Chapter 45

vaiśaṃpāyana uvāca |
śṛṇu mātṛgaṇānrājankumārānucarānimān |
kīrtyamānānmayā vīra sapatnagaṇasūdanān || 1 ||
[Analyze grammar]

yaśasvinīnāṃ mātṝṇāṃ śṛṇu nāmāni bhārata |
yābhirvyāptāstrayo lokāḥ kalyāṇībhiścarācarāḥ || 2 ||
[Analyze grammar]

prabhāvatī viśālākṣī palitā gonasī tathā |
śrīmatī bahulā caiva tathaiva bahuputrikā || 3 ||
[Analyze grammar]

apsujātā ca gopālī bṛhadambālikā tathā |
jayāvatī mālatikā dhruvaratnā bhayaṃkarī || 4 ||
[Analyze grammar]

vasudāmā sudāmā ca viśokā nandinī tathā |
ekacūḍā mahācūḍā cakranemiśca bhārata || 5 ||
[Analyze grammar]

uttejanī jayatsenā kamalākṣyatha śobhanā |
śatruṃjayā tathā caiva krodhanā śalabhī kharī || 6 ||
[Analyze grammar]

mādhavī śubhavaktrā ca tīrthanemiśca bhārata |
gītapriyā ca kalyāṇī kadrulā cāmitāśanā || 7 ||
[Analyze grammar]

meghasvanā bhogavatī subhrūśca kanakāvatī |
alātākṣī vīryavatī vidyujjihvā ca bhārata || 8 ||
[Analyze grammar]

padmāvatī sunakṣatrā kandarā bahuyojanā |
saṃtānikā ca kauravya kamalā ca mahābalā || 9 ||
[Analyze grammar]

sudāmā bahudāmā ca suprabhā ca yaśasvinī |
nṛtyapriyā ca rājendra śatolūkhalamekhalā || 10 ||
[Analyze grammar]

śataghaṇṭā śatānandā bhaganandā ca bhāminī |
vapuṣmatī candraśītā bhadrakālī ca bhārata || 11 ||
[Analyze grammar]

saṃkārikā niṣkuṭikā bhramā catvaravāsinī |
sumaṅgalā svastimatī vṛddhikāmā jayapriyā || 12 ||
[Analyze grammar]

dhanadā suprasādā ca bhavadā ca jaleśvarī |
eḍī bheḍī sameḍī ca vetālajananī tathā |
kaṇḍūtiḥ kālikā caiva devamitrā ca bhārata || 13 ||
[Analyze grammar]

lambasī ketakī caiva citrasenā tathā balā |
kukkuṭikā śaṅkhanikā tathā jarjarikā nṛpa || 14 ||
[Analyze grammar]

kuṇḍārikā kokalikā kaṇḍarā ca śatodarī |
utkrāthinī jareṇā ca mahāvegā ca kaṅkaṇā || 15 ||
[Analyze grammar]

manojavā kaṇṭakinī praghasā pūtanā tathā |
khaśayā curvyuṭirvāmā krośanātha taḍitprabhā || 16 ||
[Analyze grammar]

maṇḍodarī ca tuṇḍā ca koṭarā meghavāsinī |
subhagā lambinī lambā vasucūḍā vikatthanī || 17 ||
[Analyze grammar]

ūrdhvaveṇīdharā caiva piṅgākṣī lohamekhalā |
pṛthuvaktrā madhurikā madhukumbhā tathaiva ca || 18 ||
[Analyze grammar]

pakṣālikā manthanikā jarāyurjarjarānanā |
khyātā dahadahā caiva tathā dhamadhamā nṛpa || 19 ||
[Analyze grammar]

khaṇḍakhaṇḍā ca rājendra pūṣaṇā maṇikuṇḍalā |
amocā caiva kauravya tathā lambapayodharā || 20 ||
[Analyze grammar]

veṇuvīṇādharā caiva piṅgākṣī lohamekhalā |
śaśolūkamukhī kṛṣṇā kharajaṅghā mahājavā || 21 ||
[Analyze grammar]

śiśumāramukhī śvetā lohitākṣī vibhīṣaṇā |
jaṭālikā kāmacarī dīrghajihvā balotkaṭā || 22 ||
[Analyze grammar]

kāleḍikā vāmanikā mukuṭā caiva bhārata |
lohitākṣī mahākāyā haripiṇḍī ca bhūmipa || 23 ||
[Analyze grammar]

ekākṣarā sukusumā kṛṣṇakarṇī ca bhārata |
kṣurakarṇī catuṣkarṇī karṇaprāvaraṇā tathā || 24 ||
[Analyze grammar]

catuṣpathaniketā ca gokarṇī mahiṣānanā |
kharakarṇī mahākarṇī bherīsvanamahāsvanā || 25 ||
[Analyze grammar]

śaṅkhakumbhasvanā caiva bhaṅgadā ca mahābalā |
gaṇā ca sugaṇā caiva tathābhītyatha kāmadā || 26 ||
[Analyze grammar]

catuṣpatharatā caiva bhūtitīrthānyagocarā |
paśudā vittadā caiva sukhadā ca mahāyaśāḥ |
payodā gomahiṣadā suviṣāṇā ca bhārata || 27 ||
[Analyze grammar]

pratiṣṭhā supratiṣṭhā ca rocamānā surocanā |
gokarṇī ca sukarṇī ca sasirā stherikā tathā |
ekacakrā megharavā meghamālā virocanā || 28 ||
[Analyze grammar]

etāścānyāśca bahavo mātaro bharatarṣabha |
kārttikeyānuyāyinyo nānārūpāḥ sahasraśaḥ || 29 ||
[Analyze grammar]

dīrghanakhyo dīrghadantyo dīrghatuṇḍyaśca bhārata |
saralā madhurāścaiva yauvanasthāḥ svalaṃkṛtāḥ || 30 ||
[Analyze grammar]

māhātmyena ca saṃyuktāḥ kāmarūpadharāstathā |
nirmāṃsagātryaḥ śvetāśca tathā kāñcanasaṃnibhāḥ || 31 ||
[Analyze grammar]

kṛṣṇameghanibhāścānyā dhūmrāśca bharatarṣabha |
aruṇābhā mahābhāgā dīrghakeśyaḥ sitāmbarāḥ || 32 ||
[Analyze grammar]

ūrdhvaveṇīdharāścaiva piṅgākṣyo lambamekhalāḥ |
lambodaryo lambakarṇāstathā lambapayodharāḥ || 33 ||
[Analyze grammar]

tāmrākṣyastāmravarṇāśca haryakṣyaśca tathāparāḥ |
varadāḥ kāmacāriṇyo nityapramuditāstathā || 34 ||
[Analyze grammar]

yāmyo raudryastathā saumyāḥ kauberyo'tha mahābalāḥ |
vāruṇyo'tha ca māhendryastathāgneyyaḥ paraṃtapa || 35 ||
[Analyze grammar]

vāyavyaścātha kaumāryo brāhmyaśca bharatarṣabha |
rūpeṇāpsarasāṃ tulyā jave vāyusamāstathā || 36 ||
[Analyze grammar]

parapuṣṭopamā vākye tatharddhyā dhanadopamāḥ |
śakravīryopamāścaiva dīptyā vahnisamāstathā || 37 ||
[Analyze grammar]

vṛkṣacatvaravāsinyaścatuṣpathaniketanāḥ |
guhāśmaśānavāsinyaḥ śailaprasravaṇālayāḥ || 38 ||
[Analyze grammar]

nānābharaṇadhāriṇyo nānāmālyāmbarāstathā |
nānāvicitraveṣāśca nānābhāṣāstathaiva ca || 39 ||
[Analyze grammar]

ete cānye ca bahavo gaṇāḥ śatrubhayaṃkarāḥ |
anujagmurmahātmānaṃ tridaśendrasya saṃmate || 40 ||
[Analyze grammar]

