Chapter 309

yudhiṣṭhira uvāca |
kathaṃ nirvedamāpannaḥ śuko vaiyāsakiḥ purā |
etadicchāmi kauravya śrotuṃ kautūhalaṃ hi me || 1 ||
[Analyze grammar]

bhīṣma uvāca |
prākṛtena suvṛttena carantamakutobhayam |
adhyāpya kṛtsnaṃ svādhyāyamanvaśādvai pitā sutam || 2 ||
[Analyze grammar]

dharmaṃ putra niṣevasva sutīkṣṇau hi himātapau |
kṣutpipāse ca vāyuṃ ca jaya nityaṃ jitendriyaḥ || 3 ||
[Analyze grammar]

satyamārjavamakrodhamanasūyāṃ damaṃ tapaḥ |
ahiṃsāṃ cānṛśaṃsyaṃ ca vidhivatparipālaya || 4 ||
[Analyze grammar]

satye tiṣṭha rato dharme hitvā sarvamanārjavam |
devatātithiśeṣeṇa yātrāṃ prāṇasya saṃśraya || 5 ||
[Analyze grammar]

phenapātropame dehe jīve śakunivatsthite |
anitye priyasaṃvāse kathaṃ svapiṣi putraka || 6 ||
[Analyze grammar]

apramatteṣu jāgratsu nityayukteṣu śatruṣu |
antaraṃ lipsamāneṣu bālastvaṃ nāvabudhyase || 7 ||
[Analyze grammar]

gaṇyamāneṣu varṣeṣu kṣīyamāṇe tathāyuṣi |
jīvite śiṣyamāṇe ca kimutthāya na dhāvasi || 8 ||
[Analyze grammar]

aihalaukikamīhante māṃsaśoṇitavardhanam |
pāralaukikakāryeṣu prasuptā bhṛśanāstikāḥ || 9 ||
[Analyze grammar]

dharmāya ye'bhyasūyanti buddhimohānvitā narāḥ |
apathā gacchatāṃ teṣāmanuyātāpi pīḍyate || 10 ||
[Analyze grammar]

ye tu tuṣṭāḥ suniyatāḥ satyāgamaparāyaṇāḥ |
dharmyaṃ panthānamārūḍhāstānupāssva ca pṛccha ca || 11 ||
[Analyze grammar]

upadhārya mataṃ teṣāṃ vṛddhānāṃ dharmadarśinām |
niyaccha parayā buddhyā cittamutpathagāmi vai || 12 ||
[Analyze grammar]

adyakālikayā buddhyā dūre śva iti nirbhayāḥ |
sarvabhakṣā na paśyanti karmabhūmiṃ vicetasaḥ || 13 ||
[Analyze grammar]

dharmaniḥśreṇimāsthāya kiṃcitkiṃcitsamāruha |
kośakāravadātmānaṃ veṣṭayannāvabudhyase || 14 ||
[Analyze grammar]

nāstikaṃ bhinnamaryādaṃ kūlapātamivāsthiram |
vāmataḥ kuru visrabdho naraṃ veṇumivoddhatam || 15 ||
[Analyze grammar]

kāmaṃ krodhaṃ ca mṛtyuṃ ca pañcendriyajalāṃ nadīm |
nāvaṃ dhṛtimayīṃ kṛtvā janmadurgāṇi saṃtara || 16 ||
[Analyze grammar]

mṛtyunābhyāhate loke jarayā paripīḍite |
amoghāsu patantīṣu dharmayānena saṃtara || 17 ||
[Analyze grammar]

tiṣṭhantaṃ ca śayānaṃ ca mṛtyuranveṣate yadā |
nirvṛtiṃ labhase kasmādakasmānmṛtyunāśitaḥ || 18 ||
[Analyze grammar]

saṃcinvānakamevainaṃ kāmānāmavitṛptakam |
vṛkīvoraṇamāsādya mṛtyurādāya gacchati || 19 ||
[Analyze grammar]

kramaśaḥ saṃcitaśikho dharmabuddhimayo mahān |
andhakāre praveṣṭavye dīpo yatnena dhāryatām || 20 ||
[Analyze grammar]

saṃpatandehajālāni kadācidiha mānuṣe |
brāhmaṇyaṃ labhate jantustatputra paripālaya || 21 ||
[Analyze grammar]

brāhmaṇasya hi deho'yaṃ na kāmārthāya jāyate |
iha kleśāya tapase pretya tvanupamaṃ sukham || 22 ||
[Analyze grammar]

brāhmaṇyaṃ bahubhiravāpyate tapobhistallabdhvā na paripaṇena heḍitavyam |
svādhyāye tapasi dame ca nityayuktaḥ kṣemārthī kuśalaparaḥ sadā yatasva || 23 ||
[Analyze grammar]

avyaktaprakṛtirayaṃ kalāśarīraḥ sūkṣmātmā kṣaṇatruṭiśo nimeṣaromā |
ṛtvāsyaḥ samabalaśuklakṛṣṇanetro māsāṅgo dravati vayohayo narāṇām || 24 ||
[Analyze grammar]

taṃ dṛṣṭvā prasṛtamajasramugravegaṃ gacchantaṃ satatamihāvyapekṣamāṇam |
cakṣuste yadi na parapraṇetṛneyaṃ dharme te bhavatu manaḥ paraṃ niśamya || 25 ||
[Analyze grammar]

ye'mī tu pracalitadharmakāmavṛttāḥ krośantaḥ satatamaniṣṭasaṃprayogāḥ |
kliśyante parigatavedanāśarīrā bahvībhiḥ subhṛśamadharmavāsanābhiḥ || 26 ||
[Analyze grammar]

rājā dharmaparaḥ sadā śubhagoptā samīkṣya sukṛtināṃ dadhāti lokān |
bahuvidhamapi carataḥ pradiśati sukhamanupagataṃ niravadyam || 27 ||
[Analyze grammar]

śvāno bhīṣaṇāyomukhāni vayāṃsi vaḍagṛdhrakulapakṣiṇāṃ ca saṃghāḥ |
narāṃ kadane rudhirapā guruvacananudamuparataṃ viśasanti || 28 ||
[Analyze grammar]

maryādā niyatāḥ svayaṃbhuvā ya ihemāḥ prabhinatti daśaguṇā manonugatvāt |
nivasati bhṛśamasukhaṃ pitṛviṣayavipinamavagāhya sa pāpaḥ || 29 ||
[Analyze grammar]

yo lubdhaḥ subhṛśaṃ priyānṛtaśca manuṣyaḥ satatanikṛtivañcanāratiḥ syāt |
upanidhibhirasukhakṛtsa paramanirayago bhṛśamasukhamanubhavati duṣkṛtakarmā || 30 ||
[Analyze grammar]

uṣṇāṃ vaitaraṇīṃ mahānadīmavagāḍho'sipatravanabhinnagātraḥ |
paraśuvanaśayo nipatito vasati ca mahāniraye bhṛśārtaḥ || 31 ||
[Analyze grammar]

mahāpadāni katthase na cāpyavekṣase param |
cirasya mṛtyukārikāmanāgatāṃ na budhyase || 32 ||
[Analyze grammar]

prayāsyatāṃ kimāsyate samutthitaṃ mahadbhayam |
atipramāthi dāruṇaṃ sukhasya saṃvidhīyatām || 33 ||
[Analyze grammar]

purā mṛtaḥ praṇīyase yamasya mṛtyuśāsanāt |
tadantikāya dāruṇaiḥ prayatnamārjave kuru || 34 ||
[Analyze grammar]

purā samūlabāndhavaṃ prabhurharatyaduḥkhavit |
taveha jīvitaṃ yamo na cāsti tasya vārakaḥ || 35 ||
[Analyze grammar]

purā vivāti māruto yamasya yaḥ puraḥsaraḥ |
puraika eva nīyase kuruṣva sāṃparāyikam || 36 ||
[Analyze grammar]

purā sahikka eva te pravāti māruto'ntakaḥ |
purā ca vibhramanti te diśo mahābhayāgame || 37 ||
[Analyze grammar]

smṛtiśca saṃnirudhyate purā taveha putraka |
samākulasya gacchataḥ samādhimuttamaṃ kuru || 38 ||
[Analyze grammar]

kṛtākṛte śubhāśubhe pramādakarmaviplute |
smaranpurā na tapyase nidhatsva kevalaṃ nidhim || 39 ||
[Analyze grammar]

purā jarā kalevaraṃ vijarjarīkaroti te |
balāṅgarūpahāriṇī nidhatsva kevalaṃ nidhim || 40 ||
[Analyze grammar]

purā śarīramantako bhinatti rogasāyakaiḥ |
prasahya jīvitakṣaye tapo mahatsamācara || 41 ||
[Analyze grammar]

purā vṛkā bhayaṃkarā manuṣyadehagocarāḥ |
abhidravanti sarvato yatasva puṇyaśīlane || 42 ||
[Analyze grammar]

purāndhakāramekako'nupaśyasi tvarasva vai |
purā hiraṇmayānnagānnirīkṣase'drimūrdhani || 43 ||
[Analyze grammar]

purā kusaṃgatāni te suhṛnmukhāśca śatravaḥ |
vicālayanti darśanādghaṭasva putra yatparam || 44 ||
[Analyze grammar]

dhanasya yasya rājato bhayaṃ na cāsti caurataḥ |
mṛtaṃ ca yanna muñcati samarjayasva taddhanam || 45 ||
[Analyze grammar]

