Chapter 274

yudhiṣṭhira uvāca |
pitāmaha mahāprājña sarvaśāstraviśārada |
asti vṛtravadhādeva vivakṣā mama jāyate || 1 ||
[Analyze grammar]

jvareṇa mohito vṛtraḥ kathitaste janādhipa |
nihato vāsaveneha vajreṇeti mamānagha || 2 ||
[Analyze grammar]

kathameṣa mahāprājña jvaraḥ prādurabhūtkutaḥ |
jvarotpattiṃ nipuṇataḥ śrotumicchāmyahaṃ prabho || 3 ||
[Analyze grammar]

bhīṣma uvāca |
śṛṇu rājañjvarasyeha saṃbhavaṃ lokaviśrutam |
vistaraṃ cāsya vakṣyāmi yādṛśaṃ caiva bhārata || 4 ||
[Analyze grammar]

purā merormahārāja śṛṅgaṃ trailokyaviśrutam |
jyotiṣkaṃ nāma sāvitraṃ sarvaratnavibhūṣitam |
aprameyamanādhṛṣyaṃ sarvalokeṣu bhārata || 5 ||
[Analyze grammar]

tatra devo giritaṭe hemadhātuvibhūṣite |
paryaṅka iva vibhrājannupaviṣṭo babhūva ha || 6 ||
[Analyze grammar]

śailarājasutā cāsya nityaṃ pārśve sthitā babhau |
tathā devā mahātmāno vasavaśca mahaujasaḥ || 7 ||
[Analyze grammar]

tathaiva ca mahātmānāvaśvinau bhiṣajāṃ varau |
tathā vaiśravaṇo rājā guhyakairabhisaṃvṛtaḥ || 8 ||
[Analyze grammar]

yakṣāṇāmadhipaḥ śrīmānkailāsanilayaḥ prabhuḥ |
aṅgiraḥpramukhāścaiva tathā devarṣayo'pare || 9 ||
[Analyze grammar]

viśvāvasuśca gandharvastathā nāradaparvatau |
apsarogaṇasaṃghāśca samājagmuranekaśaḥ || 10 ||
[Analyze grammar]

vavau śivaḥ sukho vāyurnānāgandhavahaḥ śuciḥ |
sarvartukusumopetāḥ puṣpavanto mahādrumāḥ || 11 ||
[Analyze grammar]

tathā vidyādharāścaiva siddhāścaiva tapodhanāḥ |
mahādevaṃ paśupatiṃ paryupāsanta bhārata || 12 ||
[Analyze grammar]

bhūtāni ca mahārāja nānārūpadharāṇyatha |
rākṣasāśca mahāraudrāḥ piśācāśca mahābalāḥ || 13 ||
[Analyze grammar]

bahurūpadharā hṛṣṭā nānāpraharaṇodyatāḥ |
devasyānucarāstatra tasthire cānalopamāḥ || 14 ||
[Analyze grammar]

nandī ca bhagavāṃstatra devasyānumate sthitaḥ |
pragṛhya jvalitaṃ śūlaṃ dīpyamānaṃ svatejasā || 15 ||
[Analyze grammar]

gaṅgā ca saritāṃ śreṣṭhā sarvatīrthajalodbhavā |
paryupāsata taṃ devaṃ rūpiṇī kurunandana || 16 ||
[Analyze grammar]

evaṃ sa bhagavāṃstatra pūjyamānaḥ surarṣibhiḥ |
devaiśca sumahābhāgairmahādevo vyatiṣṭhata || 17 ||
[Analyze grammar]

kasyacittvatha kālasya dakṣo nāma prajāpatiḥ |
pūrvoktena vidhānena yakṣyamāṇo'nvapadyata || 18 ||
[Analyze grammar]

tatastasya makhaṃ devāḥ sarve śakrapurogamāḥ |
gamanāya samāgamya buddhimāpedire tadā || 19 ||
[Analyze grammar]

te vimānairmahātmāno jvalitairjvalanaprabhāḥ |
devasyānumate'gacchangaṅgādvāramiti śrutiḥ || 20 ||
[Analyze grammar]

