Chapter 7

vaiśaṃpāyana uvāca |
yudhiṣṭhirastu dharmātmā śokavyākulacetanaḥ |
śuśoca duḥkhasaṃtaptaḥ smṛtvā karṇaṃ mahāratham || 1 ||
[Analyze grammar]

āviṣṭo duḥkhaśokābhyāṃ niḥśvasaṃśca punaḥ punaḥ |
dṛṣṭvārjunamuvācedaṃ vacanaṃ śokakarśitaḥ || 2 ||
[Analyze grammar]

yadbhaikṣamācariṣyāma vṛṣṇyandhakapure vayam |
jñātīnniṣpuruṣānkṛtvā nemāṃ prāpsyāma durgatim || 3 ||
[Analyze grammar]

amitrā naḥ samṛddhārthā vṛttārthāḥ kuravaḥ kila |
ātmānamātmanā hatvā kiṃ dharmaphalamāpnumaḥ || 4 ||
[Analyze grammar]

dhigastu kṣātramācāraṃ dhigastu balamaurasam |
dhigastvamarṣaṃ yenemāmāpadaṃ gamitā vayam || 5 ||
[Analyze grammar]

sādhu kṣamā damaḥ śaucamavairodhyamamatsaraḥ |
ahiṃsā satyavacanaṃ nityāni vanacāriṇām || 6 ||
[Analyze grammar]

vayaṃ tu lobhānmohācca stambhaṃ mānaṃ ca saṃśritāḥ |
imāmavasthāmāpannā rājyaleśabubhukṣayā || 7 ||
[Analyze grammar]

trailokyasyāpi rājyena nāsmānkaścitpraharṣayet |
bāndhavānnihatāndṛṣṭvā pṛthivyāmāmiṣaiṣiṇaḥ || 8 ||
[Analyze grammar]

te vayaṃ pṛthivīhetoravadhyānpṛthivīsamān |
saṃparityajya jīvāmo hīnārthā hatabāndhavāḥ || 9 ||
[Analyze grammar]

āmiṣe gṛdhyamānānāmaśunāṃ naḥ śunāmiva |
āmiṣaṃ caiva no naṣṭamāmiṣasya ca bhojinaḥ || 10 ||
[Analyze grammar]

na pṛthivyā sakalayā na suvarṇasya rāśibhiḥ |
na gavāśvena sarveṇa te tyājyā ya ime hatāḥ || 11 ||
[Analyze grammar]

saṃyuktāḥ kāmamanyubhyāṃ krodhāmarṣasamanvitāḥ |
mṛtyuyānaṃ samāruhya gatā vaivasvatakṣayam || 12 ||
[Analyze grammar]

bahu kalyāṇamicchanta īhante pitaraḥ sutān |
tapasā brahmacaryeṇa vandanena titikṣayā || 13 ||
[Analyze grammar]

upavāsaistathejyābhirvratakautukamaṅgalaiḥ |
labhante mātaro garbhāṃstānmāsāndaśa bibhrati || 14 ||
[Analyze grammar]

yadi svasti prajāyante jātā jīvanti vā yadi |
saṃbhāvitā jātabalāste dadyuryadi naḥ sukham |
iha cāmutra caiveti kṛpaṇāḥ phalahetukāḥ || 15 ||
[Analyze grammar]

tāsāmayaṃ samārambho nivṛttaḥ kevalo'phalaḥ |
yadāsāṃ nihatāḥ putrā yuvāno mṛṣṭakuṇḍalāḥ || 16 ||
[Analyze grammar]

abhuktvā pārthivānbhogānṛṇānyanavadāya ca |
pitṛbhyo devatābhyaśca gatā vaivasvatakṣayam || 17 ||
[Analyze grammar]

yadaiṣāmaṅga pitarau jātau kāmamayāviva |
saṃjātabalarūpeṣu tadaiva nihatā nṛpāḥ || 18 ||
[Analyze grammar]

saṃyuktāḥ kāmamanyubhyāṃ krodhaharṣāsamañjasāḥ |
na te janmaphalaṃ kiṃcidbhoktāro jātu karhicit || 19 ||
[Analyze grammar]

pāñcālānāṃ kurūṇāṃ ca hatā eva hi ye'hatāḥ |
te vayaṃ tvadhamāṃllokānprapadyema svakarmabhiḥ || 20 ||
[Analyze grammar]

vayamevāsya lokasya vināśe kāraṇaṃ smṛtāḥ |
dhṛtarāṣṭrasya putreṇa nikṛtyā pratyapatsmahi || 21 ||
[Analyze grammar]

sadaiva nikṛtiprajño dveṣṭā māyopajīvanaḥ |
mithyāvṛttaḥ sa satatamasmāsvanapakāriṣu || 22 ||
[Analyze grammar]

aṃśakāmā vayaṃ te ca na cāsmābhirna tairjitam |
na tairbhukteyamavanirna nāryo gītavāditam || 23 ||
[Analyze grammar]

nāmātyasamitau kathyaṃ na ca śrutavatāṃ śrutam |
na ratnāni parārdhyāni na bhūrna draviṇāgamaḥ || 24 ||
[Analyze grammar]

