Chapter 122

dhṛtarāṣṭra uvāca |
tasminvinihate vīre saindhave savyasācinā |
māmakā yadakurvanta tanmamācakṣva saṃjaya || 1 ||
[Analyze grammar]

saṃjaya uvāca |
saindhavaṃ nihataṃ dṛṣṭvā raṇe pārthena māriṣa |
amarṣavaśamāpannaḥ kṛpaḥ śāradvatastadā || 2 ||
[Analyze grammar]

mahatā śaravarṣeṇa pāṇḍavaṃ samavākirat |
drauṇiścābhyadravatpārthaṃ rathamāsthāya phalgunam || 3 ||
[Analyze grammar]

tāvenaṃ rathināṃ śreṣṭhau rathābhyāṃ rathasattamam |
ubhāvubhayatastīkṣṇairviśikhairabhyavarṣatām || 4 ||
[Analyze grammar]

sa tathā śaravarṣābhyāṃ sumahadbhyāṃ mahābhujaḥ |
pīḍyamānaḥ parāmārtimagamadrathināṃ varaḥ || 5 ||
[Analyze grammar]

so'jighāṃsurguruṃ saṃkhye gurostanayameva ca |
cakārācāryakaṃ tatra kuntīputro dhanaṃjayaḥ || 6 ||
[Analyze grammar]

astrairastrāṇi saṃvārya drauṇeḥ śāradvatasya ca |
mandavegāniṣūṃstābhyāmajighāṃsuravāsṛjat || 7 ||
[Analyze grammar]

te nātibhṛśamabhyaghnanviśikhā jayacoditāḥ |
bahutvāttu parāmārtiṃ śarāṇāṃ tāvagacchatām || 8 ||
[Analyze grammar]

atha śāradvato rājankaunteyaśarapīḍitaḥ |
avāsīdadrathopasthe mūrcchāmabhijagāma ha || 9 ||
[Analyze grammar]

vihvalaṃ tamabhijñāya bhartāraṃ śarapīḍitam |
hato'yamiti ca jñātvā sārathistamapāvahat || 10 ||
[Analyze grammar]

tasminsanne mahārāja kṛpe śāradvate yudhi |
aśvatthāmāpyapāyāsītpāṇḍaveyādrathāntaram || 11 ||
[Analyze grammar]

dṛṣṭvā śāradvataṃ pārtho mūrchitaṃ śarapīḍitam |
ratha eva maheṣvāsaḥ kṛpaṇaṃ paryadevayat || 12 ||
[Analyze grammar]

paśyannidaṃ mahāprājñaḥ kṣattā rājānamuktavān |
kulāntakaraṇe pāpe jātamātre suyodhane || 13 ||
[Analyze grammar]

nīyatāṃ paralokāya sādhvayaṃ kulapāṃsanaḥ |
asmāddhi kurumukhyānāṃ mahadutpatsyate bhayam || 14 ||
[Analyze grammar]

tadidaṃ samanuprāptaṃ vacanaṃ satyavādinaḥ |
tatkṛte hyadya paśyāmi śaratalpagataṃ kṛpam || 15 ||
[Analyze grammar]

dhigastu kṣātramācāraṃ dhigastu balapauruṣam |
ko hi brāhmaṇamācāryamabhidruhyeta mādṛśaḥ || 16 ||
[Analyze grammar]

ṛṣiputro mamācāryo droṇasya dayitaḥ sakhā |
eṣa śete rathopasthe madbāṇairabhipīḍitaḥ || 17 ||
[Analyze grammar]

akāmayānena mayā viśikhairardito bhṛśam |
avāsīdadrathopasthe prāṇānpīḍayatīva me || 18 ||
[Analyze grammar]

śarārditena hi mayā prekṣaṇīyo mahādyutiḥ |
pratyasto bahubhirbāṇairdaśadharmagatena vai || 19 ||
[Analyze grammar]

śocayatyeṣa nipatanbhūyaḥ putravadhāddhi mām |
kṛpaṇaṃ svarathe sannaṃ paśya kṛṣṇa yathā gatam || 20 ||
[Analyze grammar]

upākṛtya tu vai vidyāmācāryebhyo nararṣabhāḥ |
prayacchantīha ye kāmāndevatvamupayānti te || 21 ||
[Analyze grammar]

ye tu vidyāmupādāya gurubhyaḥ puruṣādhamāḥ |
ghnanti tāneva durvṛttāste vai nirayagāminaḥ || 22 ||
[Analyze grammar]

tadidaṃ narakāyādya kṛtaṃ karma mayā dhruvam |
ācāryaṃ śaravarṣeṇa rathe sādayatā kṛpam || 23 ||
[Analyze grammar]

yattatpūrvamupākurvannastraṃ māmabravītkṛpaḥ |
na kathaṃcana kauravya prahartavyaṃ gurāviti || 24 ||
[Analyze grammar]

tadidaṃ vacanaṃ sādhorācāryasya mahātmanaḥ |
nānuṣṭhitaṃ tamevājau viśikhairabhivarṣatā || 25 ||
[Analyze grammar]

namastasmai supūjyāya gautamāyāpalāyine |
dhigastu mama vārṣṇeya yo hyasmai praharāmyaham || 26 ||
[Analyze grammar]

tathā vilapamāne tu savyasācini taṃ prati |
saindhavaṃ nihataṃ dṛṣṭvā rādheyaḥ samupādravat || 27 ||
[Analyze grammar]

upāyāntaṃ tu rādheyaṃ dṛṣṭvā pārtho mahārathaḥ |
prahasandevakīputramidaṃ vacanamabravīt || 28 ||
[Analyze grammar]

eṣa prayātyādhirathiḥ sātyakeḥ syandanaṃ prati |
na mṛṣyati hataṃ nūnaṃ bhūriśravasamāhave || 29 ||
[Analyze grammar]

yatra yātyeṣa tatra tvaṃ codayāśvāñjanārdana |
mā somadatteḥ padavīṃ gamayetsātyakiṃ vṛṣaḥ || 30 ||
[Analyze grammar]

evamukto mahābāhuḥ keśavaḥ savyasācinā |
pratyuvāca mahātejāḥ kālayuktamidaṃ vacaḥ || 31 ||
[Analyze grammar]

alameṣa mahābāhuḥ karṇāyaiko hi pāṇḍava |
kiṃ punardraupadeyābhyāṃ sahitaḥ sātvatarṣabhaḥ || 32 ||
[Analyze grammar]

na ca tāvatkṣamaḥ pārtha karṇena tava saṃgaraḥ |
prajvalantī maholkeva tiṣṭhatyasya hi vāsavī |
tvadarthaṃ pūjyamānaiṣā rakṣyate paravīrahan || 33 ||
[Analyze grammar]

ataḥ karṇaḥ prayātvatra sātvatasya yathā tathā |
ahaṃ jñāsyāmi kauravya kālamasya durātmanaḥ || 34 ||
[Analyze grammar]

dhṛtarāṣṭra uvāca |
yo'sau karṇena vīreṇa vārṣṇeyasya samāgamaḥ |
hate tu bhūriśravasi saindhave ca nipātite || 35 ||
[Analyze grammar]

sātyakiścāpi virathaḥ kaṃ samārūḍhavānratham |
cakrarakṣau ca pāñcālyau tanmamācakṣva saṃjaya || 36 ||
[Analyze grammar]

saṃjaya uvāca |
hanta te varṇayiṣyāmi yathāvṛttaṃ mahāraṇe |
śuśrūṣasva sthiro bhūtvā durācaritamātmanaḥ || 37 ||
[Analyze grammar]

pūrvameva hi kṛṣṇasya manogatamidaṃ prabho |
vijetavyo yathā vīraḥ sātyakiryūpaketunā || 38 ||
[Analyze grammar]

atītānāgataṃ rājansa hi vetti janārdanaḥ |
ataḥ sūtaṃ samāhūya dārukaṃ saṃdideśa ha |
ratho me yujyatāṃ kālyamiti rājanmahābalaḥ || 39 ||
[Analyze grammar]

na hi devā na gandharvā na yakṣoragarākṣasāḥ |
mānavā vā vijetāraḥ kṛṣṇayoḥ santi kecana || 40 ||
[Analyze grammar]

pitāmahapurogāśca devāḥ siddhāśca taṃ viduḥ |
tayoḥ prabhāvamatulaṃ śṛṇu yuddhaṃ ca tadyathā || 41 ||
[Analyze grammar]

sātyakiṃ virathaṃ dṛṣṭvā karṇaṃ cābhyudyatāyudham |
dadhmau śaṅkhaṃ mahāvegamārṣabheṇātha mādhavaḥ || 42 ||
[Analyze grammar]

dāruko'vetya saṃdeśaṃ śrutvā śaṅkhasya ca svanam |
rathamanvānayattasmai suparṇocchritaketanam || 43 ||
[Analyze grammar]

sa keśavasyānumate rathaṃ dārukasaṃyutam |
āruroha śineḥ pautro jvalanādityasaṃnibham || 44 ||
[Analyze grammar]

kāmagaiḥ sainyasugrīvameghapuṣpabalāhakaiḥ |
hayodagrairmahāvegairhemabhāṇḍavibhūṣitaiḥ || 45 ||
[Analyze grammar]

yuktaṃ samāruhya ca taṃ vimānapratimaṃ ratham |
abhyadravata rādheyaṃ pravapansāyakānbahūn || 46 ||
[Analyze grammar]

cakrarakṣāvapi tadā yudhāmanyūttamaujasau |
dhanaṃjayarathaṃ hitvā rādheyaṃ pratyudīyayuḥ || 47 ||
[Analyze grammar]

rādheyo'pi mahārāja śaravarṣaṃ samutsṛjan |
abhyadravatsusaṃkruddho raṇe śaineyamacyutam || 48 ||
[Analyze grammar]

naiva daivaṃ na gāndharvaṃ nāsuroragarākṣasam |
tādṛśaṃ bhuvi vā yuddhaṃ divi vā śrutamityuta || 49 ||
[Analyze grammar]

upāramata tatsainyaṃ sarathāśvanaradvipam |
tayordṛṣṭvā mahārāja karma saṃmūḍhacetanam || 50 ||
[Analyze grammar]

sarve ca samapaśyanta tadyuddhamatimānuṣam |
tayornṛvarayo rājansārathyaṃ dārukasya ca || 51 ||
[Analyze grammar]

gatapratyāgatāvṛttairmaṇḍalaiḥ saṃnivartanaiḥ |
sārathestu rathasthasya kāśyapeyasya vismitāḥ || 52 ||
[Analyze grammar]

nabhastalagatāścaiva devagandharvadānavāḥ |
atīvāvahitā draṣṭuṃ karṇaśaineyayo raṇam || 53 ||
[Analyze grammar]

mitrārthe tau parākrāntau spardhinau śuṣmiṇau raṇe |
karṇaścāmarasaṃkāśo yuyudhānaśca sātyakiḥ || 54 ||
[Analyze grammar]

anyonyaṃ tau mahārāja śaravarṣairavarṣatām |
pramamātha śineḥ pautraṃ karṇaḥ sāyakavṛṣṭibhiḥ || 55 ||
[Analyze grammar]

amṛṣyamāṇo nidhanaṃ kauravyajalasaṃdhayoḥ |
karṇaḥ śokasamāviṣṭo mahoraga iva śvasan || 56 ||
[Analyze grammar]

sa śaineyaṃ raṇe kruddhaḥ pradahanniva cakṣuṣā |
abhyadravata vegena punaḥ punarariṃdamaḥ || 57 ||
[Analyze grammar]

taṃ tu saṃprekṣya saṃkruddhaṃ sātyakiḥ pratyavidhyata |
mahatā śaravarṣeṇa gajaḥ pratigajaṃ yathā || 58 ||
[Analyze grammar]

tau sametya naravyāghrau vyāghrāviva tarasvinau |
anyonyaṃ saṃtatakṣāte raṇe'nupamavikramau || 59 ||
[Analyze grammar]

tataḥ karṇaṃ śineḥ pautraḥ sarvapāraśavaiḥ śaraiḥ |
bibheda sarvagātreṣu punaḥ punarariṃdamaḥ || 60 ||
[Analyze grammar]

sārathiṃ cāsya bhallena rathanīḍādapāharat |
aśvāṃśca caturaḥ śvetānnijaghne niśitaiḥ śaraiḥ || 61 ||
[Analyze grammar]

chittvā dhvajaṃ śatenaiva śatadhā puruṣarṣabhaḥ |
cakāra virathaṃ karṇaṃ tava putrasya paśyataḥ || 62 ||
[Analyze grammar]

tato vimanaso rājaṃstāvakāḥ puruṣarṣabhāḥ |
vṛṣasenaḥ karṇasutaḥ śalyo madrādhipastathā || 63 ||
[Analyze grammar]

droṇaputraśca śaineyaṃ sarvataḥ paryavārayan |
tataḥ paryākulaṃ sarvaṃ na prājñāyata kiṃcana || 64 ||
[Analyze grammar]

tathā sātyakinā vīre virathe sūtaje kṛte |
hāhākārastato rājansarvasainyeṣu cābhavat || 65 ||
[Analyze grammar]

karṇo'pi vihvalo rājansātvatenārditaḥ śaraiḥ |
duryodhanarathaṃ rājannāruroha viniḥśvasan || 66 ||
[Analyze grammar]

mānayaṃstava putrasya bālyātprabhṛti sauhṛdam |
kṛtāṃ rājyapradānena pratijñāṃ paripālayan || 67 ||
[Analyze grammar]

tathā tu virathe karṇe putrānvai tava pārthiva |
duḥśāsanamukhāñśūrānnāvadhītsātyakirvaśī || 68 ||
[Analyze grammar]

rakṣanpratijñāṃ ca punarbhīmasenakṛtāṃ purā |
virathānvihvalāṃścakre na tu prāṇairvyayojayat || 69 ||
[Analyze grammar]

bhīmasenena tu vadhaḥ putrāṇāṃ te pratiśrutaḥ |
punardyūte ca pārthena vadhaḥ karṇasya saṃśrutaḥ || 70 ||
[Analyze grammar]

vadhe tvakurvanyatnaṃ te tasya karṇamukhāstadā |
nāśaknuvaṃśca taṃ hantuṃ sātyakiṃ pravarā rathāḥ || 71 ||
[Analyze grammar]

drauṇiśca kṛtavarmā ca tathaivānye mahārathāḥ |
nirjitā dhanuṣaikena śataśaḥ kṣatriyarṣabhāḥ |
kāṅkṣatā paralokaṃ ca dharmarājasya ca priyam || 72 ||
[Analyze grammar]

kṛṣṇayoḥ sadṛśo vīrye sātyakiḥ śatrukarśanaḥ |
kṛṣṇo vāpi bhavelloke pārtho vāpi dhanurdharaḥ |
śaineyo vā naravyāghraścaturtho nopalabhyate || 73 ||
[Analyze grammar]

dhṛtarāṣṭra uvāca |
ajayyaṃ rathamāsthāya vāsudevasya sātyakiḥ |
virathaṃ kṛtavānkarṇaṃ vāsudevasamo yuvā || 74 ||
[Analyze grammar]

dārukeṇa samāyuktaṃ svabāhubaladarpitaḥ |
kaccidanyaṃ samārūḍhaḥ sa rathaṃ sātyakiḥ punaḥ || 75 ||
[Analyze grammar]

etadicchāmyahaṃ śrotuṃ kuśalo hyasi bhāṣitum |
asahyaṃ tamahaṃ manye tanmamācakṣva saṃjaya || 76 ||
[Analyze grammar]

saṃjaya uvāca |
śṛṇu rājanyathā tasya rathamanyaṃ mahāmatiḥ |
dārukasyānujastūrṇaṃ kalpanāvidhikalpitam || 77 ||
[Analyze grammar]

āyasaiḥ kāñcanaiścāpi paṭṭairnaddhaṃ sakūbaram |
tārāsahasrakhacitaṃ siṃhadhvajapatākinam || 78 ||
[Analyze grammar]

aśvairvātajavairyuktaṃ hemabhāṇḍaparicchadaiḥ |
pāṇḍurairindusaṃkāśaiḥ sarvaśabdātigairdṛḍhaiḥ || 79 ||
[Analyze grammar]

citrakāñcanasaṃnāhairvājimukhyairviśāṃ pate |
ghaṇṭājālākularavaṃ śaktitomaravidyutam || 80 ||
[Analyze grammar]

vṛtaṃ sāṃgrāmikairdravyairbahuśastraparicchadam |
rathaṃ saṃpādayāmāsa meghagambhīranisvanam || 81 ||
[Analyze grammar]

taṃ samāruhya śaineyastava sainyamupādravat |
dāruko'pi yathākāmaṃ prayayau keśavāntikam || 82 ||
[Analyze grammar]

karṇasyāpi mahārāja śaṅkhagokṣīrapāṇḍuraiḥ |
citrakāñcanasaṃnāhaiḥ sadaśvairvegavattaraiḥ || 83 ||
[Analyze grammar]

hemakakṣyādhvajopetaṃ kḷptayantrapatākinam |
agryaṃ rathaṃ suyantāraṃ bahuśastraparicchadam || 84 ||
[Analyze grammar]

upājahrustamāsthāya karṇo'pyabhyadravadripūn |
etatte sarvamākhyātaṃ yanmāṃ tvaṃ paripṛcchasi || 85 ||
[Analyze grammar]

bhūyaścāpi nibodha tvaṃ tavāpanayajaṃ kṣayam |
ekatriṃśattava sutā bhīmasenena pātitāḥ || 86 ||
[Analyze grammar]

durmukhaṃ pramukhe kṛtvā satataṃ citrayodhinam |
śataśo nihatāḥ śūrāḥ sātvatenārjunena ca || 87 ||
[Analyze grammar]

bhīṣmaṃ pramukhataḥ kṛtvā bhagadattaṃ ca māriṣa |
evameṣa kṣayo vṛtto rājandurmantrite tava || 88 ||
[Analyze grammar]