Chapter 156

arjuna uvāca |
kathamasmaddhitārthaṃ te kaiśca yogairjanārdana |
jarāsaṃdhaprabhṛtayo ghātitāḥ pṛthivīṣvarāḥ || 1 ||
[Analyze grammar]

vāsudeva uvāca |
jarāsaṃdhaścedirājo naiṣādiśca mahābalaḥ |
yadi syurna hatāḥ pūrvamidānīṃ syurbhayaṃkarāḥ || 2 ||
[Analyze grammar]

suyodhanastānavaśyaṃ vṛṇuyādrathasattamān |
te'smābhirnityasaṃduṣṭāḥ saṃśrayeyuśca kauravān || 3 ||
[Analyze grammar]

te hi vīrā mahātmānaḥ kṛtāstrā dṛḍhayodhinaḥ |
dhārtarāṣṭrīṃ camūṃ kṛtsnāṃ rakṣeyuramarā iva || 4 ||
[Analyze grammar]

sūtaputro jarāsaṃdhaścedirājo niṣādajaḥ |
suyodhanaṃ samāśritya taperanpṛthivīmimām || 5 ||
[Analyze grammar]

yogairapi hatā yaiste tānme śṛṇu dhanaṃjaya |
ajayyā hi vinā yogairmṛdhe te daivatairapi || 6 ||
[Analyze grammar]

ekaiko hi pṛthakteṣāṃ samastāṃ suravāhinīm |
yodhayetsamare pārtha lokapālābhirakṣitām || 7 ||
[Analyze grammar]

jarāsaṃdho hi ruṣito rauhiṇeyapradharṣitaḥ |
asmadvadhārthaṃ cikṣepa gadāṃ vai lohitāmukhīm || 8 ||
[Analyze grammar]

sīmantamiva kurvāṇāṃ nabhasaḥ pāvakaprabhām |
vyadṛśyatāpatantī sā śakramuktā yathāśaniḥ || 9 ||
[Analyze grammar]

tāmāpatantīṃ dṛṣṭvaiva gadāṃ rohiṇinandanaḥ |
pratighātārthamastraṃ vai sthūṇākarṇamavāsṛjat || 10 ||
[Analyze grammar]

astravegapratihatā sā gadā prāpatadbhuvi |
dārayantī dharāṃ devīṃ kampayantīva parvatān || 11 ||
[Analyze grammar]

tatra sma rākṣasī ghorā jarā nāmāśuvikramā |
saṃdhayāmāsa taṃ jātaṃ jarāsaṃdhamariṃdamam || 12 ||
[Analyze grammar]

dvābhyāṃ jāto hi mātṛbhyāmardhadehaḥ pṛthakpṛthak |
tayā sa saṃdhito yasmājjarāsaṃdhastataḥ smṛtaḥ || 13 ||
[Analyze grammar]

sā tu bhūmigatā pārtha hatā sasutabāndhavā |
gadayā tena cāstreṇa sthūṇākarṇena rākṣasī || 14 ||
[Analyze grammar]

vinābhūtaḥ sa gadayā jarāsaṃdho mahāmṛdhe |
nihato bhīmasenena paśyataste dhanaṃjaya || 15 ||
[Analyze grammar]

yadi hi syādgadāpāṇirjarāsaṃdhaḥ pratāpavān |
sendrā devā na taṃ hantuṃ raṇe śaktā narottama || 16 ||
[Analyze grammar]

tvaddhitārthaṃ hi naiṣādiraṅguṣṭhena viyojitaḥ |
droṇenācāryakaṃ kṛtvā chadmanā satyavikramaḥ || 17 ||
[Analyze grammar]

sa tu baddhāṅgulitrāṇo naiṣādirdṛḍhavikramaḥ |
asyanneko vanacaro babhau rāma ivāparaḥ || 18 ||
[Analyze grammar]

ekalavyaṃ hi sāṅguṣṭhamaśaktā devadānavāḥ |
sarākṣasoragāḥ pārtha vijetuṃ yudhi karhicit || 19 ||
[Analyze grammar]

kimu mānuṣamātreṇa śakyaḥ syātprativīkṣitum |
dṛḍhamuṣṭiḥ kṛtī nityamasyamāno divāniśam || 20 ||
[Analyze grammar]

tvaddhitārthaṃ tu sa mayā hataḥ saṃgrāmamūrdhani |
cedirājaśca vikrāntaḥ pratyakṣaṃ nihatastava || 21 ||
[Analyze grammar]

sa cāpyaśakyaḥ saṃgrāme jetuṃ sarvaiḥ surāsuraiḥ |
vadhārthaṃ tasya jāto'hamanyeṣāṃ ca suradviṣām || 22 ||
[Analyze grammar]

tvatsahāyo naravyāghra lokānāṃ hitakāmyayā |
hiḍimbabakakirmīrā bhīmasenena pātitāḥ |
rāvaṇena samaprāṇā brahmayajñavināśanāḥ || 23 ||
[Analyze grammar]

hatastathaiva māyāvī haiḍimbenāpyalāyudhaḥ |
haiḍimbaścāpyupāyena śaktyā karṇena ghātitaḥ || 24 ||
[Analyze grammar]

yadi hyenaṃ nāhaniṣyatkarṇaḥ śaktyā mahāmṛdhe |
mayā vadhyo'bhaviṣyatsa bhaimasenirghaṭotkacaḥ || 25 ||
[Analyze grammar]

mayā na nihataḥ pūrvameṣa yuṣmatpriyepsayā |
eṣa hi brāhmaṇadveṣī yajñadveṣī ca rākṣasaḥ || 26 ||
[Analyze grammar]

dharmasya loptā pāpātmā tasmādeṣa nipātitaḥ |
vyaṃsitā cāpyupāyena śakradattā mayānagha || 27 ||
[Analyze grammar]

ye hi dharmasya loptāro vadhyāste mama pāṇḍava |
dharmasaṃsthāpanārthaṃ hi pratijñaiṣā mamāvyayā || 28 ||
[Analyze grammar]

brahma satyaṃ damaḥ śaucaṃ dharmo hrīḥ śrīrdhṛtiḥ kṣamā |
yatra tatra rame nityamahaṃ satyena te śape || 29 ||
[Analyze grammar]

na viṣādastvayā kāryaḥ karṇaṃ vaikartanaṃ prati |
upadekṣyāmyupāyaṃ te yena taṃ prasahiṣyasi || 30 ||
[Analyze grammar]

suyodhanaṃ cāpi raṇe haniṣyati vṛkodaraḥ |
tasya cāpi vadhopāyaṃ vakṣyāmi tava pāṇḍava || 31 ||
[Analyze grammar]

vardhate tumulastveṣa śabdaḥ paracamūṃ prati |
vidravanti ca sainyāni tvadīyāni diśo daśa || 32 ||
[Analyze grammar]

labdhalakṣyā hi kauravyā vidhamanti camūṃ tava |
dahatyeṣa ca vaḥ sainyaṃ droṇaḥ praharatāṃ varaḥ || 33 ||
[Analyze grammar]