Chapter 120

yudhiṣṭhira uvāca |
rājavṛttānyanekāni tvayā proktāni bhārata |
pūrvaiḥ pūrvaniyuktāni rājadharmārthavedibhiḥ || 1 ||
[Analyze grammar]

tadeva vistareṇoktaṃ pūrvairdṛṣṭaṃ satāṃ matam |
praṇayaṃ rājadharmāṇāṃ prabrūhi bharatarṣabha || 2 ||
[Analyze grammar]

bhīṣma uvāca |
rakṣaṇaṃ sarvabhūtānāmiti kṣatre paraṃ matam |
tadyathā rakṣaṇaṃ kuryāttathā śṛṇu mahīpate || 3 ||
[Analyze grammar]

yathā barhāṇi citrāṇi bibharti bhujagāśanaḥ |
tathā bahuvidhaṃ rājā rūpaṃ kurvīta dharmavit || 4 ||
[Analyze grammar]

taikṣṇyaṃ jihmatvamādāntyaṃ satyamārjavameva ca |
madhyasthaḥ sattvamātiṣṭhaṃstathā vai sukhamṛcchati || 5 ||
[Analyze grammar]

yasminnarthe hitaṃ yatsyāttadvarṇaṃ rūpamāviśet |
bahurūpasya rājño hi sūkṣmo'pyartho na sīdati || 6 ||
[Analyze grammar]

nityaṃ rakṣitamantraḥ syādyathā mūkaḥ śaracchikhī |
ślakṣṇākṣaratanuḥ śrīmānbhavecchāstraviśāradaḥ || 7 ||
[Analyze grammar]

āpaddvāreṣu yattaḥ syājjalaprasravaṇeṣviva |
śailavarṣodakānīva dvijānsiddhānsamāśrayet || 8 ||
[Analyze grammar]

arthakāmaḥ śikhāṃ rājā kuryāddharmadhvajopamām |
nityamudyatadaṇḍaḥ syādācareccāpramādataḥ |
loke cāyavyayau dṛṣṭvā vṛkṣādvṛkṣamivāplavan || 9 ||
[Analyze grammar]

mṛjāvānsyātsvayūthyeṣu bhāvāni caraṇaiḥ kṣipet |
jātapakṣaḥ parispandedrakṣedvaikalyamātmanaḥ || 10 ||
[Analyze grammar]

doṣānvivṛṇuyācchatroḥ parapakṣānvidhūnayet |
kānaneṣviva puṣpāṇi barhīvārthānsamācaret || 11 ||
[Analyze grammar]

ucchritānāśrayetsphītānnarendrānacalopamān |
śrayecchāyāmavijñātāṃ guptaṃ śaraṇamāśrayet || 12 ||
[Analyze grammar]

prāvṛṣīvāsitagrīvo majjeta niśi nirjane |
māyūreṇa guṇenaiva strībhiścālakṣitaścaret |
na jahyācca tanutrāṇaṃ rakṣedātmānamātmanā || 13 ||
[Analyze grammar]

cārabhūmiṣvabhigamānpāśāṃśca parivarjayet |
pīḍayeccāpi tāṃ bhūmiṃ praṇaśyedgahane punaḥ || 14 ||
[Analyze grammar]

hanyātkruddhānativiṣānye jihmagatayo'hitān |
nāśrayedbālabarhāṇi sannivāsāni vāsayet || 15 ||
[Analyze grammar]

sadā barhinibhaḥ kāmaṃ prasaktikṛtamācaret |
sarvataścādadetprajñāṃ pataṃgāngahaneṣviva |
evaṃ mayūravadrājā svarāṣṭraṃ paripālayet || 16 ||
[Analyze grammar]

ātmavṛddhikarīṃ nītiṃ vidadhīta vicakṣaṇaḥ |
ātmasaṃyamanaṃ buddhyā parabuddhyāvatāraṇam |
buddhyā cātmaguṇaprāptiretacchāstranidarśanam || 17 ||
[Analyze grammar]

paraṃ cāśvāsayetsāmnā svaśaktiṃ copalakṣayet |
ātmanaḥ parimarśena buddhiṃ buddhyā vicārayet |
sāntvayogamatiḥ prājñaḥ kāryākāryavicārakaḥ || 18 ||
[Analyze grammar]

nigūḍhabuddhirdhīraḥ syādvaktavye vakṣyate tathā |
saṃnikṛṣṭāṃ kathāṃ prājño yadi buddhyā bṛhaspatiḥ |
svabhāvameṣyate taptaṃ kṛṣṇāyasamivodake || 19 ||
[Analyze grammar]

anuyuñjīta kṛtyāni sarvāṇyeva mahīpatiḥ |
āgamairupadiṣṭāni svasya caiva parasya ca || 20 ||
[Analyze grammar]

kṣudraṃ krūraṃ tathā prājñaṃ śūraṃ cārthaviśāradam |
svakarmaṇi niyuñjīta ye cānye vacanādhikāḥ || 21 ||
[Analyze grammar]

apyadṛṣṭvā niyuktāni anurūpeṣu karmasu |
sarvāṃstānanuvarteta svarāṃstantrīrivāyatā || 22 ||
[Analyze grammar]

dharmāṇāmavirodhena sarveṣāṃ priyamācaret |
mamāyamiti rājā yaḥ sa parvata ivācalaḥ || 23 ||
[Analyze grammar]

vyavasāyaṃ samādhāya sūryo raśmimivāyatām |
dharmamevābhirakṣeta kṛtvā tulye priyāpriye || 24 ||
[Analyze grammar]

kulaprakṛtideśānāṃ dharmajñānmṛdubhāṣiṇaḥ |
madhye vayasi nirdoṣānhite yuktāñjitendriyān || 25 ||
[Analyze grammar]

alubdhāñśikṣitāndāntāndharmeṣu pariniṣṭhitān |
sthāpayetsarvakāryeṣu rājā dharmārtharakṣiṇaḥ || 26 ||
[Analyze grammar]

etenaiva prakāreṇa kṛtyānāmāgatiṃ gatim |
yuktaḥ samanutiṣṭheta tuṣṭaścārairupaskṛtaḥ || 27 ||
[Analyze grammar]

amoghakrodhaharṣasya svayaṃ kṛtyānvavekṣiṇaḥ |
ātmapratyayakośasya vasudhaiva vasuṃdharā || 28 ||
[Analyze grammar]

vyaktaścānugraho yasya yathārthaścāpi nigrahaḥ |
guptātmā guptarāṣṭraśca sa rājā rājadharmavit || 29 ||
[Analyze grammar]

nityaṃ rāṣṭramavekṣeta gobhiḥ sūrya ivotpatan |
cārāṃśca nacarānvidyāttathā buddhyā na saṃjvaret || 30 ||
[Analyze grammar]

kālaprāptamupādadyānnārthaṃ rājā prasūcayet |
ahanyahani saṃduhyānmahīṃ gāmiva buddhimān || 31 ||
[Analyze grammar]

yathā krameṇa puṣpebhyaścinoti madhu ṣaṭpadaḥ |
tathā dravyamupādāya rājā kurvīta saṃcayam || 32 ||
[Analyze grammar]

yaddhi guptāvaśiṣṭaṃ syāttaddhitaṃ dharmakāmayoḥ |
saṃcayānuvisargī syādrājā śāstravidātmavān || 33 ||
[Analyze grammar]

nālpamarthaṃ paribhavennāvamanyeta śātravān |
buddhyāvabudhyedātmānaṃ na cābuddhiṣu viśvaset || 34 ||
[Analyze grammar]

dhṛtirdākṣyaṃ saṃyamo buddhiragryā dhairyaṃ śauryaṃ deśakālo'pramādaḥ |
svalpasya vā mahato vāpi vṛddhau dhanasyaitānyaṣṭa samindhanāni || 35 ||
[Analyze grammar]

agnistoko vardhate hyājyasikto bījaṃ caikaṃ bahusāhasrameti |
kṣayodayau vipulau saṃniśāmya tasmādalpaṃ nāvamanyeta vidvān || 36 ||
[Analyze grammar]

bālo'bālaḥ sthaviro vā ripuryaḥ sadā pramattaṃ puruṣaṃ nihanyāt |
kālenānyastasya mūlaṃ hareta kālajñātā pārthivānāṃ variṣṭhaḥ || 37 ||
[Analyze grammar]

haretkīrtiṃ dharmamasyoparundhyādarthe dīrghaṃ vīryamasyopahanyāt |
ripurdveṣṭā durbalo vā balī vā tasmācchatrau naiva heḍedyatātmā || 38 ||
[Analyze grammar]

kṣayaṃ śatroḥ saṃcayaṃ pālanaṃ cāpyubhau cārthau sahitau dharmakāmau |
ataścānyanmatimānsaṃdadhīta tasmādrājā buddhimantaṃ śrayeta || 39 ||
[Analyze grammar]

buddhirdīptā balavantaṃ hinasti balaṃ buddhyā vardhate pālyamānam |
śatrurbuddhyā sīdate vardhamāno buddheḥ paścātkarma yattatpraśastam || 40 ||
[Analyze grammar]

sarvānkāmānkāmayāno hi dhīraḥ sattvenālpenāplute hīnadehaḥ |
yathātmānaṃ prārthayate'rthamānaiḥ śreyaḥpātraṃ pūrayate hyanalpam || 41 ||
[Analyze grammar]

tasmādrājā pragṛhītaḥ pareṣu mūlaṃ lakṣmyāḥ sarvato'bhyādadīta |
dīrghaṃ kālamapi saṃpīḍyamāno vidyutsaṃpātamiva mānorjitaḥ syāt || 42 ||
[Analyze grammar]

vidyā tapo vā vipulaṃ dhanaṃ vā sarvametadvyavasāyena śakyam |
brahma yattaṃ nivasati dehavatsu tasmādvidyādvyavasāyaṃ prabhūtam || 43 ||
[Analyze grammar]

yatrāsate matimanto manasvinaḥ śakro viṣṇuryatra sarasvatī ca |
vasanti bhūtāni ca yatra nityaṃ tasmādvidvānnāvamanyeta deham || 44 ||
[Analyze grammar]

lubdhaṃ hanyātsaṃpradānena nityaṃ lubdhastṛptiṃ paravittasya naiti |
sarvo lubdhaḥ karmaguṇopabhoge yo'rthairhīno dharmakāmau jahāti || 45 ||
[Analyze grammar]

dhanaṃ bhojyaṃ putradāraṃ samṛddhiṃ sarvo lubdhaḥ prārthayate pareṣām |
lubdhe doṣāḥ saṃbhavantīha sarve tasmādrājā na pragṛhṇīta lubdhān || 46 ||
[Analyze grammar]

saṃdarśane satpuruṣaṃ jaghanyamapi codayet |
ārambhāndviṣatāṃ prājñaḥ sarvānarthāṃstu sūdayet || 47 ||
[Analyze grammar]

dharmānviteṣu vijñāto mantrī guptaśca pāṇḍava |
āpto rājankulīnaśca paryāpto rājyasaṃgrahe || 48 ||
[Analyze grammar]

vidhipravṛttānnaradevadharmānuktānsamāsena nibodha buddhyā |
imānvidadhyādvyanusṛtya yo vai rājā mahīṃ pālayituṃ sa śaktaḥ || 49 ||
[Analyze grammar]

anītijaṃ yadyavidhānajaṃ sukhaṃ haṭhapraṇītaṃ vividhaṃ pradṛśyate |
na vidyate tasya gatirmahīpaterna vidyate rāṣṭrajamuttamaṃ sukham || 50 ||
[Analyze grammar]

dhanairviśiṣṭānmatiśīlapūjitānguṇopapannānyudhi dṛṣṭavikramān |
guṇeṣu dṛṣṭānacirādihātmavānsato'bhisaṃdhāya nihanti śātravān || 51 ||
[Analyze grammar]

paśyedupāyānvividhaiḥ kriyāpathairna cānupāyena matiṃ niveśayet |
śriyaṃ viśiṣṭāṃ vipulaṃ yaśo dhanaṃ na doṣadarśī puruṣaḥ samaśnute || 52 ||
[Analyze grammar]

prītipravṛttau vinivartane tathā suhṛtsu vijñāya nivṛtya cobhayoḥ |
yadeva mitraṃ gurubhāramāvahettadeva susnigdhamudāharedbudhaḥ || 53 ||
[Analyze grammar]

etānmayoktāṃstava rājadharmānnṛṇāṃ ca guptau matimādadhatsva |
avāpsyase puṇyaphalaṃ sukhena sarvo hi lokottamadharmamūlaḥ || 54 ||
[Analyze grammar]