Chapter 16

kṛṣṇa uvāca |
mūrdhnā nipatya niyatastejaḥsaṃnicaye tataḥ |
paramaṃ harṣamāgamya bhagavantamathābruvam || 1 ||
[Analyze grammar]

dharme dṛḍhatvaṃ yudhi śatrughātaṃ yaśastathāgryaṃ paramaṃ balaṃ ca |
yogapriyatvaṃ tava saṃnikarṣaṃ vṛṇe sutānāṃ ca śataṃ śatāni || 2 ||
[Analyze grammar]

evamastviti tadvākyaṃ mayoktaḥ prāha śaṃkaraḥ || 3 ||
[Analyze grammar]

tato māṃ jagato mātā dharaṇī sarvapāvanī |
uvācomā praṇihitā śarvāṇī tapasāṃ nidhiḥ || 4 ||
[Analyze grammar]

datto bhagavatā putraḥ sāmbo nāma tavānagha |
matto'pyaṣṭau varāniṣṭāngṛhāṇa tvaṃ dadāmi te |
praṇamya śirasā sā ca mayoktā pāṇḍunandana || 5 ||
[Analyze grammar]

dvijeṣvakopaṃ pitṛtaḥ prasādaṃ śataṃ sutānāmupabhogaṃ paraṃ ca |
kule prītiṃ mātṛtaśca prasādaṃ śamaprāptiṃ pravṛṇe cāpi dākṣyam || 6 ||
[Analyze grammar]

devyuvāca |
evaṃ bhaviṣyatyamaraprabhāva nāhaṃ mṛṣā jātu vade kadācit |
bhāryāsahasrāṇi ca ṣoḍaśaiva tāsu priyatvaṃ ca tathākṣayatvam || 7 ||
[Analyze grammar]

prītiṃ cāgryāṃ bāndhavānāṃ sakāśāddadāmi te vapuṣaḥ kāmyatāṃ ca |
bhokṣyante vai saptatirvai śatāni gṛhe tubhyamatithīnāṃ ca nityam || 8 ||
[Analyze grammar]

vāsudeva uvāca |
evaṃ dattvā varāndevo mama devī ca bhārata |
antarhitaḥ kṣaṇe tasminsagaṇo bhīmapūrvaja || 9 ||
[Analyze grammar]

etadatyadbhutaṃ sarvaṃ brāhmaṇāyātitejase |
upamanyave mayā kṛtsnamākhyātaṃ kauravottama || 10 ||
[Analyze grammar]

namaskṛtvā tu sa prāha devadevāya suvrata |
nāsti śarvasamo dāne nāsti śarvasamo raṇe |
nāsti śarvasamo devo nāsti śarvasamā gatiḥ || 11 ||
[Analyze grammar]

ṛṣirāsītkṛte tāta taṇḍirityeva viśrutaḥ |
daśa varṣasahasrāṇi tena devaḥ samādhinā |
ārādhito'bhūdbhaktena tasyodarkaṃ niśāmaya || 12 ||
[Analyze grammar]

sa dṛṣṭavānmahādevamastauṣīcca stavairvibhum |
pavitrāṇāṃ pavitrastvaṃ gatirgatimatāṃ vara |
atyugraṃ tejasāṃ tejastapasāṃ paramaṃ tapaḥ || 13 ||
[Analyze grammar]

viśvāvasuhiraṇyākṣapuruhūtanamaskṛta |
bhūrikalyāṇada vibho purusatya namo'stu te || 14 ||
[Analyze grammar]

jātīmaraṇabhīrūṇāṃ yatīnāṃ yatatāṃ vibho |
nirvāṇada sahasrāṃśo namaste'stu sukhāśraya || 15 ||
[Analyze grammar]

brahmā śatakraturviṣṇurviśvedevā maharṣayaḥ |
na vidustvāṃ tu tattvena kuto vetsyāmahe vayam || 16 ||
[Analyze grammar]

tvattaḥ pravartate kālastvayi kālaśca līyate |
kālākhyaḥ puruṣākhyaśca brahmākhyaśca tvameva hi || 17 ||
[Analyze grammar]

tanavaste smṛtāstisraḥ purāṇajñaiḥ surarṣibhiḥ |
adhipauruṣamadhyātmamadhibhūtādhidaivatam |
adhilokyādhivijñānamadhiyajñastvameva hi || 18 ||
[Analyze grammar]

tvāṃ viditvātmadehasthaṃ durvidaṃ daivatairapi |
vidvāṃso yānti nirmuktāḥ paraṃ bhāvamanāmayam || 19 ||
[Analyze grammar]

anicchatastava vibho janmamṛtyuranekataḥ |
dvāraṃ tvaṃ svargamokṣāṇāmākṣeptā tvaṃ dadāsi ca || 20 ||
[Analyze grammar]

tvameva mokṣaḥ svargaśca kāmaḥ krodhastvameva hi |
sattvaṃ rajastamaścaiva adhaścordhvaṃ tvameva hi || 21 ||
[Analyze grammar]

brahmā viṣṇuśca rudraśca skandendrau savitā yamaḥ |
varuṇendū manurdhātā vidhātā tvaṃ dhaneśvaraḥ || 22 ||
[Analyze grammar]

bhūrvāyurjyotirāpaśca vāgbuddhistvaṃ matirmanaḥ |
karma satyānṛte cobhe tvamevāsti ca nāsti ca || 23 ||
[Analyze grammar]

indriyāṇīndriyārthāśca tatparaṃ prakṛterdhruvam |
viśvāviśvaparo bhāvaścintyācintyastvameva hi || 24 ||
[Analyze grammar]

yaccaitatparamaṃ brahma yacca tatparamaṃ padam |
yā gatiḥ sāṃkhyayogānāṃ sa bhavānnātra saṃśayaḥ || 25 ||
[Analyze grammar]

nūnamadya kṛtārthāḥ sma nūnaṃ prāptāḥ satāṃ gatim |
yāṃ gatiṃ prāpnuvantīha jñānanirmalabuddhayaḥ || 26 ||
[Analyze grammar]

aho mūḍhāḥ sma suciramimaṃ kālamacetasaḥ |
yanna vidmaḥ paraṃ devaṃ śāśvataṃ yaṃ vidurbudhāḥ || 27 ||
[Analyze grammar]

so'yamāsāditaḥ sākṣādbahubhirjanmabhirmayā |
bhaktānugrahakṛddevo yaṃ jñātvāmṛtamaśnute || 28 ||
[Analyze grammar]

devāsuramanuṣyāṇāṃ yacca guhyaṃ sanātanam |
guhāyāṃ nihitaṃ brahma durvijñeyaṃ surairapi || 29 ||
[Analyze grammar]

sa eṣa bhagavāndevaḥ sarvakṛtsarvatomukhaḥ |
sarvātmā sarvadarśī ca sarvagaḥ sarvaveditā || 30 ||
[Analyze grammar]

prāṇakṛtprāṇabhṛtprāṇī prāṇadaḥ prāṇināṃ gatiḥ |
dehakṛddehabhṛddehī dehabhugdehināṃ gatiḥ || 31 ||
[Analyze grammar]

adhyātmagatiniṣṭhānāṃ dhyānināmātmavedinām |
apunarmārakāmānāṃ yā gatiḥ so'yamīśvaraḥ || 32 ||
[Analyze grammar]

ayaṃ ca sarvabhūtānāṃ śubhāśubhagatipradaḥ |
ayaṃ ca janmamaraṇe vidadhyātsarvajantuṣu || 33 ||
[Analyze grammar]

ayaṃ ca siddhikāmānāmṛṣīṇāṃ siddhidaḥ prabhuḥ |
ayaṃ ca mokṣakāmānāṃ dvijānāṃ mokṣadaḥ prabhuḥ || 34 ||
[Analyze grammar]

bhūrādyānsarvabhuvanānutpādya sadivaukasaḥ |
vibharti devastanubhiraṣṭābhiśca dadāti ca || 35 ||
[Analyze grammar]

ataḥ pravartate sarvamasminsarvaṃ pratiṣṭhitam |
asmiṃśca pralayaṃ yāti ayamekaḥ sanātanaḥ || 36 ||
[Analyze grammar]

ayaṃ sa satyakāmānāṃ satyalokaḥ paraḥ satām |
apavargaśca muktānāṃ kaivalyaṃ cātmavādinām || 37 ||
[Analyze grammar]

ayaṃ brahmādibhiḥ siddhairguhāyāṃ gopitaḥ prabhuḥ |
devāsuramanuṣyāṇāṃ na prakāśo bhavediti || 38 ||
[Analyze grammar]

taṃ tvāṃ devāsuranarāstattvena na vidurbhavam |
mohitāḥ khalvanenaiva hṛcchayena praveśitāḥ || 39 ||
[Analyze grammar]

ye cainaṃ saṃprapadyante bhaktiyogena bhārata |
teṣāmevātmanātmānaṃ darśayatyeṣa hṛcchayaḥ || 40 ||
[Analyze grammar]

yaṃ jñātvā na punarjanma maraṇaṃ cāpi vidyate |
yaṃ viditvā paraṃ vedyaṃ veditavyaṃ na vidyate || 41 ||
[Analyze grammar]

yaṃ labdhvā paramaṃ lābhaṃ manyate nādhikaṃ punaḥ |
prāṇasūkṣmāṃ parāṃ prāptimāgacchatyakṣayāvahām || 42 ||
[Analyze grammar]

yaṃ sāṃkhyā guṇatattvajñāḥ sāṃkhyaśāstraviśāradāḥ |
sūkṣmajñānaratāḥ pūrvaṃ jñātvā mucyanti bandhanaiḥ || 43 ||
[Analyze grammar]

yaṃ ca vedavido vedyaṃ vedānteṣu pratiṣṭhitam |
prāṇāyāmaparā nityaṃ yaṃ viśanti japanti ca || 44 ||
[Analyze grammar]

ayaṃ sa devayānānāmādityo dvāramucyate |
ayaṃ ca pitṛyānānāṃ candramā dvāramucyate || 45 ||
[Analyze grammar]

eṣa kālagatiścitrā saṃvatsarayugādiṣu |
bhāvābhāvau tadātve ca ayane dakṣiṇottare || 46 ||
[Analyze grammar]

evaṃ prajāpatiḥ pūrvamārādhya bahubhiḥ stavaiḥ |
varayāmāsa putratve nīlalohitasaṃjñitam || 47 ||
[Analyze grammar]

ṛgbhiryamanuśaṃsanti tantre karmaṇi bahvṛcaḥ |
yajurbhiryaṃ tridhā vedyaṃ juhvatyadhvaryavo'dhvare || 48 ||
[Analyze grammar]

sāmabhiryaṃ ca gāyanti sāmagāḥ śuddhabuddhayaḥ |
yajñasya paramā yoniḥ patiścāyaṃ paraḥ smṛtaḥ || 49 ||
[Analyze grammar]

rātryahaḥśrotranayanaḥ pakṣamāsaśirobhujaḥ |
ṛtuvīryastapodhairyo hyabdaguhyorupādavān || 50 ||
[Analyze grammar]

mṛtyuryamo hutāśaśca kālaḥ saṃhāravegavān |
kālasya paramā yoniḥ kālaścāyaṃ sanātanaḥ || 51 ||
[Analyze grammar]

candrādityau sanakṣatrau sagrahau saha vāyunā |
dhruvaḥ saptarṣayaścaiva bhuvanāḥ sapta eva ca || 52 ||
[Analyze grammar]

pradhānaṃ mahadavyaktaṃ viśeṣāntaṃ savaikṛtam |
brahmādi stambaparyantaṃ bhūtādi sadasacca yat || 53 ||
[Analyze grammar]

aṣṭau prakṛtayaścaiva prakṛtibhyaśca yatparam |
asya devasya yadbhāgaṃ kṛtsnaṃ saṃparivartate || 54 ||
[Analyze grammar]

etatparamamānandaṃ yattacchāśvatameva ca |
eṣā gatirviraktānāmeṣa bhāvaḥ paraḥ satām || 55 ||
[Analyze grammar]

