Chapter 15

dhṛtarāṣṭra uvāca |
proktastvayā pūrvameva pravīro lokaviśrutaḥ |
na tvasya karma saṃgrāme tvayā saṃjaya kīrtitam || 1 ||
[Analyze grammar]

tasya vistarato brūhi pravīrasyādya vikramam |
śikṣāṃ prabhāvaṃ vīryaṃ ca pramāṇaṃ darpameva ca || 2 ||
[Analyze grammar]

saṃjaya uvāca |
droṇabhīṣmakṛpadrauṇikarṇārjunajanārdanān |
samāptavidyāndhanuṣi śreṣṭhānyānmanyase yudhi || 3 ||
[Analyze grammar]

tulyatā karṇabhīṣmābhyāmātmano yena dṛśyate |
vāsudevārjunābhyāṃ ca nyūnatāṃ nātmanīcchati || 4 ||
[Analyze grammar]

sa pāṇḍyo nṛpatiśreṣṭhaḥ sarvaśastrabhṛtāṃ varaḥ |
karṇasyānīkamavadhītparibhūta ivāntakaḥ || 5 ||
[Analyze grammar]

tadudīrṇarathāśvaṃ ca pattipravarakuñjaram |
kulālacakravadbhrāntaṃ pāṇḍyenādhiṣṭhitaṃ balam || 6 ||
[Analyze grammar]

vyaśvasūtadhvajarathānvipraviddhāyudhānripūn |
samyagastaiḥ śaraiḥ pāṇḍyo vāyurmeghānivākṣipat || 7 ||
[Analyze grammar]

dviradānprahataprothānvipatākadhvajāyudhān |
sapādarakṣānavadhīdvajreṇārīnivārihā || 8 ||
[Analyze grammar]

saśaktiprāsatūṇīrānaśvārohānhayānapi |
pulindakhaśabāhlīkānniṣādāndhrakataṅgaṇān || 9 ||
[Analyze grammar]

dākṣiṇātyāṃśca bhojāṃśca krūrānsaṃgrāmakarkaśān |
viśastrakavacānbāṇaiḥ kṛtvā pāṇḍyo'karodvyasūn || 10 ||
[Analyze grammar]

caturaṅgaṃ balaṃ bāṇairnighnantaṃ pāṇḍyamāhave |
dṛṣṭvā drauṇirasaṃbhrāntamasaṃbhrāntataro'bhyayāt || 11 ||
[Analyze grammar]

ābhāṣya cainaṃ madhuramabhi nṛtyannabhītavat |
prāha praharatāṃ śreṣṭhaḥ smitapūrvaṃ samāhvayan || 12 ||
[Analyze grammar]

rājankamalapatrākṣa pradhānāyudhavāhana |
vajrasaṃhananaprakhya pradhānabalapauruṣa || 13 ||
[Analyze grammar]

muṣṭiśliṣṭāyudhābhyāṃ ca vyāyatābhyāṃ mahaddhanuḥ |
dorbhyāṃ visphārayanbhāsi mahājaladavadbhṛśam || 14 ||
[Analyze grammar]

śaravarṣairmahāvegairamitrānabhivarṣataḥ |
madanyaṃ nānupaśyāmi prativīraṃ tavāhave || 15 ||
[Analyze grammar]

rathadviradapattyaśvānekaḥ pramathase bahūn |
mṛgasaṃghānivāraṇye vibhīrbhīmabalo hariḥ || 16 ||
[Analyze grammar]

mahatā rathaghoṣeṇa divaṃ bhūmiṃ ca nādayan |
varṣānte sasyahā pītho bhābhirāpūrayanniva || 17 ||
[Analyze grammar]

saṃspṛśānaḥ śarāṃstīkṣṇāṃstūṇādāśīviṣopamān |
mayaivaikena yudhyasva tryambakeṇāndhako yathā || 18 ||
[Analyze grammar]

evamuktastathetyuktvā prahareti ca tāḍitaḥ |
karṇinā droṇatanayaṃ vivyādha malayadhvajaḥ || 19 ||
[Analyze grammar]

marmabhedibhiratyugrairbāṇairagniśikhopamaiḥ |
smayannabhyahanaddrauṇiḥ pāṇḍyamācāryasattamaḥ || 20 ||
[Analyze grammar]

tato navāparāṃstīkṣṇānnārācānkaṅkavāsasaḥ |
gatyā daśamyā saṃyuktānaśvatthāmā vyavāsṛjat || 21 ||
[Analyze grammar]

teṣāṃ pañcācchinatpāṇḍyaḥ pañcabhirniśitaiḥ śaraiḥ |
catvāro'bhyāhananvāhānāśu te vyasavo'bhavan || 22 ||
[Analyze grammar]

atha droṇasutasyeṣūṃstāṃśchittvā niśitaiḥ śaraiḥ |
dhanurjyāṃ vitatāṃ pāṇḍyaścicchedādityavarcasaḥ || 23 ||
[Analyze grammar]

