Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 50

< Previous

Next >

yudhiṣṭhira uvāca |
darśane kīdṛśaḥ snehaḥ saṃvāse ca pitāmaha |
mahābhāgyaṃ gavāṃ caiva tanme brūhi pitāmaha || 1 ||
[Analyze grammar]

bhīṣma uvāca |
hanta te kathayiṣyāmi purāvṛttaṃ mahādyute |
nahuṣasya ca saṃvādaṃ maharṣeścyavanasya ca || 2 ||
[Analyze grammar]

purā maharṣiścyavano bhārgavo bharatarṣabha |
udavāsakṛtārambho babhūva sumahāvrataḥ || 3 ||
[Analyze grammar]

nihatya mānaṃ krodhaṃ ca praharṣaṃ śokameva ca |
varṣāṇi dvādaśa munirjalavāse dhṛtavrataḥ || 4 ||
[Analyze grammar]

ādadhatsarvabhūteṣu visrambhaṃ paramaṃ śubham |
jalecareṣu sattveṣu śītaraśmiriva prabhuḥ || 5 ||
[Analyze grammar]

sthāṇubhūtaḥ śucirbhūtvā daivatebhyaḥ praṇamya ca |
gaṅgāyamunayormadhye jalaṃ saṃpraviveśa ha || 6 ||
[Analyze grammar]

gaṅgāyamunayorvegaṃ subhīmaṃ bhīmaniḥsvanam |
pratijagrāha śirasā vātavegasamaṃ jave || 7 ||
[Analyze grammar]

gaṅgā ca yamunā caiva saritaścānugāstayoḥ |
pradakṣiṇamṛṣiṃ cakrurna cainaṃ paryapīḍayan || 8 ||
[Analyze grammar]

antarjale sa suṣvāpa kāṣṭhabhūto mahāmuniḥ |
tataścordhvasthito dhīmānabhavadbharatarṣabha || 9 ||
[Analyze grammar]

jalaukasāṃ sa sattvānāṃ babhūva priyadarśanaḥ |
upājighranta ca tadā matsyāstaṃ hṛṣṭamānasāḥ |
tatra tasyāsataḥ kālaḥ samatīto'bhavanmahān || 10 ||
[Analyze grammar]

tataḥ kadācitsamaye kasmiṃścinmatsyajīvinaḥ |
taṃ deśaṃ samupājagmurjālahastā mahādyute || 11 ||
[Analyze grammar]

niṣādā bahavastatra matsyoddharaṇaniścitāḥ |
vyāyatā balinaḥ śūrāḥ salileṣvanivartinaḥ |
abhyāyayuśca taṃ deśaṃ niścitā jālakarmaṇi || 12 ||
[Analyze grammar]

jālaṃ ca yojayāmāsurviśeṣeṇa janādhipa |
matsyodakaṃ samāsādya tadā bharatasattama || 13 ||
[Analyze grammar]

tataste bahubhiryogaiḥ kaivartā matsyakāṅkṣiṇaḥ |
gaṅgāyamunayorvāri jālairabhyakiraṃstataḥ || 14 ||
[Analyze grammar]

jālaṃ suvitataṃ teṣāṃ navasūtrakṛtaṃ tathā |
vistārāyāmasaṃpannaṃ yattatra salile kṣamam || 15 ||
[Analyze grammar]

tataste sumahaccaiva balavacca suvartitam |
prakīrya sarvataḥ sarve jālaṃ cakṛṣire tadā || 16 ||
[Analyze grammar]

abhītarūpāḥ saṃhṛṣṭāste'nyonyavaśavartinaḥ |
babandhustatra matsyāṃśca tathānyāñjalacāriṇaḥ || 17 ||
[Analyze grammar]

tathā matsyaiḥ parivṛtaṃ cyavanaṃ bhṛgunandanam |
ākarṣanta mahārāja jālenātha yadṛcchayā || 18 ||
[Analyze grammar]

nadīśaivaladigdhāṅgaṃ hariśmaśrujaṭādharam |
lagnaiḥ śaṅkhagaṇairgātraiḥ koṣṭhaiścitrairivāvṛtam || 19 ||
[Analyze grammar]

taṃ jālenoddhṛtaṃ dṛṣṭvā te tadā vedapāragam |
sarve prāñjalayo dāśāḥ śirobhiḥ prāpatanbhuvi || 20 ||
[Analyze grammar]

parikhedaparitrāsājjālasyākarṣaṇena ca |
matsyā babhūvurvyāpannāḥ sthalasaṃkarṣaṇena ca || 21 ||
[Analyze grammar]

sa munistattadā dṛṣṭvā matsyānāṃ kadanaṃ kṛtam |
babhūva kṛpayāviṣṭo niḥśvasaṃśca punaḥ punaḥ || 22 ||
[Analyze grammar]

niṣādā ūcuḥ |
ajñānādyatkṛtaṃ pāpaṃ prasādaṃ tatra naḥ kuru |
karavāma priyaṃ kiṃ te tanno brūhi mahāmune || 23 ||
[Analyze grammar]

bhīṣma uvāca |
ityukto matsyamadhyasthaścyavano vākyamabravīt |
yo me'dya paramaḥ kāmastaṃ śṛṇudhvaṃ samāhitāḥ || 24 ||
[Analyze grammar]

prāṇotsargaṃ vikrayaṃ vā matsyairyāsyāmyahaṃ saha |
saṃvāsānnotsahe tyaktuṃ salilādhyuṣitānimān || 25 ||
[Analyze grammar]

ityuktāste niṣādāstu subhṛśaṃ bhayakampitāḥ |
sarve viṣaṇṇavadanā nahuṣāya nyavedayan || 26 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 50

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!