Chapter 141

saṃjaya uvāca |
bhūristu samare rājañśaineyaṃ rathināṃ varam |
āpatantamapāsedhatprapānādiva kuñjaram || 1 ||
[Analyze grammar]

athainaṃ sātyakiḥ kruddhaḥ pañcabhirniśitaiḥ śaraiḥ |
vivyādha hṛdaye tūrṇaṃ prāsravattasya śoṇitam || 2 ||
[Analyze grammar]

tathaiva kauravo yuddhe śaineyaṃ yuddhadurmadam |
daśabhirviśikhaistīkṣṇairavidhyata bhujāntare || 3 ||
[Analyze grammar]

tāvanyonyaṃ mahārāja tatakṣāte śarairbhṛśam |
krodhasaṃraktanayanau krodhādvisphārya kārmuke || 4 ||
[Analyze grammar]

tayorāsīnmahārāja śastravṛṣṭiḥ sudāruṇā |
kruddhayoḥ sāyakamucoryamāntakanikāśayoḥ || 5 ||
[Analyze grammar]

tāvanyonyaṃ śarai rājanpracchādya samare sthitau |
muhūrtaṃ caiva tadyuddhaṃ samarūpamivābhavat || 6 ||
[Analyze grammar]

tataḥ kruddho mahārāja śaineyaḥ prahasanniva |
dhanuściccheda samare kauravyasya mahātmanaḥ || 7 ||
[Analyze grammar]

athainaṃ chinnadhanvānaṃ navabhirniśitaiḥ śaraiḥ |
vivyādha hṛdaye tūrṇaṃ tiṣṭha tiṣṭheti cābravīt || 8 ||
[Analyze grammar]

so'tividdho balavatā śatruṇā śatrutāpanaḥ |
dhanuranyatsamādāya sātvataṃ pratyavidhyata || 9 ||
[Analyze grammar]

sa viddhvā sātvataṃ bāṇaistribhireva viśāṃ pate |
dhanuściccheda bhallena sutīkṣṇena hasanniva || 10 ||
[Analyze grammar]

chinnadhanvā mahārāja sātyakiḥ krodhamūrchitaḥ |
prajahāra mahāvegāṃ śaktiṃ tasya mahorasi || 11 ||
[Analyze grammar]

sa tu śaktyā vibhinnāṅgo nipapāta rathottamāt |
lohitāṅga ivākāśāddīptaraśmiryadṛcchayā || 12 ||
[Analyze grammar]

taṃ tu dṛṣṭvā hataṃ śūramaśvatthāmā mahārathaḥ |
abhyadhāvata vegena śaineyaṃ prati saṃyuge |
abhyavarṣaccharaugheṇa meruṃ vṛṣṭyā yathāmbudaḥ || 13 ||
[Analyze grammar]

tamāpatantaṃ saṃrabdhaṃ śaineyasya rathaṃ prati |
ghaṭotkaco'bravīdrājannādaṃ muktvā mahārathaḥ || 14 ||
[Analyze grammar]

tiṣṭha tiṣṭha na me jīvandroṇaputra gamiṣyasi |
eṣa tvādya haniṣyāmi mahiṣaṃ skandarāḍiva |
yuddhaśraddhāmahaṃ te'dya vineṣyāmi raṇājire || 15 ||
[Analyze grammar]

ityuktvā roṣatāmrākṣo rākṣasaḥ paravīrahā |
drauṇimabhyadravatkruddho gajendramiva kesarī || 16 ||
[Analyze grammar]

rathākṣamātrairiṣubhirabhyavarṣadghaṭotkacaḥ |
rathināmṛṣabhaṃ drauṇiṃ dhārābhiriva toyadaḥ || 17 ||
[Analyze grammar]

