Chapter 170

saṃjaya uvāca |
tataḥ sa kadanaṃ cakre ripūṇāṃ droṇanandanaḥ |
yugānte sarvabhūtānāṃ kālasṛṣṭa ivāntakaḥ || 1 ||
[Analyze grammar]

dhvajadrumaṃ śastraśṛṅgaṃ hatanāgamahāśilam |
aśvakiṃpuruṣākīrṇaṃ śarāsanalatāvṛtam || 2 ||
[Analyze grammar]

śūlakravyādasaṃghuṣṭaṃ bhūtayakṣagaṇākulam |
nihatya śātravānbhallaiḥ so'cinoddehaparvatam || 3 ||
[Analyze grammar]

tato vegena mahatā vinadya sa nararṣabhaḥ |
pratijñāṃ śrāvayāmāsa punareva tavātmajam || 4 ||
[Analyze grammar]

yasmādyudhyantamācāryaṃ dharmakañcukamāsthitaḥ |
muñca śastramiti prāha kuntīputro yudhiṣṭhiraḥ || 5 ||
[Analyze grammar]

tasmātsaṃpaśyatastasya drāvayiṣyāmi vāhinīm |
vidrāvya satyaṃ hantāsmi pāpaṃ pāñcālyameva tu || 6 ||
[Analyze grammar]

sarvānetānhaniṣyāmi yadi yotsyanti māṃ raṇe |
satyaṃ te pratijānāmi parāvartaya vāhinīm || 7 ||
[Analyze grammar]

tacchrutvā tava putrastu vāhinīṃ paryavartayat |
siṃhanādena mahatā vyapohya sumahadbhayam || 8 ||
[Analyze grammar]

tataḥ samāgamo rājankurupāṇḍavasenayoḥ |
punarevābhavattīvraḥ pūrṇasāgarayoriva || 9 ||
[Analyze grammar]

saṃrabdhā hi sthirībhūtā droṇaputreṇa kauravāḥ |
udagrāḥ pāṇḍupāñcālā droṇasya nidhanena ca || 10 ||
[Analyze grammar]

teṣāṃ paramahṛṣṭānāṃ jayamātmani paśyatām |
saṃrabdhānāṃ mahāvegaḥ prādurāsīdraṇājire || 11 ||
[Analyze grammar]

yathā śiloccaye śailaḥ sāgare sāgaro yathā |
pratihanyeta rājendra tathāsankurupāṇḍavāḥ || 12 ||
[Analyze grammar]

tataḥ śaṅkhasahasrāṇi bherīṇāmayutāni ca |
avādayanta saṃhṛṣṭāḥ kurupāṇḍavasainikāḥ || 13 ||
[Analyze grammar]

tato nirmathyamānasya sāgarasyeva nisvanaḥ |
abhavattasya sainyasya sumahānadbhutopamaḥ || 14 ||
[Analyze grammar]

prāduścakre tato drauṇirastraṃ nārāyaṇaṃ tadā |
abhisaṃdhāya pāṇḍūnāṃ pāñcālānāṃ ca vāhinīm || 15 ||
[Analyze grammar]

prādurāsaṃstato bāṇā dīptāgrāḥ khe sahasraśaḥ |
pāṇḍavānbhakṣayiṣyanto dīptāsyā iva pannagāḥ || 16 ||
[Analyze grammar]

te diśaḥ khaṃ ca sainyaṃ ca samāvṛṇvanmahāhave |
muhūrtādbhāskarasyeva rājaṃllokaṃ gabhastayaḥ || 17 ||
[Analyze grammar]

tathāpare dyotamānā jyotīṃṣīvāmbare'male |
prādurāsanmahīpāla kārṣṇāyasamayā guḍāḥ || 18 ||
[Analyze grammar]

caturdiśaṃ vicitrāśca śataghnyo'tha hutāśadāḥ |
cakrāṇi ca kṣurāntāni maṇḍalānīva bhāsvataḥ || 19 ||
[Analyze grammar]