prasthitā devatā dṛṣṭvā śailarājasutā tadā |
uvāca vacanaṃ sādhvī devaṃ paśupatiṃ patim || 21 ||
[Analyze grammar]

bhagavankva nu yāntyete devāḥ śakrapurogamāḥ |
brūhi tattvena tattvajña saṃśayo me mahānayam || 22 ||
[Analyze grammar]

maheśvara uvāca |
dakṣo nāma mahābhāge prajānāṃ patiruttamaḥ |
hayamedhena yajate tatra yānti divaukasaḥ || 23 ||
[Analyze grammar]

umā uvāca |
yajñametaṃ mahābhāga kimarthaṃ nābhigacchasi |
kena vā pratiṣedhena gamanaṃ te na vidyate || 24 ||
[Analyze grammar]

maheśvara uvāca |
suraireva mahābhāge sarvametadanuṣṭhitam |
yajñeṣu sarveṣu mama na bhāga upakalpitaḥ || 25 ||
[Analyze grammar]

pūrvopāyopapannena mārgeṇa varavarṇini |
na me surāḥ prayacchanti bhāgaṃ yajñasya dharmataḥ || 26 ||
[Analyze grammar]

umā uvāca |
bhagavansarvabhūteṣu prabhavābhyadhiko guṇaiḥ |
ajeyaścāpradhṛṣyaśca tejasā yaśasā śriyā || 27 ||
[Analyze grammar]

anena te mahābhāga pratiṣedhena bhāgataḥ |
atīva duḥkhamutpannaṃ vepathuśca mamānagha || 28 ||
[Analyze grammar]

bhīṣma uvāca |
evamuktvā tu sā devī devaṃ paśupatiṃ patim |
tūṣṇīṃbhūtābhavadrājandahyamānena cetasā || 29 ||
[Analyze grammar]

atha devyā mataṃ jñātvā hṛdgataṃ yaccikīrṣitam |
sa samājñāpayāmāsa tiṣṭha tvamiti nandinam || 30 ||
[Analyze grammar]

tato yogabalaṃ kṛtvā sarvayogeśvareśvaraḥ |
taṃ yajñaṃ sumahātejā bhīmairanucaraistadā |
sahasā ghātayāmāsa devadevaḥ pinākadhṛk || 31 ||
[Analyze grammar]

kecinnādānamuñcanta keciddhāsāṃśca cakrire |
rudhireṇāpare rājaṃstatrāgniṃ samavākiran || 32 ||
[Analyze grammar]

kecidyūpānsamutpāṭya babhramurvikṛtānanāḥ |
āsyairanye cāgrasanta tathaiva paricārakān || 33 ||
[Analyze grammar]

tataḥ sa yajño nṛpate vadhyamānaḥ samantataḥ |
āsthāya mṛgarūpaṃ vai khamevābhyapatattadā || 34 ||
[Analyze grammar]

taṃ tu yajñaṃ tathārūpaṃ gacchantamupalabhya saḥ |
dhanurādāya bāṇaṃ ca tadānvasarata prabhuḥ || 35 ||
[Analyze grammar]

tatastasya sureśasya krodhādamitatejasaḥ |
lalāṭātprasṛto ghoraḥ svedabindurbabhūva ha || 36 ||
[Analyze grammar]

tasminpatitamātre tu svedabindau tathā bhuvi |
prādurbabhūva sumahānagniḥ kālānalopamaḥ || 37 ||
[Analyze grammar]

tatra cājāyata tadā puruṣaḥ puruṣarṣabha |
hrasvo'timātraraktākṣo hariśmaśrurvibhīṣaṇaḥ || 38 ||
[Analyze grammar]

