Chapter 53

yudhiṣṭhira uvāca |
tasminnantarhite vipre rājā kimakarottadā |
bhāryā cāsya mahābhāgā tanme brūhi pitāmaha || 1 ||
[Analyze grammar]

bhīṣma uvāca |
adṛṣṭvā sa mahīpālastamṛṣiṃ saha bhāryayā |
pariśrānto nivavṛte vrīḍito naṣṭacetanaḥ || 2 ||
[Analyze grammar]

sa praviśya purīṃ dīno nābhyabhāṣata kiṃcana |
tadeva cintayāmāsa cyavanasya viceṣṭitam || 3 ||
[Analyze grammar]

atha śūnyena manasā praviveśa gṛhaṃ nṛpaḥ |
dadarśa śayane tasmiñśayānaṃ bhṛgunandanam || 4 ||
[Analyze grammar]

vismitau tau tu dṛṣṭvā taṃ tadāścaryaṃ vicintya ca |
darśanāttasya ca munerviśrāntau saṃbabhūvatuḥ || 5 ||
[Analyze grammar]

yathāsthānaṃ tu tau sthitvā bhūyastaṃ saṃvavāhatuḥ |
athāpareṇa pārśvena suṣvāpa sa mahāmuniḥ || 6 ||
[Analyze grammar]

tenaiva ca sa kālena pratyabudhyata vīryavān |
na ca tau cakratuḥ kiṃcidvikāraṃ bhayaśaṅkitau || 7 ||
[Analyze grammar]

pratibuddhastu sa munistau provāca viśāṃ pate |
tailābhyaṅgo dīyatāṃ me snāsye'hamiti bhārata || 8 ||
[Analyze grammar]

tatheti tau pratiśrutya kṣudhitau śramakarśitau |
śatapākena tailena mahārheṇopatasthatuḥ || 9 ||
[Analyze grammar]

tataḥ sukhāsīnamṛṣiṃ vāgyatau saṃvavāhatuḥ |
na ca paryāptamityāha bhārgavaḥ sumahātapāḥ || 10 ||
[Analyze grammar]

yadā tau nirvikārau tu lakṣayāmāsa bhārgavaḥ |
tata utthāya sahasā snānaśālāṃ viveśa ha |
kḷptameva tu tatrāsītsnānīyaṃ pārthivocitam || 11 ||
[Analyze grammar]

asatkṛtya tu tatsarvaṃ tatraivāntaradhīyata |
sa muniḥ punarevātha nṛpateḥ paśyatastadā |
nāsūyāṃ cakratustau ca daṃpatī bharatarṣabha || 12 ||
[Analyze grammar]

atha snātaḥ sa bhagavānsiṃhāsanagataḥ prabhuḥ |
darśayāmāsa kuśikaṃ sabhāryaṃ bhṛgunandanaḥ || 13 ||
[Analyze grammar]

saṃhṛṣṭavadano rājā sabhāryaḥ kuśiko munim |
siddhamannamiti prahvo nirvikāro nyavedayat || 14 ||
[Analyze grammar]

ānīyatāmiti munistaṃ covāca narādhipam |
rājā ca samupājahre tadannaṃ saha bhāryayā || 15 ||
[Analyze grammar]

māṃsaprakārānvividhāñśākāni vividhāni ca |
vesavāravikārāṃśca pānakāni laghūni ca || 16 ||
[Analyze grammar]

rasālāpūpakāṃścitrānmodakānatha ṣāḍavān |
rasānnānāprakārāṃśca vanyaṃ ca munibhojanam || 17 ||
[Analyze grammar]

phalāni ca vicitrāṇi tathā bhojyāni bhūriśaḥ |
badareṅgudakāśmaryabhallātakavaṭāni ca || 18 ||
[Analyze grammar]

gṛhasthānāṃ ca yadbhojyaṃ yaccāpi vanavāsinām |
sarvamāhārayāmāsa rājā śāpabhayānmuneḥ || 19 ||
[Analyze grammar]

atha sarvamupanyastamagrataścyavanasya tat |
tataḥ sarvaṃ samānīya tacca śayyāsanaṃ muniḥ || 20 ||
[Analyze grammar]

vastraiḥ śubhairavacchādya bhojanopaskaraiḥ saha |
sarvamādīpayāmāsa cyavano bhṛgunandanaḥ || 21 ||
[Analyze grammar]

na ca tau cakratuḥ kopaṃ daṃpatī sumahāvratau |
tayoḥ saṃprekṣatoreva punarantarhito'bhavat || 22 ||
[Analyze grammar]

tatraiva ca sa rājarṣistasthau tāṃ rajanīṃ tadā |
sabhāryo vāgyataḥ śrīmānna ca taṃ kopa āviśat || 23 ||
[Analyze grammar]

