Chapter 54

vaiśaṃpāyana uvāca |
evaṃ tadabhavadyuddhaṃ tumulaṃ janamejaya |
yatra duḥkhānvito rājā dhṛtarāṣṭro'bravīdidam || 1 ||
[Analyze grammar]

rāmaṃ saṃnihitaṃ dṛṣṭvā gadāyuddha upasthite |
mama putraḥ kathaṃ bhīmaṃ pratyayudhyata saṃjaya || 2 ||
[Analyze grammar]

saṃjaya uvāca |
rāmasāṃnidhyamāsādya putro duryodhanastava |
yuddhakāmo mahābāhuḥ samahṛṣyata vīryavān || 3 ||
[Analyze grammar]

dṛṣṭvā lāṅgalinaṃ rājā pratyutthāya ca bhārata |
prītyā paramayā yukto yudhiṣṭhiramathābravīt || 4 ||
[Analyze grammar]

samantapañcakaṃ kṣipramito yāma viśāṃ pate |
prathitottaravedī sā devaloke prajāpateḥ || 5 ||
[Analyze grammar]

tasminmahāpuṇyatame trailokyasya sanātane |
saṃgrāme nidhanaṃ prāpya dhruvaṃ svargo bhaviṣyati || 6 ||
[Analyze grammar]

tathetyuktvā mahārāja kuntīputro yudhiṣṭhiraḥ |
samantapañcakaṃ vīraḥ prāyādabhimukhaḥ prabhuḥ || 7 ||
[Analyze grammar]

tato duryodhano rājā pragṛhya mahatīṃ gadām |
padbhyāmamarṣāddyutimānagacchatpāṇḍavaiḥ saha || 8 ||
[Analyze grammar]

tathā yāntaṃ gadāhastaṃ varmaṇā cāpi daṃśitam |
antarikṣagatā devāḥ sādhu sādhvityapūjayan |
vātikāśca narā ye'tra dṛṣṭvā te harṣamāgatāḥ || 9 ||
[Analyze grammar]

sa pāṇḍavaiḥ parivṛtaḥ kururājastavātmajaḥ |
mattasyeva gajendrasya gatimāsthāya so'vrajat || 10 ||
[Analyze grammar]

tataḥ śaṅkhaninādena bherīṇāṃ ca mahāsvanaiḥ |
siṃhanādaiśca śūrāṇāṃ diśaḥ sarvāḥ prapūritāḥ || 11 ||
[Analyze grammar]

pratīcyabhimukhaṃ deśaṃ yathoddiṣṭaṃ sutena te |
gatvā ca taiḥ parikṣiptaṃ samantātsarvatodiśam || 12 ||
[Analyze grammar]

dakṣiṇena sarasvatyāḥ svayanaṃ tīrthamuttamam |
tasmindeśe tvaniriṇe tatra yuddhamarocayan || 13 ||
[Analyze grammar]

tato bhīmo mahākoṭiṃ gadāṃ gṛhyātha varmabhṛt |
bibhradrūpaṃ mahārāja sadṛśaṃ hi garutmataḥ || 14 ||
[Analyze grammar]

avabaddhaśirastrāṇaḥ saṃkhye kāñcanavarmabhṛt |
rarāja rājanputraste kāñcanaḥ śailarāḍiva || 15 ||
[Analyze grammar]

varmabhyāṃ saṃvṛtau vīrau bhīmaduryodhanāvubhau |
saṃyuge ca prakāśete saṃrabdhāviva kuñjarau || 16 ||
[Analyze grammar]

raṇamaṇḍalamadhyasthau bhrātarau tau nararṣabhau |
aśobhetāṃ mahārāja candrasūryāvivoditau || 17 ||
[Analyze grammar]

tāvanyonyaṃ nirīkṣetāṃ kruddhāviva mahādvipau |
dahantau locanai rājanparasparavadhaiṣiṇau || 18 ||
[Analyze grammar]

saṃprahṛṣṭamanā rājangadāmādāya kauravaḥ |
sṛkkiṇī saṃlihanrājankrodharaktekṣaṇaḥ śvasan || 19 ||
[Analyze grammar]

tato duryodhano rājā gadāmādāya vīryavān |
bhīmasenamabhiprekṣya gajo gajamivāhvayat || 20 ||
[Analyze grammar]

adrisāramayīṃ bhīmastathaivādāya vīryavān |
āhvayāmāsa nṛpatiṃ siṃhaḥ siṃhaṃ yathā vane || 21 ||
[Analyze grammar]

tāvudyatagadāpāṇī duryodhanavṛkodarau |
saṃyuge sma prakāśete girī saśikharāviva || 22 ||
[Analyze grammar]

tāvubhāvabhisaṃkruddhāvubhau bhīmaparākramau |
ubhau śiṣyau gadāyuddhe rauhiṇeyasya dhīmataḥ || 23 ||
[Analyze grammar]

ubhau sadṛśakarmāṇau yamavāsavayoriva |
tathā sadṛśakarmāṇau varuṇasya mahābalau || 24 ||
[Analyze grammar]

vāsudevasya rāmasya tathā vaiśravaṇasya ca |
sadṛśau tau mahārāja madhukaiṭabhayoryudhi || 25 ||
[Analyze grammar]

ubhau sadṛśakarmāṇau raṇe sundopasundayoḥ |
tathaiva kālasya samau mṛtyoścaiva paraṃtapau || 26 ||
[Analyze grammar]

anyonyamabhidhāvantau mattāviva mahādvipau |
vāśitāsaṃgame dṛptau śaradīva madotkaṭau || 27 ||
[Analyze grammar]

mattāviva jigīṣantau mātaṅgau bharatarṣabhau |
ubhau krodhaviṣaṃ dīptaṃ vamantāvuragāviva || 28 ||
[Analyze grammar]

anyonyamabhisaṃrabdhau prekṣamāṇāvariṃdamau |
ubhau bharataśārdūlau vikrameṇa samanvitau || 29 ||
[Analyze grammar]

siṃhāviva durādharṣau gadāyuddhe paraṃtapau |
nakhadaṃṣṭrāyudhau vīrau vyāghrāviva durutsahau || 30 ||
[Analyze grammar]

prajāsaṃharaṇe kṣubdhau samudrāviva dustarau |
lohitāṅgāviva kruddhau pratapantau mahārathau || 31 ||
[Analyze grammar]

raśmimantau mahātmānau dīptimantau mahābalau |
dadṛśāte kuruśreṣṭhau kālasūryāvivoditau || 32 ||
[Analyze grammar]

vyāghrāviva susaṃrabdhau garjantāviva toyadau |
jahṛṣāte mahābāhū siṃhau kesariṇāviva || 33 ||
[Analyze grammar]

gajāviva susaṃrabdhau jvalitāviva pāvakau |
dadṛśustau mahātmānau saśṛṅgāviva parvatau || 34 ||
[Analyze grammar]

roṣātprasphuramāṇoṣṭhau nirīkṣantau parasparam |
tau sametau mahātmānau gadāhastau narottamau || 35 ||
[Analyze grammar]

ubhau paramasaṃhṛṣṭāvubhau paramasaṃmatau |
sadaśvāviva heṣantau bṛṃhantāviva kuñjarau || 36 ||
[Analyze grammar]

vṛṣabhāviva garjantau duryodhanavṛkodarau |
daityāviva balonmattau rejatustau narottamau || 37 ||
[Analyze grammar]

tato duryodhano rājannidamāha yudhiṣṭhiram |
sṛñjayaiḥ saha tiṣṭhantaṃ tapantamiva bhāskaram || 38 ||
[Analyze grammar]

idaṃ vyavasitaṃ yuddhaṃ mama bhīmasya cobhayoḥ |
upopaviṣṭāḥ paśyadhvaṃ vimardaṃ nṛpasattamāḥ || 39 ||
[Analyze grammar]

tataḥ samupaviṣṭaṃ tatsumahadrājamaṇḍalam |
virājamānaṃ dadṛśe divīvādityamaṇḍalam || 40 ||
[Analyze grammar]

teṣāṃ madhye mahābāhuḥ śrīmānkeśavapūrvajaḥ |
upaviṣṭo mahārāja pūjyamānaḥ samantataḥ || 41 ||
[Analyze grammar]

śuśubhe rājamadhyastho nīlavāsāḥ sitaprabhaḥ |
nakṣatrairiva saṃpūrṇo vṛto niśi niśākaraḥ || 42 ||
[Analyze grammar]

tau tathā tu mahārāja gadāhastau durāsadau |
anyonyaṃ vāgbhirugrābhistakṣamāṇau vyavasthitau || 43 ||
[Analyze grammar]

apriyāṇi tato'nyonyamuktvā tau kurupuṃgavau |
udīkṣantau sthitau vīrau vṛtraśakrāvivāhave || 44 ||
[Analyze grammar]