Chapter 47

vaiśaṃpāyana uvāca |
tatastīrthavaraṃ rāmo yayau badarapācanam |
tapasvisiddhacaritaṃ yatra kanyā dhṛtavratā || 1 ||
[Analyze grammar]

bharadvājasya duhitā rūpeṇāpratimā bhuvi |
srucāvatī nāma vibho kumārī brahmacāriṇī || 2 ||
[Analyze grammar]

tapaścacāra sātyugraṃ niyamairbahubhirnṛpa |
bhartā me devarājaḥ syāditi niścitya bhāminī || 3 ||
[Analyze grammar]

samāstasyā vyatikrāntā bahvyaḥ kurukulodvaha |
carantyā niyamāṃstāṃstānstrībhistīvrānsuduścarān || 4 ||
[Analyze grammar]

tasyāstu tena vṛttena tapasā ca viśāṃ pate |
bhaktyā ca bhagavānprītaḥ parayā pākaśāsanaḥ || 5 ||
[Analyze grammar]

ājagāmāśramaṃ tasyāstridaśādhipatiḥ prabhuḥ |
āsthāya rūpaṃ viprarṣervasiṣṭhasya mahātmanaḥ || 6 ||
[Analyze grammar]

sā taṃ dṛṣṭvogratapasaṃ vasiṣṭhaṃ tapatāṃ varam |
ācārairmunibhirdṛṣṭaiḥ pūjayāmāsa bhārata || 7 ||
[Analyze grammar]

uvāca niyamajñā ca kalyāṇī sā priyaṃvadā |
bhagavanmuniśārdūla kimājñāpayasi prabho || 8 ||
[Analyze grammar]

sarvamadya yathāśakti tava dāsyāmi suvrata |
śakrabhaktyā tu te pāṇiṃ na dāsyāmi kathaṃcana || 9 ||
[Analyze grammar]

vrataiśca niyamaiścaiva tapasā ca tapodhana |
śakrastoṣayitavyo vai mayā tribhuvaneśvaraḥ || 10 ||
[Analyze grammar]

ityukto bhagavāndevaḥ smayanniva nirīkṣya tām |
uvāca niyamajñāṃ tāṃ sāntvayanniva bhārata || 11 ||
[Analyze grammar]

ugraṃ tapaścarasi vai viditā me'si suvrate |
yadarthamayamārambhastava kalyāṇi hṛdgataḥ || 12 ||
[Analyze grammar]

tacca sarvaṃ yathābhūtaṃ bhaviṣyati varānane |
tapasā labhyate sarvaṃ sarvaṃ tapasi tiṣṭhati || 13 ||
[Analyze grammar]

yāni sthānāni divyāni vibudhānāṃ śubhānane |
tapasā tāni prāpyāni tapomūlaṃ mahatsukham || 14 ||
[Analyze grammar]

iha kṛtvā tapo ghoraṃ dehaṃ saṃnyasya mānavāḥ |
devatvaṃ yānti kalyāṇi śṛṇu cedaṃ vaco mama || 15 ||
[Analyze grammar]

pacasvaitāni subhage badarāṇi śubhavrate |
pacetyuktvā sa bhagavāñjagāma balasūdanaḥ || 16 ||
[Analyze grammar]

āmantrya tāṃ tu kalyāṇīṃ tato japyaṃ jajāpa saḥ |
avidūre tatastasmādāśramāttīrtha uttame |
indratīrthe mahārāja triṣu lokeṣu viśrute || 17 ||
[Analyze grammar]

tasyā jijñāsanārthaṃ sa bhagavānpākaśāsanaḥ |
badarāṇāmapacanaṃ cakāra vibudhādhipaḥ || 18 ||
[Analyze grammar]

tataḥ sa prayatā rājanvāgyatā vigataklamā |
tatparā śucisaṃvītā pāvake samadhiśrayat |
apacadrājaśārdūla badarāṇi mahāvratā || 19 ||
[Analyze grammar]

tasyāḥ pacantyāḥ sumahānkālo'gātpuruṣarṣabha |
na ca sma tānyapacyanta dinaṃ ca kṣayamabhyagāt || 20 ||
[Analyze grammar]

hutāśanena dagdhaśca yastasyāḥ kāṣṭhasaṃcayaḥ |
akāṣṭhamagniṃ sā dṛṣṭvā svaśarīramathādahat || 21 ||
[Analyze grammar]

pādau prakṣipya sā pūrvaṃ pāvake cārudarśanā |
dagdhau dagdhau punaḥ pādāvupāvartayatānaghā || 22 ||
[Analyze grammar]

caraṇau dahyamānau ca nācintayadaninditā |
duḥkhaṃ kamalapatrākṣī maharṣeḥ priyakāmyayā || 23 ||
[Analyze grammar]

atha tatkarma dṛṣṭvāsyāḥ prītastribhuvaneśvaraḥ |
tataḥ saṃdarśayāmāsa kanyāyai rūpamātmanaḥ || 24 ||
[Analyze grammar]

uvāca ca suraśreṣṭhastāṃ kanyāṃ sudṛḍhavratām |
prīto'smi te śubhe bhaktyā tapasā niyamena ca || 25 ||
[Analyze grammar]

tasmādyo'bhimataḥ kāmaḥ sa te saṃpatsyate śubhe |
dehaṃ tyaktvā mahābhāge tridive mayi vatsyasi || 26 ||
[Analyze grammar]

idaṃ ca te tīrthavaraṃ sthiraṃ loke bhaviṣyati |
sarvapāpāpahaṃ subhru nāmnā badarapācanam |
vikhyātaṃ triṣu lokeṣu brahmarṣibhirabhiplutam || 27 ||
[Analyze grammar]

asminkhalu mahābhāge śubhe tīrthavare purā |
tyaktvā saptarṣayo jagmurhimavantamarundhatīm || 28 ||
[Analyze grammar]

tataste vai mahābhāgā gatvā tatra susaṃśitāḥ |
vṛttyarthaṃ phalamūlāni samāhartuṃ yayuḥ kila || 29 ||
[Analyze grammar]

teṣāṃ vṛttyarthināṃ tatra vasatāṃ himavadvane |
anāvṛṣṭiranuprāptā tadā dvādaśavārṣikī || 30 ||
[Analyze grammar]

te kṛtvā cāśramaṃ tatra nyavasanta tapasvinaḥ |
arundhatyapi kalyāṇī taponityābhavattadā || 31 ||
[Analyze grammar]

arundhatīṃ tato dṛṣṭvā tīvraṃ niyamamāsthitām |
athāgamattrinayanaḥ suprīto varadastadā || 32 ||
[Analyze grammar]

brāhmaṃ rūpaṃ tataḥ kṛtvā mahādevo mahāyaśāḥ |
tāmabhyetyābravīddevo bhikṣāmicchāmyahaṃ śubhe || 33 ||
[Analyze grammar]

pratyuvāca tataḥ sā taṃ brāhmaṇaṃ cārudarśanā |
kṣīṇo'nnasaṃcayo vipra badarāṇīha bhakṣaya |
tato'bravīnmahādevaḥ pacasvaitāni suvrate || 34 ||
[Analyze grammar]

ityuktā sāpacattāni brāhmaṇapriyakāmyayā |
adhiśritya samiddhe'gnau badarāṇi yaśasvinī || 35 ||
[Analyze grammar]

divyā manoramāḥ puṇyāḥ kathāḥ śuśrāva sā tadā |
atītā sā tvanāvṛṣṭirghorā dvādaśavārṣikī || 36 ||
[Analyze grammar]

anaśnantyāḥ pacantyāśca śṛṇvantyāśca kathāḥ śubhāḥ |
ahaḥsamaḥ sa tasyāstu kālo'tītaḥ sudāruṇaḥ || 37 ||
[Analyze grammar]

tataste munayaḥ prāptāḥ phalānyādāya parvatāt |
tataḥ sa bhagavānprītaḥ provācārundhatīṃ tadā || 38 ||
[Analyze grammar]

upasarpasva dharmajñe yathāpūrvamimānṛṣīn |
prīto'smi tava dharmajñe tapasā niyamena ca || 39 ||
[Analyze grammar]

tataḥ saṃdarśayāmāsa svarūpaṃ bhagavānharaḥ |
tato'bravīttadā tebhyastasyāstaccaritaṃ mahat || 40 ||
[Analyze grammar]

bhavadbhirhimavatpṛṣṭhe yattapaḥ samupārjitam |
asyāśca yattapo viprā na samaṃ tanmataṃ mama || 41 ||
[Analyze grammar]

anayā hi tapasvinyā tapastaptaṃ suduścaram |
anaśnantyā pacantyā ca samā dvādaśa pāritāḥ || 42 ||
[Analyze grammar]

tataḥ provāca bhagavāṃstāmevārundhatīṃ punaḥ |
varaṃ vṛṇīṣva kalyāṇi yatte'bhilaṣitaṃ hṛdi || 43 ||
[Analyze grammar]

sābravītpṛthutāmrākṣī devaṃ saptarṣisaṃsadi |
bhagavānyadi me prītastīrthaṃ syādidamuttamam |
siddhadevarṣidayitaṃ nāmnā badarapācanam || 44 ||
[Analyze grammar]

tathāsmindevadeveśa trirātramuṣitaḥ śuciḥ |
prāpnuyādupavāsena phalaṃ dvādaśavārṣikam |
evamastviti tāṃ coktvā haro yātastadā divam || 45 ||
[Analyze grammar]

ṛṣayo vismayaṃ jagmustāṃ dṛṣṭvā cāpyarundhatīm |
aśrāntāṃ cāvivarṇāṃ ca kṣutpipāsāsahāṃ satīm || 46 ||
[Analyze grammar]

evaṃ siddhiḥ parā prāptā arundhatyā viśuddhayā |
yathā tvayā mahābhāge madarthaṃ saṃśitavrate || 47 ||
[Analyze grammar]

viśeṣo hi tvayā bhadre vrate hyasminsamarpitaḥ |
tathā cedaṃ dadāmyadya niyamena sutoṣitaḥ || 48 ||
[Analyze grammar]

viśeṣaṃ tava kalyāṇi prayacchāmi varaṃ vare |
arundhatyā varastasyā yo datto vai mahātmanā || 49 ||
[Analyze grammar]

tasya cāhaṃ prasādena tava kalyāṇi tejasā |
pravakṣyāmyaparaṃ bhūyo varamatra yathāvidhi || 50 ||
[Analyze grammar]

yastvekāṃ rajanīṃ tīrthe vatsyate susamāhitaḥ |
sa snātvā prāpsyate lokāndehanyāsācca durlabhān || 51 ||
[Analyze grammar]

ityuktvā bhagavāndevaḥ sahasrākṣaḥ pratāpavān |
srucāvatīṃ tataḥ puṇyāṃ jagāma tridivaṃ punaḥ || 52 ||
[Analyze grammar]

gate vajradhare rājaṃstatra varṣaṃ papāta ha |
puṣpāṇāṃ bharataśreṣṭha divyānāṃ divyagandhinām || 53 ||
[Analyze grammar]

nedurdundubhayaścāpi samantātsumahāsvanāḥ |
mārutaśca vavau yuktyā puṇyagandho viśāṃ pate || 54 ||
[Analyze grammar]

utsṛjya tu śubhaṃ dehaṃ jagāmendrasya bhāryatām |
tapasogreṇa sā labdhvā tena reme sahācyuta || 55 ||
[Analyze grammar]

janamejaya uvāca |
kā tasyā bhagavanmātā kva saṃvṛddhā ca śobhanā |
śrotumicchāmyahaṃ brahmanparaṃ kautūhalaṃ hi me || 56 ||
[Analyze grammar]

vaiśaṃpāyana uvāca |
bhāradvājasya viprarṣeḥ skannaṃ reto mahātmanaḥ |
dṛṣṭvāpsarasamāyāntīṃ ghṛtācīṃ pṛthulocanām || 57 ||
[Analyze grammar]

sa tu jagrāha tadretaḥ kareṇa japatāṃ varaḥ |
tadāvapatparṇapuṭe tatra sā saṃbhavacchubhā || 58 ||
[Analyze grammar]

tasyāstu jātakarmādi kṛtvā sarvaṃ tapodhanaḥ |
nāma cāsyāḥ sa kṛtavānbhāradvājo mahāmuniḥ || 59 ||
[Analyze grammar]

srucāvatīti dharmātmā tadarṣigaṇasaṃsadi |
sa ca tāmāśrame nyasya jagāma himavadvanam || 60 ||
[Analyze grammar]

tatrāpyupaspṛśya mahānubhāvo vasūni dattvā ca mahādvijebhyaḥ |
jagāma tīrthaṃ susamāhitātmā śakrasya vṛṣṇipravarastadānīm || 61 ||
[Analyze grammar]