etatpadamanudvignametadbrahma sanātanam |
śāstravedāṅgaviduṣāmetaddhyānaṃ paraṃ padam || 56 ||
[Analyze grammar]

iyaṃ sā paramā kāṣṭhā iyaṃ sā paramā kalā |
iyaṃ sā paramā siddhiriyaṃ sā paramā gatiḥ || 57 ||
[Analyze grammar]

iyaṃ sā paramā śāntiriyaṃ sā nirvṛtiḥ parā |
yaṃ prāpya kṛtakṛtyāḥ sma ityamanyanta vedhasaḥ || 58 ||
[Analyze grammar]

iyaṃ tuṣṭiriyaṃ siddhiriyaṃ śrutiriyaṃ smṛtiḥ |
adhyātmagatiniṣṭhānāṃ viduṣāṃ prāptiravyayā || 59 ||
[Analyze grammar]

yajatāṃ yajñakāmānāṃ yajñairvipuladakṣiṇaiḥ |
yā gatirdaivatairdivyā sā gatistvaṃ sanātana || 60 ||
[Analyze grammar]

japyahomavrataiḥ kṛcchrairniyamairdehapātanaiḥ |
tapyatāṃ yā gatirdeva vairāje sā gatirbhavān || 61 ||
[Analyze grammar]

karmanyāsakṛtānāṃ ca viraktānāṃ tatastataḥ |
yā gatirbrahmabhavane sā gatistvaṃ sanātana || 62 ||
[Analyze grammar]

apunarmārakāmānāṃ vairāgye vartatāṃ pare |
vikṛtīnāṃ layānāṃ ca sā gatistvaṃ sanātana || 63 ||
[Analyze grammar]

jñānavijñānaniṣṭhānāṃ nirupākhyā nirañjanā |
kaivalyā yā gatirdeva paramā sā gatirbhavān || 64 ||
[Analyze grammar]

vedaśāstrapurāṇoktāḥ pañcaitā gatayaḥ smṛtāḥ |
tvatprasādāddhi labhyante na labhyante'nyathā vibho || 65 ||
[Analyze grammar]

iti taṇḍistapoyogāttuṣṭāveśānamavyayam |
jagau ca paramaṃ brahma yatpurā lokakṛjjagau || 66 ||
[Analyze grammar]

brahmā śatakraturviṣṇurviśvedevā maharṣayaḥ |
na vidustvāmiti tatastuṣṭaḥ provāca taṃ śivaḥ || 67 ||
[Analyze grammar]

akṣayaścāvyayaścaiva bhavitā duḥkhavarjitaḥ |
yaśasvī tejasā yukto divyajñānasamanvitaḥ || 68 ||
[Analyze grammar]

ṛṣīṇāmabhigamyaśca sūtrakartā sutastava |
matprasādāddvijaśreṣṭha bhaviṣyati na saṃśayaḥ || 69 ||
[Analyze grammar]

kaṃ vā kāmaṃ dadāmyadya brūhi yadvatsa kāṅkṣase |
prāñjaliḥ sa uvācedaṃ tvayi bhaktirdṛḍhāstu me || 70 ||
[Analyze grammar]

evaṃ dattvā varaṃ devo vandyamānaḥ surarṣibhiḥ |
stūyamānaśca vibudhaistatraivāntaradhīyata || 71 ||
[Analyze grammar]

antarhite bhagavati sānuge yādaveśvara |
ṛṣirāśramamāgamya mamaitatproktavāniha || 72 ||
[Analyze grammar]

yāni ca prathitānyādau taṇḍirākhyātavānmama |
nāmāni mānavaśreṣṭha tāni tvaṃ śṛṇu siddhaye || 73 ||
[Analyze grammar]

daśa nāmasahasrāṇi vedeṣvāha pitāmahaḥ |
śarvasya śāstreṣu tathā daśa nāmaśatāni vai || 74 ||
[Analyze grammar]

guhyānīmāni nāmāni taṇḍirbhagavato'cyuta |
devaprasādāddeveśa purā prāha mahātmane || 75 ||
[Analyze grammar]