śastrākṛtibhirākīrṇamatīva bharatarṣabha |
dṛṣṭvāntarikṣamāvignāḥ pāṇḍupāñcālasṛñjayāḥ || 20 ||
[Analyze grammar]

yathā yathā hyayudhyanta pāṇḍavānāṃ mahārathāḥ |
tathā tathā tadastraṃ vai vyavardhata janādhipa || 21 ||
[Analyze grammar]

vadhyamānāstathāstreṇa tena nārāyaṇena vai |
dahyamānānaleneva sarvato'bhyarditā raṇe || 22 ||
[Analyze grammar]

yathā hi śiśirāpāye dahetkakṣaṃ hutāśanaḥ |
tathā tadastraṃ pāṇḍūnāṃ dadāha dhvajinīṃ prabho || 23 ||
[Analyze grammar]

āpūryamāṇenāstreṇa sainye kṣīyati cābhibho |
jagāma paramaṃ trāsaṃ dharmaputro yudhiṣṭhiraḥ || 24 ||
[Analyze grammar]

dravamāṇaṃ tu tatsainyaṃ dṛṣṭvā vigatacetanam |
madhyasthatāṃ ca pārthasya dharmaputro'bravīdidam || 25 ||
[Analyze grammar]

dhṛṣṭadyumna palāyasva saha pāñcālasenayā |
sātyake tvaṃ ca gacchasva vṛṣṇyandhakavṛto gṛhān || 26 ||
[Analyze grammar]

vāsudevo'pi dharmātmā kariṣyatyātmanaḥ kṣamam |
upadeṣṭuṃ samartho'yaṃ lokasya kimutātmanaḥ || 27 ||
[Analyze grammar]

saṃgrāmastu na kartavyaḥ sarvasainyānbravīmi vaḥ |
ahaṃ hi saha sodaryaiḥ pravekṣye havyavāhanam || 28 ||
[Analyze grammar]

bhīṣmadroṇārṇavaṃ tīrtvā saṃgrāmaṃ bhīrudustaram |
avasatsyāmyasalile sagaṇo drauṇigoṣpade || 29 ||
[Analyze grammar]

kāmaḥ saṃpadyatāmasya bībhatsorāśu māṃ prati |
kalyāṇavṛtta ācāryo mayā yudhi nipātitaḥ || 30 ||
[Analyze grammar]

yena bālaḥ sa saubhadro yuddhānāmaviśāradaḥ |
samarthairbahubhiḥ krūrairghātito nābhipālitaḥ || 31 ||
[Analyze grammar]

yenāvibruvatā praśnaṃ tathā kṛṣṇā sabhāṃ gatā |
upekṣitā saputreṇa dāsabhāvaṃ niyacchatī || 32 ||
[Analyze grammar]

jighāṃsurdhārtarāṣṭraśca śrānteṣvaśveṣu phalgunam |
kavacena tathā yukto rakṣārthaṃ saindhavasya ca || 33 ||
[Analyze grammar]

yena brahmāstraviduṣā pāñcālāḥ satyajinmukhāḥ |
kurvāṇā majjaye yatnaṃ samūlā vinipātitāḥ || 34 ||
[Analyze grammar]

yena pravrājyamānāśca rājyādvayamadharmataḥ |
nivāryamāṇenāsmābhiranugantuṃ tadeṣitāḥ || 35 ||
[Analyze grammar]

yo'sāvatyantamasmāsu kurvāṇaḥ sauhṛdaṃ param |
hatastadarthe maraṇaṃ gamiṣyāmi sabāndhavaḥ || 36 ||
[Analyze grammar]

evaṃ bruvati kaunteye dāśārhastvaritastataḥ |
nivārya sainyaṃ bāhubhyāmidaṃ vacanamabravīt || 37 ||
[Analyze grammar]