na tatra saṃvibhajyate svakarmabhiḥ parasparam |
yadeva yasya yautakaṃ tadeva tatra so'śnute || 46 ||
[Analyze grammar]

paratra yena jīvyate tadeva putra dīyatām |
dhanaṃ yadakṣayaṃ dhruvaṃ samarjayasva tatsvayam || 47 ||
[Analyze grammar]

na yāvadeva pacyate mahājanasya yāvakam |
apakva eva yāvake purā praṇīyase tvara || 48 ||
[Analyze grammar]

na mātṛpitṛbāndhavā na saṃstutaḥ priyo janaḥ |
anuvrajanti saṃkaṭe vrajantamekapātinam || 49 ||
[Analyze grammar]

yadeva karma kevalaṃ svayaṃ kṛtaṃ śubhāśubham |
tadeva tasya yautakaṃ bhavatyamutra gacchataḥ || 50 ||
[Analyze grammar]

hiraṇyaratnasaṃcayāḥ śubhāśubhena saṃcitāḥ |
na tasya dehasaṃkṣaye bhavanti kāryasādhakāḥ || 51 ||
[Analyze grammar]

paratragāmikasya te kṛtākṛtasya karmaṇaḥ |
na sākṣirātmanā samo nṛṇāmihāsti kaścana || 52 ||
[Analyze grammar]

manuṣyadehaśūnyakaṃ bhavatyamutra gacchataḥ |
prapaśya buddhicakṣuṣā pradṛśyate hi sarvataḥ || 53 ||
[Analyze grammar]

ihāgnisūryavāyavaḥ śarīramāśritāstrayaḥ |
ta eva tasya sākṣiṇo bhavanti dharmadarśinaḥ || 54 ||
[Analyze grammar]

yathāniśeṣu sarvataḥspṛśatsu sarvadāriṣu |
prakāśagūḍhavṛttiṣu svadharmameva pālaya || 55 ||
[Analyze grammar]

anekapāripanthike virūparaudrarakṣite |
svameva karma rakṣyatāṃ svakarma tatra gacchati || 56 ||
[Analyze grammar]

na tatra saṃvibhajyate svakarmaṇā parasparam |
yathākṛtaṃ svakarmajaṃ tadeva bhujyate phalam || 57 ||
[Analyze grammar]

yathāpsarogaṇāḥ phalaṃ sukhaṃ maharṣibhiḥ saha |
tathāpnuvanti karmato vimānakāmagāminaḥ || 58 ||
[Analyze grammar]

yatheha yatkṛtaṃ śubhaṃ vipāpmabhiḥ kṛtātmabhiḥ |
tadāpnuvanti mānavāstathā viśuddhayonayaḥ || 59 ||
[Analyze grammar]

prajāpateḥ salokatāṃ bṛhaspateḥ śatakratoḥ |
vrajanti te parāṃ gatiṃ gṛhasthadharmasetubhiḥ || 60 ||
[Analyze grammar]

sahasraśo'pyanekaśaḥ pravaktumutsahāmahe |
abuddhimohanaṃ punaḥ prabhurvinā na yāvakam || 61 ||
[Analyze grammar]

gatā dviraṣṭavarṣatā dhruvo'si pañcaviṃśakaḥ |
kuruṣva dharmasaṃcayaṃ vayo hi te'tivartate || 62 ||
[Analyze grammar]

purā karoti so'ntakaḥ pramādagomukhaṃ damam |
yathāgṛhītamutthitaṃ tvarasva dharmapālane || 63 ||
[Analyze grammar]

yadā tvameva pṛṣṭhatastvamagrato gamiṣyasi |
tathā gatiṃ gamiṣyataḥ kimātmanā pareṇa vā || 64 ||
[Analyze grammar]

yadekapātināṃ satāṃ bhavatyamutra gacchatām |
bhayeṣu sāṃparāyikaṃ nidhatsva taṃ mahānidhim || 65 ||
[Analyze grammar]

sakūlamūlabāndhavaṃ prabhurharatyasaṅgavān |
na santi yasya vārakāḥ kuruṣva dharmasaṃnidhim || 66 ||
[Analyze grammar]

idaṃ nidarśanaṃ mayā taveha putra saṃmatam |
svadarśanānumānataḥ pravarṇitaṃ kuruṣva tat || 67 ||
[Analyze grammar]

dadhāti yaḥ svakarmaṇā dhanāni yasya kasyacit |
abuddhimohajairguṇaiḥ śataika eva yujyate || 68 ||
[Analyze grammar]