ūrdhvakeśo'tilomāṅgaḥ śyenolūkastathaiva ca |
karālaḥ kṛṣṇavarṇaśca raktavāsāstathaiva ca || 39 ||
[Analyze grammar]

taṃ yajñaṃ sa mahāsattvo'dahatkakṣamivānalaḥ |
devāścāpyadravansarve tato bhītā diśo daśa || 40 ||
[Analyze grammar]

tena tasminvicaratā puruṣeṇa viśāṃ pate |
pṛthivī vyacaladrājannatīva bharatarṣabha || 41 ||
[Analyze grammar]

hāhābhūte pravṛtte tu nāde lokabhayaṃkare |
pitāmaho mahādevaṃ darśayanpratyabhāṣata || 42 ||
[Analyze grammar]

bhavato'pi surāḥ sarve bhāgaṃ dāsyanti vai prabho |
kriyatāṃ pratisaṃhāraḥ sarvadeveśvara tvayā || 43 ||
[Analyze grammar]

imā hi devatāḥ sarvā ṛṣayaśca paraṃtapa |
tava krodhānmahādeva na śāntimupalebhire || 44 ||
[Analyze grammar]

yaścaiṣa puruṣo jātaḥ svedātte vibudhottama |
jvaro nāmaiṣa dharmajña lokeṣu pracariṣyati || 45 ||
[Analyze grammar]

ekībhūtasya na hyasya dhāraṇe tejasaḥ prabho |
samarthā sakalā pṛthvī bahudhā sṛjyatāmayam || 46 ||
[Analyze grammar]

ityukto brahmaṇā devo bhāge cāpi prakalpite |
bhagavantaṃ tathetyāha brahmāṇamamitaujasam || 47 ||
[Analyze grammar]

parāṃ ca prītimagamadutsmayaṃśca pinākadhṛk |
avāpa ca tadā bhāgaṃ yathoktaṃ brahmaṇā bhavaḥ || 48 ||
[Analyze grammar]

jvaraṃ ca sarvadharmajño bahudhā vyasṛjattadā |
śāntyarthaṃ sarvabhūtānāṃ śṛṇu taccāpi putraka || 49 ||
[Analyze grammar]

śīrṣābhitāpo nāgānāṃ parvatānāṃ śilājatuḥ |
apāṃ tu nīlikāṃ vidyānnirmokaṃ bhujageṣu ca || 50 ||
[Analyze grammar]

khorakaḥ saurabheyāṇāmūṣaraṃ pṛthivītale |
paśūnāmapi dharmajña dṛṣṭipratyavarodhanam || 51 ||
[Analyze grammar]

randhrāgatamathāśvānāṃ śikhodbhedaśca barhiṇām |
netrarogaḥ kokilānāṃ jvaraḥ prokto mahātmanā || 52 ||
[Analyze grammar]

abjānāṃ pittabhedaśca sarveṣāmiti naḥ śrutam |
śukānāmapi sarveṣāṃ hikkikā procyate jvaraḥ || 53 ||
[Analyze grammar]

śārdūleṣvatha dharmajña śramo jvara ihocyate |
mānuṣeṣu tu dharmajña jvaro nāmaiṣa viśrutaḥ |
maraṇe janmani tathā madhye cāviśate naram || 54 ||
[Analyze grammar]

etanmāheśvaraṃ tejo jvaro nāma sudāruṇaḥ |
namasyaścaiva mānyaśca sarvaprāṇibhirīśvaraḥ || 55 ||
[Analyze grammar]

anena hi samāviṣṭo vṛtro dharmabhṛtāṃ varaḥ |
vyajṛmbhata tataḥ śakrastasmai vajramavāsṛjat || 56 ||
[Analyze grammar]

praviśya vajro vṛtraṃ tu dārayāmāsa bhārata |
dāritaśca sa vajreṇa mahāyogī mahāsuraḥ |
jagāma paramaṃ sthānaṃ viṣṇoramitatejasaḥ || 57 ||
[Analyze grammar]

viṣṇubhaktyā hi tenedaṃ jagadvyāptamabhūtpurā |
tasmācca nihato yuddhe viṣṇoḥ sthānamavāptavān || 58 ||
[Analyze grammar]

ityeṣa vṛtramāśritya jvarasya mahato mayā |
vistaraḥ kathitaḥ putra kimanyatprabravīmi te || 59 ||
[Analyze grammar]

imāṃ jvarotpattimadīnamānasaḥ paṭhetsadā yaḥ susamāhito naraḥ |
vimuktarogaḥ sa sukhī mudā yuto labheta kāmānsa yathāmanīṣitān || 60 ||
[Analyze grammar]