Chapter 52

yudhiṣṭhira uvāca |
saṃśayo me mahāprājña sumahānsāgaropamaḥ |
tanme śṛṇu mahābāho śrutvā cākhyātumarhasi || 1 ||
[Analyze grammar]

kautūhalaṃ me sumahajjāmadagnyaṃ prati prabho |
rāmaṃ dharmabhṛtāṃ śreṣṭhaṃ tanme vyākhyātumarhasi || 2 ||
[Analyze grammar]

kathameṣa samutpanno rāmaḥ satyaparākramaḥ |
kathaṃ brahmarṣivaṃśe ca kṣatradharmā vyajāyata || 3 ||
[Analyze grammar]

tadasya saṃbhavaṃ rājannikhilenānukīrtaya |
kauśikācca kathaṃ vaṃśātkṣatrādvai brāhmaṇo'bhavat || 4 ||
[Analyze grammar]

aho prabhāvaḥ sumahānāsīdvai sumahātmanoḥ |
rāmasya ca naravyāghra viśvāmitrasya caiva ha || 5 ||
[Analyze grammar]

kathaṃ putrānatikramya teṣāṃ naptṛṣvathābhavat |
eṣa doṣaḥ sutānhitvā tanme vyākhyātumarhasi || 6 ||
[Analyze grammar]

bhīṣma uvāca |
atrāpyudāharantīmamitihāsaṃ purātanam |
cyavanasya ca saṃvādaṃ kuśikasya ca bhārata || 7 ||
[Analyze grammar]

etaṃ doṣaṃ purā dṛṣṭvā bhārgavaścyavanastadā |
āgāminaṃ mahābuddhiḥ svavaṃśe munipuṃgavaḥ || 8 ||
[Analyze grammar]

saṃcintya manasā sarvaṃ guṇadoṣabalābalam |
dagdhukāmaḥ kulaṃ sarvaṃ kuśikānāṃ tapodhanaḥ || 9 ||
[Analyze grammar]

cyavanastamanuprāpya kuśikaṃ vākyamabravīt |
vastumicchā samutpannā tvayā saha mamānagha || 10 ||
[Analyze grammar]

kuśika uvāca |
bhagavansahadharmo'yaṃ paṇḍitairiha dhāryate |
pradānakāle kanyānāmucyate ca sadā budhaiḥ || 11 ||
[Analyze grammar]

yattu tāvadatikrāntaṃ dharmadvāraṃ tapodhana |
tatkāryaṃ prakariṣyāmi tadanujñātumarhasi || 12 ||
[Analyze grammar]

bhīṣma uvāca |
athāsanamupādāya cyavanasya mahāmuneḥ |
kuśiko bhāryayā sārdhamājagāma yato muniḥ || 13 ||
[Analyze grammar]

pragṛhya rājā bhṛṅgāraṃ pādyamasmai nyavedayat |
kārayāmāsa sarvāśca kriyāstasya mahātmanaḥ || 14 ||
[Analyze grammar]

tataḥ sa rājā cyavanaṃ madhuparkaṃ yathāvidhi |
pratyagrāhayadavyagro mahātmā niyatavrataḥ || 15 ||
[Analyze grammar]

satkṛtya sa tathā vipramidaṃ vacanamabravīt |
bhagavanparavantau svo brūhi kiṃ karavāvahe || 16 ||
[Analyze grammar]

yadi rājyaṃ yadi dhanaṃ yadi gāḥ saṃśitavrata |
yajñadānāni ca tathā brūhi sarvaṃ dadāmi te || 17 ||
[Analyze grammar]

idaṃ gṛhamidaṃ rājyamidaṃ dharmāsanaṃ ca te |
rājā tvamasi śādhyurvīṃ bhṛtyo'haṃ paravāṃstvayi || 18 ||
[Analyze grammar]

evamukte tato vākye cyavano bhārgavastadā |
kuśikaṃ pratyuvācedaṃ mudā paramayā yutaḥ || 19 ||
[Analyze grammar]