śīghraṃ nyasyata śastrāṇi vāhebhyaścāvarohata |
eṣa yogo'tra vihitaḥ pratighāto mahātmanā || 38 ||
[Analyze grammar]

dvipāśvasyandanebhyaśca kṣitiṃ sarve'varohata |
evametanna vo hanyādastraṃ bhūmau nirāyudhān || 39 ||
[Analyze grammar]

yathā yathā hi yudhyante yodhā hyastrabalaṃ prati |
tathā tathā bhavantyete kauravā balavattarāḥ || 40 ||
[Analyze grammar]

nikṣepsyanti ca śastrāṇi vāhanebhyo'varuhya ye |
tānnaitadastraṃ saṃgrāme nihaniṣyati mānavān || 41 ||
[Analyze grammar]

ye tvetatpratiyotsyanti manasāpīha kecana |
nihaniṣyati tānsarvānrasātalagatānapi || 42 ||
[Analyze grammar]

te vacastasya tacchrutvā vāsudevasya bhārata |
īṣuḥ sarve'stramutsraṣṭuṃ manobhiḥ karaṇena ca || 43 ||
[Analyze grammar]

tata utsraṣṭukāmāṃstānastrāṇyālakṣya pāṇḍavaḥ |
bhīmaseno'bravīdrājannidaṃ saṃharṣayanvacaḥ || 44 ||
[Analyze grammar]

na kathaṃcana śastrāṇi moktavyānīha kenacit |
ahamāvārayiṣyāmi droṇaputrāstramāśugaiḥ || 45 ||
[Analyze grammar]

atha vāpyanayā gurvyā hemavigrahayā raṇe |
kālavadvicariṣyāmi drauṇerastraṃ viśātayan || 46 ||
[Analyze grammar]

na hi me vikrame tulyaḥ kaścidasti pumāniha |
yathaiva savitustulyaṃ jyotiranyanna vidyate || 47 ||
[Analyze grammar]

paśyadhvaṃ me dṛḍhau bāhū nāgarājakaropamā |
samarthau parvatasyāpi śaiśirasya nipātane || 48 ||
[Analyze grammar]

nāgāyutasamaprāṇo hyahameko nareṣviha |
śakro yathā pratidvaṃdvo divi deveṣu viśrutaḥ || 49 ||
[Analyze grammar]

adya paśyata me vīryaṃ bāhvoḥ pīnāṃsayoryudhi |
jvalamānasya dīptasya drauṇerastrasya vāraṇe || 50 ||
[Analyze grammar]

yadi nārāyaṇāstrasya pratiyoddhā na vidyate |
adyainaṃ pratiyotsyāmi paśyatsu kurupāṇḍuṣu || 51 ||
[Analyze grammar]

evamuktvā tato bhīmo droṇaputramariṃdamaḥ |
abhyayānmeghaghoṣeṇa rathenādityavarcasā || 52 ||
[Analyze grammar]

sa enamiṣujālena laghutvācchīghravikramaḥ |
nimeṣamātreṇāsādya kuntīputro'bhyavākirat || 53 ||
[Analyze grammar]

tato drauṇiḥ prahasyainamudāsamabhibhāṣya ca |
avākiratpradīptāgraiḥ śaraistairabhimantritaiḥ || 54 ||
[Analyze grammar]

pannagairiva dīptāsyairvamadbhiranalaṃ raṇe |
avakīrṇo'bhavatpārthaḥ sphuliṅgairiva kāñcanaiḥ || 55 ||
[Analyze grammar]

tasya rūpamabhūdrājanbhīmasenasya saṃyuge |
khadyotairāvṛtasyeva parvatasya dinakṣaye || 56 ||
[Analyze grammar]

tadastraṃ droṇaputrasya tasminpratisamasyati |
avardhata mahārāja yathāgniraniloddhataḥ || 57 ||
[Analyze grammar]

vivardhamānamālakṣya tadastraṃ bhīmavikramam |
pāṇḍusainyamṛte bhīmaṃ sumahadbhayamāviśat || 58 ||
[Analyze grammar]

tataḥ śastrāṇi te sarve samutsṛjya mahītale |
avārohanrathebhyaśca hastyaśvebhyaśca sarvaśaḥ || 59 ||
[Analyze grammar]

teṣu nikṣiptaśastreṣu vāhanebhyaścyuteṣu ca |
tadastravīryaṃ vipulaṃ bhīmamūrdhanyathāpatat || 60 ||
[Analyze grammar]

hāhākṛtāni bhūtāni pāṇḍavāśca viśeṣataḥ |
bhīmasenamapaśyanta tejasā saṃvṛtaṃ tadā || 61 ||
[Analyze grammar]