tataḥ śaktyastramadadadbhagavānpākaśāsanaḥ |
guhāya rājaśārdūla vināśāya suradviṣām || 41 ||
[Analyze grammar]

mahāsvanāṃ mahāghaṇṭāṃ dyotamānāṃ sitaprabhām |
taruṇādityavarṇāṃ ca patākāṃ bharatarṣabha || 42 ||
[Analyze grammar]

dadau paśupatistasmai sarvabhūtamahācamūm |
ugrāṃ nānāpraharaṇāṃ tapovīryabalānvitām || 43 ||
[Analyze grammar]

viṣṇurdadau vaijayantīṃ mālāṃ balavivardhinīm |
umā dadau cārajasī vāsasī sūryasaprabhe || 44 ||
[Analyze grammar]

gaṅgā kamaṇḍaluṃ divyamamṛtodbhavamuttamam |
dadau prītyā kumārāya daṇḍaṃ caiva bṛhaspatiḥ || 45 ||
[Analyze grammar]

garuḍo dayitaṃ putraṃ mayūraṃ citrabarhiṇam |
aruṇastāmracūḍaṃ ca pradadau caraṇāyudham || 46 ||
[Analyze grammar]

pāśaṃ tu varuṇo rājā balavīryasamanvitam |
kṛṣṇājinaṃ tathā brahmā brahmaṇyāya dadau prabhuḥ |
samareṣu jayaṃ caiva pradadau lokabhāvanaḥ || 47 ||
[Analyze grammar]

senāpatyamanuprāpya skando devagaṇasya ha |
śuśubhe jvalito'rciṣmāndvitīya iva pāvakaḥ |
tataḥ pāriṣadaiścaiva mātṛbhiśca samanvitaḥ || 48 ||
[Analyze grammar]

sā senā nairṛtī bhīmā saghaṇṭocchritaketanā |
sabherīśaṅkhamurajā sāyudhā sapatākinī |
śāradī dyaurivābhāti jyotirbhirupaśobhitā || 49 ||
[Analyze grammar]

tato devanikāyāste bhūtasenāgaṇāstathā |
vādayāmāsuravyagrā bherīśaṅkhāṃśca puṣkalān || 50 ||
[Analyze grammar]

paṭahāñjharjharāṃścaiva kṛkacāngoviṣāṇikān |
āḍambarāngomukhāṃśca ḍiṇḍimāṃśca mahāsvanān || 51 ||
[Analyze grammar]

tuṣṭuvuste kumāraṃ ca sarve devāḥ savāsavāḥ |
jaguśca devagandharvā nanṛtuścāpsarogaṇāḥ || 52 ||
[Analyze grammar]

tataḥ prīto mahāsenastridaśebhyo varaṃ dadau |
ripūnhantāsmi samare ye vo vadhacikīrṣavaḥ || 53 ||
[Analyze grammar]

pratigṛhya varaṃ devāstasmādvibudhasattamāt |
prītātmāno mahātmāno menire nihatānripūn || 54 ||
[Analyze grammar]

sarveṣāṃ bhūtasaṃghānāṃ harṣānnādaḥ samutthitaḥ |
apūrayata lokāṃstrīnvare datte mahātmanā || 55 ||
[Analyze grammar]

sa niryayau mahāseno mahatyā senayā vṛtaḥ |
vadhāya yudhi daityānāṃ rakṣārthaṃ ca divaukasām || 56 ||
[Analyze grammar]

vyavasāyo jayo dharmaḥ siddhirlakṣmīrdhṛtiḥ smṛtiḥ |
mahāsenasya sainyānāmagre jagmurnarādhipa || 57 ||
[Analyze grammar]

sa tayā bhīmayā devaḥ śūlamudgarahastayā |
gadāmusalanārācaśaktitomarahastayā |
dṛptasiṃhaninādinyā vinadya prayayau guhaḥ || 58 ||
[Analyze grammar]

