Chapter 30

saṃjaya uvāca |
tataḥ punarmahārāja madrarājamariṃdamam |
abhyabhāṣata rādheyaḥ saṃnivāryottaraṃ vacaḥ || 1 ||
[Analyze grammar]

yattvaṃ nidarśanārthaṃ māṃ śalya jalpitavānasi |
nāhaṃ śakyastvayā vācā vibhīṣayitumāhave || 2 ||
[Analyze grammar]

yadi māṃ devatāḥ sarvā yodhayeyuḥ savāsavāḥ |
tathāpi me bhayaṃ na syātkimu pārthātsakeśavāt || 3 ||
[Analyze grammar]

nāhaṃ bhīṣayituṃ śakyo vāṅmātreṇa kathaṃcana |
anyaṃ jānīhi yaḥ śakyastvayā bhīṣayituṃ raṇe || 4 ||
[Analyze grammar]

nīcasya balametāvatpāruṣyaṃ yattvamāttha mām |
aśakto'smadguṇānprāptuṃ valgase bahu durmate || 5 ||
[Analyze grammar]

na hi karṇaḥ samudbhūto bhayārthamiha māriṣa |
vikramārthamahaṃ jāto yaśorthaṃ ca tathaiva ca || 6 ||
[Analyze grammar]

idaṃ tu me tvamekāgraḥ śṛṇu madrajanādhipa |
saṃnidhau dhṛtarāṣṭrasya procyamānaṃ mayā śrutam || 7 ||
[Analyze grammar]

deśāṃśca vividhāṃścitrānpūrvavṛttāṃśca pārthivān |
brāhmaṇāḥ kathayantaḥ sma dhṛtarāṣṭramupāsate || 8 ||
[Analyze grammar]

tatra vṛddhaḥ purāvṛttāḥ kathāḥ kāściddvijottamaḥ |
bāhlīkadeśaṃ madrāṃśca kutsayanvākyamabravīt || 9 ||
[Analyze grammar]

bahiṣkṛtā himavatā gaṅgayā ca tiraskṛtāḥ |
sarasvatyā yamunayā kurukṣetreṇa cāpi ye || 10 ||
[Analyze grammar]

pañcānāṃ sindhuṣaṣṭhānāṃ nadīnāṃ ye'ntarāśritāḥ |
tāndharmabāhyānaśucīnbāhlīkānparivarjayet || 11 ||
[Analyze grammar]

govardhano nāma vaṭaḥ subhāṇḍaṃ nāma catvaram |
etadrājakuladvāramākumāraḥ smarāmyaham || 12 ||
[Analyze grammar]

kāryeṇātyarthagāḍhena bāhlīkeṣūṣitaṃ mayā |
tata eṣāṃ samācāraḥ saṃvāsādvidito mama || 13 ||
[Analyze grammar]

śākalaṃ nāma nagaramāpagā nāma nimnagā |
jartikā nāma bāhlīkāsteṣāṃ vṛttaṃ suninditam || 14 ||
[Analyze grammar]

dhānāgauḍāsave pītvā gomāṃsaṃ laśunaiḥ saha |
apūpamāṃsavāṭyānāmāśinaḥ śīlavarjitāḥ || 15 ||
[Analyze grammar]

hasanti gānti nṛtyanti strībhirmattā vivāsasaḥ |
nagarāgāravapreṣu bahirmālyānulepanāḥ || 16 ||
[Analyze grammar]

mattāvagītairvividhaiḥ kharoṣṭraninadopamaiḥ |
āhuranyonyamuktāni prabruvāṇā madotkaṭāḥ || 17 ||
[Analyze grammar]

hā hate hā hatetyeva svāmibhartṛhateti ca |
ākrośantyaḥ pranṛtyanti mandāḥ parvasvasaṃyatāḥ || 18 ||
[Analyze grammar]

teṣāṃ kilāvaliptānāṃ nivasankurujāṅgale |
kaścidbāhlīkamukhyānāṃ nātihṛṣṭamanā jagau || 19 ||
[Analyze grammar]

sā nūnaṃ bṛhatī gaurī sūkṣmakambalavāsinī |
māmanusmaratī śete bāhlīkaṃ kuruvāsinam || 20 ||
[Analyze grammar]

