Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

saṃjaya uvāca |
tathā nipātite karṇe tava sainye ca vidrute |
āśliṣya pārthaṃ dāśārho harṣādvacanamabravīt || 1 ||
[Analyze grammar]

hato balabhidā vṛtrastvayā karṇo dhanaṃjaya |
vadhaṃ vai karṇavṛtrābhyāṃ kathayiṣyanti mānavāḥ || 2 ||
[Analyze grammar]

vajriṇā nihato vṛtraḥ saṃyuge bhūritejasā |
tvayā tu nihataḥ karṇo dhanuṣā niśitaiḥ śaraiḥ || 3 ||
[Analyze grammar]

tamimaṃ vikramaṃ loke prathitaṃ te yaśovaham |
nivedayāvaḥ kaunteya dharmarājāya dhīmate || 4 ||
[Analyze grammar]

vadhaṃ karṇasya saṃgrāme dīrghakālacikīrṣitam |
nivedya dharmarājasya tvamānṛṇyaṃ gamiṣyasi || 5 ||
[Analyze grammar]

tathetyukte keśavastu pārthena yadupuṅgavaḥ |
paryavartayadavyagro rathaṃ rathavarasya tam || 6 ||
[Analyze grammar]

dhṛṣṭadyumnaṃ yudhāmanyuṃ mādrīputrau vṛkodaram |
yuyudhānaṃ ca govinda idaṃ vacanamabravīt || 7 ||
[Analyze grammar]

parānabhimukhā yattāstiṣṭhadhvaṃ bhadramastu vaḥ |
yāvadāvedyate rājñe hataḥ karṇo'rjunena vai || 8 ||
[Analyze grammar]

sa taiḥ śūrairanujñāto yayau rājaniveśanam |
pārthamādāya govindo dadarśa ca yudhiṣṭhiram || 9 ||
[Analyze grammar]

śayānaṃ rājaśārdūlaṃ kāñcane śayanottame |
agṛhṇītāṃ ca caraṇau muditau pārthivasya tau || 10 ||
[Analyze grammar]

tayoḥ praharṣamālakṣya prahārāṃścātimānuṣān |
rādheyaṃ nihataṃ matvā samuttasthau yudhiṣṭhiraḥ || 11 ||
[Analyze grammar]

tato'smai tadyathāvṛttaṃ vāsudevaḥ priyaṃvadaḥ |
kathayāmāsa karṇasya nidhanaṃ yadunandanaḥ || 12 ||
[Analyze grammar]

īṣadutsmayamānastu kṛṣṇo rājānamabravīt |
yudhiṣṭhiraṃ hatāmitraṃ kṛtāñjalirathācyutaḥ || 13 ||
[Analyze grammar]

diṣṭyā gāṇḍīvadhanvā ca pāṇḍavaśca vṛkodaraḥ |
tvaṃ cāpi kuśalī rājanmādrīputrau ca pāṇḍavau || 14 ||
[Analyze grammar]

muktā vīrakṣayādasmātsaṃgrāmāllomaharṣaṇāt |
kṣipramuttarakālāni kuru kāryāṇi pārthiva || 15 ||
[Analyze grammar]

hato vaikartanaḥ krūraḥ sūtaputro mahābalaḥ |
diṣṭyā jayasi rājendra diṣṭyā vardhasi pāṇḍava || 16 ||
[Analyze grammar]

yaḥ sa dyūtajitāṃ kṛṣṇāṃ prāhasatpuruṣādhamaḥ |
tasyādya sūtaputrasya bhūmiḥ pibati śoṇitam || 17 ||
[Analyze grammar]

śete'sau śaradīrṇāṅgaḥ śatruste kurupuṃgava |
taṃ paśya puruṣavyāghra vibhinnaṃ bahudhā śaraiḥ || 18 ||
[Analyze grammar]

yudhiṣṭhirastu dāśārhaṃ prahṛṣṭaḥ pratyapūjayat |
diṣṭyā diṣṭyeti rājendra prītyā cedamuvāca ha || 19 ||
[Analyze grammar]

naitaccitraṃ mahābāho tvayi devakinandana |
tvayā sārathinā pārtho yatkuryādadya pauruṣam || 20 ||
[Analyze grammar]

pragṛhya ca kuruśreṣṭhaḥ sāṅgadaṃ dakṣiṇaṃ bhujam |
uvāca dharmabhṛtpārtha ubhau tau keśavārjunau || 21 ||
[Analyze grammar]

naranārāyaṇau devau kathitau nāradena ha |
dharmasaṃsthāpane yuktau purāṇau puruṣottamau || 22 ||
[Analyze grammar]

asakṛccāpi medhāvī kṛṣṇadvaipāyano mama |
kathāmetāṃ mahābāho divyāmakathayatprabhuḥ || 23 ||
[Analyze grammar]

tava kṛṣṇa prabhāveṇa gāṇḍīvena dhanaṃjayaḥ |
jayatyabhimukhāñśatrūnna cāsīdvimukhaḥ kvacit || 24 ||
[Analyze grammar]

jayaścaiva dhruvo'smākaṃ na tvasmākaṃ parājayaḥ |
yadā tvaṃ yudhi pārthasya sārathyamupajagmivān || 25 ||
[Analyze grammar]

evamuktvā mahārāja taṃ rathaṃ hemabhūṣitam |
dantavarṇairhayairyuktaṃ kālavālairmahārathaḥ || 26 ||
[Analyze grammar]

āsthāya puruṣavyāghraḥ svabalenābhisaṃvṛtaḥ |
kṛṣṇārjunābhyāṃ vīrābhyāmanumanya tataḥ priyam || 27 ||
[Analyze grammar]

āgato bahuvṛttāntaṃ draṣṭumāyodhanaṃ tadā |
ābhāṣamāṇastau vīrāvubhau mādhavaphalgunau || 28 ||
[Analyze grammar]

sa dadarśa raṇe karṇaṃ śayānaṃ puruṣarṣabham |
gāṇḍīvamuktairviśikhaiḥ sarvataḥ śakalīkṛtam || 29 ||
[Analyze grammar]

saputraṃ nihataṃ dṛṣṭvā karṇaṃ rājā yudhiṣṭhiraḥ |
praśaśaṃsa naravyāghrāvubhau mādhavapāṇḍavau || 30 ||
[Analyze grammar]

adya rājāsmi govinda pṛthivyāṃ bhrātṛbhiḥ saha |
tvayā nāthena vīreṇa viduṣā paripālitaḥ || 31 ||
[Analyze grammar]

hataṃ dṛṣṭvā naravyāghraṃ rādheyamabhimāninam |
nirāśo'dya durātmāsau dhārtarāṣṭro bhaviṣyati |
jīvitāccāpi rājyācca hate karṇe mahārathe || 32 ||
[Analyze grammar]

tvatprasādādvayaṃ caiva kṛtārthāḥ puruṣarṣabha |
tvaṃ ca gāṇḍīvadhanvā ca vijayī yadunandana |
diṣṭyā jayasi govinda diṣṭyā karṇo nipātitaḥ || 33 ||
[Analyze grammar]

evaṃ sa bahuśo hṛṣṭaḥ praśaśaṃsa janārdanam |
arjunaṃ cāpi rājendra dharmarājo yudhiṣṭhiraḥ || 34 ||
[Analyze grammar]

tato bhīmaprabhṛtibhiḥ sarvaiśca bhrātṛbhirvṛtam |
vardhayanti sma rājānaṃ harṣayuktā mahārathāḥ || 35 ||
[Analyze grammar]

nakulaḥ sahadevaśca pāṇḍavaśca vṛkodaraḥ |
sātyakiśca mahārāja vṛṣṇīnāṃ pravaro rathaḥ || 36 ||
[Analyze grammar]

dhṛṣṭadyumnaḥ śikhaṇḍī ca pāṇḍupāñcālasṛñjayāḥ |
pūjayanti sma kaunteyaṃ nihate sūtanandane || 37 ||
[Analyze grammar]

te vardhayitvā nṛpatiṃ pāṇḍuputraṃ yudhiṣṭhiram |
jitakāśino labdhalakṣā yuddhaśauṇḍāḥ prahāriṇaḥ || 38 ||
[Analyze grammar]

stuvantaḥ stavayuktābhirvāgbhiḥ kṛṣṇau paraṃtapau |
jagmuḥ svaśibirāyaiva mudā yuktā mahārathāḥ || 39 ||
[Analyze grammar]

evameṣa kṣayo vṛttaḥ sumahāṃllomaharṣaṇaḥ |
tava durmantrite rājannatītaṃ kiṃ nu śocasi || 40 ||
[Analyze grammar]

vaiśaṃpāyana uvāca |
śrutvā tadapriyaṃ rājandhṛtarāṣṭro mahīpatiḥ |
papāta bhūmau niśceṣṭaḥ kauravyaḥ paramārtivān |
tathā satyavratā devī gāndhārī dharmadarśinī || 41 ||
[Analyze grammar]

taṃ pratyagṛhṇādviduro nṛpatiṃ saṃjayastathā |
paryāśvāsayataścaivaṃ tāvubhāveva bhūmipam || 42 ||
[Analyze grammar]

tathaivotthāpayāmāsurgāndhārīṃ rājayoṣitaḥ |
tābhyāmāśvāsito rājā tūṣṇīmāsīdvicetanaḥ || 43 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 69

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: