Chapter 26

duryodhana uvāca |
ayaṃ te karṇa sārathyaṃ madrarājaḥ kariṣyati |
kṛṣṇādabhyadhiko yantā devendrasyeva mātaliḥ || 1 ||
[Analyze grammar]

yathā harihayairyuktaṃ saṃgṛhṇāti sa mātaliḥ |
śalyastava tathādyāyaṃ saṃyantā rathavājinām || 2 ||
[Analyze grammar]

yodhe tvayi rathasthe ca madrarāje ca sārathau |
rathaśreṣṭho dhruvaṃ saṃkhye pārtho nābhibhaviṣyati || 3 ||
[Analyze grammar]

saṃjaya uvāca |
tato duryodhano bhūyo madrarājaṃ tarasvinam |
uvāca rājansaṃgrāme saṃyacchantaṃ hayottamān || 4 ||
[Analyze grammar]

tvayābhigupto rādheyo vijeṣyati dhanaṃjayam |
ityukto rathamāsthāya tatheti prāha bhārata || 5 ||
[Analyze grammar]

śalye'bhyupagate karṇaḥ sārathiṃ sumano'bravīt |
svaṃ sūta syandanaṃ mahyaṃ kalpayetyasakṛttvaran || 6 ||
[Analyze grammar]

tato jaitraṃ rathavaraṃ gandharvanagaropamam |
vidhivatkalpitaṃ bhartre jayetyuktvā nyavedayat || 7 ||
[Analyze grammar]

taṃ rathaṃ rathināṃ śreṣṭhaḥ karṇo'bhyarcya yathāvidhi |
saṃpāditaṃ brahmavidā pūrvameva purodhasā || 8 ||
[Analyze grammar]

kṛtvā pradakṣiṇaṃ yatnādupasthāya ca bhāskaram |
samīpasthaṃ madrarājaṃ samāropayadagrataḥ || 9 ||
[Analyze grammar]

tataḥ karṇasya durdharṣaṃ syandanapravaraṃ mahat |
āruroha mahātejāḥ śalyaḥ siṃha ivācalam || 10 ||
[Analyze grammar]

tataḥ śalyāsthitaṃ rājankarṇaḥ svarathamuttamam |
adhyatiṣṭhadyathāmbhodaṃ vidyutvantaṃ divākaraḥ || 11 ||
[Analyze grammar]

tāvekarathamārūḍhāvādityāgnisamatviṣau |
vyabhrājetāṃ yathā meghaṃ sūryāgnī sahitau divi || 12 ||
[Analyze grammar]

saṃstūyamānau tau vīrau tadāstāṃ dyutimattarau |
ṛtviksadasyairindrāgnī hūyamānāvivādhvare || 13 ||
[Analyze grammar]

sa śalyasaṃgṛhītāśve rathe karṇaḥ sthito'bhavat |
dhanurvisphārayanghoraṃ pariveṣīva bhāskaraḥ || 14 ||
[Analyze grammar]

āsthitaḥ sa rathaśreṣṭhaṃ karṇaḥ śaragabhastimān |
prababhau puruṣavyāghro mandarastha ivāṃśumān || 15 ||
[Analyze grammar]

taṃ rathasthaṃ mahāvīraṃ yāntaṃ cāmitatejasam |
duryodhanaḥ sma rādheyamidaṃ vacanamabravīt || 16 ||
[Analyze grammar]

akṛtaṃ droṇabhīṣmābhyāṃ duṣkaraṃ karma saṃyuge |
kuruṣvādhirathe vīra miṣatāṃ sarvadhanvinām || 17 ||
[Analyze grammar]

manogataṃ mama hyāsīdbhīṣmadroṇau mahārathau |
arjunaṃ bhīmasenaṃ ca nihantārāviti dhruvam || 18 ||
[Analyze grammar]

tābhyāṃ yadakṛtaṃ vīra vīrakarma mahāmṛdhe |
tatkarma kuru rādheya vajrapāṇirivāparaḥ || 19 ||
[Analyze grammar]

gṛhāṇa dharmarājaṃ vā jahi vā tvaṃ dhanaṃjayam |
bhīmasenaṃ ca rādheya mādrīputrau yamāvapi || 20 ||
[Analyze grammar]

jayaśca te'stu bhadraṃ ca prayāhi puruṣarṣabha |
pāṇḍuputrasya sainyāni kuru sarvāṇi bhasmasāt || 21 ||
[Analyze grammar]