nityaṃ saṃskṛtamannaṃ tu vividhaṃ rājaveśmani |
śayanāni ca mukhyāni pariṣekāśca puṣkalāḥ || 24 ||
[Analyze grammar]

vastraṃ ca vividhākāramabhavatsamupārjitam |
na śaśāka tato draṣṭumantaraṃ cyavanastadā || 25 ||
[Analyze grammar]

punareva ca viprarṣiḥ provāca kuśikaṃ nṛpam |
sabhāryo māṃ rathenāśu vaha yatra bravīmyaham || 26 ||
[Analyze grammar]

tatheti ca prāha nṛpo nirviśaṅkastapodhanam |
krīḍāratho'stu bhagavannuta sāṃgrāmiko rathaḥ || 27 ||
[Analyze grammar]

ityuktaḥ sa munistena rājñā hṛṣṭena tadvacaḥ |
cyavanaḥ pratyuvācedaṃ hṛṣṭaḥ parapuraṃjayam || 28 ||
[Analyze grammar]

sajjīkuru rathaṃ kṣipraṃ yaste sāṃgrāmiko mataḥ |
sāyudhaḥ sapatākaśca saśaktiḥ kaṇayaṣṭimān || 29 ||
[Analyze grammar]

kiṅkiṇīśatanirghoṣo yuktastomarakalpanaiḥ |
gadākhaḍganibaddhaśca parameṣuśatānvitaḥ || 30 ||
[Analyze grammar]

tataḥ sa taṃ tathetyuktvā kalpayitvā mahāratham |
bhāryāṃ vāme dhuri tadā cātmānaṃ dakṣiṇe tathā || 31 ||
[Analyze grammar]

tridaṃṣṭraṃ vajrasūcyagraṃ pratodaṃ tatra cādadhat |
sarvametattato dattvā nṛpo vākyamathābravīt || 32 ||
[Analyze grammar]

bhagavankva ratho yātu bravītu bhṛgunandanaḥ |
yatra vakṣyasi viprarṣe tatra yāsyati te rathaḥ || 33 ||
[Analyze grammar]

evamuktastu bhagavānpratyuvācātha taṃ nṛpam |
itaḥprabhṛti yātavyaṃ padakaṃ padakaṃ śanaiḥ || 34 ||
[Analyze grammar]

śramo mama yathā na syāttathā me chandacāriṇau |
sukhaṃ caivāsmi voḍhavyo janaḥ sarvaśca paśyatu || 35 ||
[Analyze grammar]

notsāryaḥ pathikaḥ kaścittebhyo dāsyāmyahaṃ vasu |
brāhmaṇebhyaśca ye kāmānarthayiṣyanti māṃ pathi || 36 ||
[Analyze grammar]

sarvaṃ dāsyāmyaśeṣeṇa dhanaṃ ratnāni caiva hi |
kriyatāṃ nikhilenaitanmā vicāraya pārthiva || 37 ||
[Analyze grammar]

tasya tadvacanaṃ śrutvā rājā bhṛtyānathābravīt |
yadyadbrūyānmunistattatsarvaṃ deyamaśaṅkitaiḥ || 38 ||
[Analyze grammar]

tato ratnānyanekāni striyo yugyamajāvikam |
kṛtākṛtaṃ ca kanakaṃ gajendrāścācalopamāḥ || 39 ||
[Analyze grammar]

anvagacchanta tamṛṣiṃ rājāmātyāśca sarvaśaḥ |
hāhābhūtaṃ ca tatsarvamāsīnnagaramārtimat || 40 ||
[Analyze grammar]

tau tīkṣṇāgreṇa sahasā pratodena pracoditau |
pṛṣṭhe viddhau kaṭe caiva nirvikārau tamūhatuḥ || 41 ||
[Analyze grammar]

vepamānau virāhārau pañcāśadrātrakarśitau |
kathaṃcidūhaturvīrau daṃpatī taṃ rathottamam || 42 ||
[Analyze grammar]

bahuśo bhṛśaviddhau tau kṣaramāṇau kṣatodbhavam |
dadṛśāte mahārāja puṣpitāviva kiṃśukau || 43 ||
[Analyze grammar]

tau dṛṣṭvā pauravargastu bhṛśaṃ śokaparāyaṇaḥ |
abhiśāpabhayāttrasto na ca kiṃciduvāca ha || 44 ||
[Analyze grammar]

dvandvaśaścābruvansarve paśyadhvaṃ tapaso balam |
kruddhā api muniśreṣṭhaṃ vīkṣituṃ naiva śaknumaḥ || 45 ||
[Analyze grammar]

aho bhagavato vīryaṃ maharṣerbhāvitātmanaḥ |
rājñaścāpi sabhāryasya dhairyaṃ paśyata yādṛśam || 46 ||
[Analyze grammar]