na rājyaṃ kāmaye rājanna dhanaṃ na ca yoṣitaḥ |
na ca gā na ca te deśānna yajñāñśrūyatāmidam || 20 ||
[Analyze grammar]

niyamaṃ kaṃcidārapsye yuvayoryadi rocate |
paricaryo'smi yattābhyāṃ yuvābhyāmaviśaṅkayā || 21 ||
[Analyze grammar]

evamukte tadā tena daṃpatī tau jaharṣatuḥ |
pratyabrūtāṃ ca tamṛṣimevamastviti bhārata || 22 ||
[Analyze grammar]

atha taṃ kuśiko hṛṣṭaḥ prāveśayadanuttamam |
gṛhoddeśaṃ tatastatra darśanīyamadarśayat || 23 ||
[Analyze grammar]

iyaṃ śayyā bhagavato yathākāmamihoṣyatām |
prayatiṣyāvahe prītimāhartuṃ te tapodhana || 24 ||
[Analyze grammar]

atha sūryo'ticakrāma teṣāṃ saṃvadatāṃ tathā |
atharṣiścodayāmāsa pānamannaṃ tathaiva ca || 25 ||
[Analyze grammar]

tamapṛcchattato rājā kuśikaḥ praṇatastadā |
kimannajātamiṣṭaṃ te kimupasthāpayāmyaham || 26 ||
[Analyze grammar]

tataḥ sa parayā prītyā pratyuvāca janādhipam |
aupapattikamāhāraṃ prayacchasveti bhārata || 27 ||
[Analyze grammar]

tadvacaḥ pūjayitvā tu tathetyāha sa pārthivaḥ |
yathopapannaṃ cāhāraṃ tasmai prādājjanādhipaḥ || 28 ||
[Analyze grammar]

tataḥ sa bhagavānbhuktvā daṃpatī prāha dharmavit |
svaptumicchāmyahaṃ nidrā bādhate māmiti prabho || 29 ||
[Analyze grammar]

tataḥ śayyāgṛhaṃ prāpya bhagavānṛṣisattamaḥ |
saṃviveśa narendrastu sapatnīkaḥ sthito'bhavat || 30 ||
[Analyze grammar]

na prabodhyo'smi saṃsupta ityuvācātha bhārgavaḥ |
saṃvāhitavyau pādau me jāgartavyaṃ ca vāṃ niśi || 31 ||
[Analyze grammar]

aviśaṅkaśca kuśikastathetyāha sa dharmavit |
na prabodhayatāṃ taṃ ca tau tadā rajanīkṣaye || 32 ||
[Analyze grammar]

yathādeśaṃ maharṣestu śuśrūṣāparamau tadā |
babhūvaturmahārāja prayatāvatha daṃpatī || 33 ||
[Analyze grammar]

tataḥ sa bhagavānvipraḥ samādiśya narādhipam |
suṣvāpaikena pārśvena divasānekaviṃśatim || 34 ||
[Analyze grammar]

sa tu rājā nirāhāraḥ sabhāryaḥ kurunandana |
paryupāsata taṃ hṛṣṭaścyavanārādhane rataḥ || 35 ||
[Analyze grammar]

bhārgavastu samuttasthau svayameva tapodhanaḥ |
akiṃciduktvā tu gṛhānniścakrāma mahātapāḥ || 36 ||
[Analyze grammar]

tamanvagacchatāṃ tau tu kṣudhitau śramakarśitau |
bhāryāpatī muniśreṣṭho na ca tāvavalokayat || 37 ||
[Analyze grammar]

tayostu prekṣatoreva bhārgavāṇāṃ kulodvahaḥ |
antarhito'bhūdrājendra tato rājāpatatkṣitau || 38 ||
[Analyze grammar]

sa muhūrtaṃ samāśvasya saha devyā mahādyutiḥ |
punaranveṣaṇe yatnamakarotparamaṃ tadā || 39 ||
[Analyze grammar]