Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

bhīṣma uvāca |
etasminnantare śūnye nāradaḥ samupāgamat |
śukaṃ svādhyāyanirataṃ vedārthānvaktumīpsitān || 1 ||
[Analyze grammar]

devarṣiṃ tu śuko dṛṣṭvā nāradaṃ samupasthitam |
arghyapūrveṇa vidhinā vedoktenābhyapūjayat || 2 ||
[Analyze grammar]

nārado'thābravītprīto brūhi brahmavidāṃ vara |
kena tvāṃ śreyasā tāta yojayāmīti hṛṣṭavat || 3 ||
[Analyze grammar]

nāradasya vacaḥ śrutvā śukaḥ provāca bhārata |
asmiṃlloke hitaṃ yatsyāttena māṃ yoktumarhasi || 4 ||
[Analyze grammar]

nārada uvāca |
tattvaṃ jijñāsatāṃ pūrvamṛṣīṇāṃ bhāvitātmanām |
sanatkumāro bhagavānidaṃ vacanamabravīt || 5 ||
[Analyze grammar]

nāsti vidyāsamaṃ cakṣurnāsti vidyāsamaṃ tapaḥ |
nāsti rāgasamaṃ duḥkhaṃ nāsti tyāgasamaṃ sukham || 6 ||
[Analyze grammar]

nivṛttiḥ karmaṇaḥ pāpātsatataṃ puṇyaśīlatā |
sadvṛttiḥ samudācāraḥ śreya etadanuttamam || 7 ||
[Analyze grammar]

mānuṣyamasukhaṃ prāpya yaḥ sajjati sa muhyati |
nālaṃ sa duḥkhamokṣāya saṅgo vai duḥkhalakṣaṇam || 8 ||
[Analyze grammar]

saktasya buddhiścalati mohajālavivardhinī |
mohajālāvṛto duḥkhamiha cāmutra cāśnute || 9 ||
[Analyze grammar]

sarvopāyena kāmasya krodhasya ca vinigrahaḥ |
kāryaḥ śreyorthinā tau hi śreyoghātārthamudyatau || 10 ||
[Analyze grammar]

nityaṃ krodhāttapo rakṣecchriyaṃ rakṣeta matsarāt |
vidyāṃ mānāvamānābhyāmātmānaṃ tu pramādataḥ || 11 ||
[Analyze grammar]

ānṛśaṃsyaṃ paro dharmaḥ kṣamā ca paramaṃ balam |
ātmajñānaṃ paraṃ jñānaṃ na satyādvidyate param || 12 ||
[Analyze grammar]

satyasya vacanaṃ śreyaḥ satyādapi hitaṃ bhavet |
yadbhūtahitamatyantametatsatyaṃ mataṃ mama || 13 ||
[Analyze grammar]

sarvārambhaphalatyāgī nirāśīrniṣparigrahaḥ |
yena sarvaṃ parityaktaṃ sa vidvānsa ca paṇḍitaḥ || 14 ||
[Analyze grammar]

indriyairindriyārthebhyaścaratyātmavaśairiha |
asajjamānaḥ śāntātmā nirvikāraḥ samāhitaḥ || 15 ||
[Analyze grammar]

ātmabhūtairatadbhūtaḥ saha caiva vinaiva ca |
sa vimuktaḥ paraṃ śreyo nacireṇādhigacchati || 16 ||
[Analyze grammar]

adarśanamasaṃsparśastathāsaṃbhāṣaṇaṃ sadā |
yasya bhūtaiḥ saha mune sa śreyo vindate param || 17 ||
[Analyze grammar]

na hiṃsyātsarvabhūtāni maitrāyaṇagataścaret |
nedaṃ janma samāsādya vairaṃ kurvīta kenacit || 18 ||
[Analyze grammar]

