Chapter 81

yudhiṣṭhira uvāca |
yadapyalpataraṃ karma tadapyekena duṣkaram |
puruṣeṇāsahāyena kimu rājyaṃ pitāmaha || 1 ||
[Analyze grammar]

kiṃśīlaḥ kiṃsamācāro rājño'rthasacivo bhavet |
kīdṛśe viśvasedrājā kīdṛśe nāpi viśvaset || 2 ||
[Analyze grammar]

bhīṣma uvāca |
caturvidhāni mitrāṇi rājñāṃ rājanbhavantyuta |
sahārtho bhajamānaśca sahajaḥ kṛtrimastathā || 3 ||
[Analyze grammar]

dharmātmā pañcamaṃ mitraṃ sa tu naikasya na dvayoḥ |
yato dharmastato vā syānmadhyastho vā tato bhavet || 4 ||
[Analyze grammar]

yastasyārtho na roceta na taṃ tasya prakāśayet |
dharmādharmeṇa rājānaścaranti vijigīṣavaḥ || 5 ||
[Analyze grammar]

caturṇāṃ madhyamau śreṣṭhau nityaṃ śaṅkyau tathāparau |
sarve nityaṃ śaṅkitavyāḥ pratyakṣaṃ kāryamātmanaḥ || 6 ||
[Analyze grammar]

na hi rājñā pramādo vai kartavyo mitrarakṣaṇe |
pramādinaṃ hi rājānaṃ lokāḥ paribhavantyuta || 7 ||
[Analyze grammar]

asādhuḥ sādhutāmeti sādhurbhavati dāruṇaḥ |
ariśca mitraṃ bhavati mitraṃ cāpi praduṣyati || 8 ||
[Analyze grammar]

anityacittaḥ puruṣastasminko jātu viśvaset |
tasmātpradhānaṃ yatkāryaṃ pratyakṣaṃ tatsamācaret || 9 ||
[Analyze grammar]

ekāntena hi viśvāsaḥ kṛtsno dharmārthanāśakaḥ |
aviśvāsaśca sarvatra mṛtyunā na viśiṣyate || 10 ||
[Analyze grammar]

akālamṛtyurviśvāso viśvasanhi vipadyate |
yasminkaroti viśvāsamicchatastasya jīvati || 11 ||
[Analyze grammar]

tasmādviśvasitavyaṃ ca śaṅkitavyaṃ ca keṣucit |
eṣā nītigatistāta lakṣmīścaiva sanātanī || 12 ||
[Analyze grammar]

yaṃ manyeta mamābhāvādimamarthāgamaḥ spṛśet |
nityaṃ tasmācchaṅkitavyamamitraṃ taṃ vidurbudhāḥ || 13 ||
[Analyze grammar]

yasya kṣetrādapyudakaṃ kṣetramanyasya gacchati |
na tatrānicchatastasya bhidyeransarvasetavaḥ || 14 ||
[Analyze grammar]

tathaivātyudakādbhītastasya bhedanamicchati |
yamevaṃlakṣaṇaṃ vidyāttamamitraṃ vinirdiśet || 15 ||
[Analyze grammar]

yaḥ samṛddhyā na tuṣyeta kṣaye dīnataro bhavet |
etaduttamamitrasya nimittamabhicakṣate || 16 ||
[Analyze grammar]

yaṃ manyeta mamābhāvādasyābhāvo bhavediti |
tasminkurvīta viśvāsaṃ yathā pitari vai tathā || 17 ||
[Analyze grammar]

taṃ śaktyā vardhamānaśca sarvataḥ paribṛṃhayet |
nityaṃ kṣatādvārayati yo dharmeṣvapi karmasu || 18 ||
[Analyze grammar]

kṣatādbhītaṃ vijānīyāduttamaṃ mitralakṣaṇam |
ye tasya kṣatamicchanti te tasya ripavaḥ smṛtāḥ || 19 ||
[Analyze grammar]

vyasanānnityabhīto'sau samṛddhyāmeva tṛpyate |
yatsyādevaṃvidhaṃ mitraṃ tadātmasamamucyate || 20 ||
[Analyze grammar]

rūpavarṇasvaropetastitikṣuranasūyakaḥ |
kulīnaḥ śīlasaṃpannaḥ sa te syātpratyanantaraḥ || 21 ||
[Analyze grammar]

medhāvī smṛtimāndakṣaḥ prakṛtyā cānṛśaṃsavān |
yo mānito'mānito vā na saṃdūṣyetkadācana || 22 ||
[Analyze grammar]