śatadrukanadīṃ tīrtvā tāṃ ca ramyāmirāvatīm |
gatvā svadeśaṃ drakṣyāmi sthūlaśaṅkhāḥ śubhāḥ striyaḥ || 21 ||
[Analyze grammar]

manaḥśilojjvalāpāṅgā gauryastrikakudāñjanāḥ |
kevalājinasaṃvītāḥ kūrdantyaḥ priyadarśanāḥ || 22 ||
[Analyze grammar]

mṛdaṅgānakaśaṅkhānāṃ mardalānāṃ ca nisvanaiḥ |
kharoṣṭrāśvataraiścaiva mattā yāsyāmahe sukham || 23 ||
[Analyze grammar]

śamīpīlukarīrāṇāṃ vaneṣu sukhavartmasu |
apūpānsaktupiṇḍīśca khādanto mathitānvitāḥ || 24 ||
[Analyze grammar]

pathiṣu prabalā bhūtvā kadāsamṛdite'dhvani |
khalopahāraṃ kurvāṇāstāḍayiṣyāma bhūyasaḥ || 25 ||
[Analyze grammar]

evaṃ hīneṣu vrātyeṣu bāhlīkeṣu durātmasu |
kaścetayāno nivasenmuhūrtamapi mānavaḥ || 26 ||
[Analyze grammar]

īdṛśā brāhmaṇenoktā bāhlīkā moghacāriṇaḥ |
yeṣāṃ ṣaḍbhāgahartā tvamubhayoḥ śubhapāpayoḥ || 27 ||
[Analyze grammar]

ityuktvā brāhmaṇaḥ sādhuruttaraṃ punaruktavān |
bāhlīkeṣvavinīteṣu procyamānaṃ nibodhata || 28 ||
[Analyze grammar]

tatra sma rākṣasī gāti sadā kṛṣṇacaturdaśīm |
nagare śākale sphīte āhatya niśi dundubhim || 29 ||
[Analyze grammar]

kadā vā ghoṣikā gāthāḥ punargāsyanti śākale |
gavyasya tṛptā māṃsasya pītvā gauḍaṃ mahāsavam || 30 ||
[Analyze grammar]

gaurībhiḥ saha nārībhirbṛhatībhiḥ svalaṃkṛtāḥ |
palāṇḍugaṇḍūṣayutānkhādante caiḍakānbahūn || 31 ||
[Analyze grammar]

vārāhaṃ kaukkuṭaṃ māṃsaṃ gavyaṃ gārdabhamauṣṭrakam |
aiḍaṃ ca ye na khādanti teṣāṃ janma nirarthakam || 32 ||
[Analyze grammar]

iti gāyanti ye mattāḥ śīdhunā śākalāvataḥ |
sabālavṛddhāḥ kūrdantasteṣu vṛttaṃ kathaṃ bhavet || 33 ||
[Analyze grammar]

iti śalya vijānīhi hanta bhūyo bravīmi te |
yadanyo'pyuktavānasmānbrāhmaṇaḥ kurusaṃsadi || 34 ||
[Analyze grammar]

pañca nadyo vahantyetā yatra pīluvanānyapi |
śatadruśca vipāśā ca tṛtīyerāvatī tathā |
candrabhāgā vitastā ca sindhuṣaṣṭhā bahirgatāḥ || 35 ||
[Analyze grammar]