śaravṛṣṭiṃ tu tāṃ prāptāṃ śarairāśīviṣopamaiḥ |
śātayāmāsa samare tarasā drauṇirutsmayan || 18 ||
[Analyze grammar]

tataḥ śaraśataistīkṣṇairmarmabhedibhirāśugaiḥ |
samācinodrākṣasendraṃ ghaṭotkacamariṃdama || 19 ||
[Analyze grammar]

sa śarairācitastena rākṣaso raṇamūrdhani |
vyakāśata mahārāja śvāvicchalalito yathā || 20 ||
[Analyze grammar]

tataḥ krodhasamāviṣṭo bhaimaseniḥ pratāpavān |
śarairavacakartograirdrauṇiṃ vajrāśanisvanaiḥ || 21 ||
[Analyze grammar]

kṣuraprairardhacandraiśca nārācaiḥ saśilīmukhaiḥ |
varāhakarṇairnālīkaistīkṣṇaiścāpi vikarṇibhiḥ || 22 ||
[Analyze grammar]

tāṃ śastravṛṣṭimatulāṃ vajrāśanisamasvanām |
patantīmupari kruddho drauṇiravyathitendriyaḥ || 23 ||
[Analyze grammar]

suduḥsahāṃ śarairghorairdivyāstrapratimantritaiḥ |
vyadhamatsa mahātejā mahābhrāṇīva mārutaḥ || 24 ||
[Analyze grammar]

tato'ntarikṣe bāṇānāṃ saṃgrāmo'nya ivābhavat |
ghorarūpo mahārāja yodhānāṃ harṣavardhanaḥ || 25 ||
[Analyze grammar]

tato'strasaṃgharṣakṛtairvisphuliṅgaiḥ samantataḥ |
babhau niśāmukhe vyoma khadyotairiva saṃvṛtam || 26 ||
[Analyze grammar]

sa mārgaṇagaṇairdrauṇirdiśaḥ pracchādya sarvataḥ |
priyārthaṃ tava putrāṇāṃ rākṣasaṃ samavākirat || 27 ||
[Analyze grammar]

tataḥ pravavṛte yuddhaṃ drauṇirākṣasayormṛdhe |
vigāḍhe rajanīmadhye śakraprahrādayoriva || 28 ||
[Analyze grammar]

tato ghaṭotkaco bāṇairdaśabhirdrauṇimāhave |
jaghānorasi saṃkruddhaḥ kālajvalanasaṃnibhaiḥ || 29 ||
[Analyze grammar]

sa tairabhyāyatairviddho rākṣasena mahābalaḥ |
cacāla samare drauṇirvātanunna iva drumaḥ |
sa mohamanusaṃprāpto dhvajayaṣṭiṃ samāśritaḥ || 30 ||
[Analyze grammar]

tato hāhākṛtaṃ sainyaṃ tava sarvaṃ janādhipa |
hataṃ sma menire sarve tāvakāstaṃ viśāṃ pate || 31 ||
[Analyze grammar]

taṃ tu dṛṣṭvā tathāvasthamaśvatthāmānamāhave |
pāñcālāḥ sṛñjayāścaiva siṃhanādaṃ pracakrire || 32 ||
[Analyze grammar]

pratilabhya tataḥ saṃjñāmaśvatthāmā mahābalaḥ |
dhanuḥ prapīḍya vāmena kareṇāmitrakarśanaḥ || 33 ||
[Analyze grammar]

mumocākarṇapūrṇena dhanuṣā śaramuttamam |
yamadaṇḍopamaṃ ghoramuddiśyāśu ghaṭotkacam || 34 ||
[Analyze grammar]

sa bhittvā hṛdayaṃ tasya rākṣasasya śarottamaḥ |
viveśa vasudhāmugraḥ supuṅkhaḥ pṛthivīpate || 35 ||
[Analyze grammar]

so'tividdho mahārāja rathopastha upāviśat |
rākṣasendraḥ subalavāndrauṇinā raṇamāninā || 36 ||
[Analyze grammar]

dṛṣṭvā vimūḍhaṃ haiḍimbaṃ sārathistaṃ raṇājirāt |
drauṇeḥ sakāśātsaṃbhrāntastvapaninye tvarānvitaḥ || 37 ||
[Analyze grammar]

tathā tu samare viddhvā rākṣasendraṃ ghaṭotkacam |
nanāda sumahānādaṃ droṇaputro mahābalaḥ || 38 ||
[Analyze grammar]

pūjitastava putraiśca sarvayodhaiśca bhārata |
vapuṣā pratijajvāla madhyāhna iva bhāskaraḥ || 39 ||
[Analyze grammar]

bhīmasenaṃ tu yudhyantaṃ bhāradvājarathaṃ prati |
svayaṃ duryodhano rājā pratyavidhyacchitaiḥ śaraiḥ || 40 ||
[Analyze grammar]