ṛddhimasmāsu tāṃ dṛṣṭvā vivarṇo hariṇaḥ kṛśaḥ |
dhṛtarāṣṭrasya nṛpateḥ saubalena niveditaḥ || 25 ||
[Analyze grammar]

taṃ pitā putragṛddhitvādanumene'naye sthitam |
anavekṣyaiva pitaraṃ gāṅgeyaṃ viduraṃ tathā |
asaṃśayaṃ dhṛtarāṣṭro yathaivāhaṃ tathā gataḥ || 26 ||
[Analyze grammar]

aniyamyāśuciṃ lubdhaṃ putraṃ kāmavaśānugam |
patito yaśaso dīptādghātayitvā sahodarān || 27 ||
[Analyze grammar]

imau vṛddhau ca śokāgnau prakṣipya sa suyodhanaḥ |
asmatpradveṣasaṃyuktaḥ pāpabuddhiḥ sadaiva hi || 28 ||
[Analyze grammar]

ko hi bandhuḥ kulīnaḥ saṃstathā brūyātsuhṛjjane |
yathāsāvuktavānkṣudro yuyutsurvṛṣṇisaṃnidhau || 29 ||
[Analyze grammar]

ātmano hi vayaṃ doṣādvinaṣṭāḥ śāśvatīḥ samāḥ |
pradahanto diśaḥ sarvāstejasā bhāskarā iva || 30 ||
[Analyze grammar]

so'smākaṃ vairapuruṣo durmantripragrahaṃ gataḥ |
duryodhanakṛte hyetatkulaṃ no vinipātitam |
avadhyānāṃ vadhaṃ kṛtvā loke prāptāḥ sma vācyatām || 31 ||
[Analyze grammar]

kulasyāsyāntakaraṇaṃ durmatiṃ pāpakāriṇam |
rājā rāṣṭreśvaraṃ kṛtvā dhṛtarāṣṭro'dya śocati || 32 ||
[Analyze grammar]

hatāḥ śūrāḥ kṛtaṃ pāpaṃ viṣayaḥ svo vināśitaḥ |
hatvā no vigato manyuḥ śoko māṃ rundhayatyayam || 33 ||
[Analyze grammar]

dhanaṃjaya kṛtaṃ pāpaṃ kalyāṇenopahanyate |
tyāgavāṃśca punaḥ pāpaṃ nālaṃ kartumiti śrutiḥ || 34 ||
[Analyze grammar]

tyāgavāñjanmamaraṇe nāpnotīti śrutiryadā |
prāptavartmā kṛtamatirbrahma saṃpadyate tadā || 35 ||
[Analyze grammar]

sa dhanaṃjaya nirdvaṃdvo munirjñānasamanvitaḥ |
vanamāmantrya vaḥ sarvāngamiṣyāmi paraṃtapa || 36 ||
[Analyze grammar]

na hi kṛtsnatamo dharmaḥ śakyaḥ prāptumiti śrutiḥ |
parigrahavatā tanme pratyakṣamarisūdana || 37 ||
[Analyze grammar]

mayā nisṛṣṭaṃ pāpaṃ hi parigrahamabhīpsatā |
janmakṣayanimittaṃ ca śakyaṃ prāptumiti śrutiḥ || 38 ||
[Analyze grammar]

sa parigrahamutsṛjya kṛtsnaṃ rājyaṃ tathaiva ca |
gamiṣyāmi vinirmukto viśoko vijvarastathā || 39 ||
[Analyze grammar]

praśādhi tvamimāmurvīṃ kṣemāṃ nihatakaṇṭakām |
na mamārtho'sti rājyena na bhogairvā kurūttama || 40 ||
[Analyze grammar]

etāvaduktvā vacanaṃ dharmarājo yudhiṣṭhiraḥ |
vyupāramattataḥ pārthaḥ kanīyānpratyabhāṣata || 41 ||
[Analyze grammar]