Chapter 15

upamanyuruvāca |
etānsahasraśaścānyānsamanudhyātavānharaḥ |
kasmātprasādaṃ bhagavānna kuryāttava mādhava || 1 ||
[Analyze grammar]

tvādṛśena hi devānāṃ ślāghanīyaḥ samāgamaḥ |
brahmaṇyenānṛśaṃsena śraddadhānena cāpyuta |
japyaṃ ca te pradāsyāmi yena drakṣyasi śaṃkaram || 2 ||
[Analyze grammar]

kṛṣṇa uvāca |
abruvaṃ tamahaṃ brahmaṃstvatprasādānmahāmune |
drakṣye ditijasaṃghānāṃ mardanaṃ tridaśeśvaram || 3 ||
[Analyze grammar]

dine'ṣṭame ca vipreṇa dīkṣito'haṃ yathāvidhi |
daṇḍī muṇḍī kuśī cīrī ghṛtākto mekhalī tathā || 4 ||
[Analyze grammar]

māsamekaṃ phalāhāro dvitīyaṃ salilāśanaḥ |
tṛtīyaṃ ca caturthaṃ ca pañcamaṃ cānilāśanaḥ || 5 ||
[Analyze grammar]

ekapādena tiṣṭhaṃśca ūrdhvabāhuratandritaḥ |
tejaḥ sūryasahasrasya apaśyaṃ divi bhārata || 6 ||
[Analyze grammar]

tasya madhyagataṃ cāpi tejasaḥ pāṇḍunandana |
indrāyudhapinaddhāṅgaṃ vidyunmālāgavākṣakam |
nīlaśailacayaprakhyaṃ balākābhūṣitaṃ ghanam || 7 ||
[Analyze grammar]

tamāsthitaśca bhagavāndevyā saha mahādyutiḥ |
tapasā tejasā kāntyā dīptayā saha bhāryayā || 8 ||
[Analyze grammar]

rarāja bhagavāṃstatra devyā saha maheśvaraḥ |
somena sahitaḥ sūryo yathā meghasthitastathā || 9 ||
[Analyze grammar]

saṃhṛṣṭaromā kaunteya vismayotphullalocanaḥ |
apaśyaṃ devasaṃghānāṃ gatimārtiharaṃ haram || 10 ||
[Analyze grammar]

kirīṭinaṃ gadinaṃ śūlapāṇiṃ vyāghrājinaṃ jaṭilaṃ daṇḍapāṇim |
pinākinaṃ vajriṇaṃ tīkṣṇadaṃṣṭraṃ śubhāṅgadaṃ vyālayajñopavītam || 11 ||
[Analyze grammar]

divyāṃ mālāmurasānekavarṇāṃ samudvahantaṃ gulphadeśāvalambām |
candraṃ yathā pariviṣṭaṃ sasaṃdhyaṃ varṣātyaye tadvadapaśyamenam || 12 ||
[Analyze grammar]

pramathānāṃ gaṇaiścaiva samantātparivāritam |
śaradīva suduṣprekṣyaṃ pariviṣṭaṃ divākaram || 13 ||
[Analyze grammar]

ekādaśa tathā cainaṃ rudrāṇāṃ vṛṣavāhanam |
astuvanniyatātmānaḥ karmabhiḥ śubhakarmiṇam || 14 ||
[Analyze grammar]

ādityā vasavaḥ sādhyā viśvedevāstathāśvinau |
viśvābhiḥ stutibhirdevaṃ viśvadevaṃ samastuvan || 15 ||
[Analyze grammar]