taṃ bhīmaseno navabhiḥ śarairvivyādha māriṣa |
duryodhano'pi viṃśatyā śarāṇāṃ pratyavidhyata || 41 ||
[Analyze grammar]

tau sāyakairavacchannāvadṛśyetāṃ raṇājire |
meghajālasamācchannau nabhasīvendubhāskarau || 42 ||
[Analyze grammar]

atha duryodhano rājā bhīmaṃ vivyādha patribhiḥ |
pañcabhirbharataśreṣṭha tiṣṭha tiṣṭheti cābravīt || 43 ||
[Analyze grammar]

tasya bhīmo dhanuśchittvā dhvajaṃ ca navabhiḥ śaraiḥ |
vivyādha kauravaśreṣṭhaṃ navatyā nataparvaṇām || 44 ||
[Analyze grammar]

tato duryodhanaḥ kruddho bhīmasenasya māriṣa |
cikṣepa sa śarānrājanpaśyatāṃ sarvadhanvinām || 45 ||
[Analyze grammar]

tānnihatya śarānbhīmo duryodhanadhanuścyutān |
kauravaṃ pañcaviṃśatyā kṣudrakāṇāṃ samārpayat || 46 ||
[Analyze grammar]

duryodhanastu saṃkruddho bhīmasenasya māriṣa |
kṣurapreṇa dhanuśchittvā daśabhiḥ pratyavidhyata || 47 ||
[Analyze grammar]

athānyaddhanurādāya bhīmaseno mahābalaḥ |
vivyādha nṛpatiṃ tūrṇaṃ saptabhirniśitaiḥ śaraiḥ || 48 ||
[Analyze grammar]

tadapyasya dhanuḥ kṣipraṃ ciccheda laghuhastavat |
dvitīyaṃ ca tṛtīyaṃ ca caturthaṃ pañcamaṃ tathā || 49 ||
[Analyze grammar]

āttamāttaṃ mahārāja bhīmasya dhanurācchinat |
tava putro mahārāja jitakāśī madotkaṭaḥ || 50 ||
[Analyze grammar]

sa tadā chidyamāneṣu kārmukeṣu punaḥ punaḥ |
śaktiṃ cikṣepa samare sarvapāraśavīṃ śubhām || 51 ||
[Analyze grammar]

aprāptāmeva tāṃ śaktiṃ tridhā ciccheda kauravaḥ |
paśyataḥ sarvalokasya bhīmasya ca mahātmanaḥ || 52 ||
[Analyze grammar]

tato bhīmo mahārāja gadāṃ gurvīṃ mahāprabhām |
cikṣepāvidhya vegena duryodhanarathaṃ prati || 53 ||
[Analyze grammar]

tataḥ sā sahasā vāhāṃstava putrasya saṃyuge |
sārathiṃ ca gadā gurvī mamarda bharatarṣabha || 54 ||
[Analyze grammar]

putrastu tava rājendra rathāddhemapariṣkṛtāt |
āplutaḥ sahasā yānaṃ nandakasya mahātmanaḥ || 55 ||
[Analyze grammar]

tato bhīmo hataṃ matvā tava putraṃ mahāratham |
siṃhanādaṃ mahaccakre tarjayanniva kauravān || 56 ||
[Analyze grammar]

tāvakāḥ sainikāścāpi menire nihataṃ nṛpam |
tato vicukruśuḥ sarve hā heti ca samantataḥ || 57 ||
[Analyze grammar]

teṣāṃ tu ninadaṃ śrutvā trastānāṃ sarvayodhinām |
bhīmasenasya nādaṃ ca śrutvā rājanmahātmanaḥ || 58 ||
[Analyze grammar]

tato yudhiṣṭhiro rājā hataṃ matvā suyodhanam |
abhyavartata vegena yatra pārtho vṛkodaraḥ || 59 ||
[Analyze grammar]

pāñcālāḥ kekayā matsyāḥ sṛñjayāśca viśāṃ pate |
sarvodyogenābhijagmurdroṇameva yuyutsayā || 60 ||
[Analyze grammar]

tatrāsītsumahadyuddhaṃ droṇasyātha paraiḥ saha |
ghore tamasi magnānāṃ nighnatāmitaretaram || 61 ||
[Analyze grammar]