Chapter 336

janamejaya uvāca |
aho hyekāntinaḥ sarvānprīṇāti bhagavānhariḥ |
vidhiprayuktāṃ pūjāṃ ca gṛhṇāti bhagavānsvayam || 1 ||
[Analyze grammar]

ye tu dagdhendhanā loke puṇyapāpavivarjitāḥ |
teṣāṃ tvayābhinirdiṣṭā pāraṃparyāgatā gatiḥ || 2 ||
[Analyze grammar]

caturthyāṃ caiva te gatyāṃ gacchanti puruṣottamam |
ekāntinastu puruṣā gacchanti paramaṃ padam || 3 ||
[Analyze grammar]

nūnamekāntadharmo'yaṃ śreṣṭho nārāyaṇapriyaḥ |
agatvā gatayastisro yadgacchantyavyayaṃ harim || 4 ||
[Analyze grammar]

sahopaniṣadānvedānye viprāḥ samyagāsthitāḥ |
paṭhanti vidhimāsthāya ye cāpi yatidharmiṇaḥ || 5 ||
[Analyze grammar]

tebhyo viśiṣṭāṃ jānāmi gatimekāntināṃ nṛṇām |
kenaiṣa dharmaḥ kathito devena ṛṣiṇāpi vā || 6 ||
[Analyze grammar]

ekāntināṃ ca kā caryā kadā cotpāditā vibho |
etanme saṃśayaṃ chindhi paraṃ kautūhalaṃ hi me || 7 ||
[Analyze grammar]

vaiśaṃpāyana uvāca |
samupoḍheṣvanīkeṣu kurupāṇḍavayormṛdhe |
arjune vimanaske ca gītā bhagavatā svayam || 8 ||
[Analyze grammar]

āgatiśca gatiścaiva pūrvaṃ te kathitā mayā |
gahano hyeṣa dharmo vai durvijñeyo'kṛtātmabhiḥ || 9 ||
[Analyze grammar]

saṃmitaḥ sāmavedena puraivādiyuge kṛtaḥ |
dhāryate svayamīśena rājannārāyaṇena ha || 10 ||
[Analyze grammar]

etamarthaṃ mahārāja pṛṣṭaḥ pārthena nāradaḥ |
ṛṣimadhye mahābhāgaḥ śṛṇvatoḥ kṛṣṇabhīṣmayoḥ || 11 ||
[Analyze grammar]

guruṇā ca mamāpyeṣa kathito nṛpasattama |
yathā tu kathitastatra nāradena tathā śṛṇu || 12 ||
[Analyze grammar]

yadāsīnmānasaṃ janma nārāyaṇamukhodgatam |
brahmaṇaḥ pṛthivīpāla tadā nārāyaṇaḥ svayam |
tena dharmeṇa kṛtavāndaivaṃ pitryaṃ ca bhārata || 13 ||
[Analyze grammar]

phenapā ṛṣayaścaiva taṃ dharmaṃ pratipedire |
vaikhānasāḥ phenapebhyo dharmametaṃ prapedire |
vaikhānasebhyaḥ somastu tataḥ so'ntardadhe punaḥ || 14 ||
[Analyze grammar]

yadāsīccākṣuṣaṃ janma dvitīyaṃ brahmaṇo nṛpa |
tadā pitāmahātsomādetaṃ dharmamajānata |
nārāyaṇātmakaṃ rājanrudrāya pradadau ca saḥ || 15 ||
[Analyze grammar]

tato yogasthito rudraḥ purā kṛtayuge nṛpa |
vālakhilyānṛṣīnsarvāndharmametamapāṭhayat |
antardadhe tato bhūyastasya devasya māyayā || 16 ||
[Analyze grammar]

tṛtīyaṃ brahmaṇo janma yadāsīdvācikaṃ mahat |
tatraiṣa dharmaḥ saṃbhūtaḥ svayaṃ nārāyaṇānnṛpa || 17 ||
[Analyze grammar]

suparṇo nāma tamṛṣiḥ prāptavānpuruṣottamāt |
tapasā vai sutaptena damena niyamena ca || 18 ||
[Analyze grammar]

triḥ parikrāntavānetatsuparṇo dharmamuttamam |
yasmāttasmādvrataṃ hyetattrisauparṇamihocyate || 19 ||
[Analyze grammar]

ṛgvedapāṭhapaṭhitaṃ vratametaddhi duścaram |
suparṇāccāpyadhigato dharma eṣa sanātanaḥ || 20 ||
[Analyze grammar]

vāyunā dvipadāṃ śreṣṭha prathito jagadāyuṣā |
vāyoḥ sakāśātprāptaśca ṛṣibhirvighasāśibhiḥ || 21 ||
[Analyze grammar]

tebhyo mahodadhiścainaṃ prāptavāndharmamuttamam |
tataḥ so'ntardadhe bhūyo nārāyaṇasamāhitaḥ || 22 ||
[Analyze grammar]

yadā bhūyaḥ śravaṇajā sṛṣṭirāsīnmahātmanaḥ |
brahmaṇaḥ puruṣavyāghra tatra kīrtayataḥ śṛṇu || 23 ||
[Analyze grammar]

jagatsraṣṭumanā devo harirnārāyaṇaḥ svayam |
cintayāmāsa puruṣaṃ jagatsargakaraṃ prabhuḥ || 24 ||
[Analyze grammar]

atha cintayatastasya karṇābhyāṃ puruṣaḥ sṛtaḥ |
prajāsargakaro brahmā tamuvāca jagatpatiḥ || 25 ||
[Analyze grammar]

sṛja prajāḥ putra sarvā mukhataḥ pādatastathā |
śreyastava vidhāsyāmi balaṃ tejaśca suvrata || 26 ||
[Analyze grammar]

dharmaṃ ca matto gṛhṇīṣva sātvataṃ nāma nāmataḥ |
tena sarvaṃ kṛtayugaṃ sthāpayasva yathāvidhi || 27 ||
[Analyze grammar]

tato brahmā namaścakre devāya harimedhase |
dharmaṃ cāgryaṃ sa jagrāha sarahasyaṃ sasaṃgraham |
āraṇyakena sahitaṃ nārāyaṇamukhodgatam || 28 ||
[Analyze grammar]

upadiśya tato dharmaṃ brahmaṇe'mitatejase |
taṃ kārtayugadharmāṇaṃ nirāśīḥkarmasaṃjñitam |
jagāma tamasaḥ pāraṃ yatrāvyaktaṃ vyavasthitam || 29 ||
[Analyze grammar]

tato'tha varado devo brahmalokapitāmahaḥ |
asṛjatsa tadā lokānkṛtsnānsthāvarajaṅgamān || 30 ||
[Analyze grammar]

tataḥ prāvartata tadā ādau kṛtayugaṃ śubham |
tato hi sātvato dharmo vyāpya lokānavasthitaḥ || 31 ||
[Analyze grammar]

tenaivādyena dharmeṇa brahmā lokavisargakṛt |
pūjayāmāsa deveśaṃ hariṃ nārāyaṇaṃ prabhum || 32 ||
[Analyze grammar]

dharmapratiṣṭhāhetośca manuṃ svārociṣaṃ tataḥ |
adhyāpayāmāsa tadā lokānāṃ hitakāmyayā || 33 ||
[Analyze grammar]

tataḥ svārociṣaḥ putraṃ svayaṃ śaṅkhapadaṃ nṛpa |
adhyāpayatpurāvyagraḥ sarvalokapatirvibhuḥ || 34 ||
[Analyze grammar]

tataḥ śaṅkhapadaścāpi putramātmajamaurasam |
diśāpālaṃ sudharmāṇamadhyāpayata bhārata |
tataḥ so'ntardadhe bhūyaḥ prāpte tretāyuge punaḥ || 35 ||
[Analyze grammar]

nāsikyajanmani purā brahmaṇaḥ pārthivottama |
dharmametaṃ svayaṃ devo harirnārāyaṇaḥ prabhuḥ |
ujjagārāravindākṣo brahmaṇaḥ paśyatastadā || 36 ||
[Analyze grammar]

sanatkumāro bhagavāṃstataḥ prādhītavānnṛpa |
sanatkumārādapi ca vīraṇo vai prajāpatiḥ |
kṛtādau kuruśārdūla dharmametamadhītavān || 37 ||
[Analyze grammar]

vīraṇaścāpyadhītyainaṃ raucyāya manave dadau |
raucyaḥ putrāya śuddhāya suvratāya sumedhase || 38 ||
[Analyze grammar]

kukṣināmne'tha pradadau diśāṃ pālāya dharmiṇe |
tataḥ so'ntardadhe bhūyo nārāyaṇamukhodgataḥ || 39 ||
[Analyze grammar]

aṇḍaje janmani punarbrahmaṇe hariyonaye |
eṣa dharmaḥ samudbhūto nārāyaṇamukhātpunaḥ || 40 ||
[Analyze grammar]

gṛhīto brahmaṇā rājanprayuktaśca yathāvidhi |
adhyāpitāśca munayo nāmnā barhiṣado nṛpa || 41 ||
[Analyze grammar]

barhiṣadbhyaśca saṃkrāntaḥ sāmavedāntagaṃ dvijam |
jyeṣṭhaṃ nāmnābhivikhyātaṃ jyeṣṭhasāmavrato hariḥ || 42 ||
[Analyze grammar]

jyeṣṭhāccāpyanusaṃkrānto rājānamavikampanam |
antardadhe tato rājanneṣa dharmaḥ prabhorhareḥ || 43 ||
[Analyze grammar]

yadidaṃ saptamaṃ janma padmajaṃ brahmaṇo nṛpa |
tatraiṣa dharmaḥ kathitaḥ svayaṃ nārāyaṇena hi || 44 ||
[Analyze grammar]

pitāmahāya śuddhāya yugādau lokadhāriṇe |
pitāmahaśca dakṣāya dharmametaṃ purā dadau || 45 ||
[Analyze grammar]

tato jyeṣṭhe tu dauhitre prādāddakṣo nṛpottama |
āditye saviturjyeṣṭhe vivasvāñjagṛhe tataḥ || 46 ||
[Analyze grammar]

tretāyugādau ca punarvivasvānmanave dadau |
manuśca lokabhūtyarthaṃ sutāyekṣvākave dadau || 47 ||
[Analyze grammar]

ikṣvākuṇā ca kathito vyāpya lokānavasthitaḥ |
gamiṣyati kṣayānte ca punarnārāyaṇaṃ nṛpa || 48 ||
[Analyze grammar]

vratināṃ cāpi yo dharmaḥ sa te pūrvaṃ nṛpottama |
kathito harigītāsu samāsavidhikalpitaḥ || 49 ||
[Analyze grammar]

nāradena tu saṃprāptaḥ sarahasyaḥ sasaṃgrahaḥ |
eṣa dharmo jagannāthātsākṣānnārāyaṇānnṛpa || 50 ||
[Analyze grammar]

evameṣa mahāndharma ādyo rājansanātanaḥ |
durvijñeyo duṣkaraśca sātvatairdhāryate sadā || 51 ||
[Analyze grammar]

dharmajñānena caitena suprayuktena karmaṇā |
ahiṃsādharmayuktena prīyate harirīśvaraḥ || 52 ||
[Analyze grammar]

ekavyūhavibhāgo vā kvaciddvivyūhasaṃjñitaḥ |
trivyūhaścāpi saṃkhyātaścaturvyūhaśca dṛśyate || 53 ||
[Analyze grammar]

harireva hi kṣetrajño nirmamo niṣkalastathā |
jīvaśca sarvabhūteṣu pañcabhūtaguṇātigaḥ || 54 ||
[Analyze grammar]

manaśca prathitaṃ rājanpañcendriyasamīraṇam |
eṣa lokanidhirdhīmāneṣa lokavisargakṛt || 55 ||
[Analyze grammar]

akartā caiva kartā ca kāryaṃ kāraṇameva ca |
yathecchati tathā rājankrīḍate puruṣo'vyayaḥ || 56 ||
[Analyze grammar]

eṣa ekāntidharmaste kīrtito nṛpasattama |
mayā guruprasādena durvijñeyo'kṛtātmabhiḥ |
ekāntino hi puruṣā durlabhā bahavo nṛpa || 57 ||
[Analyze grammar]

yadyekāntibhirākīrṇaṃ jagatsyātkurunandana |
ahiṃsakairātmavidbhiḥ sarvabhūtahite rataiḥ |
bhavetkṛtayugaprāptirāśīḥkarmavivarjitaiḥ || 58 ||
[Analyze grammar]

evaṃ sa bhagavānvyāso gururmama viśāṃ pate |
kathayāmāsa dharmajño dharmarājñe dvijottamaḥ || 59 ||
[Analyze grammar]

ṛṣīṇāṃ saṃnidhau rājañśṛṇvatoḥ kṛṣṇabhīṣmayoḥ |
tasyāpyakathayatpūrvaṃ nāradaḥ sumahātapāḥ || 60 ||
[Analyze grammar]

devaṃ paramakaṃ brahma śvetaṃ candrābhamacyutam |
yatra caikāntino yānti nārāyaṇaparāyaṇāḥ || 61 ||
[Analyze grammar]

janamejaya uvāca |
evaṃ bahuvidhaṃ dharmaṃ pratibuddhairniṣevitam |
na kurvanti kathaṃ viprā anye nānāvrate sthitāḥ || 62 ||
[Analyze grammar]

vaiśaṃpāyana uvāca |
tisraḥ prakṛtayo rājandehabandheṣu nirmitāḥ |
sāttvikī rājasī caiva tāmasī ceti bhārata || 63 ||
[Analyze grammar]

dehabandheṣu puruṣaḥ śreṣṭhaḥ kurukulodvaha |
sāttvikaḥ puruṣavyāghra bhavenmokṣārthaniścitaḥ || 64 ||
[Analyze grammar]

atrāpi sa vijānāti puruṣaṃ brahmavartinam |
nārāyaṇaparo mokṣastato vai sāttvikaḥ smṛtaḥ || 65 ||
[Analyze grammar]

manīṣitaṃ ca prāpnoti cintayanpuruṣottamam |
ekāntabhaktiḥ satataṃ nārāyaṇaparāyaṇaḥ || 66 ||
[Analyze grammar]

manīṣiṇo hi ye kecidyatayo mokṣakāṅkṣiṇaḥ |
teṣāṃ vai chinnatṛṣṇānāṃ yogakṣemavaho hariḥ || 67 ||
[Analyze grammar]

jāyamānaṃ hi puruṣaṃ yaṃ paśyenmadhusūdanaḥ |
sāttvikastu sa vijñeyo bhavenmokṣe ca niścitaḥ || 68 ||
[Analyze grammar]

sāṃkhyayogena tulyo hi dharma ekāntasevitaḥ |
nārāyaṇātmake mokṣe tato yānti parāṃ gatim || 69 ||
[Analyze grammar]

nārāyaṇena dṛṣṭaśca pratibuddho bhavetpumān |
evamātmecchayā rājanpratibuddho na jāyate || 70 ||
[Analyze grammar]

rājasī tāmasī caiva vyāmiśre prakṛtī smṛte |
tadātmakaṃ hi puruṣaṃ jāyamānaṃ viśāṃ pate |
pravṛttilakṣaṇairyuktaṃ nāvekṣati hariḥ svayam || 71 ||
[Analyze grammar]

paśyatyenaṃ jāyamānaṃ brahmā lokapitāmahaḥ |
rajasā tamasā caiva mānuṣaṃ samabhiplutam || 72 ||
[Analyze grammar]

kāmaṃ devāśca ṛṣayaḥ sattvasthā nṛpasattama |
hīnāḥ sattvena sūkṣmeṇa tato vaikārikāḥ smṛtāḥ || 73 ||
[Analyze grammar]

janamejaya uvāca |
kathaṃ vaikāriko gacchetpuruṣaḥ puruṣottamam || 74 ||
[Analyze grammar]

vaiśaṃpāyana uvāca |
susūkṣmasattvasaṃyuktaṃ saṃyuktaṃ tribhirakṣaraiḥ |
puruṣaḥ puruṣaṃ gacchenniṣkriyaḥ pañcaviṃśakam || 75 ||
[Analyze grammar]

evamekaṃ sāṃkhyayogaṃ vedāraṇyakameva ca |
parasparāṅgānyetāni pañcarātraṃ ca kathyate |
eṣa ekāntināṃ dharmo nārāyaṇaparātmakaḥ || 76 ||
[Analyze grammar]

yathā samudrātprasṛtā jalaughāstameva rājanpunarāviśanti |
ime tathā jñānamahājalaughā nārāyaṇaṃ vai punarāviśanti || 77 ||
[Analyze grammar]

eṣa te kathito dharmaḥ sātvato yadubāndhava |
kuruṣvainaṃ yathānyāyaṃ yadi śaknoṣi bhārata || 78 ||
[Analyze grammar]

evaṃ hi sumahābhāgo nārado gurave mama |
śvetānāṃ yatināmāha ekāntagatimavyayām || 79 ||
[Analyze grammar]

vyāsaścākathayatprītyā dharmaputrāya dhīmate |
sa evāyaṃ mayā tubhyamākhyātaḥ prasṛto guroḥ || 80 ||
[Analyze grammar]

itthaṃ hi duścaro dharma eṣa pārthivasattama |
yathaiva tvaṃ tathaivānye na bhajanti vimohitāḥ || 81 ||
[Analyze grammar]

kṛṣṇa eva hi lokānāṃ bhāvano mohanastathā |
saṃhārakārakaścaiva kāraṇaṃ ca viśāṃ pate || 82 ||
[Analyze grammar]