ṛtvigvā yadi vācāryaḥ sakhā vātyantasaṃstutaḥ |
gṛhe vasedamātyaste yaḥ syātparamapūjitaḥ || 23 ||
[Analyze grammar]

sa te vidyātparaṃ mantraṃ prakṛtiṃ cārthadharmayoḥ |
viśvāsaste bhavettatra yathā pitari vai tathā || 24 ||
[Analyze grammar]

naiva dvau na trayaḥ kāryā na mṛṣyeranparasparam |
ekārthādeva bhūtānāṃ bhedo bhavati sarvadā || 25 ||
[Analyze grammar]

kīrtipradhāno yaśca syādyaśca syātsamaye sthitaḥ |
samarthānyaśca na dveṣṭi samarthānkurute ca yaḥ || 26 ||
[Analyze grammar]

yo na kāmādbhayāllobhātkrodhādvā dharmamutsṛjet |
dakṣaḥ paryāptavacanaḥ sa te syātpratyanantaraḥ || 27 ||
[Analyze grammar]

śūraścāryaśca vidvāṃśca pratipattiviśāradaḥ |
kulīnaḥ śīlasaṃpannastitikṣuranasūyakaḥ || 28 ||
[Analyze grammar]

ete hyamātyāḥ kartavyāḥ sarvakarmasvavasthitāḥ |
pūjitāḥ saṃvibhaktāśca susahāyāḥ svanuṣṭhitāḥ || 29 ||
[Analyze grammar]

kṛtsnamete vinikṣiptāḥ pratirūpeṣu karmasu |
yuktā mahatsu kāryeṣu śreyāṃsyutpādayanti ca || 30 ||
[Analyze grammar]

ete karmāṇi kurvanti spardhamānā mithaḥ sadā |
anutiṣṭhanti caivārthānācakṣāṇāḥ parasparam || 31 ||
[Analyze grammar]

jñātibhyaścaiva bibhyethā mṛtyoriva yataḥ sadā |
uparājeva rājardhiṃ jñātirna sahate sadā || 32 ||
[Analyze grammar]

ṛjormṛdorvadānyasya hrīmataḥ satyavādinaḥ |
nānyo jñātermahābāho vināśamabhinandati || 33 ||
[Analyze grammar]

ajñātitā nātisukhā nāvajñeyāstvataḥ param |
ajñātimantaṃ puruṣaṃ pare paribhavantyuta || 34 ||
[Analyze grammar]

nikṛtasya narairanyairjñātireva parāyaṇam |
nānyairnikāraṃ sahate jñāterjñātiḥ kadācana || 35 ||
[Analyze grammar]

ātmānameva jānāti nikṛtaṃ bāndhavairapi |
teṣu santi guṇāścaiva nairguṇyaṃ teṣu lakṣyate || 36 ||
[Analyze grammar]

nājñātiranugṛhṇāti nājñātirdigdhamasyati |
ubhayaṃ jñātilokeṣu dṛśyate sādhvasādhu ca || 37 ||
[Analyze grammar]

tānmānayetpūjayecca nityaṃ vācā ca karmaṇā |
kuryācca priyametebhyo nāpriyaṃ kiṃcidācaret || 38 ||
[Analyze grammar]

viśvastavadaviśvastasteṣu varteta sarvadā |
na hi doṣo guṇo veti nispṛktasteṣu dṛśyate || 39 ||
[Analyze grammar]

tasyaivaṃ vartamānasya puruṣasyāpramādinaḥ |
amitrāḥ saṃprasīdanti tathā mitrībhavantyapi || 40 ||
[Analyze grammar]

ya evaṃ vartate nityaṃ jñātisaṃbandhimaṇḍale |
mitreṣvamitreṣvaiśvarye ciraṃ yaśasi tiṣṭhati || 41 ||
[Analyze grammar]