vijyaṃ dhanurathādhijyaṃ kṛtvā drauṇiramitrahā |
tataḥ śarasahasrāṇi preṣayāmāsa pāṇḍyataḥ |
iṣusaṃbādhamākāśamakaroddiśa eva ca || 24 ||
[Analyze grammar]

tatastānasyataḥ sarvāndrauṇerbāṇānmahātmanaḥ |
jānāno'pyakṣayānpāṇḍyo'śātayatpuruṣarṣabhaḥ || 25 ||
[Analyze grammar]

prahitāṃstānprayatnena chittvā drauṇeriṣūnariḥ |
cakrarakṣau tatastasya prāṇudanniśitaiḥ śaraiḥ || 26 ||
[Analyze grammar]

athārerlāghavaṃ dṛṣṭvā maṇḍalīkṛtakārmukaḥ |
prāsyaddroṇasuto bāṇānvṛṣṭiṃ pūṣānujo yathā || 27 ||
[Analyze grammar]

aṣṭāvaṣṭagavānyūhuḥ śakaṭāni yadāyudham |
ahnastadaṣṭabhāgena drauṇiścikṣepa māriṣa || 28 ||
[Analyze grammar]

tamantakamiva kruddhamantakālāntakopamam |
ye ye dadṛśire tatra visaṃjñāḥ prāyaśo'bhavan || 29 ||
[Analyze grammar]

parjanya iva gharmānte vṛṣṭyā sādridrumāṃ mahīm |
ācāryaputrastāṃ senāṃ bāṇavṛṣṭyābhyavīvṛṣat || 30 ||
[Analyze grammar]

drauṇiparjanyamuktāṃ tāṃ bāṇavṛṣṭiṃ suduḥsahām |
vāyavyāstreṇa sa kṣipraṃ ruddhvā pāṇḍyānilo'nadat || 31 ||
[Analyze grammar]

tasya nānadataḥ ketuṃ candanāgurubhūṣitam |
malayapratimaṃ drauṇiśchittvāśvāṃścaturo'hanat || 32 ||
[Analyze grammar]

sūtamekeṣuṇā hatvā mahājaladanisvanam |
dhanuśchittvārdhacandreṇa vyadhamattilaśo ratham || 33 ||
[Analyze grammar]

astrairastrāṇi saṃvārya chittvā sarvāyudhāni ca |
prāptamapyahitaṃ drauṇirna jaghāna raṇepsayā || 34 ||
[Analyze grammar]

hateśvaro dantivaraḥ sukalpitastvarābhisṛṣṭaḥ pratiśarmago balī |
tamadhyatiṣṭhanmalayeśvaro mahānyathādriśṛṅgaṃ harirunnadaṃstathā || 35 ||
[Analyze grammar]

sa tomaraṃ bhāskararaśmisaṃnibhaṃ balāstrasargottamayatnamanyubhiḥ |
sasarja śīghraṃ pratipīḍayangajaṃ guroḥ sutāyādripatīśvaro nadan || 36 ||
[Analyze grammar]

maṇipratānottamavajrahāṭakairalaṃkṛtaṃ cāṃśukamālyamauktikaiḥ |
hato'syasāvityasakṛnmudā nadanparābhinaddrauṇivarāṅgabhūṣaṇam || 37 ||
[Analyze grammar]

tadarkacandragrahapāvakatviṣaṃ bhṛśābhighātātpatitaṃ vicūrṇitam |
mahendravajrābhihataṃ mahāvanaṃ yathādriśṛṅgaṃ dharaṇītale tathā || 38 ||
[Analyze grammar]

tataḥ prajajvāla pareṇa manyunā padāhato nāgapatiryathā tathā |
samādadhe cāntakadaṇḍasaṃnibhāniṣūnamitrāntakarāṃścaturdaśa || 39 ||
[Analyze grammar]

dvipasya pādāgrakarānsa pañcabhirnṛpasya bāhū ca śiro'tha ca tribhiḥ |
jaghāna ṣaḍbhiḥ ṣaḍṛtūttamatviṣaḥ sa pāṇḍyarājānucarānmahārathān || 40 ||
[Analyze grammar]

sudīrghavṛttau varacandanokṣitau suvarṇamuktāmaṇivajrabhūṣitau |
bhujau dharāyāṃ patitau nṛpasya tau viveṣṭatustārkṣyahatāvivoragau || 41 ||
[Analyze grammar]

śiraśca tatpūrṇaśaśiprabhānanaṃ saroṣatāmrāyatanetramunnasam |
kṣitau vibabhrāja patatsakuṇḍalaṃ viśākhayormadhyagataḥ śaśī yathā || 42 ||
[Analyze grammar]

samāptavidyaṃ tu guroḥ sutaṃ nṛpaḥ samāptakarmāṇamupetya te sutaḥ |
suhṛdvṛto'tyarthamapūjayanmudā jite balau viṣṇumivāmareśvaraḥ || 43 ||
[Analyze grammar]