śrutaṃ samarthamastu te prakurvataḥ śubhāḥ kriyāḥ |
tadeva tatra darśanaṃ kṛtajñamarthasaṃhitam || 69 ||
[Analyze grammar]

nibandhanī rajjureṣā yā grāme vasato ratiḥ |
chittvaināṃ sukṛto yānti naināṃ chindanti duṣkṛtaḥ || 70 ||
[Analyze grammar]

kiṃ te dhanena kiṃ bandhubhiste kiṃ te putraiḥ putraka yo mariṣyasi |
ātmānamanviccha guhāṃ praviṣṭaṃ pitāmahāste kva gatāśca sarve || 71 ||
[Analyze grammar]

śvaḥkāryamadya kurvīta pūrvāhṇe cāparāhṇikam |
ko hi tadveda kasyādya mṛtyusenā nivekṣyate || 72 ||
[Analyze grammar]

anugamya śmaśānāntaṃ nivartantīha bāndhavāḥ |
agnau prakṣipya puruṣaṃ jñātayaḥ suhṛdastathā || 73 ||
[Analyze grammar]

nāstikānniranukrośānnarānpāpamatau sthitān |
vāmataḥ kuru viśrabdhaṃ paraṃ prepsuratandritaḥ || 74 ||
[Analyze grammar]

evamabhyāhate loke kālenopanipīḍite |
sumahaddhairyamālambya dharmaṃ sarvātmanā kuru || 75 ||
[Analyze grammar]

athemaṃ darśanopāyaṃ samyagyo vetti mānavaḥ |
samyaksa dharmaṃ kṛtveha paratra sukhamedhate || 76 ||
[Analyze grammar]

na dehabhede maraṇaṃ vijānatāṃ na ca praṇāśaḥ svanupālite pathi |
dharmaṃ hi yo vardhayate sa paṇḍito ya eva dharmāccyavate sa muhyati || 77 ||
[Analyze grammar]

prayuktayoḥ karmapathi svakarmaṇoḥ phalaṃ prayoktā labhate yathāvidhi |
nihīnakarmā nirayaṃ prapadyate triviṣṭapaṃ gacchati dharmapāragaḥ || 78 ||
[Analyze grammar]

sopānabhūtaṃ svargasya mānuṣyaṃ prāpya durlabham |
tathātmānaṃ samādadhyādbhraśyeta na punaryathā || 79 ||
[Analyze grammar]

yasya notkrāmati matiḥ svargamārgānusāriṇī |
tamāhuḥ puṇyakarmāṇamaśocyaṃ mitrabāndhavaiḥ || 80 ||
[Analyze grammar]

yasya nopahatā buddhirniścayeṣvavalambate |
svarge kṛtāvakāśasya tasya nāsti mahadbhayam || 81 ||
[Analyze grammar]

tapovaneṣu ye jātāstatraiva nidhanaṃ gatāḥ |
teṣāmalpataro dharmaḥ kāmabhogamajānatām || 82 ||
[Analyze grammar]

yastu bhogānparityajya śarīreṇa tapaścaret |
na tena kiṃcinna prāptaṃ tanme bahumataṃ phalam || 83 ||
[Analyze grammar]

mātāpitṛsahasrāṇi putradāraśatāni ca |
anāgatānyatītāni kasya te kasya vā vayam || 84 ||
[Analyze grammar]

na teṣāṃ bhavatā kāryaṃ na kāryaṃ tava tairapi |
svakṛtaistāni yātāni bhavāṃścaiva gamiṣyati || 85 ||
[Analyze grammar]

iha loke hi dhaninaḥ paro'pi svajanāyate |
svajanastu daridrāṇāṃ jīvatāmeva naśyati || 86 ||
[Analyze grammar]

saṃcinotyaśubhaṃ karma kalatrāpekṣayā naraḥ |
tataḥ kleśamavāpnoti paratreha tathaiva ca || 87 ||
[Analyze grammar]

paśya tvaṃ chidrabhūtaṃ hi jīvalokaṃ svakarmaṇā |
tatkuruṣva tathā putra kṛtsnaṃ yatsamudāhṛtam || 88 ||
[Analyze grammar]

tadetatsaṃpradṛśyaiva karmabhūmiṃ praviśya tām |
śubhānyācaritavyāni paralokamabhīpsatā || 89 ||
[Analyze grammar]

māsartusaṃjñāparivartakena sūryāgninā rātridivendhanena |
svakarmaniṣṭhāphalasākṣikeṇa bhūtāni kālaḥ pacati prasahya || 90 ||
[Analyze grammar]

dhanena kiṃ yanna dadāti nāśnute balena kiṃ yena ripūnna bādhate |
śrutena kiṃ yena na dharmamācaretkimātmanā yo na jitendriyo vaśī || 91 ||
[Analyze grammar]

idaṃ dvaipāyanavaco hitamuktaṃ niśamya tu |
śuko gataḥ parityajya pitaraṃ mokṣadeśikam || 92 ||
[Analyze grammar]