śatakratuśca bhagavānviṣṇuścāditinandanau |
brahmā rathantaraṃ sāma īrayanti bhavāntike || 16 ||
[Analyze grammar]

yogīśvarāḥ subahavo yogadaṃ pitaraṃ gurum |
brahmarṣayaśca sasutāstathā devarṣayaśca vai || 17 ||
[Analyze grammar]

pṛthivī cāntarikṣaṃ ca nakṣatrāṇi grahāstathā |
māsārdhamāsā ṛtavo rātryaḥ saṃvatsarāḥ kṣaṇāḥ || 18 ||
[Analyze grammar]

muhūrtāśca nimeṣāśca tathaiva yugaparyayāḥ |
divyā rājannamasyanti vidyāḥ sarvā diśastathā || 19 ||
[Analyze grammar]

sanatkumāro vedāśca itihāsāstathaiva ca |
marīciraṅgirā atriḥ pulastyaḥ pulahaḥ kratuḥ || 20 ||
[Analyze grammar]

manavaḥ saptasomaśca atharvā sabṛhaspatiḥ |
bhṛgurdakṣaḥ kaśyapaśca vasiṣṭhaḥ kāśya eva ca || 21 ||
[Analyze grammar]

chandāṃsi dīkṣā yajñāśca dakṣiṇāḥ pāvako haviḥ |
yajñopagāni dravyāṇi mūrtimanti yudhiṣṭhira || 22 ||
[Analyze grammar]

prajānāṃ patayaḥ sarve saritaḥ pannagā nagāḥ |
devānāṃ mātaraḥ sarvā devapatnyaḥ sakanyakāḥ || 23 ||
[Analyze grammar]

sahasrāṇi munīnāṃ ca ayutānyarbudāni ca |
namasyanti prabhuṃ śāntaṃ parvatāḥ sāgarā diśaḥ || 24 ||
[Analyze grammar]

gandharvāpsarasaścaiva gītavāditrakovidāḥ |
divyatānena gāyantaḥ stuvanti bhavamadbhutam |
vidyādharā dānavāśca guhyakā rākṣasāstathā || 25 ||
[Analyze grammar]

sarvāṇi caiva bhūtāni sthāvarāṇi carāṇi ca |
namasyanti mahārāja vāṅmanaḥkarmabhirvibhum |
purastādviṣṭhitaḥ śarvo mamāsīttridaśeśvaraḥ || 26 ||
[Analyze grammar]

purastādviṣṭhitaṃ dṛṣṭvā mameśānaṃ ca bhārata |
saprajāpatiśakrāntaṃ jaganmāmabhyudaikṣata || 27 ||
[Analyze grammar]

īkṣituṃ ca mahādevaṃ na me śaktirabhūttadā |
tato māmabravīddevaḥ paśya kṛṣṇa vadasva ca || 28 ||
[Analyze grammar]

śirasā vandite deve devī prītā umābhavat |
tato'hamastuvaṃ sthāṇuṃ stutaṃ brahmādibhiḥ suraiḥ || 29 ||
[Analyze grammar]

namo'stu te śāśvata sarvayone brahmādhipaṃ tvāmṛṣayo vadanti |
tapaśca sattvaṃ ca rajastamaśca tvāmeva satyaṃ ca vadanti santaḥ || 30 ||
[Analyze grammar]

tvaṃ vai brahmā ca rudraśca varuṇo'gnirmanurbhavaḥ |
dhātā tvaṣṭā vidhātā ca tvaṃ prabhuḥ sarvatomukhaḥ || 31 ||
[Analyze grammar]

tvatto jātāni bhūtāni sthāvarāṇi carāṇi ca |
tvamādiḥ sarvabhūtānāṃ saṃhāraśca tvameva hi || 32 ||
[Analyze grammar]

ye cendriyārthāśca manaśca kṛtsnaṃ ye vāyavaḥ sapta tathaiva cāgniḥ |
ye vā divisthā devatāścāpi puṃsāṃ tasmātparaṃ tvāmṛṣayo vadanti || 33 ||
[Analyze grammar]

vedā yajñāśca somaśca dakṣiṇā pāvako haviḥ |
yajñopagaṃ ca yatkiṃcidbhagavāṃstadasaṃśayam || 34 ||
[Analyze grammar]

iṣṭaṃ dattamadhītaṃ ca vratāni niyamāśca ye |
hrīḥ kīrtiḥ śrīrdyutistuṣṭiḥ siddhiścaiva tvadarpaṇā || 35 ||
[Analyze grammar]