āraṭṭā nāma te deśā naṣṭadharmānna tānvrajet |
vrātyānāṃ dāsamīyānāṃ videhānāmayajvanām || 36 ||
[Analyze grammar]

na devāḥ pratigṛhṇanti pitaro brāhmaṇāstathā |
teṣāṃ pranaṣṭadharmāṇāṃ bāhlīkānāmiti śrutiḥ || 37 ||
[Analyze grammar]

brāhmaṇena tathā proktaṃ viduṣā sādhusaṃsadi |
kāṣṭhakuṇḍeṣu bāhlīkā mṛṇmayeṣu ca bhuñjate |
saktuvāṭyāvalipteṣu śvādilīḍheṣu nirghṛṇāḥ || 38 ||
[Analyze grammar]

āvikaṃ cauṣṭrikaṃ caiva kṣīraṃ gārdabhameva ca |
tadvikārāṃśca bāhlīkāḥ khādanti ca pibanti ca || 39 ||
[Analyze grammar]

putrasaṃkariṇo jālmāḥ sarvānnakṣīrabhojanāḥ |
āraṭṭā nāma bāhlīkā varjanīyā vipaścitā || 40 ||
[Analyze grammar]

uta śalya vijānīhi hanta bhūyo bravīmi te |
yadanyo'pyuktavānsabhyo brāhmaṇaḥ kurusaṃsadi || 41 ||
[Analyze grammar]

yugaṃdhare payaḥ pītvā proṣya cāpyacyutasthale |
tadvadbhūtilaye snātvā kathaṃ svargaṃ gamiṣyati || 42 ||
[Analyze grammar]

pañca nadyo vahantyetā yatra niḥsṛtya parvatāt |
āraṭṭā nāma bāhlīkā na teṣvāryo dvyahaṃ vaset || 43 ||
[Analyze grammar]

bahiśca nāma hlīkaśca vipāśāyāṃ piśācakau |
tayorapatyaṃ bāhlīkā naiṣā sṛṣṭiḥ prajāpateḥ || 44 ||
[Analyze grammar]

kāraskarānmahiṣakānkaliṅgānkīkaṭāṭavīn |
karkoṭakānvīrakāṃśca durdharmāṃśca vivarjayet || 45 ||
[Analyze grammar]

iti tīrthānusartāraṃ rākṣasī kācidabravīt |
ekarātrā śamīgehe maholūkhalamekhalā || 46 ||
[Analyze grammar]

āraṭṭā nāma te deśā bāhlīkā nāma te janāḥ |
vasātisindhusauvīrā iti prāyo vikutsitāḥ || 47 ||
[Analyze grammar]

uta śalya vijānīhi hanta bhūyo bravīmi te |
ucyamānaṃ mayā samyaktadekāgramanāḥ śṛṇu || 48 ||
[Analyze grammar]

brāhmaṇaḥ śilpino gehamabhyagacchatpurātithiḥ |
ācāraṃ tatra saṃprekṣya prītaḥ śilpinamabravīt || 49 ||
[Analyze grammar]

mayā himavataḥ śṛṅgamekenādhyuṣitaṃ ciram |
dṛṣṭāśca bahavo deśā nānādharmasamākulāḥ || 50 ||
[Analyze grammar]

na ca kena ca dharmeṇa virudhyante prajā imāḥ |
sarve hi te'bruvandharmaṃ yathoktaṃ vedapāragaiḥ || 51 ||
[Analyze grammar]

aṭatā tu sadā deśānnānādharmasamākulān |
āgacchatā mahārāja bāhlīkeṣu niśāmitam || 52 ||
[Analyze grammar]

tatraiva brāhmaṇo bhūtvā tato bhavati kṣatriyaḥ |
vaiśyaḥ śūdraśca bāhlīkastato bhavati nāpitaḥ || 53 ||
[Analyze grammar]

nāpitaśca tato bhūtvā punarbhavati brāhmaṇaḥ |
dvijo bhūtvā ca tatraiva punardāso'pi jāyate || 54 ||
[Analyze grammar]

bhavatyekaḥ kule vipraḥ śiṣṭānye kāmacāriṇaḥ |
gāndhārā madrakāścaiva bāhlīkāḥ ke'pyacetasaḥ || 55 ||
[Analyze grammar]

