Chapter 63

dhṛtarāṣṭra uvāca |
adhiṣṭhitaḥ padā mūrdhni bhagnasaktho mahīṃ gataḥ |
śauṭīramānī putro me kānyabhāṣata saṃjaya || 1 ||
[Analyze grammar]

atyarthaṃ kopano rājā jātavairaśca pāṇḍuṣu |
vyasanaṃ paramaṃ prāptaḥ kimāha paramāhave || 2 ||
[Analyze grammar]

saṃjaya uvāca |
śṛṇu rājanpravakṣyāmi yathāvṛttaṃ narādhipa |
rājñā yaduktaṃ bhagnena tasminvyasana āgate || 3 ||
[Analyze grammar]

bhagnasaktho nṛpo rājanpāṃsunā so'vaguṇṭhitaḥ |
yamayanmūrdhajāṃstatra vīkṣya caiva diśo daśa || 4 ||
[Analyze grammar]

keśānniyamya yatnena niḥśvasannurago yathā |
saṃrambhāśruparītābhyāṃ netrābhyāmabhivīkṣya mām || 5 ||
[Analyze grammar]

bāhū dharaṇyāṃ niṣpiṣya muhurmatta iva dvipaḥ |
prakīrṇānmūrdhajāndhunvandantairdantānupaspṛśan |
garhayanpāṇḍavaṃ jyeṣṭhaṃ niḥśvasyedamathābravīt || 6 ||
[Analyze grammar]

bhīṣme śāṃtanave nāthe karṇe cāstrabhṛtāṃ vare |
gautame śakunau cāpi droṇe cāstrabhṛtāṃ vare || 7 ||
[Analyze grammar]

aśvatthāmni tathā śalye śūre ca kṛtavarmaṇi |
imāmavasthāṃ prāpto'smi kālo hi duratikramaḥ || 8 ||
[Analyze grammar]

ekādaśacamūbhartā so'hametāṃ daśāṃ gataḥ |
kālaṃ prāpya mahābāho na kaścidativartate || 9 ||
[Analyze grammar]

ākhyātavyaṃ madīyānāṃ ye'smiñjīvanti saṃgare |
yathāhaṃ bhīmasenena vyutkramya samayaṃ hataḥ || 10 ||
[Analyze grammar]

bahūni sunṛśaṃsāni kṛtāni khalu pāṇḍavaiḥ |
bhūriśravasi karṇe ca bhīṣme droṇe ca śrīmati || 11 ||
[Analyze grammar]

idaṃ cākīrtijaṃ karma nṛśaṃsaiḥ pāṇḍavaiḥ kṛtam |
yena te satsu nirvedaṃ gamiṣyantīti me matiḥ || 12 ||
[Analyze grammar]

kā prītiḥ sattvayuktasya kṛtvopadhikṛtaṃ jayam |
ko vā samayabhettāraṃ budhaḥ saṃmantumarhati || 13 ||
[Analyze grammar]

adharmeṇa jayaṃ labdhvā ko nu hṛṣyeta paṇḍitaḥ |
yathā saṃhṛṣyate pāpaḥ pāṇḍuputro vṛkodaraḥ || 14 ||
[Analyze grammar]

kiṃ nu citramatastvadya bhagnasakthasya yanmama |
kruddhena bhīmasenena pādena mṛditaṃ śiraḥ || 15 ||
[Analyze grammar]

pratapantaṃ śriyā juṣṭaṃ vartamānaṃ ca bandhuṣu |
evaṃ kuryānnaro yo hi sa vai saṃjaya pūjitaḥ || 16 ||
[Analyze grammar]

abhijñau kṣatradharmasya mama mātā pitā ca me |
tau hi saṃjaya duḥkhārtau vijñāpyau vacanānmama || 17 ||
[Analyze grammar]

iṣṭaṃ bhṛtyā bhṛtāḥ samyagbhūḥ praśāstā sasāgarā |
mūrdhni sthitamamitrāṇāṃ jīvatāmeva saṃjaya || 18 ||
[Analyze grammar]

dattā dāyā yathāśakti mitrāṇāṃ ca priyaṃ kṛtam |
amitrā bādhitāḥ sarve ko nu svantataro mayā || 19 ||
[Analyze grammar]

yātāni pararāṣṭrāṇi nṛpā bhuktāśca dāsavat |
priyebhyaḥ prakṛtaṃ sādhu ko nu svantataro mayā || 20 ||
[Analyze grammar]

mānitā bāndhavāḥ sarve mānyaḥ saṃpūjito janaḥ |
tritayaṃ sevitaṃ sarvaṃ ko nu svantataro mayā || 21 ||
[Analyze grammar]

ājñaptaṃ nṛpamukhyeṣu mānaḥ prāptaḥ sudurlabhaḥ |
ājāneyaistathā yātaṃ ko nu svantataro mayā || 22 ||
[Analyze grammar]

adhītaṃ vidhivaddattaṃ prāptamāyurnirāmayam |
svadharmeṇa jitā lokāḥ ko nu svantataro mayā || 23 ||
[Analyze grammar]

diṣṭyā nāhaṃ jitaḥ saṃkhye parānpreṣyavadāśritaḥ |
diṣṭyā me vipulā lakṣmīrmṛte tvanyaṃ gatā vibho || 24 ||
[Analyze grammar]

yadiṣṭaṃ kṣatrabandhūnāṃ svadharmamanutiṣṭhatām |
nidhanaṃ tanmayā prāptaṃ ko nu svantataro mayā || 25 ||
[Analyze grammar]

diṣṭyā nāhaṃ parāvṛtto vairātprākṛtavajjitaḥ |
diṣṭyā na vimatiṃ kāṃcidbhajitvā tu parājitaḥ || 26 ||
[Analyze grammar]

suptaṃ vātha pramattaṃ vā yathā hanyādviṣeṇa vā |
evaṃ vyutkrāntadharmeṇa vyutkramya samayaṃ hataḥ || 27 ||
[Analyze grammar]

aśvatthāmā mahābhāgaḥ kṛtavarmā ca sātvataḥ |
kṛpaḥ śāradvataścaiva vaktavyā vacanānmama || 28 ||
[Analyze grammar]

adharmeṇa pravṛttānāṃ pāṇḍavānāmanekaśaḥ |
viśvāsaṃ samayaghnānāṃ na yūyaṃ gantumarhatha || 29 ||
[Analyze grammar]

vātikāṃścābravīdrājā putraste satyavikramaḥ |
adharmādbhīmasenena nihato'haṃ yathā raṇe || 30 ||
[Analyze grammar]

so'haṃ droṇaṃ svargagataṃ śalyakarṇāvubhau tathā |
vṛṣasenaṃ mahāvīryaṃ śakuniṃ cāpi saubalam || 31 ||
[Analyze grammar]

jalasaṃdhaṃ mahāvīryaṃ bhagadattaṃ ca pārthivam |
saumadattiṃ maheṣvāsaṃ saindhavaṃ ca jayadratham || 32 ||
[Analyze grammar]

duḥśāsanapurogāṃśca bhrātṝnātmasamāṃstathā |
dauḥśāsaniṃ ca vikrāntaṃ lakṣmaṇaṃ cātmajāvubhau || 33 ||
[Analyze grammar]

etāṃścānyāṃśca subahūnmadīyāṃśca sahasraśaḥ |
pṛṣṭhato'nugamiṣyāmi sārthahīna ivādhvagaḥ || 34 ||
[Analyze grammar]

kathaṃ bhrātṝnhatāñśrutvā bhartāraṃ ca svasā mama |
rorūyamāṇā duḥkhārtā duḥśalā sā bhaviṣyati || 35 ||
[Analyze grammar]

snuṣābhiḥ prasnuṣābhiśca vṛddho rājā pitā mama |
gāndhārīsahitaḥ krośankāṃ gatiṃ pratipatsyate || 36 ||
[Analyze grammar]

nūnaṃ lakṣmaṇamātāpi hataputrā hateśvarā |
vināśaṃ yāsyati kṣipraṃ kalyāṇī pṛthulocanā || 37 ||
[Analyze grammar]

yadi jānāti cārvākaḥ parivrāḍvāgviśāradaḥ |
kariṣyati mahābhāgo dhruvaṃ so'pacitiṃ mama || 38 ||
[Analyze grammar]

samantapañcake puṇye triṣu lokeṣu viśrute |
ahaṃ nidhanamāsādya lokānprāpsyāmi śāśvatān || 39 ||
[Analyze grammar]

tato janasahasrāṇi bāṣpapūrṇāni māriṣa |
pralāpaṃ nṛpateḥ śrutvā vidravanti diśo daśa || 40 ||
[Analyze grammar]

sasāgaravanā ghorā pṛthivī sacarācarā |
cacālātha sanirhrādā diśaścaivāvilābhavan || 41 ||
[Analyze grammar]

te droṇaputramāsādya yathāvṛttaṃ nyavedayan |
vyavahāraṃ gadāyuddhe pārthivasya ca ghātanam || 42 ||
[Analyze grammar]

tadākhyāya tataḥ sarve droṇaputrasya bhārata |
dhyātvā ca suciraṃ kālaṃ jagmurārtā yathāgatam || 43 ||
[Analyze grammar]