Chapter 86

saṃjaya uvāca |
prītiyuktaṃ ca hṛdyaṃ ca madhurākṣarameva ca |
kālayuktaṃ ca citraṃ ca svatayā cābhibhāṣitam || 1 ||
[Analyze grammar]

dharmarājasya tadvākyaṃ niśamya śinipuṃgavaḥ |
sātyakirbharataśreṣṭha pratyuvāca yudhiṣṭhiram || 2 ||
[Analyze grammar]

śrutaṃ te gadato vākyaṃ sarvametanmayācyuta |
nyāyayuktaṃ ca citraṃ ca phalgunārthe yaśaskaram || 3 ||
[Analyze grammar]

evaṃvidhe tathā kāle madṛśaṃ prekṣya saṃmatam |
vaktumarhasi rājendra yathā pārthaṃ tathaiva mām || 4 ||
[Analyze grammar]

na me dhanaṃjayasyārthe prāṇā rakṣyāḥ kathaṃcana |
tvatprayuktaḥ punarahaṃ kiṃ na kuryāṃ mahāhave || 5 ||
[Analyze grammar]

lokatrayaṃ yodhayeyaṃ sadevāsuramānuṣam |
tvatprayukto narendreha kimutaitatsudurbalam || 6 ||
[Analyze grammar]

suyodhanabalaṃ tvadya yodhayiṣye samantataḥ |
vijeṣye ca raṇe rājansatyametadbravīmi te || 7 ||
[Analyze grammar]

kuśalyahaṃ kuśalinaṃ samāsādya dhanaṃjayam |
hate jayadrathe rājanpunareṣyāmi te'ntikam || 8 ||
[Analyze grammar]

avaśyaṃ tu mayā sarvaṃ vijñāpyastvaṃ narādhipa |
vāsudevasya yadvākyaṃ phalgunasya ca dhīmataḥ || 9 ||
[Analyze grammar]

dṛḍhaṃ tvabhiparīto'hamarjunena punaḥ punaḥ |
madhye sarvasya sainyasya vāsudevasya śṛṇvataḥ || 10 ||
[Analyze grammar]

adya mādhava rājānamapramatto'nupālaya |
āryāṃ yuddhe matiṃ kṛtvā yāvaddhanmi jayadratham || 11 ||
[Analyze grammar]

tvayi vāhaṃ mahābāho pradyumne vā mahārathe |
nṛpaṃ nikṣipya gaccheyaṃ nirapekṣo jayadratham || 12 ||
[Analyze grammar]

jānīṣe hi raṇe droṇaṃ rabhasaṃ śreṣṭhasaṃmatam |
pratijñā cāpi te nityaṃ śrutā droṇasya mādhava || 13 ||
[Analyze grammar]

grahaṇaṃ dharmarājasya bhāradvājo'nugṛdhyati |
śaktaścāpi raṇe droṇo nigṛhītuṃ yudhiṣṭhiram || 14 ||
[Analyze grammar]

evaṃ tvayi samādhāya dharmarājaṃ narottamam |
ahamadya gamiṣyāmi saindhavasya vadhāya hi || 15 ||
[Analyze grammar]

jayadrathamahaṃ hatvā dhruvameṣyāmi mādhava |
dharmarājaṃ yathā droṇo nigṛhṇīyādraṇe balāt || 16 ||
[Analyze grammar]

nigṛhīte naraśreṣṭhe bhāradvājena mādhava |
saindhavasya vadho na syānmamāprītistathā bhavet || 17 ||
[Analyze grammar]

evaṃ gate naraśreṣṭha pāṇḍave satyavādini |
asmākaṃ gamanaṃ vyaktaṃ vanaṃ prati bhavetpunaḥ || 18 ||
[Analyze grammar]

so'yaṃ mama jayo vyaktaṃ vyartha eva bhaviṣyati |
yadi droṇo raṇe kruddho nigṛhṇīyādyudhiṣṭhiram || 19 ||
[Analyze grammar]

sa tvamadya mahābāho priyārthaṃ mama mādhava |
jayārthaṃ ca yaśorthaṃ ca rakṣa rājānamāhave || 20 ||
[Analyze grammar]

sa bhavānmayi nikṣepo nikṣiptaḥ savyasācinā |
bhāradvājādbhayaṃ nityaṃ paśyamānena te prabho || 21 ||
[Analyze grammar]

tasyāpi ca mahābāho nityaṃ paśyati saṃyuge |
nānyaṃ hi pratiyoddhāraṃ raukmiṇeyādṛte prabho |
māṃ vāpi manyate yuddhe bhāradvājasya dhīmataḥ || 22 ||
[Analyze grammar]

so'haṃ saṃbhāvanāṃ caitāmācāryavacanaṃ ca tat |
pṛṣṭhato notsahe kartuṃ tvāṃ vā tyaktuṃ mahīpate || 23 ||
[Analyze grammar]

ācāryo laghuhastatvādabhedyakavacāvṛtaḥ |
upalabhya raṇe krīḍedyathā śakuninā śiśuḥ || 24 ||
[Analyze grammar]

yadi kārṣṇirdhanuṣpāṇiriha syānmakaradhvajaḥ |
tasmai tvāṃ visṛjeyaṃ vai sa tvāṃ rakṣedyathārjunaḥ || 25 ||
[Analyze grammar]

kuru tvamātmano guptiṃ kaste goptā gate mayi |
yaḥ pratīyādraṇe droṇaṃ yāvadgacchāmi pāṇḍavam || 26 ||
[Analyze grammar]

mā ca te bhayamadyāstu rājannarjunasaṃbhavam |
na sa jātu mahābāhurbhāramudyamya sīdati || 27 ||
[Analyze grammar]

ye ca sauvīrakā yodhāstathā saindhavapauravāḥ |
udīcyā dākṣiṇātyāśca ye cānye'pi mahārathāḥ || 28 ||
[Analyze grammar]

ye ca karṇamukhā rājanrathodārāḥ prakīrtitāḥ |
ete'rjunasya kruddhasya kalāṃ nārhanti ṣoḍaśīm || 29 ||
[Analyze grammar]

udyuktā pṛthivī sarvā sasurāsuramānuṣā |
sarākṣasagaṇā rājansakiṃnaramahoragā || 30 ||
[Analyze grammar]

jaṅgamāḥ sthāvaraiḥ sārdhaṃ nālaṃ pārthasya saṃyuge |
evaṃ jñātvā mahārāja vyetu te bhīrdhanaṃjaye || 31 ||
[Analyze grammar]

yatra vīrau maheṣvāsau kṛṣṇau satyaparākramau |
na tatra karmaṇo vyāpatkathaṃcidapi vidyate || 32 ||
[Analyze grammar]

daivaṃ kṛtāstratāṃ yogamamarṣamapi cāhave |
kṛtajñatāṃ dayāṃ caiva bhrātustvamanucintaya || 33 ||
[Analyze grammar]

mayi cāpyapayāte vai gacchamāne'rjunaṃ prati |
droṇe citrāstratāṃ saṃkhye rājaṃstvamanucintaya || 34 ||
[Analyze grammar]

ācāryo hi bhṛśaṃ rājannigrahe tava gṛdhyati |
pratijñāmātmano rakṣansatyāṃ kartuṃ ca bhārata || 35 ||
[Analyze grammar]

kuruṣvādyātmano guptiṃ kaste goptā gate mayi |
yasyāhaṃ pratyayātpārtha gaccheyaṃ phalgunaṃ prati || 36 ||
[Analyze grammar]

na hyahaṃ tvā mahārāja anikṣipya mahāhave |
kvacidyāsyāmi kauravya satyametadbravīmi te || 37 ||
[Analyze grammar]

etadvicārya bahuśo buddhyā buddhimatāṃ vara |
dṛṣṭvā śreyaḥ paraṃ buddhyā tato rājanpraśādhi mām || 38 ||
[Analyze grammar]

yudhiṣṭhira uvāca |
evametanmahābāho yathā vadasi mādhava |
na tu me śudhyate bhāvaḥ śvetāśvaṃ prati māriṣa || 39 ||
[Analyze grammar]

kariṣye paramaṃ yatnamātmano rakṣaṇaṃ prati |
gaccha tvaṃ samanujñāto yatra yāto dhanaṃjayaḥ || 40 ||
[Analyze grammar]

ātmasaṃrakṣaṇaṃ saṃkhye gamanaṃ cārjunaṃ prati |
vicāryaitaddvayaṃ buddhyā gamanaṃ tatra rocaye || 41 ||
[Analyze grammar]

sa tvamātiṣṭha yānāya yatra yāto dhanaṃjayaḥ |
mamāpi rakṣaṇaṃ bhīmaḥ kariṣyati mahābalaḥ || 42 ||
[Analyze grammar]

pārṣataśca sasodaryaḥ pārthivāśca mahābalāḥ |
draupadeyāśca māṃ tāta rakṣiṣyanti na saṃśayaḥ || 43 ||
[Analyze grammar]

kekayā bhrātaraḥ pañca rākṣasaśca ghaṭotkacaḥ |
virāṭo drupadaścaiva śikhaṇḍī ca mahārathaḥ || 44 ||
[Analyze grammar]

dhṛṣṭaketuśca balavānkuntibhojaśca māriṣa |
nakulaḥ sahadevaśca pāñcālāḥ sṛñjayāstathā |
ete samāhitāstāta rakṣiṣyanti na saṃśayaḥ || 45 ||
[Analyze grammar]

na droṇaḥ saha sainyena kṛtavarmā ca saṃyuge |
samāsādayituṃ śakto na ca māṃ dharṣayiṣyati || 46 ||
[Analyze grammar]

dhṛṣṭadyumnaśca samare droṇaṃ kruddhaṃ paraṃtapaḥ |
vārayiṣyati vikramya veleva makarālayam || 47 ||
[Analyze grammar]

yatra sthāsyati saṃgrāme pārṣataḥ paravīrahā |
na droṇasainyaṃ balavatkrāmettatra kathaṃcana || 48 ||
[Analyze grammar]

eṣa droṇavināśāya samutpanno hutāśanāt |
kavacī sa śarī khaḍgī dhanvī ca varabhūṣaṇaḥ || 49 ||
[Analyze grammar]

viśrabdho gaccha śaineya mā kārṣīrmayi saṃbhramam |
dhṛṣṭadyumno raṇe kruddho droṇamāvārayiṣyati || 50 ||
[Analyze grammar]