etanmayā śrutaṃ tatra dharmasaṃkarakārakam |
kṛtsnāmaṭitvā pṛthivīṃ bāhlīkeṣu viparyayaḥ || 56 ||
[Analyze grammar]

uta śalya vijānīhi hanta bhūyo bravīmi te |
yadapyanyo'bravīdvākyaṃ bāhlīkānāṃ vikutsitam || 57 ||
[Analyze grammar]

satī purā hṛtā kācidāraṭṭā kila dasyubhiḥ |
adharmataścopayātā sā tānabhyaśapattataḥ || 58 ||
[Analyze grammar]

bālāṃ bandhumatīṃ yanmāmadharmeṇopagacchatha |
tasmānnāryo bhaviṣyanti bandhakyo vai kuleṣu vaḥ |
na caivāsmātpramokṣyadhvaṃ ghorātpāpānnarādhamāḥ || 59 ||
[Analyze grammar]

kuravaḥ sahapāñcālāḥ śālvā matsyāḥ sanaimiṣāḥ |
kosalāḥ kāśayo'ṅgāśca kaliṅgā magadhāstathā || 60 ||
[Analyze grammar]

cedayaśca mahābhāgā dharmaṃ jānanti śāśvatam |
nānādeśeṣu santaśca prāyo bāhyā layādṛte || 61 ||
[Analyze grammar]

ā matsyebhyaḥ kurupāñcāladeśyā ā naimiṣāccedayo ye viśiṣṭāḥ |
dharmaṃ purāṇamupajīvanti santo madrānṛte pañcanadāṃśca jihmān || 62 ||
[Analyze grammar]

evaṃ vidvandharmakathāṃśca rājaṃstūṣṇīṃbhūto jaḍavacchalya bhūyāḥ |
tvaṃ tasya goptā ca janasya rājā ṣaḍbhāgahartā śubhaduṣkṛtasya || 63 ||
[Analyze grammar]

atha vā duṣkṛtasya tvaṃ hartā teṣāmarakṣitā |
rakṣitā puṇyabhāgrājā prajānāṃ tvaṃ tvapuṇyabhāk || 64 ||
[Analyze grammar]

pūjyamāne purā dharme sarvadeśeṣu śāśvate |
dharmaṃ pāñcanadaṃ dṛṣṭvā dhigityāha pitāmahaḥ || 65 ||
[Analyze grammar]

vrātyānāṃ dāśamīyānāṃ kṛte'pyaśubhakarmaṇām |
iti pāñcanadaṃ dharmamavamene pitāmahaḥ |
svadharmastheṣu varṇeṣu so'pyetaṃ nābhipūjayet || 66 ||
[Analyze grammar]

uta śalya vijānīhi hanta bhūyo bravīmi te |
kalmāṣapādaḥ sarasi nimajjanrākṣaso'bravīt || 67 ||
[Analyze grammar]

kṣatriyasya malaṃ bhaikṣaṃ brāhmaṇasyānṛtaṃ malam |
malaṃ pṛthivyā bāhlīkāḥ strīṇāṃ madrastriyo malam || 68 ||
[Analyze grammar]

nimajjamānamuddhṛtya kaścidrājā niśācaram |
apṛcchattena cākhyātaṃ proktavānyannibodha tat || 69 ||
[Analyze grammar]

mānuṣāṇāṃ malaṃ mlecchā mlecchānāṃ mauṣṭikā malam |
mauṣṭikānāṃ malaṃ śaṇḍāḥ śaṇḍānāṃ rājayājakāḥ || 70 ||
[Analyze grammar]

rājayājakayājyānāṃ madrakāṇāṃ ca yanmalam |
tadbhavedvai tava malaṃ yadyasmānna vimuñcasi || 71 ||
[Analyze grammar]