kāmaḥ krodho bhayaṃ lobho madaḥ stambho'tha matsaraḥ |
ādhayo vyādhayaścaiva bhagavaṃstanayāstava || 36 ||
[Analyze grammar]

kṛtirvikāraḥ pralayaḥ pradhānaṃ prabhavo'vyayaḥ |
manasaḥ paramā yoniḥ svabhāvaścāpi śāśvataḥ |
avyaktaḥ pāvana vibho sahasrāṃśo hiraṇmayaḥ || 37 ||
[Analyze grammar]

ādirguṇānāṃ sarveṣāṃ bhavānvai jīvanāśrayaḥ |
mahānātmā matirbrahmā viśvaḥ śaṃbhuḥ svayaṃbhuvaḥ || 38 ||
[Analyze grammar]

buddhiḥ prajñopalabdhiśca saṃvitkhyātirdhṛtiḥ smṛtiḥ |
paryāyavācakaiḥ śabdairmahānātmā vibhāvyase || 39 ||
[Analyze grammar]

tvāṃ buddhvā brāhmaṇo vidvānna pramohaṃ nigacchati |
hṛdayaṃ sarvabhūtānāṃ kṣetrajñastvamṛṣiṣṭutaḥ || 40 ||
[Analyze grammar]

sarvataḥpāṇipādastvaṃ sarvatokṣiśiromukhaḥ |
sarvataḥśrutimāṃlloke sarvamāvṛtya tiṣṭhasi || 41 ||
[Analyze grammar]

phalaṃ tvamasi tigmāṃśo nimeṣādiṣu karmasu |
tvaṃ vai prabhārciḥ puruṣaḥ sarvasya hṛdi saṃsthitaḥ |
aṇimā laghimā prāptirīśāno jyotiravyayaḥ || 42 ||
[Analyze grammar]

tvayi buddhirmatirlokāḥ prapannāḥ saṃśritāśca ye |
dhyānino nityayogāśca satyasaṃdhā jitendriyāḥ || 43 ||
[Analyze grammar]

yastvāṃ dhruvaṃ vedayate guhāśayaṃ prabhuṃ purāṇaṃ puruṣaṃ viśvarūpam |
hiraṇmayaṃ buddhimatāṃ parāṃ gatiṃ sa buddhimānbuddhimatītya tiṣṭhati || 44 ||
[Analyze grammar]

viditvā sapta sūkṣmāṇi ṣaḍaṅgaṃ tvāṃ ca mūrtitaḥ |
pradhānavidhiyogasthastvāmeva viśate budhaḥ || 45 ||
[Analyze grammar]

evamukte mayā pārtha bhave cārtivināśane |
carācaraṃ jagatsarvaṃ siṃhanādamathākarot || 46 ||
[Analyze grammar]

saviprasaṃghāśca surāsurāśca nāgāḥ piśācāḥ pitaro vayāṃsi |
rakṣogaṇā bhūtagaṇāśca sarve maharṣayaścaiva tathā praṇemuḥ || 47 ||
[Analyze grammar]

mama mūrdhni ca divyānāṃ kusumānāṃ sugandhinām |
rāśayo nipatanti sma vāyuśca susukho vavau || 48 ||
[Analyze grammar]

nirīkṣya bhagavāndevīmumāṃ māṃ ca jagaddhitaḥ |
śatakratuṃ cābhivīkṣya svayaṃ māmāha śaṃkaraḥ || 49 ||
[Analyze grammar]

vidmaḥ kṛṣṇa parāṃ bhaktimasmāsu tava śatruhan |
kriyatāmātmanaḥ śreyaḥ prītirhi paramā tvayi || 50 ||
[Analyze grammar]

vṛṇīṣvāṣṭau varānkṛṣṇa dātāsmi tava sattama |
brūhi yādavaśārdūla yānicchasi sudurlabhān || 51 ||
[Analyze grammar]