Chapter 154

yudhiṣṭhira uvāca |
svādhyāyakṛtayatnasya brāhmaṇasya pitāmaha |
dharmakāmasya dharmātmankiṃ nu śreya ihocyate || 1 ||
[Analyze grammar]

bahudhādarśane loke śreyo yadiha manyase |
asmiṃlloke pare caiva tanme brūhi pitāmaha || 2 ||
[Analyze grammar]

mahānayaṃ dharmapatho bahuśākhaśca bhārata |
kiṃ svideveha dharmāṇāmanuṣṭheyatamaṃ matam || 3 ||
[Analyze grammar]

dharmasya mahato rājanbahuśākhasya tattvataḥ |
yanmūlaṃ paramaṃ tāta tatsarvaṃ brūhyatandritaḥ || 4 ||
[Analyze grammar]

bhīṣma uvāca |
hanta te kathayiṣyāmi yena śreyaḥ prapatsyase |
pītvāmṛtamiva prājño jñānatṛpto bhaviṣyasi || 5 ||
[Analyze grammar]

dharmasya vidhayo naike te te proktā maharṣibhiḥ |
svaṃ svaṃ vijñānamāśritya damasteṣāṃ parāyaṇam || 6 ||
[Analyze grammar]

damaṃ niḥśreyasaṃ prāhurvṛddhā niścayadarśinaḥ |
brāhmaṇasya viśeṣeṇa damo dharmaḥ sanātanaḥ || 7 ||
[Analyze grammar]

nādāntasya kriyāsiddhiryathāvadupalabhyate |
damo dānaṃ tathā yajñānadhītaṃ cātivartate || 8 ||
[Analyze grammar]

damastejo vardhayati pavitraṃ ca damaḥ param |
vipāpmā tejasā yuktaḥ puruṣo vindate mahat || 9 ||
[Analyze grammar]

damena sadṛśaṃ dharmaṃ nānyaṃ lokeṣu śuśruma |
damo hi paramo loke praśastaḥ sarvadharmiṇām || 10 ||
[Analyze grammar]

pretya cāpi manuṣyendra paramaṃ vindate sukham |
damena hi samāyukto mahāntaṃ dharmamaśnute || 11 ||
[Analyze grammar]

sukhaṃ dāntaḥ prasvapiti sukhaṃ ca pratibudhyate |
sukhaṃ paryeti lokāṃśca manaścāsya prasīdati || 12 ||
[Analyze grammar]

adāntaḥ puruṣaḥ kleśamabhīkṣṇaṃ pratipadyate |
anarthāṃśca bahūnanyānprasṛjatyātmadoṣajān || 13 ||
[Analyze grammar]

āśrameṣu caturṣvāhurdamamevottamaṃ vratam |
tasya liṅgāni vakṣyāmi yeṣāṃ samudayo damaḥ || 14 ||
[Analyze grammar]

kṣamā dhṛtirahiṃsā ca samatā satyamārjavam |
indriyāvajayo dākṣyaṃ mārdavaṃ hrīracāpalam || 15 ||
[Analyze grammar]

akārpaṇyamasaṃrambhaḥ saṃtoṣaḥ priyavāditā |
avivitsānasūyā cāpyeṣāṃ samudayo damaḥ || 16 ||
[Analyze grammar]

gurupūjā ca kauravya dayā bhūteṣvapaiśunam |
janavādo'mṛṣāvādaḥ stutinindāvivarjanam || 17 ||
[Analyze grammar]

kāmaḥ krodhaśca lobhaśca darpaḥ stambho vikatthanam |
moha īrṣyāvamānaścetyetaddānto na sevate || 18 ||
[Analyze grammar]

anindito hyakāmātmāthālpeccho'thānasūyakaḥ |
samudrakalpaḥ sa naro na kadācana pūryate || 19 ||
[Analyze grammar]

ahaṃ tvayi mama tvaṃ ca mayi te teṣu cāpyaham |
pūrvasaṃbandhisaṃyogānnaitaddānto niṣevate || 20 ||
[Analyze grammar]

sarvā grāmyāstathāraṇyā yāśca loke pravṛttayaḥ |
nindāṃ caiva praśaṃsāṃ ca yo nāśrayati mucyate || 21 ||
[Analyze grammar]

maitro'tha śīlasaṃpannaḥ susahāyaparaśca yaḥ |
muktaśca vividhaiḥ saṅgaistasya pretya mahatphalam || 22 ||
[Analyze grammar]

suvṛttaḥ śīlasaṃpannaḥ prasannātmātmavidbudhaḥ |
prāpyeha loke satkāraṃ sugatiṃ pratipadyate || 23 ||
[Analyze grammar]

karma yacchubhameveha sadbhirācaritaṃ ca yat |
tadeva jñānayuktasya munerdharmo na hīyate || 24 ||
[Analyze grammar]

niṣkramya vanamāsthāya jñānayukto jitendriyaḥ |
kālākāṅkṣī carannevaṃ brahmabhūyāya kalpate || 25 ||
[Analyze grammar]

abhayaṃ yasya bhūtebhyo bhūtānāmabhayaṃ yataḥ |
tasya dehādvimuktasya bhayaṃ nāsti kutaścana || 26 ||
[Analyze grammar]

avācinoti karmāṇi na ca saṃpracinoti ha |
samaḥ sarveṣu bhūteṣu maitrāyaṇagatiścaret || 27 ||
[Analyze grammar]

śakunīnāmivākāśe jale vāricarasya vā |
yathā gatirna dṛśyeta tathā tasya na saṃśayaḥ || 28 ||
[Analyze grammar]

gṛhānutsṛjya yo rājanmokṣamevābhipadyate |
lokāstejomayāstasya kalpante śāśvatīḥ samāḥ || 29 ||
[Analyze grammar]

saṃnyasya sarvakarmāṇi saṃnyasya vidhivattapaḥ |
saṃnyasya vividhā vidyāḥ sarvaṃ saṃnyasya caiva ha || 30 ||
[Analyze grammar]

kāmeṣu cāpyanāvṛttaḥ prasannātmātmavicchuciḥ |
prāpyeha loke satkāraṃ svargaṃ samabhipadyate || 31 ||
[Analyze grammar]

yacca paitāmahaṃ sthānaṃ brahmarāśisamudbhavam |
guhāyāṃ pihitaṃ nityaṃ taddamenābhipadyate || 32 ||
[Analyze grammar]

jñānārāmasya buddhasya sarvabhūtāvirodhinaḥ |
nāvṛttibhayamastīha paraloke bhayaṃ kutaḥ || 33 ||
[Analyze grammar]

eka eva dame doṣo dvitīyo nopapadyate |
yadenaṃ kṣamayā yuktamaśaktaṃ manyate janaḥ || 34 ||
[Analyze grammar]

etasya tu mahāprājña doṣasya sumahānguṇaḥ |
kṣamāyāṃ vipulā lokāḥ sulabhā hi sahiṣṇunā || 35 ||
[Analyze grammar]

dāntasya kimaraṇyena tathādāntasya bhārata |
yatraiva hi vaseddāntastadaraṇyaṃ sa āśramaḥ || 36 ||
[Analyze grammar]

vaiśaṃpāyana uvāca |
etadbhīṣmasya vacanaṃ śrutvā rājā yudhiṣṭhiraḥ |
amṛteneva saṃtṛptaḥ prahṛṣṭaḥ samapadyata || 37 ||
[Analyze grammar]

punaśca paripapraccha bhīṣmaṃ dharmabhṛtāṃ varam |
tapaḥ prati sa covāca tasmai sarvaṃ kurūdvaha || 38 ||
[Analyze grammar]