadhvanim |
haṃsānsumadhurāṃścāpi tatra śuśrāva pārthivaḥ || 14 ||
[Analyze grammar]

taṃ dṛṣṭvātyadbhutaṃ rājā manasācintayattadā |
svapno'yaṃ cittavibhraṃśa utāho satyameva tu || 15 ||
[Analyze grammar]

aho saha śarīreṇa prāpto'smi paramāṃ gatim |
uttarānvā kurūnpuṇyānatha vāpyamarāvatīm || 16 ||
[Analyze grammar]

kiṃ tvidaṃ mahadāścaryaṃ saṃpaśyāmītyacintayat |
evaṃ saṃcintayanneva dadarśa munipuṃgavam || 17 ||
[Analyze grammar]

tasminvimāne sauvarṇe maṇistambhasamākule |
mahārhe śayane divye śayānaṃ bhṛgunandanam || 18 ||
[Analyze grammar]

tamabhyayātpraharṣeṇa narendraḥ saha bhāryayā |
antarhitastato bhūyaścyavanaḥ śayanaṃ ca tat || 19 ||
[Analyze grammar]

tato'nyasminvanoddeśe punareva dadarśa tam |
kauśyāṃ bṛsyāṃ samāsīnaṃ japamānaṃ mahāvratam |
evaṃ yogabalādvipro mohayāmāsa pārthivam || 20 ||
[Analyze grammar]

kṣaṇena tadvanaṃ caiva te caivāpsarasāṃ gaṇāḥ |
gandharvāḥ pādapāścaiva sarvamantaradhīyata || 21 ||
[Analyze grammar]

niḥśabdamabhavaccāpi gaṅgākūlaṃ punarnṛpa |
kuśavalmīkabhūyiṣṭhaṃ babhūva ca yathā purā || 22 ||
[Analyze grammar]

tataḥ sa rājā kuśikaḥ sabhāryastena karmaṇā |
vismayaṃ paramaṃ prāptastaddṛṣṭvā mahadadbhutam || 23 ||
[Analyze grammar]

tataḥ provāca kuśiko bhāryāṃ harṣasamanvitaḥ |
paśya bhadre yathā bhāvāścitrā dṛṣṭāḥ sudurlabhāḥ || 24 ||
[Analyze grammar]

prasādādbhṛgumukhyasya kimanyatra tapobalāt |
tapasā tadavāpyaṃ hi yanna śakyaṃ manorathaiḥ || 25 ||
[Analyze grammar]

trailokyarājyādapi hi tapa eva viśiṣyate |
tapasā hi sutaptena krīḍatyeṣa tapodhanaḥ || 26 ||
[Analyze grammar]

aho prabhāvo brahmarṣeścyavanasya mahātmanaḥ |
icchanneṣa tapovīryādanyāṃllokānsṛjedapi || 27 ||
[Analyze grammar]

brāhmaṇā eva jāyeranpuṇyavāgbuddhikarmaṇaḥ |
utsahediha kartuṃ hi ko'nyo vai cyavanādṛte || 28 ||
[Analyze grammar]

brāhmaṇyaṃ durlabhaṃ loke rājyaṃ hi sulabhaṃ naraiḥ |
brāhmaṇyasya prabhāvāddhi rathe yuktau svadhuryavat || 29 ||
[Analyze grammar]

ityevaṃ cintayānaḥ sa viditaścyavanasya vai |
saṃprekṣyovāca sa nṛpaṃ kṣipramāgamyatāmiti || 30 ||
[Analyze grammar]

ityuktaḥ sahabhāryastamabhyagacchanmahāmunim |
śirasā vandanīyaṃ tamavandata sa pārthivaḥ || 31 ||
[Analyze grammar]

tasyāśiṣaḥ prayujyātha sa munistaṃ narādhipam |
niṣīdetyabravīddhīmānsāntvayanpuruṣarṣabha || 32 ||
[Analyze grammar]

tataḥ prakṛtimāpanno bhārgavo nṛpate nṛpam |
uvāca ślakṣṇayā vācā tarpayanniva bhārata || 33 ||
[Analyze grammar]

rājansamyagjitānīha pañca pañcasu yattvayā |
manaḥṣaṣṭhānīndriyāṇi kṛcchrānmukto'si tena vai || 34 ||
[Analyze grammar]

samyagārādhitaḥ putra tvayāhaṃ vadatāṃ vara |
na hi te vṛjinaṃ kiṃcitsusūkṣmamapi vidyate || 35 ||
[Analyze grammar]

anujānīhi māṃ rājangamiṣyāmi yathāgatam |
prīto'smi tava rājendra varaśca pratigṛhyatām || 36 ||
[Analyze grammar]

kuśika uvāca |
agnimadhyagatenedaṃ bhagavansaṃnidhau mayā |
vartitaṃ bhṛguśārdūla yanna dagdho'smi tadbahu || 37 ||
[Analyze grammar]

eṣa eva varo mukhyaḥ prāpto me bhṛgunandana |
yatprīto'si samācārātkulaṃ pūtaṃ mamānagha || 38 ||
[Analyze grammar]

eṣa me'nugraho vipra jīvite ca prayojanam |
etadrājyaphalaṃ caiva tapaścaitatparaṃ mama || 39 ||
[Analyze grammar]

yadi tu prītimānvipra mayi tvaṃ bhṛgunandana |
asti me saṃśayaḥ kaścittanme vyākhyātumarhasi || 40 ||
[Analyze grammar]