śrāntāvapi hi kṛcchreṇa rathametaṃ samūhatuḥ |
na caitayorvikāraṃ vai dadarśa bhṛgunandanaḥ || 47 ||
[Analyze grammar]

bhīṣma uvāca |
tataḥ sa nirvikārau tau dṛṣṭvā bhṛgukulodvahaḥ |
vasu viśrāṇayāmāsa yathā vaiśravaṇastathā || 48 ||
[Analyze grammar]

tatrāpi rājā prītātmā yathājñaptamathākarot |
tato'sya bhagavānprīto babhūva munisattamaḥ || 49 ||
[Analyze grammar]

avatīrya rathaśreṣṭhāddaṃpatī tau mumoca ha |
vimocya caitau vidhivattato vākyamuvāca ha || 50 ||
[Analyze grammar]

snigdhagambhīrayā vācā bhārgavaḥ suprasannayā |
dadāni vāṃ varaṃ śreṣṭhaṃ tadbrūtāmiti bhārata || 51 ||
[Analyze grammar]

sukumārau ca tau vidvānkarābhyāṃ munisattamaḥ |
pasparśāmṛtakalpābhyāṃ snehādbharatasattama || 52 ||
[Analyze grammar]

athābravīnnṛpo vākyaṃ śramo nāstyāvayoriha |
viśrāntau svaḥ prabhāvātte dhyānenaiveti bhārgava || 53 ||
[Analyze grammar]

atha tau bhagavānprāha prahṛṣṭaścyavanastadā |
na vṛthā vyāhṛtaṃ pūrvaṃ yanmayā tadbhaviṣyati || 54 ||
[Analyze grammar]

ramaṇīyaḥ samuddeśo gaṅgātīramidaṃ śubham |
kaṃcitkālaṃ vrataparo nivatsyāmīha pārthiva || 55 ||
[Analyze grammar]

gamyatāṃ svapuraṃ putra viśrāntaḥ punareṣyasi |
ihasthaṃ māṃ sabhāryastvaṃ draṣṭāsi śvo narādhipa || 56 ||
[Analyze grammar]

na ca manyustvayā kāryaḥ śreyaste samupasthitam |
yatkāṅkṣitaṃ hṛdisthaṃ te tatsarvaṃ saṃbhaviṣyati || 57 ||
[Analyze grammar]

ityevamuktaḥ kuśikaḥ prahṛṣṭenāntarātmanā |
provāca muniśārdūlamidaṃ vacanamarthavat || 58 ||
[Analyze grammar]

na me manyurmahābhāga pūto'smi bhagavaṃstvayā |
saṃvṛttau yauvanasthau svo vapuṣmantau balānvitau || 59 ||
[Analyze grammar]

pratodena vraṇā ye me sabhāryasya kṛtāstvayā |
tānna paśyāmi gātreṣu svastho'smi saha bhāryayā || 60 ||
[Analyze grammar]

imāṃ ca devīṃ paśyāmi mune divyāpsaropamām |
śriyā paramayā yuktāṃ yathādṛṣṭāṃ mayā purā || 61 ||
[Analyze grammar]

tava prasādātsaṃvṛttamidaṃ sarvaṃ mahāmune |
naitaccitraṃ tu bhagavaṃstvayi satyaparākrama || 62 ||
[Analyze grammar]

ityuktaḥ pratyuvācedaṃ cyavanaḥ kuśikaṃ tadā |
āgacchethāḥ sabhāryaśca tvamiheti narādhipa || 63 ||
[Analyze grammar]

ityuktaḥ samanujñāto rājarṣirabhivādya tam |
prayayau vapuṣā yukto nagaraṃ devarājavat || 64 ||
[Analyze grammar]

tata enamupājagmuramātyāḥ sapurohitāḥ |
balasthā gaṇikāyuktāḥ sarvāḥ prakṛtayastathā || 65 ||
[Analyze grammar]

tairvṛtaḥ kuśiko rājā śriyā paramayā jvalan |
praviveśa puraṃ hṛṣṭaḥ pūjyamāno'tha bandibhiḥ || 66 ||
[Analyze grammar]

tataḥ praviśya nagaraṃ kṛtvā sarvāhṇikakriyāḥ |
bhuktvā sabhāryo rajanīmuvāsa sa mahīpatiḥ || 67 ||
[Analyze grammar]

tatastu tau navamabhivīkṣya yauvanaṃ parasparaṃ vigatajarāvivāmarau |
nanandatuḥ śayanagatau vapurdharau śriyā yutau dvijavaradattayā tayā || 68 ||
[Analyze grammar]

sa cāpyṛṣirbhṛgukulakīrtivardhanastapodhano vanamabhirāmamṛddhimat |
manīṣayā bahuvidharatnabhūṣitaṃ sasarja yannāsti śatakratorapi || 69 ||
[Analyze grammar]