Chapter 88

saṃjaya uvāca |
prayāte tava sainyaṃ tu yuyudhāne yuyutsayā |
dharmarājo mahārāja svenānīkena saṃvṛtaḥ |
prāyāddroṇarathaprepsuryuyudhānasya pṛṣṭhataḥ || 1 ||
[Analyze grammar]

tataḥ pāñcālarājasya putraḥ samaradurmadaḥ |
prākrośatpāṇḍavānīke vasudānaśca pārthivaḥ || 2 ||
[Analyze grammar]

āgacchata praharata drutaṃ viparidhāvata |
yathā sukhena gaccheta sātyakiryuddhadurmadaḥ || 3 ||
[Analyze grammar]

mahārathā hi bahavo yatiṣyantyasya nirjaye |
iti bruvanto vegena samāpeturbalaṃ tava || 4 ||
[Analyze grammar]

vayaṃ pratijigīṣantastatra tānsamabhidrutāḥ |
tataḥ śabdo mahānāsīdyuyudhānarathaṃ prati || 5 ||
[Analyze grammar]

prakampyamānā mahatī tava putrasya vāhinī |
sātvatena mahārāja śatadhābhivyadīryata || 6 ||
[Analyze grammar]

tasyāṃ vidīryamāṇāyāṃ śineḥ pautro mahārathaḥ |
sapta vīrānmaheṣvāsānagrānīke vyapothayat || 7 ||
[Analyze grammar]

te bhītā mṛdyamānāśca pramṛṣṭā dīrghabāhunā |
āyodhanaṃ jahurvīrā dṛṣṭvā tamatimānuṣam || 8 ||
[Analyze grammar]

rathairvimathitākṣaiśca bhagnanīḍaiśca māriṣa |
cakrairvimathitaiśchinnairdhvajaiśca vinipātitaiḥ || 9 ||
[Analyze grammar]

anukarṣaiḥ patākābhiḥ śirastrāṇaiḥ sakāñcanaiḥ |
bāhubhiścandanādigdhaiḥ sāṅgadaiśca viśāṃ pate || 10 ||
[Analyze grammar]

hastihastopamaiścāpi bhujagābhogasaṃnibhaiḥ |
ūrubhiḥ pṛthivī channā manujānāṃ narottama || 11 ||
[Analyze grammar]

śaśāṅkasaṃnikāśaiśca vadanaiścārukuṇḍalaiḥ |
patitairvṛṣabhākṣāṇāṃ babhau bhārata medinī || 12 ||
[Analyze grammar]

gajaiśca bahudhā chinnaiḥ śayānaiḥ parvatopamaiḥ |
rarājātibhṛśaṃ bhūmirvikīrṇairiva parvataiḥ || 13 ||
[Analyze grammar]

tapanīyamayairyoktrairmuktājālavibhūṣitaiḥ |
uraśchadairvicitraiśca vyaśobhanta turaṃgamāḥ |
gatasattvā mahīṃ prāpya pramṛṣṭā dīrghabāhunā || 14 ||
[Analyze grammar]

nānāvidhāni sainyāni tava hatvā tu sātvataḥ |
praviṣṭastāvakaṃ sainyaṃ drāvayitvā camūṃ bhṛśam || 15 ||
[Analyze grammar]

tatastenaiva mārgeṇa yena yāto dhanaṃjayaḥ |
iyeṣa sātyakirgantuṃ tato droṇena vāritaḥ || 16 ||
[Analyze grammar]

bharadvājaṃ samāsādya yuyudhānastu māriṣa |
nābhyavartata saṃkruddho velāmiva jalāśayaḥ || 17 ||
[Analyze grammar]

nivārya tu raṇe droṇo yuyudhānaṃ mahāratham |
vivyādha niśitairbāṇaiḥ pañcabhirmarmabhedibhiḥ || 18 ||
[Analyze grammar]

sātyakistu raṇe droṇaṃ rājanvivyādha saptabhiḥ |
hemapuṅkhaiḥ śilādhautaiḥ kaṅkabarhiṇavājitaiḥ || 19 ||
[Analyze grammar]

taṃ ṣaḍbhiḥ sāyakairdroṇaḥ sāśvayantāramārdayat |
sa taṃ na mamṛṣe droṇaṃ yuyudhāno mahārathaḥ || 20 ||
[Analyze grammar]

siṃhanādaṃ tataḥ kṛtvā droṇaṃ vivyādha sātyakiḥ |
daśabhiḥ sāyakaiścānyaiḥ ṣaḍbhiraṣṭābhireva ca || 21 ||
[Analyze grammar]

yuyudhānaḥ punardroṇaṃ vivyādha daśabhiḥ śaraiḥ |
ekena sārathiṃ cāsya caturbhiścaturo hayān |
dhvajamekena bāṇena vivyādha yudhi māriṣa || 22 ||
[Analyze grammar]

taṃ droṇaḥ sāśvayantāraṃ sarathadhvajamāśugaiḥ |
tvaranprācchādayadbāṇaiḥ śalabhānāmiva vrajaiḥ || 23 ||
[Analyze grammar]

tathaiva yuyudhāno'pi droṇaṃ bahubhirāśugaiḥ |
prācchādayadasaṃbhrāntastato droṇa uvāca ha || 24 ||
[Analyze grammar]

tavācāryo raṇaṃ hitvā gataḥ kāpuruṣo yathā |
yudhyamānaṃ hi māṃ hitvā pradakṣiṇamavartata || 25 ||
[Analyze grammar]

tvaṃ hi me yudhyato nādya jīvanmokṣyasi mādhava |
yadi māṃ tvaṃ raṇe hitvā na yāsyācāryavaddrutam || 26 ||
[Analyze grammar]

sātyakiruvāca |
dhanaṃjayasya padavīṃ dharmarājasya śāsanāt |
gacchāmi svasti te brahmanna me kālātyayo bhavet || 27 ||
[Analyze grammar]

saṃjaya uvāca |
etāvaduktvā śaineya ācāryaṃ parivarjayan |
prayātaḥ sahasā rājansārathiṃ cedamabravīt || 28 ||
[Analyze grammar]

droṇaḥ kariṣyate yatnaṃ sarvathā mama vāraṇe |
yatto yāhi raṇe sūta śṛṇu cedaṃ vacaḥ param || 29 ||
[Analyze grammar]

etadālokyate sainyamāvantyānāṃ mahāprabham |
asyānantaratastvetaddākṣiṇātyaṃ mahābalam || 30 ||
[Analyze grammar]

tadanantarametacca bāhlikānāṃ balaṃ mahat |
bāhlikābhyāśato yuktaṃ karṇasyāpi mahadbalam || 31 ||
[Analyze grammar]

anyonyena hi sainyāni bhinnānyetāni sārathe |
anyonyaṃ samupāśritya na tyakṣyanti raṇājiram || 32 ||
[Analyze grammar]

etadantaramāsādya codayāśvānprahṛṣṭavat |
madhyamaṃ javamāsthāya vaha māmatra sārathe || 33 ||
[Analyze grammar]

bāhlikā yatra dṛśyante nānāpraharaṇodyatāḥ |
dākṣiṇātyāśca bahavaḥ sūtaputrapurogamāḥ || 34 ||
[Analyze grammar]

hastyaśvarathasaṃbādhaṃ yaccānīkaṃ vilokyate |
nānādeśasamutthaiśca padātibhiradhiṣṭhitam || 35 ||
[Analyze grammar]

etāvaduktvā yantāraṃ brahmāṇaṃ parivarjayan |
sa vyatīyāya yatrograṃ karṇasya sumahadbalam || 36 ||
[Analyze grammar]

taṃ droṇo'nuyayau kruddho vikiranviśikhānbahūn |
yuyudhānaṃ mahābāhuṃ gacchantamanivartinam || 37 ||
[Analyze grammar]

karṇasya sainyaṃ sumahadabhihatya śitaiḥ śaraiḥ |
prāviśadbhāratīṃ senāmaparyantāṃ sa sātyakiḥ || 38 ||
[Analyze grammar]

praviṣṭe yuyudhāne tu sainikeṣu druteṣu ca |
amarṣī kṛtavarmā tu sātyakiṃ paryavārayat || 39 ||
[Analyze grammar]

tamāpatantaṃ viśikhaiḥ ṣaḍbhirāhatya sātyakiḥ |
caturbhiścaturo'syāśvānājaghānāśu vīryavān || 40 ||
[Analyze grammar]

tataḥ punaḥ ṣoḍaśabhirnataparvabhirāśugaiḥ |
sātyakiḥ kṛtavarmāṇaṃ pratyavidhyatstanāntare || 41 ||
[Analyze grammar]

sa tudyamāno viśikhairbahubhistigmatejanaiḥ |
sātvatena mahārāja kṛtavarmā na cakṣame || 42 ||
[Analyze grammar]

sa vatsadantaṃ saṃdhāya jihmagānalasaṃnibham |
ākṛṣya rājannākarṇādvivyādhorasi sātyakim || 43 ||
[Analyze grammar]

sa tasya dehāvaraṇaṃ bhittvā dehaṃ ca sāyakaḥ |
sapatrapuṅkhaḥ pṛthivīṃ viveśa rudhirokṣitaḥ || 44 ||
[Analyze grammar]

athāsya bahubhirbāṇairacchinatparamāstravit |
samārgaṇaguṇaṃ rājankṛtavarmā śarāsanam || 45 ||
[Analyze grammar]

vivyādha ca raṇe rājansātyakiṃ satyavikramam |
daśabhirviśikhaistīkṣṇairabhikruddhaḥ stanāntare || 46 ||
[Analyze grammar]

tataḥ praśīrṇe dhanuṣi śaktyā śaktimatāṃ varaḥ |
abhyahandakṣiṇaṃ bāhuṃ sātyakiḥ kṛtavarmaṇaḥ || 47 ||
[Analyze grammar]

tato'nyatsudṛḍhaṃ vīro dhanurādāya sātyakiḥ |
vyasṛjadviśikhāṃstūrṇaṃ śataśo'tha sahasraśaḥ || 48 ||
[Analyze grammar]

sarathaṃ kṛtavarmāṇaṃ samantātparyavākirat |
chādayitvā raṇe'tyarthaṃ hārdikyaṃ tu sa sātyakiḥ || 49 ||
[Analyze grammar]

athāsya bhallena śiraḥ sāratheḥ samakṛntata |
sa papāta hataḥ sūto hārdikyasya mahārathāt |
tataste yantari hate prādravaṃsturagā bhṛśam || 50 ||
[Analyze grammar]

atha bhojastvasaṃbhrānto nigṛhya turagānsvayam |
tasthau śaradhanuṣpāṇistatsainyānyabhyapūjayan || 51 ||
[Analyze grammar]

sa muhūrtamivāśvasya sadaśvānsamacodayat |
vyapetabhīramitrāṇāmāvahatsumahadbhayam |
sātyakiścābhyagāttasmātsa tu bhīmamupādravat || 52 ||
[Analyze grammar]

yuyudhāno'pi rājendra droṇānīkādviniḥsṛtaḥ |
prayayau tvaritastūrṇaṃ kāmbojānāṃ mahācamūm || 53 ||
[Analyze grammar]

sa tatra bahubhiḥ śūraiḥ saṃniruddho mahārathaiḥ |
na cacāla tadā rājansātyakiḥ satyavikramaḥ || 54 ||
[Analyze grammar]

saṃdhāya ca camūṃ droṇo bhoje bhāraṃ niveśya ca |
anvadhāvadraṇe yatto yuyudhānaṃ yuyutsayā || 55 ||
[Analyze grammar]

tathā tamanudhāvantaṃ yuyudhānasya pṛṣṭhataḥ |
nyavārayanta saṃkruddhāḥ pāṇḍusainye bṛhattamāḥ || 56 ||
[Analyze grammar]

samāsādya tu hārdikyaṃ rathānāṃ pravaraṃ ratham |
pāñcālā vigatotsāhā bhīmasenapurogamāḥ |
vikramya vāritā rājanvīreṇa kṛtavarmaṇā || 57 ||
[Analyze grammar]

yatamānāṃstu tānsarvānīṣadvigatacetasaḥ |
abhitastāñśaraugheṇa klāntavāhānavārayat || 58 ||
[Analyze grammar]

nigṛhītāstu bhojena bhojānīkepsavo raṇe |
atiṣṭhannāryavadvīrāḥ prārthayanto mahadyaśaḥ || 59 ||
[Analyze grammar]