iti rakṣopasṛṣṭeṣu viṣavīryahateṣu ca |
rākṣasaṃ bheṣajaṃ proktaṃ saṃsiddhaṃ vacanottaram || 72 ||
[Analyze grammar]

brāhmaṃ pāñcālāḥ kauraveyāḥ svadharmaḥ satyaṃ matsyāḥ śūrasenāśca yajñaḥ |
prācyā dāsā vṛṣalā dākṣiṇātyāḥ stenā bāhlīkāḥ saṃkarā vai surāṣṭrāḥ || 73 ||
[Analyze grammar]

kṛtaghnatā paravittāpahāraḥ surāpānaṃ gurudārāvamarśaḥ |
yeṣāṃ dharmastānprati nāstyadharma āraṭṭakānpāñcanadāndhigastu || 74 ||
[Analyze grammar]

ā pāñcālebhyaḥ kuravo naimiṣāśca matsyāścaivāpyatha jānanti dharmam |
kaliṅgakāścāṅgakā māgadhāśca śiṣṭāndharmānupajīvanti vṛddhāḥ || 75 ||
[Analyze grammar]

prācīṃ diśaṃ śritā devā jātavedaḥpurogamāḥ |
dakṣiṇāṃ pitaro guptāṃ yamena śubhakarmaṇā || 76 ||
[Analyze grammar]

pratīcīṃ varuṇaḥ pāti pālayannasurānbalī |
udīcīṃ bhagavānsomo brahmaṇyo brāhmaṇaiḥ saha || 77 ||
[Analyze grammar]

rakṣaḥpiśācānhimavānguhyakāngandhamādanaḥ |
dhruvaḥ sarvāṇi bhūtāni viṣṇurlokāñjanārdanaḥ || 78 ||
[Analyze grammar]

iṅgitajñāśca magadhāḥ prekṣitajñāśca kosalāḥ |
ardhoktāḥ kurupāñcālāḥ śālvāḥ kṛtsnānuśāsanāḥ |
pārvatīyāśca viṣamā yathaiva girayastathā || 79 ||
[Analyze grammar]

sarvajñā yavanā rājañśūrāścaiva viśeṣataḥ |
mlecchāḥ svasaṃjñāniyatā nānukta itaro janaḥ || 80 ||
[Analyze grammar]

pratirabdhāstu bāhlīkā na ca kecana madrakāḥ |
sa tvametādṛśaḥ śalya nottaraṃ vaktumarhasi || 81 ||
[Analyze grammar]

etajjñātvā joṣamāssva pratīpaṃ mā sma vai kṛthāḥ |
sa tvāṃ pūrvamahaṃ hatvā haniṣye keśavārjunau || 82 ||
[Analyze grammar]

śalya uvāca |
āturāṇāṃ parityāgaḥ svadārasutavikrayaḥ |
aṅgeṣu vartate karṇa yeṣāmadhipatirbhavān || 83 ||
[Analyze grammar]

rathātirathasaṃkhyāyāṃ yattvā bhīṣmastadābravīt |
tānviditvātmano doṣānnirmanyurbhava mā krudhaḥ || 84 ||
[Analyze grammar]

sarvatra brāhmaṇāḥ santi santi sarvatra kṣatriyāḥ |
vaiśyāḥ śūdrāstathā karṇa striyaḥ sādhvyaśca suvratāḥ || 85 ||
[Analyze grammar]

ramante copahāsena puruṣāḥ puruṣaiḥ saha |
anyonyamavatakṣanto deśe deśe samaithunāḥ || 86 ||
[Analyze grammar]

paravācyeṣu nipuṇaḥ sarvo bhavati sarvadā |
ātmavācyaṃ na jānīte jānannapi vimuhyati || 87 ||
[Analyze grammar]

saṃjaya uvāca |
karṇo'pi nottaraṃ prāha śalyo'pyabhimukhaḥ parān |
punaḥ prahasya rādheyaḥ punaryāhītyacodayat || 88 ||
[Analyze grammar]