Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

saṃjaya uvāca |
mahāsattvau tu tau dṛṣṭvā sahitau keśavārjunau |
hatamādhirathiṃ mene saṃkhye gāṇḍīvadhanvanā || 1 ||
[Analyze grammar]

tāvabhyanandatkaunteyaḥ sāmnā paramavalgunā |
smitapūrvamamitraghnaḥ pūjayanbharatarṣabha || 2 ||
[Analyze grammar]

yudhiṣṭhira uvāca |
svāgataṃ devakīputra svāgataṃ te dhanaṃjaya |
priyaṃ me darśanaṃ bāḍhaṃ yuvayoracyutārjunau || 3 ||
[Analyze grammar]

akṣatābhyāmariṣṭābhyāṃ kathaṃ yudhya mahāratham |
āśīviṣasamaṃ yuddhe sarvaśastraviśāradam || 4 ||
[Analyze grammar]

agragaṃ dhārtarāṣṭrāṇāṃ sarveṣāṃ śarma varma ca |
rakṣitaṃ vṛṣasenena suṣeṇena ca dhanvinā || 5 ||
[Analyze grammar]

anujñātaṃ mahāvīryaṃ rāmeṇāstreṣu durjayam |
trātāraṃ dhārtarāṣṭrāṇāṃ gantāraṃ vāhinīmukhe || 6 ||
[Analyze grammar]

hantāramarisainyānāmamitragaṇamardanam |
duryodhanahite yuktamasmadyuddhāya codyatam || 7 ||
[Analyze grammar]

apradhṛṣyaṃ mahāyuddhe devairapi savāsavaiḥ |
analānilayostulyaṃ tejasā ca balena ca || 8 ||
[Analyze grammar]

pātālamiva gambhīraṃ suhṛdānandavardhanam |
antakābhamamitrāṇāṃ karṇaṃ hatvā mahāhave |
diṣṭyā yuvāmanuprāptau jitvāsuramivāmarau || 9 ||
[Analyze grammar]

tena yuddhamadīnena mayā hyadyācyutārjunau |
kupitenāntakeneva prajāḥ sarvā jighāṃsatā || 10 ||
[Analyze grammar]

tena ketuśca me chinno hatau ca pārṣṇisārathī |
hatavāhaḥ kṛtaścāsmi yuyudhānasya paśyataḥ || 11 ||
[Analyze grammar]

dhṛṣṭadyumnasya yamayorvīrasya ca śikhaṇḍinaḥ |
paśyatāṃ draupadeyānāṃ pāñcālānāṃ ca sarvaśaḥ || 12 ||
[Analyze grammar]

etāñjitvā mahāvīryānkarṇaḥ śatrugaṇānbahūn |
jitavānmāṃ mahābāho yatamānaṃ mahāraṇe || 13 ||
[Analyze grammar]

anusṛtya ca māṃ yuddhe paruṣāṇyuktavānbahu |
tatra tatra yudhāṃ śreṣṭhaḥ paribhūya na saṃśayaḥ || 14 ||
[Analyze grammar]

bhīmasenaprabhāvāttu yajjīvāmi dhanaṃjaya |
bahunātra kimuktena nāhaṃ tatsoḍhumutsahe || 15 ||
[Analyze grammar]

trayodaśāhaṃ varṣāṇi yasmādbhīto dhanaṃjaya |
na sma nidrāṃ labhe rātrau na cāhani sukhaṃ kvacit || 16 ||
[Analyze grammar]

tasya dveṣeṇa saṃyuktaḥ paridahye dhanaṃjaya |
ātmano maraṇaṃ jānanvādhrīṇasa iva dvipaḥ || 17 ||
[Analyze grammar]

yasyāyamagamatkālaścintayānasya me vibho |
kathaṃ śakyo mayā karṇo yuddhe kṣapayituṃ bhavet || 18 ||
[Analyze grammar]

jāgratsvapaṃśca kaunteya karṇameva sadā hyaham |
paśyāmi tatra tatraiva karṇabhūtamidaṃ jagat || 19 ||
[Analyze grammar]

yatra yatra hi gacchāmi karṇādbhīto dhanaṃjaya |
tatra tatra hi paśyāmi karṇamevāgrataḥ sthitam || 20 ||
[Analyze grammar]

so'haṃ tenaiva vīreṇa samareṣvapalāyinā |
sahayaḥ sarathaḥ pārtha jitvā jīvanvisarjitaḥ || 21 ||
[Analyze grammar]

ko nu me jīvitenārtho rājyenārtho'tha vā punaḥ |
mamaivaṃ dhikkṛtasyeha karṇenāhavaśobhinā || 22 ||
[Analyze grammar]

na prāptapūrvaṃ yadbhīṣmātkṛpāddroṇācca saṃyuge |
tatprāptamadya me yuddhe sūtaputrānmahārathāt || 23 ||
[Analyze grammar]

tattvā pṛcchāmi kaunteya yathā hyakuśalastathā |
tanmamācakṣva kārtsnyena yathā karṇastvayā hataḥ || 24 ||
[Analyze grammar]

śakravīryasamo yuddhe yamatulyaparākramaḥ |
rāmatulyastathāstre yaḥ sa kathaṃ vai niṣūditaḥ || 25 ||
[Analyze grammar]

mahārathaḥ samākhyātaḥ sarvayuddhaviśāradaḥ |
dhanurdharāṇāṃ pravaraḥ sarveṣāmekapūruṣaḥ || 26 ||
[Analyze grammar]

pūjito dhṛtarāṣṭreṇa saputreṇa viśāṃ pate |
sadā tvadarthaṃ rādheyaḥ sa kathaṃ nihatastvayā || 27 ||
[Analyze grammar]

dhṛtarāṣṭro hi yodheṣu sarveṣveva sadārjuna |
tava mṛtyuṃ raṇe karṇaṃ manyate puruṣarṣabhaḥ || 28 ||
[Analyze grammar]

sa tvayā puruṣavyāghra kathaṃ yuddhe niṣūditaḥ |
taṃ mamācakṣva bībhatso yathā karṇo hatastvayā || 29 ||
[Analyze grammar]

sotsedhamasya ca śiraḥ paśyatāṃ suhṛdāṃ hṛtam |
tvayā puruṣaśārdūla śārdūlena yathā ruroḥ || 30 ||
[Analyze grammar]

yaḥ paryupāsītpradiśo diśaśca tvāṃ sūtaputraḥ samare parīpsan |
ditsuḥ karṇaḥ samare hastipūgaṃ sa hīdānīṃ kaṅkapatraiḥ sutīkṣṇaiḥ || 31 ||
[Analyze grammar]

tvayā raṇe nihataḥ sūtaputraḥ kaccicchete bhūmitale durātmā |
kaccitpriyaṃ me paramaṃ tvayādya kṛtaṃ raṇe sūtaputraṃ nihatya || 32 ||
[Analyze grammar]

yaḥ sarvataḥ paryapatattvadarthe madānvito garvitaḥ sūtaputraḥ |
sa śūramānī samare sametya kaccittvayā nihataḥ saṃyuge'dya || 33 ||
[Analyze grammar]

raukmaṃ rathaṃ hastivaraiśca yuktaṃ rathaṃ ditsuryaḥ parebhyastvadarthe |
sadā raṇe spardhate yaḥ sa pāpaḥ kaccittvayā nihatastāta yuddhe || 34 ||
[Analyze grammar]

yo'sau nityaṃ śūramadena matto vikatthate saṃsadi kauravāṇām |
priyo'tyarthaṃ tasya suyodhanasya kaccitsa pāpo nihatastvayādya || 35 ||
[Analyze grammar]

kaccitsamāgamya dhanuḥpramuktaistvatpreṣitairlohitārthairvihaṃgaiḥ |
śete'dya pāpaḥ sa vibhinnagātraḥ kaccidbhagno dhārtarāṣṭrasya bāhuḥ || 36 ||
[Analyze grammar]

yo'sau sadā ślāghate rājamadhye duryodhanaṃ harṣayandarpapūrṇaḥ |
ahaṃ hantā phalgunasyeti mohātkacciddhatastasya na vai tathā rathaḥ || 37 ||
[Analyze grammar]

nāhaṃ pādau dhāvayiṣye kadācidyāvatsthitaḥ pārtha ityalpabuddhiḥ |
vrataṃ tasyaitatsarvadā śakrasūno kaccittvayā nihataḥ so'dya karṇaḥ || 38 ||
[Analyze grammar]

yo'sau kṛṣṇāmabravīdduṣṭabuddhiḥ karṇaḥ sabhāyāṃ kuruvīramadhye |
kiṃ pāṇḍavāṃstvaṃ na jahāsi kṛṣṇe sudurbalānpatitānhīnasattvān || 39 ||
[Analyze grammar]

yattatkarṇaḥ pratyajānāttvadarthe nāhatvāhaṃ saha kṛṣṇena pārtham |
ihopayāteti sa pāpabuddhiḥ kaccicchete śarasaṃbhinnagātraḥ || 40 ||
[Analyze grammar]

kaccitsaṃgrāme vidito vā tadāyaṃ samāgamaḥ sṛñjayakauravāṇām |
yatrāvasthāmīdṛśīṃ prāpito'haṃ kaccittvayā so'dya hataḥ sametya || 41 ||
[Analyze grammar]

kaccittvayā tasya sumandabuddhergāṇḍīvamuktairviśikhairjvaladbhiḥ |
sakuṇḍalaṃ bhānumaduttamāṅgaṃ kāyātprakṛttaṃ yudhi savyasācin || 42 ||
[Analyze grammar]

yattanmayā bāṇasamarpitena dhyāto'si karṇasya vadhāya vīra |
tanme tvayā kaccidamoghamadya dhyātaṃ kṛtaṃ karṇanipātanena || 43 ||
[Analyze grammar]

yaddarpapūrṇaḥ sa suyodhano'smānavekṣate karṇasamāśrayeṇa |
kaccittvayā so'dya samāśrayo'sya bhagnaḥ parākramya suyodhanasya || 44 ||
[Analyze grammar]

yo naḥ purā ṣaṇḍhatilānavocatsabhāmadhye pārthivānāṃ samakṣam |
sa durmatiḥ kaccidupetya saṃkhye tvayā hataḥ sūtaputro'tyamarṣī || 45 ||
[Analyze grammar]

yaḥ sūtaputraḥ prahasandurātmā purābravīnnirjitāṃ saubalena |
svayaṃ prasahyānaya yājñasenīmapīha kaccitsa hatastvayādya || 46 ||
[Analyze grammar]

yaḥ śastrabhṛcchreṣṭhatamaṃ pṛthivyāṃ pitāmahaṃ vyākṣipadalpacetāḥ |
saṃkhyāyamāno'rdharathaḥ sa kaccittvayā hato'dyādhirathirdurātmā || 47 ||
[Analyze grammar]

amarṣaṇaṃ nikṛtisamīraṇeritaṃ hṛdi śritaṃ jvalanamimaṃ sadā mama |
hato mayā so'dya sametya pāpadhīriti bruvanpraśamaya me'dya phalguna || 48 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 46

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: