Chapter 24

yudhiṣṭhira uvāca |
śrāddhakāle ca daive ca dharme cāpi pitāmaha |
icchāmīha tvayākhyātaṃ vihitaṃ yatsurarṣibhiḥ || 1 ||
[Analyze grammar]

bhīṣma uvāca |
daivaṃ pūrvāhṇike kuryādaparāhṇe tu paitṛkam |
maṅgalācārasaṃpannaḥ kṛtaśaucaḥ prayatnavān || 2 ||
[Analyze grammar]

manuṣyāṇāṃ tu madhyāhne pradadyādupapattitaḥ |
kālahīnaṃ tu yaddānaṃ taṃ bhāgaṃ rakṣasāṃ viduḥ || 3 ||
[Analyze grammar]

laṅghitaṃ cāvalīḍhaṃ ca kalipūrvaṃ ca yatkṛtam |
rajasvalābhirdṛṣṭaṃ ca taṃ bhāgaṃ rakṣasāṃ viduḥ || 4 ||
[Analyze grammar]

avaghuṣṭaṃ ca yadbhuktamavratena ca bhārata |
parāmṛṣṭaṃ śunā caiva taṃ bhāgaṃ rakṣasāṃ viduḥ || 5 ||
[Analyze grammar]

keśakīṭāvapatitaṃ kṣutaṃ śvabhiravekṣitam |
ruditaṃ cāvadhūtaṃ ca taṃ bhāgaṃ rakṣasāṃ viduḥ || 6 ||
[Analyze grammar]

niroṃkāreṇa yadbhuktaṃ saśastreṇa ca bhārata |
durātmanā ca yadbhuktaṃ taṃ bhāgaṃ rakṣasāṃ viduḥ || 7 ||
[Analyze grammar]

parocchiṣṭaṃ ca yadbhuktaṃ paribhuktaṃ ca yadbhavet |
daive pitrye ca satataṃ taṃ bhāgaṃ rakṣasāṃ viduḥ || 8 ||
[Analyze grammar]

garhitaṃ ninditaṃ caiva pariviṣṭaṃ samanyunā |
daivaṃ vāpyatha vā paitryaṃ taṃ bhāgaṃ rakṣasāṃ viduḥ || 9 ||
[Analyze grammar]

mantrahīnaṃ kriyāhīnaṃ yacchrāddhaṃ pariviṣyate |
tribhirvarṇairnaraśreṣṭha taṃ bhāgaṃ rakṣasāṃ viduḥ || 10 ||
[Analyze grammar]

ājyāhutiṃ vinā caiva yatkiṃcitpariviṣyate |
durācāraiśca yadbhuktaṃ taṃ bhāgaṃ rakṣasāṃ viduḥ || 11 ||
[Analyze grammar]

ye bhāgā rakṣasāṃ proktāsta uktā bharatarṣabha |
ata ūrdhvaṃ visargasya parīkṣāṃ brāhmaṇe śṛṇu || 12 ||
[Analyze grammar]

yāvantaḥ patitā viprā jaḍonmattāstathaiva ca |
daive vāpyatha vā pitrye rājannārhanti ketanam || 13 ||
[Analyze grammar]

śvitrī kuṣṭhī ca klībaśca tathā yakṣmahataśca yaḥ |
apasmārī ca yaścāndho rājannārhanti satkṛtim || 14 ||
[Analyze grammar]

cikitsakā devalakā vṛthāniyamadhāriṇaḥ |
somavikrayiṇaścaiva śrāddhe nārhanti ketanam || 15 ||
[Analyze grammar]

gāyanā nartakāścaiva plavakā vādakāstathā |
kathakā yodhakāścaiva rājannārhanti ketanam || 16 ||
[Analyze grammar]

hotāro vṛṣalānāṃ ca vṛṣalādhyāpakāstathā |
tathā vṛṣalaśiṣyāśca rājannārhanti ketanam || 17 ||
[Analyze grammar]

anuyoktā ca yo vipro anuyuktaśca bhārata |
nārhatastāvapi śrāddhaṃ brahmavikrayiṇau hi tau || 18 ||
[Analyze grammar]

agraṇīryaḥ kṛtaḥ pūrvaṃ varṇāvaraparigrahaḥ |
brāhmaṇaḥ sarvavidyo'pi rājannārhati ketanam || 19 ||
[Analyze grammar]

anagnayaśca ye viprā mṛtaniryātakāśca ye |
stenāśca patitāścaiva rājannārhanti ketanam || 20 ||
[Analyze grammar]

aparijñātapūrvāśca gaṇapūrvāśca bhārata |
putrikāpūrvaputrāśca śrāddhe nārhanti ketanam || 21 ||
[Analyze grammar]

ṛṇakartā ca yo rājanyaśca vārdhuṣiko dvijaḥ |
prāṇivikrayavṛttiśca rājannārhanti ketanam || 22 ||
[Analyze grammar]

strīpūrvāḥ kāṇḍapṛṣṭhāśca yāvanto bharatarṣabha |
ajapā brāhmaṇāścaiva śrāddhe nārhanti ketanam || 23 ||
[Analyze grammar]

śrāddhe daive ca nirdiṣṭā brāhmaṇā bharatarṣabha |
dātuḥ pratigrahītuśca śṛṇuṣvānugrahaṃ punaḥ || 24 ||
[Analyze grammar]

cīrṇavratā guṇairyuktā bhaveyurye'pi karṣakāḥ |
sāvitrījñāḥ kriyāvantaste rājanketanakṣamāḥ || 25 ||
[Analyze grammar]

kṣātradharmiṇamapyājau ketayetkulajaṃ dvijam |
na tveva vaṇijaṃ tāta śrāddheṣu parikalpayet || 26 ||
[Analyze grammar]

agnihotrī ca yo vipro grāmavāsī ca yo bhavet |
astenaścātithijñaśca sa rājanketanakṣamaḥ || 27 ||
[Analyze grammar]

sāvitrīṃ japate yastu trikālaṃ bharatarṣabha |
bhikṣāvṛttiḥ kriyāvāṃśca sa rājanketanakṣamaḥ || 28 ||
[Analyze grammar]

uditāstamito yaśca tathaivāstamitoditaḥ |
ahiṃsraścālpadoṣaśca sa rājanketanakṣamaḥ || 29 ||
[Analyze grammar]

akalkako hyatarkaśca brāhmaṇo bharatarṣabha |
sasaṃjño bhaikṣyavṛttiśca sa rājanketanakṣamaḥ || 30 ||
[Analyze grammar]

avratī kitavaḥ stenaḥ prāṇivikrayyatho vaṇik |
paścācca pītavānsomaṃ sa rājanketanakṣamaḥ || 31 ||
[Analyze grammar]

arjayitvā dhanaṃ pūrvaṃ dāruṇaiḥ kṛṣikarmabhiḥ |
bhavetsarvātithiḥ paścātsa rājanketanakṣamaḥ || 32 ||
[Analyze grammar]

brahmavikrayanirdiṣṭaṃ striyā yaccārjitaṃ dhanam |
adeyaṃ pitṛdevebhyo yacca klaibyādupārjitam || 33 ||
[Analyze grammar]

kriyamāṇe'pavarge tu yo dvijo bharatarṣabha |
na vyāharati yadyuktaṃ tasyādharmo gavānṛtam || 34 ||
[Analyze grammar]

śrāddhasya brāhmaṇaḥ kālaḥ prāptaṃ dadhi ghṛtaṃ tathā |
somakṣayaśca māṃsaṃ ca yadāraṇyaṃ yudhiṣṭhira || 35 ||
[Analyze grammar]

śrāddhāpavarge viprasya svadhā vai svaditā bhavet |
kṣatriyasyāpyatho brūyātprīyantāṃ pitarastviti || 36 ||
[Analyze grammar]

apavarge tu vaiśyasya śrāddhakarmaṇi bhārata |
akṣayyamabhidhātavyaṃ svasti śūdrasya bhārata || 37 ||
[Analyze grammar]

puṇyāhavācanaṃ daive brāhmaṇasya vidhīyate |
etadeva niroṃkāraṃ kṣatriyasya vidhīyate |
vaiśyasya caiva vaktavyaṃ prīyantāṃ devatā iti || 38 ||
[Analyze grammar]

karmaṇāmānupūrvīṃ ca vidhipūrvakṛtaṃ śṛṇu |
jātakarmādikānsarvāṃstriṣu varṇeṣu bhārata |
brahmakṣatre hi mantroktā vaiśyasya ca yudhiṣṭhira || 39 ||
[Analyze grammar]

viprasya raśanā mauñjī maurvī rājanyagāminī |
bālvajītyeva vaiśyasya dharma eṣa yudhiṣṭhira || 40 ||
[Analyze grammar]

dātuḥ pratigrahītuśca dharmādharmāvimau śṛṇu |
brāhmaṇasyānṛte'dharmaḥ proktaḥ pātakasaṃjñitaḥ |
caturguṇaḥ kṣatriyasya vaiśyasyāṣṭaguṇaḥ smṛtaḥ || 41 ||
[Analyze grammar]

nānyatra brāhmaṇo'śnīyātpūrvaṃ vipreṇa ketitaḥ |
yavīyānpaśuhiṃsāyāṃ tulyadharmo bhavetsa hi || 42 ||
[Analyze grammar]

atha rājanyavaiśyābhyāṃ yadyaśnīyāttu ketitaḥ |
yavīyānpaśuhiṃsāyāṃ bhāgārdhaṃ samavāpnuyāt || 43 ||
[Analyze grammar]

daivaṃ vāpyatha vā pitryaṃ yo'śnīyādbrāhmaṇādiṣu |
asnāto brāhmaṇo rājaṃstasyādharmo gavānṛtam || 44 ||
[Analyze grammar]

āśauco brāhmaṇo rājanyo'śnīyādbrāhmaṇādiṣu |
jñānapūrvamatho lobhāttasyādharmo gavānṛtam || 45 ||
[Analyze grammar]

annenānnaṃ ca yo lipsetkarmārthaṃ caiva bhārata |
āmantrayati rājendra tasyādharmo'nṛtaṃ smṛtam || 46 ||
[Analyze grammar]

avedavratacāritrāstribhirvarṇairyudhiṣṭhira |
mantravatpariviṣyante teṣvadharmo gavānṛtam || 47 ||
[Analyze grammar]

yudhiṣṭhira uvāca |
pitryaṃ vāpyatha vā daivaṃ dīyate yatpitāmaha |
etadicchāmyahaṃ śrotuṃ dattaṃ yeṣu mahāphalam || 48 ||
[Analyze grammar]

bhīṣma uvāca |
yeṣāṃ dārāḥ pratīkṣante suvṛṣṭimiva karṣakāḥ |
uccheṣapariśeṣaṃ hi tānbhojaya yudhiṣṭhira || 49 ||
[Analyze grammar]

cāritraniyatā rājanye kṛśāḥ kṛśavṛttayaḥ |
arthinaścopagacchanti teṣu dattaṃ mahāphalam || 50 ||
[Analyze grammar]

tadbhaktāstadgṛhā rājaṃstaddhanāstadapāśrayāḥ |
arthinaśca bhavantyarthe teṣu dattaṃ mahāphalam || 51 ||
[Analyze grammar]

taskarebhyaḥ parebhyo vā ye bhayārtā yudhiṣṭhira |
arthino bhoktumicchanti teṣu dattaṃ mahāphalam || 52 ||
[Analyze grammar]

akalkakasya viprasya bhaikṣotkarakṛtātmanaḥ |
baṭavo yasya bhikṣanti tebhyo dattaṃ mahāphalam || 53 ||
[Analyze grammar]

hṛtasvā hṛtadārāśca ye viprā deśasaṃplave |
arthārthamabhigacchanti tebhyo dattaṃ mahāphalam || 54 ||
[Analyze grammar]

vratino niyamasthāśca ye viprāḥ śrutasaṃmatāḥ |
tatsamāptyarthamicchanti teṣu dattaṃ mahāphalam || 55 ||
[Analyze grammar]

avyutkrāntāśca dharmeṣu pāṣaṇḍasamayeṣu ca |
kṛśaprāṇāḥ kṛśadhanāsteṣu dattaṃ mahāphalam || 56 ||
[Analyze grammar]

kṛtasarvasvaharaṇā nirdoṣāḥ prabhaviṣṇubhiḥ |
spṛhayanti ca bhuktānnaṃ teṣu dattaṃ mahāphalam || 57 ||
[Analyze grammar]

tapasvinastaponiṣṭhāsteṣāṃ bhaikṣacarāśca ye |
arthinaḥ kiṃcidicchanti teṣu dattaṃ mahāphalam || 58 ||
[Analyze grammar]

mahāphalavidhirdāne śrutaste bharatarṣabha |
nirayaṃ yena gacchanti svargaṃ caiva hi tacchṛṇu || 59 ||
[Analyze grammar]

gurvarthaṃ vābhayārthaṃ vā varjayitvā yudhiṣṭhira |
ye'nṛtaṃ kathayanti sma te vai nirayagāminaḥ || 60 ||
[Analyze grammar]

paradārābhihartāraḥ paradārābhimarśinaḥ |
paradāraprayoktāraste vai nirayagāminaḥ || 61 ||
[Analyze grammar]

ye parasvāpahartāraḥ parasvānāṃ ca nāśakāḥ |
sūcakāśca pareṣāṃ ye te vai nirayagāminaḥ || 62 ||
[Analyze grammar]

prapāṇāṃ ca sabhānāṃ ca saṃkramāṇāṃ ca bhārata |
agārāṇāṃ ca bhettāro narā nirayagāminaḥ || 63 ||
[Analyze grammar]

anāthāṃ pramadāṃ bālāṃ vṛddhāṃ bhītāṃ tapasvinīm |
vañcayanti narā ye ca te vai nirayagāminaḥ || 64 ||
[Analyze grammar]

vṛtticchedaṃ gṛhacchedaṃ dāracchedaṃ ca bhārata |
mitracchedaṃ tathāśāyāste vai nirayagāminaḥ || 65 ||
[Analyze grammar]

sūcakāḥ saṃdhibhettāraḥ paravṛttyupajīvakāḥ |
akṛtajñāśca mitrāṇāṃ te vai nirayagāminaḥ || 66 ||
[Analyze grammar]

pāṣaṇḍā dūṣakāścaiva samayānāṃ ca dūṣakāḥ |
ye pratyavasitāścaiva te vai nirayagāminaḥ || 67 ||
[Analyze grammar]

kṛtāśaṃ kṛtanirveśaṃ kṛtabhaktaṃ kṛtaśramam |
bhedairye vyapakarṣanti te vai nirayagāminaḥ || 68 ||
[Analyze grammar]

paryaśnanti ca ye dārānagnibhṛtyātithīṃstathā |
utsannapitṛdevejyāste vai nirayagāminaḥ || 69 ||
[Analyze grammar]

vedavikrayiṇaścaiva vedānāṃ caiva dūṣakāḥ |
vedānāṃ lekhakāścaiva te vai nirayagāminaḥ || 70 ||
[Analyze grammar]

cāturāśramyabāhyāśca śrutibāhyāśca ye narāḥ |
vikarmabhiśca jīvanti te vai nirayagāminaḥ || 71 ||
[Analyze grammar]

keśavikrayikā rājanviṣavikrayikāśca ye |
kṣīravikrayikāścaiva te vai nirayagāminaḥ || 72 ||
[Analyze grammar]

brāhmaṇānāṃ gavāṃ caiva kanyānāṃ ca yudhiṣṭhira |
ye'ntaraṃ yānti kāryeṣu te vai nirayagāminaḥ || 73 ||
[Analyze grammar]

śastravikrayakāścaiva kartāraśca yudhiṣṭhira |
śalyānāṃ dhanuṣāṃ caiva te vai nirayagāminaḥ || 74 ||
[Analyze grammar]

śalyairvā śaṅkubhirvāpi śvabhrairvā bharatarṣabha |
ye mārgamanurundhanti te vai nirayagāminaḥ || 75 ||
[Analyze grammar]

upādhyāyāṃśca bhṛtyāṃśca bhaktāṃśca bharatarṣabha |
ye tyajantyasamarthāṃstāṃste vai nirayagāminaḥ || 76 ||
[Analyze grammar]

aprāptadamakāścaiva nāsānāṃ vedhakāstathā |
bandhakāśca paśūnāṃ ye te vai nirayagāminaḥ || 77 ||
[Analyze grammar]

agoptāraśchaladravyā baliṣaḍbhāgatatparāḥ |
samarthāścāpyadātāraste vai nirayagāminaḥ || 78 ||
[Analyze grammar]

kṣāntāndāntāṃstathā prājñāndīrghakālaṃ sahoṣitān |
tyajanti kṛtakṛtyā ye te vai nirayagāminaḥ || 79 ||
[Analyze grammar]

bālānāmatha vṛddhānāṃ dāsānāṃ caiva ye narāḥ |
adattvā bhakṣayantyagre te vai nirayagāminaḥ || 80 ||
[Analyze grammar]

ete pūrvarṣibhirdṛṣṭāḥ proktā nirayagāminaḥ |
bhāginaḥ svargalokasya vakṣyāmi bharatarṣabha || 81 ||
[Analyze grammar]

sarveṣveva tu kāryeṣu daivapūrveṣu bhārata |
hanti putrānpaśūnkṛtsnānbrāhmaṇātikramaḥ kṛtaḥ || 82 ||
[Analyze grammar]

dānena tapasā caiva satyena ca yudhiṣṭhira |
ye dharmamanuvartante te narāḥ svargagāminaḥ || 83 ||
[Analyze grammar]

śuśrūṣābhistapobhiśca śrutamādāya bhārata |
ye pratigrahaniḥsnehāste narāḥ svargagāminaḥ || 84 ||
[Analyze grammar]

bhayātpāpāttathābādhāddāridryādvyādhidharṣaṇāt |
yatkṛte pratimucyante te narāḥ svargagāminaḥ || 85 ||
[Analyze grammar]

kṣamāvantaśca dhīrāśca dharmakāryeṣu cotthitāḥ |
maṅgalācārayuktāśca te narāḥ svargagāminaḥ || 86 ||
[Analyze grammar]

nivṛttā madhumāṃsebhyaḥ paradārebhya eva ca |
nivṛttāścaiva madyebhyaste narāḥ svargagāminaḥ || 87 ||
[Analyze grammar]

āśramāṇāṃ ca kartāraḥ kulānāṃ caiva bhārata |
deśānāṃ nagarāṇāṃ ca te narāḥ svargagāminaḥ || 88 ||
[Analyze grammar]

vastrābharaṇadātāro bhakṣapānānnadāstathā |
kuṭumbānāṃ ca dātāraste narāḥ svargagāminaḥ || 89 ||
[Analyze grammar]

sarvahiṃsānivṛttāśca narāḥ sarvasahāśca ye |
sarvasyāśrayabhūtāśca te narāḥ svargagāminaḥ || 90 ||
[Analyze grammar]

mātaraṃ pitaraṃ caiva śuśrūṣanti jitendriyāḥ |
bhrātṝṇāṃ caiva sasnehāste narāḥ svargagāminaḥ || 91 ||
[Analyze grammar]

āḍhyāśca balavantaśca yauvanasthāśca bhārata |
ye vai jitendriyā dhīrāste narāḥ svargagāminaḥ || 92 ||
[Analyze grammar]

aparāddheṣu sasnehā mṛdavo mitravatsalāḥ |
ārādhanasukhāścāpi te narāḥ svargagāminaḥ || 93 ||
[Analyze grammar]

sahasrapariveṣṭārastathaiva ca sahasradāḥ |
trātāraśca sahasrāṇāṃ puruṣāḥ svargagāminaḥ || 94 ||
[Analyze grammar]

suvarṇasya ca dātāro gavāṃ ca bharatarṣabha |
yānānāṃ vāhanānāṃ ca te narāḥ svargagāminaḥ || 95 ||
[Analyze grammar]

vaivāhikānāṃ kanyānāṃ preṣyāṇāṃ ca yudhiṣṭhira |
dātāro vāsasāṃ caiva te narāḥ svargagāminaḥ || 96 ||
[Analyze grammar]

vihārāvasathodyānakūpārāmasabhāpradāḥ |
vaprāṇāṃ caiva kartāraste narāḥ svargagāminaḥ || 97 ||
[Analyze grammar]

niveśanānāṃ kṣetrāṇāṃ vasatīnāṃ ca bhārata |
dātāraḥ prārthitānāṃ ca te narāḥ svargagāminaḥ || 98 ||
[Analyze grammar]

rasānāmatha bījānāṃ dhānyānāṃ ca yudhiṣṭhira |
svayamutpādya dātāraḥ puruṣāḥ svargagāminaḥ || 99 ||
[Analyze grammar]

yasminkasminkule jātā bahuputrāḥ śatāyuṣaḥ |
sānukrośā jitakrodhāḥ puruṣāḥ svargagāminaḥ || 100 ||
[Analyze grammar]

etaduktamamutrārthaṃ daivaṃ pitryaṃ ca bhārata |
dharmādharmau ca dānasya yathā pūrvarṣibhiḥ kṛtau || 101 ||
[Analyze grammar]