ākiṃcanyaṃ susaṃtoṣo nirāśīṣṭvamacāpalam |
etadāhuḥ paraṃ śreya ātmajñasya jitātmanaḥ || 19 ||
[Analyze grammar]

parigrahaṃ parityajya bhava tāta jitendriyaḥ |
aśokaṃ sthānamātiṣṭha iha cāmutra cābhayam || 20 ||
[Analyze grammar]

nirāmiṣā na śocanti tyajehāmiṣamātmanaḥ |
parityajyāmiṣaṃ saumya duḥkhatāpādvimokṣyase || 21 ||
[Analyze grammar]

taponityena dāntena muninā saṃyatātmanā |
ajitaṃ jetukāmena bhāvyaṃ saṅgeṣvasaṅginā || 22 ||
[Analyze grammar]

guṇasaṅgeṣvanāsakta ekacaryārataḥ sadā |
brāhmaṇo nacirādeva sukhamāyātyanuttamam || 23 ||
[Analyze grammar]

dvaṃdvārāmeṣu bhūteṣu ya eko ramate muniḥ |
viddhi prajñānatṛptaṃ taṃ jñānatṛpto na śocati || 24 ||
[Analyze grammar]

śubhairlabhati devatvaṃ vyāmiśrairjanma mānuṣam |
aśubhaiścāpyadhojanma karmabhirlabhate'vaśaḥ || 25 ||
[Analyze grammar]

tatra mṛtyujarāduḥkhaiḥ satataṃ samabhidrutaḥ |
saṃsāre pacyate jantustatkathaṃ nāvabudhyase || 26 ||
[Analyze grammar]

ahite hitasaṃjñastvamadhruve dhruvasaṃjñakaḥ |
anarthe cārthasaṃjñastvaṃ kimarthaṃ nāvabudhyase || 27 ||
[Analyze grammar]

saṃveṣṭyamānaṃ bahubhirmohatantubhirātmajaiḥ |
kośakāravadātmānaṃ veṣṭayannāvabudhyase || 28 ||
[Analyze grammar]

alaṃ parigraheṇeha doṣavānhi parigrahaḥ |
kṛmirhi kośakārastu badhyate svaparigrahāt || 29 ||
[Analyze grammar]

putradārakuṭumbeṣu saktāḥ sīdanti jantavaḥ |
saraḥpaṅkārṇave magnā jīrṇā vanagajā iva || 30 ||
[Analyze grammar]

mahājālasamākṛṣṭānsthale matsyānivoddhṛtān |
snehajālasamākṛṣṭānpaśya jantūnsuduḥkhitān || 31 ||
[Analyze grammar]

kuṭumbaṃ putradāraṃ ca śarīraṃ dravyasaṃcayāḥ |
pārakyamadhruvaṃ sarvaṃ kiṃ svaṃ sukṛtaduṣkṛtam || 32 ||
[Analyze grammar]

yadā sarvaṃ parityajya gantavyamavaśena te |
anarthe kiṃ prasaktastvaṃ svamarthaṃ nānutiṣṭhasi || 33 ||
[Analyze grammar]

aviśrāntamanālambamapātheyamadaiśikam |
tamaḥkāntāramadhvānaṃ kathameko gamiṣyasi || 34 ||
[Analyze grammar]

na hi tvā prasthitaṃ kaścitpṛṣṭhato'nugamiṣyati |
sukṛtaṃ duṣkṛtaṃ ca tvā yāsyantamanuyāsyati || 35 ||
[Analyze grammar]

vidyā karma ca śauryaṃ ca jñānaṃ ca bahuvistaram |
arthārthamanusāryante siddhārthastu vimucyate || 36 ||
[Analyze grammar]

nibandhanī rajjureṣā yā grāme vasato ratiḥ |
chittvaināṃ sukṛto yānti naināṃ chindanti duṣkṛtaḥ || 37 ||
[Analyze grammar]

rūpakūlāṃ manaḥsrotāṃ sparśadvīpāṃ rasāvahām |
gandhapaṅkāṃ śabdajalāṃ svargamārgadurāvahām || 38 ||
[Analyze grammar]

kṣamāritrāṃ satyamayīṃ dharmasthairyavaṭākarām |
tyāgavātādhvagāṃ śīghrāṃ buddhināvā nadīṃ taret || 39 ||
[Analyze grammar]

tyaja dharmamadharmaṃ ca ubhe satyānṛte tyaja |
ubhe satyānṛte tyaktvā yena tyajasi taṃ tyaja || 40 ||
[Analyze grammar]

tyaja dharmamasaṃkalpādadharmaṃ cāpyahiṃsayā |
ubhe satyānṛte buddhyā buddhiṃ paramaniścayāt || 41 ||
[Analyze grammar]

asthisthūṇaṃ snāyuyutaṃ māṃsaśoṇitalepanam |
carmāvanaddhaṃ durgandhi pūrṇaṃ mūtrapurīṣayoḥ || 42 ||
[Analyze grammar]

jarāśokasamāviṣṭaṃ rogāyatanamāturam |
rajasvalamanityaṃ ca bhūtāvāsaṃ samutsṛja || 43 ||
[Analyze grammar]

idaṃ viśvaṃ jagatsarvamajagaccāpi yadbhavet |
mahābhūtātmakaṃ sarvaṃ mahadyatparamāṇu yat || 44 ||
[Analyze grammar]

indriyāṇi ca pañcaiva tamaḥ sattvaṃ rajastathā |
ityeṣa saptadaśako rāśiravyaktasaṃjñakaḥ || 45 ||
[Analyze grammar]

sarvairihendriyārthaiśca vyaktāvyaktairhi saṃhitaḥ |
pañcaviṃśaka ityeṣa vyaktāvyaktamayo guṇaḥ || 46 ||
[Analyze grammar]

etaiḥ sarvaiḥ samāyuktaḥ pumānityabhidhīyate |
trivargo'tra sukhaṃ duḥkhaṃ jīvitaṃ maraṇaṃ tathā || 47 ||
[Analyze grammar]

ya idaṃ veda tattvena sa veda prabhavāpyayau |
pārāśaryeha boddhavyaṃ jñānānāṃ yacca kiṃcana || 48 ||
[Analyze grammar]

indriyairgṛhyate yadyattattadvyaktamiti sthitiḥ |
avyaktamiti vijñeyaṃ liṅgagrāhyamatīndriyam || 49 ||
[Analyze grammar]

indriyairniyatairdehī dhārābhiriva tarpyate |
loke vitatamātmānaṃ lokaṃ cātmani paśyati || 50 ||
[Analyze grammar]

parāvaradṛśaḥ śaktirjñānavelāṃ na paśyati |
paśyataḥ sarvabhūtāni sarvāvasthāsu sarvadā || 51 ||
[Analyze grammar]

brahmabhūtasya saṃyogo nāśubhenopapadyate |
jñānena vividhānkleśānativṛttasya mohajān |
loke buddhiprakāśena lokamārgo na riṣyate || 52 ||
[Analyze grammar]

anādinidhanaṃ jantumātmani sthitamavyayam |
akartāramamūrtaṃ ca bhagavānāha tīrthavit || 53 ||
[Analyze grammar]

yo jantuḥ svakṛtaistaistaiḥ karmabhirnityaduḥkhitaḥ |
sa duḥkhapratighātārthaṃ hanti jantūnanekadhā || 54 ||
[Analyze grammar]

tataḥ karma samādatte punaranyannavaṃ bahu |
tapyate'tha punastena bhuktvāpathyamivāturaḥ || 55 ||
[Analyze grammar]

ajasrameva mohārto duḥkheṣu sukhasaṃjñitaḥ |
badhyate mathyate caiva karmabhirmanthavatsadā || 56 ||
[Analyze grammar]

tato nivṛtto bandhātsvātkarmaṇāmudayādiha |
paribhramati saṃsāraṃ cakravadbahuvedanaḥ || 57 ||
[Analyze grammar]

sa tvaṃ nivṛttabandhastu nivṛttaścāpi karmataḥ |
sarvavitsarvajitsiddho bhava bhāvavivarjitaḥ || 58 ||
[Analyze grammar]

saṃyamena navaṃ bandhaṃ nivartya tapaso balāt |
saṃprāptā bahavaḥ siddhimapyabādhāṃ sukhodayām || 59 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 316

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: