Chapter 125

saṃjaya uvāca |
saindhave nihate rājanputrastava suyodhanaḥ |
aśruklinnamukho dīno nirutsāho dviṣajjaye |
amanyatārjunasamo yodho bhuvi na vidyate || 1 ||
[Analyze grammar]

na droṇo na ca rādheyo nāśvatthāmā kṛpo na ca |
kruddhasya pramukhe sthātuṃ paryāptā iti māriṣa || 2 ||
[Analyze grammar]

nirjitya hi raṇe pārthaḥ sarvānmama mahārathān |
avadhītsaindhavaṃ saṃkhye nainaṃ kaścidavārayat || 3 ||
[Analyze grammar]

sarvathā hatamevaitatkauravāṇāṃ mahadbalam |
na hyasya vidyate trātā sākṣādapi puraṃdaraḥ || 4 ||
[Analyze grammar]

yamupāśritya saṃgrāme kṛtaḥ śastrasamudyamaḥ |
sa karṇo nirjitaḥ saṃkhye hataścaiva jayadrathaḥ || 5 ||
[Analyze grammar]

paruṣāṇi sabhāmadhye proktavānyaḥ sma pāṇḍavān |
sa karṇo nirjitaḥ saṃkhye saindhavaśca nipātitaḥ || 6 ||
[Analyze grammar]

yasya vīryaṃ samāśritya śamaṃ yācantamacyutam |
tṛṇavattamahaṃ manye sa karṇo nirjito yudhi || 7 ||
[Analyze grammar]

evaṃ klāntamanā rājannupāyāddroṇamīkṣitum |
āgaskṛtsarvalokasya putraste bharatarṣabha || 8 ||
[Analyze grammar]

tatastatsarvamācakhyau kurūṇāṃ vaiśasaṃ mahat |
parānvijayataścāpi dhārtarāṣṭrānnimajjataḥ || 9 ||
[Analyze grammar]

duryodhana uvāca |
paśya mūrdhāvasiktānāmācārya kadanaṃ kṛtam |
kṛtvā pramukhataḥ śūraṃ bhīṣmaṃ mama pitāmaham || 10 ||
[Analyze grammar]

taṃ nihatya pralubdho'yaṃ śikhaṇḍī pūrṇamānasaḥ |
pāñcālaiḥ sahitaḥ sarvaiḥ senāgramabhikarṣati || 11 ||
[Analyze grammar]

aparaścāpi durdharṣaḥ śiṣyaste savyasācinā |
akṣauhiṇīḥ sapta hatvā hato rājā jayadrathaḥ || 12 ||
[Analyze grammar]

asmadvijayakāmānāṃ suhṛdāmupakāriṇām |
gantāsmi kathamānṛṇyaṃ gatānāṃ yamasādanam || 13 ||
[Analyze grammar]

ye madarthaṃ parīpsanti vasudhāṃ vasudhādhipāḥ |
te hitvā vasudhaiśvaryaṃ vasudhāmadhiśerate || 14 ||
[Analyze grammar]

so'haṃ kāpuruṣaḥ kṛtvā mitrāṇāṃ kṣayamīdṛśam |
nāśvamedhasahasreṇa pātumātmānamutsahe || 15 ||
[Analyze grammar]

mama lubdhasya pāpasya tathā dharmāpacāyinaḥ |
vyāyacchanto jigīṣantaḥ prāptā vaivasvatakṣayam || 16 ||
[Analyze grammar]

kathaṃ patitavṛttasya pṛthivī suhṛdāṃ druhaḥ |
vivaraṃ nāśakaddātuṃ mama pārthivasaṃsadi || 17 ||
[Analyze grammar]

so'haṃ rudhirasiktāṅgaṃ rājñāṃ madhye pitāmaham |
śayānaṃ nāśakaṃ trātuṃ bhīṣmamāyodhane hatam || 18 ||
[Analyze grammar]

taṃ māmanāryapuruṣaṃ mitradruhamadhārmikam |
kiṃ sa vakṣyati durdharṣaḥ sametya paralokajit || 19 ||
[Analyze grammar]

jalasaṃdhaṃ maheṣvāsaṃ paśya sātyakinā hatam |
madarthamudyataṃ śūraṃ prāṇāṃstyaktvā mahāratham || 20 ||
[Analyze grammar]

kāmbojaṃ nihataṃ dṛṣṭvā tathālambusameva ca |
anyānbahūṃśca suhṛdo jīvitārtho'dya ko mama || 21 ||
[Analyze grammar]

vyāyacchanto hatāḥ śūrā madarthe ye'parāṅmukhāḥ |
yatamānāḥ paraṃ śaktyā vijetumahitānmama || 22 ||
[Analyze grammar]

teṣāṃ gatvāhamānṛṇyamadya śaktyā paraṃtapa |
tarpayiṣyāmi tāneva jalena yamunāmanu || 23 ||
[Analyze grammar]

satyaṃ te pratijānāmi sarvaśastrabhṛtāṃ vara |
iṣṭāpūrtena ca śape vīryeṇa ca sutairapi || 24 ||
[Analyze grammar]

nihatya tānraṇe sarvānpāñcālānpāṇḍavaiḥ saha |
śāntiṃ labdhāsmi teṣāṃ vā raṇe gantā salokatām || 25 ||
[Analyze grammar]

na hīdānīṃ sahāyā me parīpsantyanupaskṛtāḥ |
śreyo hi pāṇḍūnmanyante na tathāsmānmahābhuja || 26 ||
[Analyze grammar]

svayaṃ hi mṛtyurvihitaḥ satyasaṃdhena saṃyuge |
bhavānupekṣāṃ kurute suśiṣyatvāddhanaṃjaye || 27 ||
[Analyze grammar]

ato vinihatāḥ sarve ye'smajjayacikīrṣavaḥ |
karṇameva tu paśyāmi saṃpratyasmajjayaiṣiṇam || 28 ||
[Analyze grammar]

yo hi mitramavijñāya yāthātathyena mandadhīḥ |
mitrārthe yojayatyenaṃ tasya so'rtho'vasīdati || 29 ||
[Analyze grammar]

tādṛgrūpamidaṃ kāryaṃ kṛtaṃ mama suhṛdbruvaiḥ |
mohāllubdhasya pāpasya jihmācāraistatastataḥ || 30 ||
[Analyze grammar]

hato jayadrathaścaiva saumadattiśca vīryavān |
abhīṣāhāḥ śūrasenāḥ śibayo'tha vasātayaḥ || 31 ||
[Analyze grammar]

so'hamadya gamiṣyāmi yatra te puruṣarṣabhāḥ |
hatā madarthaṃ saṃgrāme yudhyamānāḥ kirīṭinā || 32 ||
[Analyze grammar]

na hi me jīvitenārthastānṛte puruṣarṣabhān |
ācāryaḥ pāṇḍuputrāṇāmanujānātu no bhavān || 33 ||
[Analyze grammar]