Chapter 150

dhṛtarāṣṭra uvāca |
yatra vaikartanaḥ karṇo rākṣasaśca ghaṭotkacaḥ |
niśīthe samasajjetāṃ tadyuddhamabhavatkatham || 1 ||
[Analyze grammar]

kīdṛśaṃ cābhavadyuddhaṃ tasya ghorasya rakṣasaḥ |
rathaśca kīdṛśastasya māyāḥ sarvāyudhāni ca || 2 ||
[Analyze grammar]

kiṃpramāṇā hayāstasya rathaketurdhanustathā |
kīdṛśaṃ varma caivāsya kaṇṭhatrāṇaṃ ca kīdṛśam |
pṛṣṭastvametadācakṣva kuśalo hyasi saṃjaya || 3 ||
[Analyze grammar]

saṃjaya uvāca |
lohitākṣo mahākāyastāmrāsyo nimnitodaraḥ |
ūrdhvaromā hariśmaśruḥ śaṅkukarṇo mahāhanuḥ || 4 ||
[Analyze grammar]

ākarṇāddāritāsyaśca tīkṣṇadaṃṣṭraḥ karālavān |
sudīrghatāmrajihvoṣṭho lambabhrūḥ sthūlanāsikaḥ || 5 ||
[Analyze grammar]

nīlāṅgo lohitagrīvo girivarṣmā bhayaṃkaraḥ |
mahākāyo mahābāhurmahāśīrṣo mahābalaḥ || 6 ||
[Analyze grammar]

vikacaḥ paruṣasparśo vikaṭodbaddhapiṇḍikaḥ |
sthūlasphiggūḍhanābhiśca śithilopacayo mahān || 7 ||
[Analyze grammar]

tathaiva hastābharaṇī mahāmāyo'ṅgadī tathā |
urasā dhārayanniṣkamagnimālāṃ yathācalaḥ || 8 ||
[Analyze grammar]

tasya hemamayaṃ citraṃ bahurūpāṅgaśobhitam |
toraṇapratimaṃ śubhraṃ kirīṭaṃ mūrdhnyaśobhata || 9 ||
[Analyze grammar]

kuṇḍale bālasūryābhe mālāṃ hemamayīṃ śubhām |
dhārayanvipulaṃ kāṃsyaṃ kavacaṃ ca mahāprabham || 10 ||
[Analyze grammar]

kiṅkiṇīśatanirghoṣaṃ raktadhvajapatākinam |
ṛkṣacarmāvanaddhāṅgaṃ nalvamātraṃ mahāratham || 11 ||
[Analyze grammar]

sarvāyudhavaropetamāsthito dhvajamālinam |
aṣṭacakrasamāyuktaṃ meghagambhīranisvanam || 12 ||
[Analyze grammar]

tatra mātaṅgasaṃkāśā lohitākṣā vibhīṣaṇāḥ |
kāmavarṇajavā yuktā balavanto'vahanhayāḥ || 13 ||
[Analyze grammar]

rākṣaso'sya virūpākṣaḥ sūto dīptāsyakuṇḍalaḥ |
raśmibhiḥ sūryaraśmyābhaiḥ saṃjagrāha hayānraṇe |
sa tena sahitastasthāvaruṇena yathā raviḥ || 14 ||
[Analyze grammar]

saṃsakta iva cābhreṇa yathādrirmahatā mahān |
divaspṛksumahānketuḥ syandane'sya samucchritaḥ |
raktottamāṅgaḥ kravyādo gṛdhraḥ paramabhīṣaṇaḥ || 15 ||
[Analyze grammar]

vāsavāśaninirghoṣaṃ dṛḍhajyamabhivikṣipan |
vyaktaṃ kiṣkuparīṇāhaṃ dvādaśāratni kārmukam || 16 ||
[Analyze grammar]

rathākṣamātrairiṣubhiḥ sarvāḥ pracchādayandiśaḥ |
tasyāṃ vīrāpahāriṇyāṃ niśāyāṃ karṇamabhyayāt || 17 ||
[Analyze grammar]

tasya vikṣipataścāpaṃ rathe viṣṭabhya tiṣṭhataḥ |
aśrūyata dhanurghoṣo visphūrjitamivāśaneḥ || 18 ||
[Analyze grammar]

tena vitrāsyamānāni tava sainyāni bhārata |
samakampanta sarvāṇi sindhoriva mahormayaḥ || 19 ||
[Analyze grammar]

tamāpatantaṃ saṃprekṣya virūpākṣaṃ vibhīṣaṇam |
utsmayanniva rādheyastvaramāṇo'bhyavārayat || 20 ||
[Analyze grammar]