taṃ dṛṣṭvā sarvadaiteyā rākṣasā dānavāstathā |
vyadravanta diśaḥ sarvā bhayodvignāḥ samantataḥ |
abhyadravanta devāstānvividhāyudhapāṇayaḥ || 59 ||
[Analyze grammar]

dṛṣṭvā ca sa tataḥ kruddhaḥ skandastejobalānvitaḥ |
śaktyastraṃ bhagavānbhīmaṃ punaḥ punaravāsṛjat |
ādadhaccātmanastejo haviṣeddha ivānalaḥ || 60 ||
[Analyze grammar]

abhyasyamāne śaktyastre skandenāmitatejasā |
ulkājvālā mahārāja papāta vasudhātale || 61 ||
[Analyze grammar]

saṃhrādayantaśca tathā nirghātāścāpatankṣitau |
yathāntakālasamaye sughorāḥ syustathā nṛpa || 62 ||
[Analyze grammar]

kṣiptā hyekā tathā śaktiḥ sughorānalasūnunā |
tataḥ koṭyo viniṣpetuḥ śaktīnāṃ bharatarṣabha || 63 ||
[Analyze grammar]

sa śaktyastreṇa saṃgrāme jaghāna bhagavānprabhuḥ |
daityendraṃ tārakaṃ nāma mahābalaparākramam |
vṛtaṃ daityāyutairvīrairbalibhirdaśabhirnṛpa || 64 ||
[Analyze grammar]

mahiṣaṃ cāṣṭabhiḥ padmairvṛtaṃ saṃkhye nijaghnivān |
tripādaṃ cāyutaśatairjaghāna daśabhirvṛtam || 65 ||
[Analyze grammar]

hradodaraṃ nikharvaiśca vṛtaṃ daśabhirīśvaraḥ |
jaghānānucaraiḥ sārdhaṃ vividhāyudhapāṇibhiḥ || 66 ||
[Analyze grammar]

tatrākurvanta vipulaṃ nādaṃ vadhyatsu śatruṣu |
kumārānucarā rājanpūrayanto diśo daśa || 67 ||
[Analyze grammar]

śaktyastrasya tu rājendra tato'rcirbhiḥ samantataḥ |
dagdhāḥ sahasraśo daityā nādaiḥ skandasya cāpare || 68 ||
[Analyze grammar]

patākayāvadhūtāśca hatāḥ kecitsuradviṣaḥ |
kecidghaṇṭāravatrastā nipeturvasudhātale |
kecitpraharaṇaiśchinnā vinipeturgatāsavaḥ || 69 ||
[Analyze grammar]

evaṃ suradviṣo'nekānbalavānātatāyinaḥ |
jaghāna samare vīraḥ kārttikeyo mahābalaḥ || 70 ||
[Analyze grammar]

bāṇo nāmātha daiteyo baleḥ putro mahābalaḥ |
krauñcaṃ parvatamāsādya devasaṃghānabādhata || 71 ||
[Analyze grammar]

tamabhyayānmahāsenaḥ suraśatrumudāradhīḥ |
sa kārttikeyasya bhayātkrauñcaṃ śaraṇameyivān || 72 ||
[Analyze grammar]

tataḥ krauñcaṃ mahāmanyuḥ krauñcanādanināditam |
śaktyā bibheda bhagavānkārttikeyo'gnidattayā || 73 ||
[Analyze grammar]

saśālaskandhasaralaṃ trastavānaravāraṇam |
pulinatrastavihagaṃ viniṣpatitapannagam || 74 ||
[Analyze grammar]

golāṅgūlarkṣasaṃghaiśca dravadbhiranunāditam |
kuraṅgagatinirghoṣamudbhrāntasṛmarācitam || 75 ||
[Analyze grammar]

viniṣpatadbhiḥ śarabhaiḥ siṃhaiśca sahasā drutaiḥ |
śocyāmapi daśāṃ prāpto rarājaiva sa parvataḥ || 76 ||
[Analyze grammar]

vidyādharāḥ samutpetustasya śṛṅganivāsinaḥ |
kiṃnarāśca samudvignāḥ śaktipātaravoddhatāḥ || 77 ||
[Analyze grammar]

tato daityā viniṣpetuḥ śataśo'tha sahasraśaḥ |
pradīptātparvataśreṣṭhādvicitrābharaṇasrajaḥ || 78 ||
[Analyze grammar]

tānnijaghnuratikramya kumārānucarā mṛdhe |
bibheda śaktyā krauñcaṃ ca pāvakiḥ paravīrahā || 79 ||
[Analyze grammar]

bahudhā caikadhā caiva kṛtvātmānaṃ mahātmanā |
śaktiḥ kṣiptā raṇe tasya pāṇimeti punaḥ punaḥ || 80 ||
[Analyze grammar]

evaṃprabhāvo bhagavānato bhūyaśca pāvakiḥ |
krauñcastena vinirbhinno daityāśca śataśo hatāḥ || 81 ||
[Analyze grammar]

tataḥ sa bhagavāndevo nihatya vibudhadviṣaḥ |
sabhājyamāno vibudhaiḥ paraṃ harṣamavāpa ha || 82 ||
[Analyze grammar]

tato dundubhayo rājanneduḥ śaṅkhāśca bhārata |
mumucurdevayoṣāśca puṣpavarṣamanuttamam || 83 ||
[Analyze grammar]

divyagandhamupādāya vavau puṇyaśca mārutaḥ |
gandharvāstuṣṭuvuścainaṃ yajvānaśca maharṣayaḥ || 84 ||
[Analyze grammar]

kecidenaṃ vyavasyanti pitāmahasutaṃ prabhum |
sanatkumāraṃ sarveṣāṃ brahmayoniṃ tamagrajam || 85 ||
[Analyze grammar]

kecinmaheśvarasutaṃ kecitputraṃ vibhāvasoḥ |
umāyāḥ kṛttikānāṃ ca gaṅgāyāśca vadantyuta || 86 ||
[Analyze grammar]

ekadhā ca dvidhā caiva caturdhā ca mahābalam |
yogināmīśvaraṃ devaṃ śataśo'tha sahasraśaḥ || 87 ||
[Analyze grammar]

etatte kathitaṃ rājankārttikeyābhiṣecanam |
śṛṇu caiva sarasvatyāstīrthavaṃśasya puṇyatām || 88 ||
[Analyze grammar]

babhūva tīrthapravaraṃ hateṣu suraśatruṣu |
kumāreṇa mahārāja triviṣṭapamivāparam || 89 ||
[Analyze grammar]

aiśvaryāṇi ca tatrastho dadāvīśaḥ pṛthakpṛthak |
tadā nairṛtamukhyebhyastrailokye pāvakātmajaḥ || 90 ||
[Analyze grammar]

evaṃ sa bhagavāṃstasmiṃstīrthe daityakulāntakaḥ |
abhiṣikto mahārāja devasenāpatiḥ suraiḥ || 91 ||
[Analyze grammar]

aujasaṃ nāma tattīrthaṃ yatra pūrvamapāṃ patiḥ |
abhiṣiktaḥ suragaṇairvaruṇo bharatarṣabha || 92 ||
[Analyze grammar]

tasmiṃstīrthavare snātvā skandaṃ cābhyarcya lāṅgalī |
brāhmaṇebhyo dadau rukmaṃ vāsāṃsyābharaṇāni ca || 93 ||
[Analyze grammar]

uṣitvā rajanīṃ tatra mādhavaḥ paravīrahā |
pūjya tīrthavaraṃ tacca spṛṣṭvā toyaṃ ca lāṅgalī |
hṛṣṭaḥ prītamanāścaiva hyabhavanmādhavottamaḥ || 94 ||
[Analyze grammar]

etatte sarvamākhyātaṃ yanmāṃ tvaṃ paripṛcchasi |
yathābhiṣikto bhagavānskando devaiḥ samāgataiḥ || 95 ||
[Analyze grammar]