Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

dhṛtarāṣṭra uvāca |
arjune saindhavaṃ prāpte bhāradvājena saṃvṛtāḥ |
pāñcālāḥ kurubhiḥ sārdhaṃ kimakurvata saṃjaya || 1 ||
[Analyze grammar]

saṃjaya uvāca |
aparāhṇe mahārāja saṃgrāme lomaharṣaṇe |
pāñcālānāṃ kurūṇāṃ ca droṇe dyūtamavartata || 2 ||
[Analyze grammar]

pāñcālā hi jighāṃsanto droṇaṃ saṃhṛṣṭacetasaḥ |
abhyavarṣanta garjantaḥ śaravarṣāṇi māriṣa || 3 ||
[Analyze grammar]

tataḥ sutumulasteṣāṃ saṃgrāmo'vartatādbhutaḥ |
pāñcālānāṃ kurūṇāṃ ca ghoro devāsuropamaḥ || 4 ||
[Analyze grammar]

sarve droṇarathaṃ prāpya pāñcālāḥ pāṇḍavaiḥ saha |
tadanīkaṃ bibhitsanto mahāstrāṇi vyadarśayan || 5 ||
[Analyze grammar]

droṇasya rathaparyantaṃ rathino rathamāsthitāḥ |
kampayanto'bhyavartanta vegamāsthāya madhyamam || 6 ||
[Analyze grammar]

tamabhyagādbṛhatkṣatraḥ kekayānāṃ mahārathaḥ |
pravapanniśitānbāṇānmahendrāśanisaṃnibhān || 7 ||
[Analyze grammar]

taṃ tu pratyudiyācchīghraṃ kṣemadhūrtirmahāyaśāḥ |
vimuñcanniśitānbāṇāñśataśo'tha sahasraśaḥ || 8 ||
[Analyze grammar]

dhṛṣṭaketuśca cedīnāmṛṣabho'tibaloditaḥ |
tvarito'bhyadravaddroṇaṃ mahendra iva śambaram || 9 ||
[Analyze grammar]

tamāpatantaṃ sahasā vyāditāsyamivāntakam |
vīradhanvā maheṣvāsastvaramāṇaḥ samabhyayāt || 10 ||
[Analyze grammar]

yudhiṣṭhiraṃ mahārāja jigīṣuṃ samavasthitam |
sahānīkaṃ tato droṇo nyavārayata vīryavān || 11 ||
[Analyze grammar]

nakulaṃ kuśalaṃ yuddhe parākrāntaṃ parākramī |
abhyagacchatsamāyāntaṃ vikarṇaste sutaḥ prabho || 12 ||
[Analyze grammar]

sahadevaṃ tathāyāntaṃ durmukhaḥ śatrukarśanaḥ |
śarairanekasāhasraiḥ samavākiradāśugaiḥ || 13 ||
[Analyze grammar]

sātyakiṃ tu naravyāghraṃ vyāghradattastvavārayat |
śaraiḥ suniśitaistīkṣṇaiḥ kampayanvai muhurmuhuḥ || 14 ||
[Analyze grammar]

draupadeyānnaravyāghrānmuñcataḥ sāyakottamān |
saṃrabdhānrathināṃ śreṣṭhānsaumadattiravārayat || 15 ||
[Analyze grammar]

bhīmasenaṃ tathā kruddhaṃ bhīmarūpo bhayānakam |
pratyavārayadāyāntamārṣyaśṛṅgirmahārathaḥ || 16 ||
[Analyze grammar]

tayoḥ samabhavadyuddhaṃ nararākṣasayormṛdhe |
yādṛgeva purā vṛttaṃ rāmarāvaṇayornṛpa || 17 ||
[Analyze grammar]

tato yudhiṣṭhiro droṇaṃ navatyā nataparvaṇām |
ājaghne bharataśreṣṭha sarvamarmasu bhārata || 18 ||
[Analyze grammar]

taṃ droṇaḥ pañcaviṃśatyā nijaghāna stanāntare |
roṣito bharataśreṣṭha kaunteyena yaśasvinā || 19 ||
[Analyze grammar]

bhūya eva tu viṃśatyā sāyakānāṃ samācinot |
sāśvasūtadhvajaṃ droṇaḥ paśyatāṃ sarvadhanvinām || 20 ||
[Analyze grammar]

tāñśarāndroṇamuktāṃstu śaravarṣeṇa pāṇḍavaḥ |
avārayata dharmātmā darśayanpāṇilāghavam || 21 ||
[Analyze grammar]

tato droṇo bhṛśaṃ kruddho dharmarājasya saṃyuge |
ciccheda sahasā dhanvī dhanustasya mahātmanaḥ || 22 ||
[Analyze grammar]

athainaṃ chinnadhanvānaṃ tvaramāṇo mahārathaḥ |
śarairanekasāhasraiḥ purayāmāsa sarvataḥ || 23 ||
[Analyze grammar]