tataḥ karṇo'bhyayādenamasyannasyantamantikāt |
mātaṅga iva mātaṅgaṃ yūtharṣabha ivarṣabham || 21 ||
[Analyze grammar]

sa saṃnipātastumulastayorāsīdviśāṃ pate |
karṇarākṣasayo rājannindraśambarayoriva || 22 ||
[Analyze grammar]

tau pragṛhya mahāvege dhanuṣī bhīmanisvane |
prācchādayetāmanyonyaṃ takṣamāṇau maheṣubhiḥ || 23 ||
[Analyze grammar]

tataḥ pūrṇāyatotsṛṣṭaiḥ śaraiḥ saṃnataparvabhiḥ |
nyavārayetāmanyonyaṃ kāṃsye nirbhidya varmaṇī || 24 ||
[Analyze grammar]

tau nakhairiva śārdūlau dantairiva mahādvipau |
rathaśaktibhiranyonyaṃ viśikhaiśca tatakṣatuḥ || 25 ||
[Analyze grammar]

saṃchindantau hi gātrāṇi saṃdadhānau ca sāyakān |
dhakṣyamāṇau śaravrātairnodīkṣitumaśaknutām || 26 ||
[Analyze grammar]

tau tu vikṣatasarvāṅgau rudhiraughapariplutau |
vyabhrājetāṃ yathā vāriprasrutau gairikācalau || 27 ||
[Analyze grammar]

tau śarāgravibhinnāṅgau nirbhindantau parasparam |
nākampayetāmanyonyaṃ yatamānau mahādyutī || 28 ||
[Analyze grammar]

tatpravṛttaṃ niśāyuddhaṃ ciraṃ samamivābhavat |
prāṇayordīvyato rājankarṇarākṣasayormṛdhe || 29 ||
[Analyze grammar]

tasya saṃdadhatastīkṣṇāñśarāṃścāsaktamasyataḥ |
dhanurghoṣeṇa vitrastāḥ sve pare ca tadābhavan |
ghaṭotkacaṃ yadā karṇo viśeṣayati no nṛpa || 30 ||
[Analyze grammar]

tataḥ prāduṣkaroddivyamastramastravidāṃ varaḥ |
karṇena vihitaṃ dṛṣṭvā divyamastraṃ ghaṭotkacaḥ |
prāduścakre mahāmāyāṃ rākṣasaḥ pāṇḍunandanaḥ || 31 ||
[Analyze grammar]

śūlamudgaradhāriṇyā śailapādapahastayā |
rakṣasāṃ ghorarūpāṇāṃ mahatyā senayā vṛtaḥ || 32 ||
[Analyze grammar]

tamudyatamahācāpaṃ dṛṣṭvā te vyathitā nṛpāḥ |
bhūtāntakamivāyāntaṃ kāladaṇḍogradhāriṇam || 33 ||
[Analyze grammar]

ghaṭotkacapramuktena siṃhanādena bhīṣitāḥ |
prasusruvurgajā mūtraṃ vivyathuśca narā bhṛśam || 34 ||
[Analyze grammar]

tato'śmavṛṣṭiratyugrā mahatyāsītsamantataḥ |
ardharātre'dhikabalairvimuktā rakṣasāṃ balaiḥ || 35 ||
[Analyze grammar]

āyasāni ca cakrāṇi bhuśuṇḍyaḥ śaktitomarāḥ |
patantyaviralāḥ śūlāḥ śataghnyaḥ paṭṭiśāstathā || 36 ||
[Analyze grammar]

tadugramatiraudraṃ ca dṛṣṭvā yuddhaṃ narādhipāḥ |
putrāśca tava yodhāśca vyathitā vipradudruvuḥ || 37 ||
[Analyze grammar]

tatraiko'strabalaślāghī karṇo mānī na vivyathe |
vyadhamacca śarairmāyāṃ ghaṭotkacavinirmitām || 38 ||
[Analyze grammar]

māyāyāṃ tu prahīṇāyāmamarṣātsa ghaṭotkacaḥ |
visasarja śarānghorānsūtaputraṃ ta āviśan || 39 ||
[Analyze grammar]

tataste rudhirābhyaktā bhittvā karṇaṃ mahāhave |
viviśurdharaṇīṃ bāṇāḥ saṃkruddhā iva pannagāḥ || 40 ||
[Analyze grammar]

sūtaputrastu saṃkruddho laghuhastaḥ pratāpavān |
ghaṭotkacamatikramya bibheda daśabhiḥ śaraiḥ || 41 ||
[Analyze grammar]

ghaṭotkaco vinirbhinnaḥ sūtaputreṇa marmasu |
cakraṃ divyaṃ sahasrāramagṛhṇādvyathito bhṛśam || 42 ||
[Analyze grammar]

kṣurāntaṃ bālasūryābhaṃ maṇiratnavibhūṣitam |
cikṣepādhiratheḥ kruddho bhaimasenirjighāṃsayā || 43 ||
[Analyze grammar]

praviddhamativegena vikṣiptaṃ karṇasāyakaiḥ |
abhāgyasyeva saṃkalpastanmoghamapatadbhuvi || 44 ||
[Analyze grammar]

ghaṭotkacastu saṃkruddho dṛṣṭvā cakraṃ nipātitam |
karṇaṃ prācchādayadbāṇaiḥ svarbhānuriva bhāskaram || 45 ||
[Analyze grammar]

sūtaputrastvasaṃbhrānto rudropendrendravikramaḥ |
ghaṭotkacarathaṃ tūrṇaṃ chādayāmāsa patribhiḥ || 46 ||
[Analyze grammar]

ghaṭotkacena kruddhena gadā hemāṅgadā tadā |
kṣiptā bhrāmya śaraiḥ sāpi karṇenābhyāhatāpatat || 47 ||
[Analyze grammar]

tato'ntarikṣamutpatya kālamegha ivonnadan |
pravavarṣa mahākāyo drumavarṣaṃ nabhastalāt || 48 ||
[Analyze grammar]

tato māyāvinaṃ karṇo bhīmasenasutaṃ divi |
mārgaṇairabhivivyādha ghanaṃ sūrya ivāṃśubhiḥ || 49 ||
[Analyze grammar]

tasya sarvānhayānhatvā saṃchidya śatadhā ratham |
abhyavarṣaccharaiḥ karṇaḥ parjanya iva vṛṣṭimān || 50 ||
[Analyze grammar]

na cāsyāsīdanirbhinnaṃ gātre dvyaṅgulamantaram |
so'dṛśyata muhūrtena śvāvicchalalito yathā || 51 ||
[Analyze grammar]

na hayānna rathaṃ tasya na dhvajaṃ na ghaṭotkacam |
dṛṣṭavantaḥ sma samare śaraughairabhisaṃvṛtam || 52 ||
[Analyze grammar]

sa tu karṇasya taddivyamastramastreṇa śātayan |
māyāyuddhena māyāvī sūtaputramayodhayat || 53 ||
[Analyze grammar]

so'yodhayattadā karṇaṃ māyayā lāghavena ca |
alakṣyamāṇo'tha divi śarajāleṣu saṃpatan || 54 ||
[Analyze grammar]

bhaimasenirmahāmāyo māyayā kurusattama |
pracakāra mahāmāyāṃ mohayanniva bhārata || 55 ||
[Analyze grammar]

sa sma kṛtvā virūpāṇi vadanānyaśubhānanaḥ |
agrasatsūtaputrasya divyānyastrāṇi māyayā || 56 ||
[Analyze grammar]

punaścāpi mahākāyaḥ saṃchinnaḥ śatadhā raṇe |
gatasattvo nirutsāhaḥ patitaḥ khādvyadṛśyata |
hataṃ taṃ manyamānāḥ sma prāṇadankurupuṃgavāḥ || 57 ||
[Analyze grammar]

atha dehairnavairanyairdikṣu sarvāsvadṛśyata |
punaścāpi mahākāyaḥ śataśīrṣaḥ śatodaraḥ || 58 ||
[Analyze grammar]

vyadṛśyata mahābāhurmaināka iva parvataḥ |
aṅguṣṭhamātro bhūtvā ca punareva sa rākṣasaḥ |
sāgarormirivoddhūtastiryagūrdhvamavartata || 59 ||
[Analyze grammar]

vasudhāṃ dārayitvā ca punarapsu nyamajjata |
adṛśyata tadā tatra punarunmajjito'nyataḥ || 60 ||
[Analyze grammar]

so'vatīrya punastasthau rathe hemapariṣkṛte |
kṣitiṃ dyāṃ ca diśaścaiva māyayāvṛtya daṃśitaḥ || 61 ||
[Analyze grammar]

gatvā karṇarathābhyāśaṃ vicalatkuṇḍalānanaḥ |
prāha vākyamasaṃbhrāntaḥ sūtaputraṃ viśāṃ pate || 62 ||
[Analyze grammar]

tiṣṭhedānīṃ na me jīvansūtaputra gamiṣyasi |
yuddhaśraddhāmahaṃ te'dya vineṣyāmi raṇājire || 63 ||
[Analyze grammar]

ityuktvā roṣatāmrākṣaṃ rakṣaḥ krūraparākramam |
utpapātāntarikṣaṃ ca jahāsa ca suvisvaram |
karṇamabhyāhanaccaiva gajendramiva kesarī || 64 ||
[Analyze grammar]

rathākṣamātrairiṣubhirabhyavarṣadghaṭotkacaḥ |
rathināmṛṣabhaṃ karṇaṃ dhārābhiriva toyadaḥ |
śaravṛṣṭiṃ ca tāṃ karṇo dūraprāptāmaśātayat || 65 ||
[Analyze grammar]

dṛṣṭvā ca vihatāṃ māyāṃ karṇena bharatarṣabha |
ghaṭotkacastato māyāṃ sasarjāntarhitaḥ punaḥ || 66 ||
[Analyze grammar]

so'bhavadgirirityuccaḥ śikharaistarusaṃkaṭaiḥ |
śūlaprāsāsimusalajalaprasravaṇo mahān || 67 ||
[Analyze grammar]

tamañjanacayaprakhyaṃ karṇo dṛṣṭvā mahīdharam |
prapātairāyudhānyugrāṇyudvahantaṃ na cukṣubhe || 68 ||
[Analyze grammar]

smayanniva tataḥ karṇo divyamastramudīrayat |
tataḥ so'streṇa śailendro vikṣipto vai vyanaśyata || 69 ||
[Analyze grammar]

tataḥ sa toyado bhūtvā nīlaḥ sendrāyudho divi |
aśmavṛṣṭibhiratyugraḥ sūtaputramavākirat || 70 ||
[Analyze grammar]

atha saṃdhāya vāyavyamastramastravidāṃ varaḥ |
vyadhamatkālameghaṃ taṃ karṇo vaikartano vṛṣā || 71 ||
[Analyze grammar]

sa mārgaṇagaṇaiḥ karṇo diśaḥ pracchādya sarvaśaḥ |
jaghānāstraṃ mahārāja ghaṭotkacasamīritam || 72 ||
[Analyze grammar]

tataḥ prahasya samare bhaimasenirmahābalaḥ |
prāduścakre mahāmāyāṃ karṇaṃ prati mahāratham || 73 ||
[Analyze grammar]

sa dṛṣṭvā punarāyāntaṃ rathena rathināṃ varam |
ghaṭotkacamasaṃbhrāntaṃ rākṣasairbahubhirvṛtam || 74 ||
[Analyze grammar]

siṃhaśārdūlasadṛśairmattadviradavikramaiḥ |
gajasthaiśca rathasthaiśca vājipṛṣṭhagataistathā || 75 ||
[Analyze grammar]

nānāśastradharairghorairnānākavacabhūṣaṇaiḥ |
vṛtaṃ ghaṭotkacaṃ krūrairmarudbhiriva vāsavam |
dṛṣṭvā karṇo maheṣvāso yodhayāmāsa rākṣasam || 76 ||
[Analyze grammar]

ghaṭotkacastataḥ karṇaṃ viddhvā pañcabhirāśugaiḥ |
nanāda bhairavaṃ nādaṃ bhīṣayansarvapārthivān || 77 ||
[Analyze grammar]

bhūyaścāñjalikenātha samārgaṇagaṇaṃ mahat |
karṇahastasthitaṃ cāpaṃ cicchedāśu ghaṭotkacaḥ || 78 ||
[Analyze grammar]

athānyaddhanurādāya dṛḍhaṃ bhārasahaṃ mahat |
vyakarṣata balātkarṇa indrāyudhamivocchritam || 79 ||
[Analyze grammar]

tataḥ karṇo mahārāja preṣayāmāsa sāyakān |
suvarṇapuṅkhāñśatrughnānkhacarānrākṣasānprati || 80 ||
[Analyze grammar]

tadbāṇairarditaṃ yūthaṃ rakṣasāṃ pīnavakṣasām |
siṃhenevārditaṃ vanyaṃ gajānāmākulaṃ kulam || 81 ||
[Analyze grammar]

vidhamya rākṣasānbāṇaiḥ sāśvasūtagajānvibhuḥ |
dadāha bhagavānvahnirbhūtānīva yugakṣaye || 82 ||
[Analyze grammar]

sa hatvā rākṣasīṃ senāṃ śuśubhe sūtanandanaḥ |
pureva tripuraṃ dagdhvā divi devo maheśvaraḥ || 83 ||
[Analyze grammar]

teṣu rājasahasreṣu pāṇḍaveyeṣu māriṣa |
nainaṃ nirīkṣitumapi kaścicchaknoti pārthiva || 84 ||
[Analyze grammar]

ṛte ghaṭotkacādrājanrākṣasendrānmahābalāt |
bhīmavīryabalopetātkruddhādvaivasvatādiva || 85 ||
[Analyze grammar]

tasya kruddhasya netrābhyāṃ pāvakaḥ samajāyata |
maholkābhyāṃ yathā rājansārciṣaḥ snehabindavaḥ || 86 ||
[Analyze grammar]

talaṃ talena saṃhatya saṃdaśya daśanacchadam |
rathamāsthāya ca punarmāyayā nirmitaṃ punaḥ || 87 ||
[Analyze grammar]

yuktaṃ gajanibhairvāhaiḥ piśācavadanaiḥ kharaiḥ |
sa sūtamabravītkruddhaḥ sūtaputrāya mā vaha || 88 ||
[Analyze grammar]

sa yayau ghorarūpeṇa rathena rathināṃ varaḥ |
dvairathaṃ sūtaputreṇa punareva viśāṃ pate || 89 ||
[Analyze grammar]

sa cikṣepa punaḥ kruddhaḥ sūtaputrāya rākṣasaḥ |
aṣṭacakrāṃ mahāghorāmaśaniṃ rudranirmitām || 90 ||
[Analyze grammar]

tāmavaplutya jagrāha karṇo nyasya rathe dhanuḥ |
cikṣepa caināṃ tasyaiva syandanātso'vapupluve || 91 ||
[Analyze grammar]

sāśvasūtadhvajaṃ yānaṃ bhasma kṛtvā mahāprabhā |
viveśa vasudhāṃ bhittvā surāstatra visismiyuḥ || 92 ||
[Analyze grammar]

karṇaṃ tu sarvabhūtāni pūjayāmāsurañjasā |
yadavaplutya jagrāha devasṛṣṭāṃ mahāśanim || 93 ||
[Analyze grammar]

evaṃ kṛtvā raṇe karṇa āruroha rathaṃ punaḥ |
tato mumoca nārācānsūtaputraḥ paraṃtapaḥ || 94 ||
[Analyze grammar]

aśakyaṃ kartumanyena sarvabhūteṣu mānada |
yadakārṣīttadā karṇaḥ saṃgrāme bhīmadarśane || 95 ||
[Analyze grammar]

sa hanyamāno nārācairdhārābhiriva parvataḥ |
gandharvanagarākāraḥ punarantaradhīyata || 96 ||
[Analyze grammar]

evaṃ sa vai mahāmāyo māyayā lāghavena ca |
astrāṇi tāni divyāni jaghāna ripusūdanaḥ || 97 ||
[Analyze grammar]

nihanyamāneṣvastreṣu māyayā tena rakṣasā |
asaṃbhrāntastataḥ karṇastadrakṣaḥ pratyayudhyata || 98 ||
[Analyze grammar]

tataḥ kruddho mahārāja bhaimasenirmahābalaḥ |
cakāra bahudhātmānaṃ bhīṣayāṇo narādhipān || 99 ||
[Analyze grammar]

tato digbhyaḥ samāpetuḥ siṃhavyāghratarakṣavaḥ |
agnijihvāśca bhujagā vihagāścāpyayomukhāḥ || 100 ||
[Analyze grammar]

sa kīryamāṇo niśitaiḥ karṇacāpacyutaiḥ śaraiḥ |
nagarādrivanaprakhyastatraivāntaradhīyata || 101 ||
[Analyze grammar]

rākṣasāśca piśācāśca yātudhānāḥ śalāvṛkāḥ |
te karṇaṃ bhakṣayiṣyantaḥ sarvataḥ samupādravan |
athainaṃ vāgbhirugrābhistrāsayāṃ cakrire tadā || 102 ||
[Analyze grammar]

udyatairbahubhirghorairāyudhaiḥ śoṇitokṣitaiḥ |
teṣāmanekairekaikaṃ karṇo vivyādha cāśugaiḥ || 103 ||
[Analyze grammar]

pratihatya tu tāṃ māyāṃ divyenāstreṇa rākṣasīm |
ājaghāna hayānasya śaraiḥ saṃnataparvabhiḥ || 104 ||
[Analyze grammar]

te bhagnā vikṛtāṅgāśca chinnapṛṣṭhāśca sāyakaiḥ |
vasudhāmanvapadyanta paśyatastasya rakṣasaḥ || 105 ||
[Analyze grammar]

sa bhagnamāyo haiḍimbaḥ karṇaṃ vaikartanaṃ tataḥ |
eṣa te vidadhe mṛtyumityuktvāntaradhīyata || 106 ||
[Analyze grammar]