tatastūryasahasrāṇi bherīṇāmayutāni ca |
vādyamānānyarocanta meghaśabdā yathā divi || 22 ||
[Analyze grammar]

pratigṛhya tu tadvākyaṃ rathastho rathasattamaḥ |
abhyabhāṣata rādheyaḥ śalyaṃ yuddhaviśāradam || 23 ||
[Analyze grammar]

codayāśvānmahābāho yāvaddhanmi dhanaṃjayam |
bhīmasenaṃ yamau cobhau rājānaṃ ca yudhiṣṭhiram || 24 ||
[Analyze grammar]

adya paśyatu me śalya bāhuvīryaṃ dhanaṃjayaḥ |
asyataḥ kaṅkapatrāṇāṃ sahasrāṇi śatāni ca || 25 ||
[Analyze grammar]

adya kṣepsyāmyahaṃ śalya śarānparamatejanān |
pāṇḍavānāṃ vināśāya duryodhanajayāya ca || 26 ||
[Analyze grammar]

śalya uvāca |
sūtaputra kathaṃ nu tvaṃ pāṇḍavānavamanyase |
sarvāstrajñānmaheṣvāsānsarvāneva mahārathān || 27 ||
[Analyze grammar]

anivartino mahābhāgānajeyānsatyavikramān |
api saṃjanayeyurye bhayaṃ sākṣācchatakratoḥ || 28 ||
[Analyze grammar]

yadā śroṣyasi nirghoṣaṃ visphūrjitamivāśaneḥ |
rādheya gāṇḍivasyājau tadā naivaṃ vadiṣyasi || 29 ||
[Analyze grammar]

saṃjaya uvāca |
anādṛtya tu tadvākyaṃ madrarājena bhāṣitam |
drakṣyasyadyetyavocadvai śalyaṃ karṇo nareśvara || 30 ||
[Analyze grammar]

dṛṣṭvā karṇaṃ maheṣvāsaṃ yuyutsuṃ samavasthitam |
cukruśuḥ kuravaḥ sarve hṛṣṭarūpāḥ paraṃtapa || 31 ||
[Analyze grammar]

tato dundubhighoṣeṇa bherīṇāṃ ninadena ca |
bāṇaśabdaiśca vividhairgarjitaiśca tarasvinām |
niryayustāvakā yuddhe mṛtyuṃ kṛtvā nivartanam || 32 ||
[Analyze grammar]

prayāte tu tataḥ karṇe yodheṣu muditeṣu ca |
cacāla pṛthivī rājanrarāsa ca suvisvaram || 33 ||
[Analyze grammar]

niścaranto vyadṛśyanta sūryātsapta mahāgrahāḥ |
ulkāpātaśca saṃjajñe diśāṃ dāhastathaiva ca |
tathāśanyaśca saṃpeturvavurvātāśca dāruṇāḥ || 34 ||
[Analyze grammar]

mṛgapakṣigaṇāścaiva bahuśaḥ pṛtanāṃ tava |
apasavyaṃ tadā cakrurvedayanto mahadbhayam || 35 ||
[Analyze grammar]

prasthitasya ca karṇasya nipetusturagā bhuvi |
asthivarṣaṃ ca patitamantarikṣādbhayānakam || 36 ||
[Analyze grammar]

jajvaluścaiva śastrāṇi dhvajāścaiva cakampire |
aśrūṇi ca vyamuñcanta vāhanāni viśāṃ pate || 37 ||
[Analyze grammar]

ete cānye ca bahava utpātāstatra māriṣa |
samutpeturvināśāya kauravāṇāṃ sudāruṇāḥ || 38 ||
[Analyze grammar]

na ca tāngaṇayāmāsuḥ sarve te daivamohitāḥ |
prasthitaṃ sūtaputraṃ ca jayetyūcurnarā bhuvi |
nirjitānpāṇḍavāṃścaiva menire tava kauravāḥ || 39 ||
[Analyze grammar]

tato rathasthaḥ paravīrahantā bhīṣmadroṇāvāttavīryau nirīkṣya |
samajvaladbhārata pāvakābho vaikartano'sau rathakuñjaro vṛṣaḥ || 40 ||
[Analyze grammar]

sa śalyamābhāṣya jagāda vākyaṃ pārthasya karmāpratimaṃ ca dṛṣṭvā |
mānena darpeṇa ca dahyamānaḥ krodhena dīpyanniva niḥśvasitvā || 41 ||
[Analyze grammar]

nāhaṃ mahendrādapi vajrapāṇeḥ kruddhādbibhemyāttadhanū rathasthaḥ |
dṛṣṭvā tu bhīṣmapramukhāñśayānānna tveva māṃ sthiratā saṃjahāti || 42 ||
[Analyze grammar]

mahendraviṣṇupratimāvaninditau rathāśvanāgapravarapramāthinau |
avadhyakalpau nihatau yadā paraistato mamādyāpi raṇe'sti sādhvasam || 43 ||
[Analyze grammar]

samīkṣya saṃkhye'tibalānnarādhipairnarāśvamātaṅgarathāñśarairhatān |
kathaṃ na sarvānahitānraṇe'vadhīnmahāstravidbrāhmaṇapuṃgavo guruḥ || 44 ||
[Analyze grammar]

sa saṃsmarandroṇahavaṃ mahāhave bravīmi satyaṃ kuravo nibodhata |
na vo madanyaḥ prasahedraṇe'rjunaṃ kramāgataṃ mṛtyumivograrūpiṇam || 45 ||
[Analyze grammar]

śikṣā prasādaśca balaṃ dhṛtiśca droṇe mahāstrāṇi ca saṃnatiśca |
sa cedagānmṛtyuvaśaṃ mahātmā sarvānanyānāturānadya manye || 46 ||
[Analyze grammar]

neha dhruvaṃ kiṃcidapi pracintyaṃ vidurloke karmaṇo'nityayogāt |
sūryodaye ko hi vimuktasaṃśayo garvaṃ kurvītādya gurau nipātite || 47 ||
[Analyze grammar]

na nūnamastrāṇi balaṃ parākramaḥ kriyā sunītaṃ paramāyudhāni vā |
alaṃ manuṣyasya sukhāya vartituṃ tathā hi yuddhe nihataḥ parairguruḥ || 48 ||
[Analyze grammar]

hutāśanādityasamānatejasaṃ parākrame viṣṇupuraṃdaropamam |
naye bṛhaspatyuśanaḥsamaṃ sadā na cainamastraṃ tadapātsuduḥsaham || 49 ||
[Analyze grammar]

saṃprakruṣṭe ruditastrīkumāre parābhūte pauruṣe dhārtarāṣṭre |
mayā kṛtyamiti jānāmi śalya prayāhi tasmāddviṣatāmanīkam || 50 ||
[Analyze grammar]

yatra rājā pāṇḍavaḥ satyasaṃdho vyavasthito bhīmasenārjunau ca |
vāsudevaḥ sṛñjayāḥ sātyakiśca yamau ca kastau viṣahenmadanyaḥ || 51 ||
[Analyze grammar]

tasmātkṣipraṃ madrapate prayāhi raṇe pāñcālānpāṇḍavānsṛñjayāṃśca |
tānvā haniṣyāmi sametya saṃkhye yāsyāmi vā droṇamukhāya manye || 52 ||
[Analyze grammar]

na tvevāhaṃ na gamiṣyāmi madhyaṃ teṣāṃ śūrāṇāmiti mā śalya viddhi |
mitradroho marṣaṇīyo na me'yaṃ tyaktvā prāṇānanuyāsyāmi droṇam || 53 ||
[Analyze grammar]

prājñasya mūḍhasya ca jīvitānte prāṇapramokṣo'ntakavaktragasya |
ato vidvannabhiyāsyāmi pārthaṃ diṣṭaṃ na śakyaṃ vyativartituṃ vai || 54 ||
[Analyze grammar]

kalyāṇavṛttaḥ satataṃ hi rājanvaicitravīryasya suto mamāsīt |
tasyārthasiddhyarthamahaṃ tyajāmi priyānbhogāndustyajaṃ jīvitaṃ ca || 55 ||
[Analyze grammar]

vaiyāghracarmāṇamakūjanākṣaṃ haimatrikośaṃ rajatatriveṇum |
rathaprabarhaṃ turagaprabarhairyuktaṃ prādānmahyamidaṃ hi rāmaḥ || 56 ||
[Analyze grammar]

dhanūṃṣi citrāṇi nirīkṣya śalya dhvajaṃ gadāṃ sāyakāṃścograrūpān |
asiṃ ca dīptaṃ paramāyudhaṃ ca śaṅkhaṃ ca śubhraṃ svanavantamugram || 57 ||
[Analyze grammar]

patākinaṃ vajranipātanisvanaṃ sitāśvayuktaṃ śubhatūṇaśobhitam |
imaṃ samāsthāya rathaṃ ratharṣabhaṃ raṇe haniṣyāmyahamarjunaṃ balāt || 58 ||
[Analyze grammar]

taṃ cenmṛtyuḥ sarvaharo'bhirakṣate sadāpramattaḥ samare pāṇḍuputram |
taṃ vā haniṣyāmi sametya yuddhe yāsyāmi vā bhīṣmamukho yamāya || 59 ||
[Analyze grammar]

yamavaruṇakuberavāsavā vā yadi yugapatsagaṇā mahāhave |
jugupiṣava ihaitya pāṇḍavaṃ kimu bahunā saha tairjayāmi tam || 60 ||
[Analyze grammar]

iti raṇarabhasasya katthatastadupaniśamya vacaḥ sa madrarāṭ |
avahasadavamanya vīryavānpratiṣiṣidhe ca jagāda cottaram || 61 ||
[Analyze grammar]

virama virama karṇa katthanādatirabhaso'syati cāpyayuktavāk |
kva ca hi naravaro dhanaṃjayaḥ kva punariha tvamupāramābudha || 62 ||
[Analyze grammar]

yadusadanamupendrapālitaṃ tridivamivāmararājarakṣitam |
prasabhamiha vilokya ko haretpuruṣavarāvarajāmṛte'rjunāt || 63 ||
[Analyze grammar]

tribhuvanasṛjamīśvareśvaraṃ ka iha pumānbhavamāhvayedyudhi |
mṛgavadhakalahe ṛte'rjunātsurapativīryasamaprabhāvataḥ || 64 ||
[Analyze grammar]

asurasuramahoragānnarāngaruḍapiśācasayakṣarākṣasān |
iṣubhirajayadagnigauravātsvabhilaṣitaṃ ca havirdadau jayaḥ || 65 ||
[Analyze grammar]

smarasi nanu yadā parairhṛtaḥ sa ca dhṛtarāṣṭrasuto vimokṣitaḥ |
dinakaraja narottamairyadā maruṣu bahūnvinihatya tānarīn || 66 ||
[Analyze grammar]

prathamamapi palāyite tvayi priyakalahā dhṛtarāṣṭrasūnavaḥ |
smarasi nanu yadā pramocitāḥ khacaragaṇānavajitya pāṇḍavaiḥ || 67 ||
[Analyze grammar]

samuditabalavāhanāḥ punaḥ puruṣavareṇa jitāḥ stha gograhe |
sagurugurusutāḥ sabhīṣmakāḥ kimu na jitaḥ sa tadā tvayārjunaḥ || 68 ||
[Analyze grammar]

idamaparamupasthitaṃ punastava nidhanāya suyuddhamadya vai |
yadi na ripubhayātpalāyase samaragato'dya hato'si sūtaja || 69 ||
[Analyze grammar]

saṃjaya uvāca |
iti bahuparuṣaṃ prabhāṣati pramanasi madrapatau ripustavam |
bhṛśamatiruṣitaḥ paraṃ vṛṣaḥ kurupṛtanāpatirāha madrapam || 70 ||
[Analyze grammar]

bhavatu bhavatu kiṃ vikatthase nanu mama tasya ca yuddhamudyatam |
yadi sa jayati māṃ mahāhave tata idamastu sukatthitaṃ tava || 71 ||
[Analyze grammar]

evamastviti madreśa uktvā nottaramuktavān |
yāhi madreśa cāpyenaṃ karṇaḥ prāha yuyutsayā || 72 ||
[Analyze grammar]

sa rathaḥ prayayau śatrūñśvetāśvaḥ śalyasārathiḥ |
nighnannamitrānsamare tamo ghnansavitā yathā || 73 ||
[Analyze grammar]

tataḥ prāyātprītimānvai rathena vaiyāghreṇa śvetayujātha karṇaḥ |
sa cālokya dhvajinīṃ pāṇḍavānāṃ dhanaṃjayaṃ tvarayā paryapṛcchat || 74 ||
[Analyze grammar]