adṛśyaṃ dṛśya rājānaṃ bhāradvājasya sāyakaiḥ |
sarvabhūtānyamanyanta hatameva yudhiṣṭhiram || 24 ||
[Analyze grammar]

keciccainamamanyanta tathā vai vimukhīkṛtam |
hṛto rājeti rājendra brāhmaṇena yaśasvinā || 25 ||
[Analyze grammar]

sa kṛcchraṃ paramaṃ prāpto dharmarājo yudhiṣṭhiraḥ |
tyaktvā tatkārmukaṃ chinnaṃ bhāradvājena saṃyuge |
ādade'nyaddhanurdivyaṃ bhāraghnaṃ vegavattaram || 26 ||
[Analyze grammar]

tatastānsāyakānsarvāndroṇamuktānsahasraśaḥ |
ciccheda samare vīrastadadbhutamivābhavat || 27 ||
[Analyze grammar]

chittvā ca tāñśarānrājā krodhasaṃraktalocanaḥ |
śaktiṃ jagrāha samare girīṇāmapi dāraṇīm |
svarṇadaṇḍāṃ mahāghorāmaṣṭaghaṇṭāṃ bhayāvahām || 28 ||
[Analyze grammar]

samutkṣipya ca tāṃ hṛṣṭo nanāda balavadbalī |
nādena sarvabhūtāni trāsayanniva bhārata || 29 ||
[Analyze grammar]

śaktiṃ samudyatāṃ dṛṣṭvā dharmarājena saṃyuge |
svasti droṇāya sahasā sarvabhūtānyathābruvan || 30 ||
[Analyze grammar]

sā rājabhujanirmuktā nirmuktoragasaṃnibhā |
prajvālayantī gaganaṃ diśaśca vidiśastathā |
droṇāntikamanuprāptā dīptāsyā pannagī yathā || 31 ||
[Analyze grammar]

tāmāpatantīṃ sahasā prekṣya droṇo viśāṃ pate |
prāduścakre tato brāhmamastramastravidāṃ varaḥ || 32 ||
[Analyze grammar]

tadastraṃ bhasmasātkṛtvā tāṃ śaktiṃ ghoradarśanām |
jagāma syandanaṃ tūrṇaṃ pāṇḍavasya yaśasvinaḥ || 33 ||
[Analyze grammar]

tato yudhiṣṭhiro rājā droṇāstraṃ tatsamudyatam |
aśāmayanmahāprājño brahmāstreṇaiva bhārata || 34 ||
[Analyze grammar]

vivyādha ca raṇe droṇaṃ pañcabhirnataparvabhiḥ |
kṣurapreṇa ca tīkṣṇena cicchedāsya mahaddhanuḥ || 35 ||
[Analyze grammar]

tadapāsya dhanuśchinnaṃ droṇaḥ kṣatriyamardanaḥ |
gadāṃ cikṣepa sahasā dharmaputrāya māriṣa || 36 ||
[Analyze grammar]

tāmāpatantīṃ sahasā gadāṃ dṛṣṭvā yudhiṣṭhiraḥ |
gadāmevāgrahītkruddhaścikṣepa ca paraṃtapaḥ || 37 ||
[Analyze grammar]

te gade sahasā mukte samāsādya parasparam |
saṃgharṣātpāvakaṃ muktvā sameyātāṃ mahītale || 38 ||
[Analyze grammar]

tato droṇo bhṛśaṃ kruddho dharmarājasya māriṣa |
caturbhirniśitaistīkṣṇairhayāñjaghne śarottamaiḥ || 39 ||
[Analyze grammar]

dhanuścaikena bāṇena cicchedendradhvajopamam |
ketumekena ciccheda pāṇḍavaṃ cārdayattribhiḥ || 40 ||
[Analyze grammar]

hatāśvāttu rathāttūrṇamavaplutya yudhiṣṭhiraḥ |
tasthāvūrdhvabhujo rājā vyāyudho bharatarṣabha || 41 ||
[Analyze grammar]

virathaṃ taṃ samālokya vyāyudhaṃ ca viśeṣataḥ |
droṇo vyamohayacchatrūnsarvasainyāni cābhibho || 42 ||
[Analyze grammar]

muñcanniṣugaṇāṃstīkṣṇāṃllaghuhasto dṛḍhavrataḥ |
abhidudrāva rājānaṃ siṃho mṛgamivolbaṇaḥ || 43 ||
[Analyze grammar]

tamabhidrutamālokya droṇenāmitraghātinā |
hā heti sahasā śabdaḥ pāṇḍūnāṃ samajāyata || 44 ||
[Analyze grammar]

hṛto rājā hṛto rājā bhāradvājena māriṣa |
ityāsītsumahāñśabdaḥ pāṇḍusainyasya sarvataḥ || 45 ||
[Analyze grammar]

tatastvaritamāruhya sahadevarathaṃ nṛpaḥ |
apāyājjavanairaśvaiḥ kuntīputro yudhiṣṭhiraḥ || 46 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 81

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: