Chapter 295

vasiṣṭha uvāca |
sāṃkhyadarśanametāvaduktaṃ te nṛpasattama |
vidyāvidye tvidānīṃ me tvaṃ nibodhānupūrvaśaḥ || 1 ||
[Analyze grammar]

avidyāmāhuravyaktaṃ sargapralayadharmi vai |
sargapralayanirmuktaṃ vidyāṃ vai pañcaviṃśakam || 2 ||
[Analyze grammar]

parasparamavidyāṃ vai tannibodhānupūrvaśaḥ |
yathoktamṛṣibhistāta sāṃkhyasyāsya nidarśanam || 3 ||
[Analyze grammar]

karmendriyāṇāṃ sarveṣāṃ vidyā buddhīndriyaṃ smṛtam |
buddhīndriyāṇāṃ ca tathā viśeṣā iti naḥ śrutam || 4 ||
[Analyze grammar]

viśeṣāṇāṃ manasteṣāṃ vidyāmāhurmanīṣiṇaḥ |
manasaḥ pañcabhūtāni vidyā ityabhicakṣate || 5 ||
[Analyze grammar]

ahaṃkārastu bhūtānāṃ pañcānāṃ nātra saṃśayaḥ |
ahaṃkārasya ca tathā buddhirvidyā nareśvara || 6 ||
[Analyze grammar]

buddheḥ prakṛtiravyaktaṃ tattvānāṃ parameśvaram |
vidyā jñeyā naraśreṣṭha vidhiśca paramaḥ smṛtaḥ || 7 ||
[Analyze grammar]

avyaktasya paraṃ prāhurvidyāṃ vai pañcaviṃśakam |
sarvasya sarvamityuktaṃ jñeyaṃ jñānasya pārthiva || 8 ||
[Analyze grammar]

jñānamavyaktamityuktaṃ jñeyaṃ vai pañcaviṃśakam |
tathaiva jñānamavyaktaṃ vijñātā pañcaviṃśakaḥ || 9 ||
[Analyze grammar]

vidyāvidyārthatattvena mayoktaṃ te viśeṣataḥ |
akṣaraṃ ca kṣaraṃ caiva yaduktaṃ tannibodha me || 10 ||
[Analyze grammar]

ubhāvetau kṣarāvuktāvubhāvetau ca nakṣarau |
kāraṇaṃ tu pravakṣyāmi yathā khyātau tu tattvataḥ || 11 ||
[Analyze grammar]

anādinidhanāvetāvubhāveveśvarau matau |
tattvasaṃjñāvubhāvetau procyete jñānacintakaiḥ || 12 ||
[Analyze grammar]

sargapralayadharmitvādavyaktaṃ prāhurakṣaram |
tadetadguṇasargāya vikurvāṇaṃ punaḥ punaḥ || 13 ||
[Analyze grammar]

guṇānāṃ mahadādīnāmutpadyati parasparam |
adhiṣṭhānātkṣetramāhuretattatpañcaviṃśakam || 14 ||
[Analyze grammar]

yadā tu guṇajālaṃ tadavyaktātmani saṃkṣipet |
tadā saha guṇaistaistu pañcaviṃśo vilīyate || 15 ||
[Analyze grammar]

guṇā guṇeṣu līyante tadaikā prakṛtirbhavet |
kṣetrajño'pi yadā tāta tatkṣetre saṃpralīyate || 16 ||
[Analyze grammar]

tadākṣaratvaṃ prakṛtirgacchate guṇasaṃjñitā |
nirguṇatvaṃ ca vaideha guṇeṣu prativartanāt || 17 ||
[Analyze grammar]

evameva ca kṣetrajñaḥ kṣetrajñānaparikṣaye |
prakṛtyā nirguṇastveṣa ityevamanuśuśruma || 18 ||
[Analyze grammar]

kṣaro bhavatyeṣa yadā tadā guṇavatīmatha |
prakṛtiṃ tvabhijānāti nirguṇatvaṃ tathātmanaḥ || 19 ||
[Analyze grammar]

tadā viśuddho bhavati prakṛteḥ parivarjanāt |
anyo'hamanyeyamiti yadā budhyati buddhimān || 20 ||
[Analyze grammar]

tadaiṣo'nyatvatāmeti na ca miśratvamāvrajet |
prakṛtyā caiva rājendra namiśro'nyaśca dṛśyate || 21 ||
[Analyze grammar]

yadā tu guṇajālaṃ tatprākṛtaṃ vijugupsate |
paśyate cāparaṃ paśyaṃ tadā paśyanna saṃjvaret || 22 ||
[Analyze grammar]

kiṃ mayā kṛtametāvadyo'haṃ kālamimaṃ janam |
matsyo jālaṃ hyavijñānādanuvartitavāṃstathā || 23 ||
[Analyze grammar]

ahameva hi saṃmohādanyamanyaṃ janājjanam |
matsyo yathodakajñānādanuvartitavāniha || 24 ||
[Analyze grammar]

matsyo'nyatvaṃ yathājñānādudakānnābhimanyate |
ātmānaṃ tadvadajñānādanyatvaṃ caiva vedmyaham || 25 ||
[Analyze grammar]

mamāstu dhigabuddhasya yo'haṃ magnamimaṃ punaḥ |
anuvartitavānmohādanyamanyaṃ janājjanam || 26 ||
[Analyze grammar]

ayamatra bhavedbandhuranena saha mokṣaṇam |
sāmyamekatvamāyāto yādṛśastādṛśastvaham || 27 ||
[Analyze grammar]

tulyatāmiha paśyāmi sadṛśo'hamanena vai |
ayaṃ hi vimalo vyaktamahamīdṛśakastathā || 28 ||
[Analyze grammar]

yo'hamajñānasaṃmohādajñayā saṃpravṛttavān |
sasaṅgayāhaṃ niḥsaṅgaḥ sthitaḥ kālamimaṃ tvaham || 29 ||
[Analyze grammar]

anayāhaṃ vaśībhūtaḥ kālametaṃ na buddhavān |
uccamadhyamanīcānāṃ tāmahaṃ kathamāvase || 30 ||
[Analyze grammar]

samānayānayā ceha sahavāsamahaṃ katham |
gacchāmyabuddhabhāvatvādeṣedānīṃ sthiro bhave || 31 ||
[Analyze grammar]

sahavāsaṃ na yāsyāmi kālametaddhi vañcanāt |
vañcito'smyanayā yaddhi nirvikāro vikārayā || 32 ||
[Analyze grammar]

na cāyamaparādho'syā aparādho hyayaṃ mama |
yo'hamatrābhavaṃ saktaḥ parāṅmukhamupasthitaḥ || 33 ||
[Analyze grammar]

tato'smi bahurūpāsu sthito mūrtiṣvamūrtimān |
amūrtaścāpi mūrtātmā mamatvena pradharṣitaḥ || 34 ||
[Analyze grammar]

prakṛteranayatvena tāsu tāsviha yoniṣu |
nirmamasya mamatvena kiṃ kṛtaṃ tāsu tāsu ca |
yonīṣu vartamānena naṣṭasaṃjñena cetasā || 35 ||
[Analyze grammar]

na mamātrānayā kāryamahaṃkārakṛtātmayā |
ātmānaṃ bahudhā kṛtvā yeyaṃ bhūyo yunakti mām |
idānīmeṣa buddho'smi nirmamo nirahaṃkṛtaḥ || 36 ||
[Analyze grammar]

mamatvamanayā nityamahaṃkārakṛtātmakam |
apetyāhamimāṃ hitvā saṃśrayiṣye nirāmayam || 37 ||
[Analyze grammar]

anena sāmyaṃ yāsyāmi nānayāhamacetasā |
kṣamaṃ mama sahānena naikatvamanayā saha |
evaṃ paramasaṃbodhātpañcaviṃśo'nubuddhavān || 38 ||
[Analyze grammar]

akṣaratvaṃ niyaccheta tyaktvā kṣaramanāmayam |
avyaktaṃ vyaktadharmāṇaṃ saguṇaṃ nirguṇaṃ tathā |
nirguṇaṃ prathamaṃ dṛṣṭvā tādṛgbhavati maithila || 39 ||
[Analyze grammar]

akṣarakṣarayoretaduktaṃ tava nidarśanam |
mayeha jñānasaṃpannaṃ yathāśrutinidarśanāt || 40 ||
[Analyze grammar]

niḥsaṃdigdhaṃ ca sūkṣmaṃ ca vibuddhaṃ vimalaṃ tathā |
pravakṣyāmi tu te bhūyastannibodha yathāśrutam || 41 ||
[Analyze grammar]

sāṃkhyayogau mayā proktau śāstradvayanidarśanāt |
yadeva śāstraṃ sāṃkhyoktaṃ yogadarśanameva tat || 42 ||
[Analyze grammar]

prabodhanakaraṃ jñānaṃ sāṃkhyānāmavanīpate |
vispaṣṭaṃ procyate tatra śiṣyāṇāṃ hitakāmyayā || 43 ||
[Analyze grammar]

bṛhaccaiva hi tacchāstramityāhuḥ kuśalā janāḥ |
asmiṃśca śāstre yogānāṃ punardadhi punaḥ śaraḥ || 44 ||
[Analyze grammar]

pañcaviṃśātparaṃ tattvaṃ na paśyati narādhipa |
sāṃkhyānāṃ tu paraṃ tatra yathāvadanuvarṇitam || 45 ||
[Analyze grammar]

buddhamapratibuddhaṃ ca budhyamānaṃ ca tattvataḥ |
budhyamānaṃ ca buddhaṃ ca prāhuryoganidarśanam || 46 ||
[Analyze grammar]