Chapter 35

saṃjaya uvāca |
saubhadrastu vacaḥ śrutvā dharmarājasya dhīmataḥ |
acodayata yantāraṃ droṇānīkāya bhārata || 1 ||
[Analyze grammar]

tena saṃcodyamānastu yāhi yāhīti sārathiḥ |
pratyuvāca tato rājannabhimanyumidaṃ vacaḥ || 2 ||
[Analyze grammar]

atibhāro'yamāyuṣmannāhitastvayi pāṇḍavaiḥ |
saṃpradhārya kṣamaṃ buddhyā tatastvaṃ yoddhumarhasi || 3 ||
[Analyze grammar]

ācāryo hi kṛtī droṇaḥ paramāstre kṛtaśramaḥ |
atyantasukhasaṃvṛddhastvaṃ ca yuddhaviśāradaḥ || 4 ||
[Analyze grammar]

tato'bhimanyuḥ prahasansārathiṃ vākyamabravīt |
sārathe ko nvayaṃ droṇaḥ samagraṃ kṣatrameva vā || 5 ||
[Analyze grammar]

airāvatagataṃ śakraṃ sahāmaragaṇairaham |
yodhayeyaṃ raṇamukhe na me kṣatre'dya vismayaḥ |
na mamaitaddviṣatsainyaṃ kalāmarhati ṣoḍaśīm || 6 ||
[Analyze grammar]

api viśvajitaṃ viṣṇuṃ mātulaṃ prāpya sūtaja |
pitaraṃ cārjunaṃ saṃkhye na bhīrmāmupayāsyati || 7 ||
[Analyze grammar]

tato'bhimanyustāṃ vācaṃ kadarthīkṛtya sāratheḥ |
yāhītyevābravīdenaṃ droṇānīkāya māciram || 8 ||
[Analyze grammar]

tataḥ saṃcodayāmāsa hayānasya trihāyanān |
nātihṛṣṭamanāḥ sūto hemabhāṇḍaparicchadān || 9 ||
[Analyze grammar]

te preṣitāḥ sumitreṇa droṇānīkāya vājinaḥ |
droṇamabhyadravanrājanmahāvegaparākramāḥ || 10 ||
[Analyze grammar]

tamudīkṣya tathāyāntaṃ sarve droṇapurogamāḥ |
abhyavartanta kauravyāḥ pāṇḍavāśca tamanvayuḥ || 11 ||
[Analyze grammar]

sa karṇikārapravarocchritadhvajaḥ suvarṇavarmārjunirarjunādvaraḥ |
yuyutsayā droṇamukhānmahārathānsamāsadatsiṃhaśiśuryathā gajān || 12 ||
[Analyze grammar]

te viṃśatipade yattāḥ saṃprahāraṃ pracakrire |
āsīdgāṅga ivāvarto muhūrtamudadheriva || 13 ||
[Analyze grammar]

śūrāṇāṃ yudhyamānānāṃ nighnatāmitaretaram |
saṃgrāmastumulo rājanprāvartata sudāruṇaḥ || 14 ||
[Analyze grammar]

pravartamāne saṃgrāme tasminnatibhayaṃkare |
droṇasya miṣato vyūhaṃ bhittvā prāviśadārjuniḥ || 15 ||
[Analyze grammar]

taṃ praviṣṭaṃ parānghnantaṃ śatrumadhye mahābalam |
hastyaśvarathapattyaughāḥ parivavrurudāyudhāḥ || 16 ||
[Analyze grammar]

nānāvāditraninadaiḥ kṣveḍitotkruṣṭagarjitaiḥ |
huṃkāraiḥ siṃhanādaiśca tiṣṭha tiṣṭheti nisvanaiḥ || 17 ||
[Analyze grammar]

ghorairhalahalāśabdairmā gāstiṣṭhaihi māmiti |
asāvahamamutreti pravadanto muhurmuhuḥ || 18 ||
[Analyze grammar]

bṛṃhitaiḥ śiñjitairhāsaiḥ khuranemisvanairapi |
saṃnādayanto vasudhāmabhidudruvurārjunim || 19 ||
[Analyze grammar]

teṣāmāpatatāṃ vīraḥ pūrvaṃ śīghramatho dṛḍham |
kṣiprāstro nyavadhīdvrātānmarmajño marmabhedibhiḥ || 20 ||
[Analyze grammar]

te hanyamānāśca tathā nānāliṅgaiḥ śitaiḥ śaraiḥ |
abhipetustamevājau śalabhā iva pāvakam || 21 ||
[Analyze grammar]

tatasteṣāṃ śarīraiśca śarīrāvayavaiśca saḥ |
saṃtastāra kṣitiṃ kṣipraṃ kuśairvedimivādhvare || 22 ||
[Analyze grammar]

baddhagodhāṅgulitrāṇānsaśarāvarakārmukān |
sāsicarmāṅkuśābhīśūnsatomaraparaśvadhān || 23 ||
[Analyze grammar]

saguḍāyomukhaprāsānsarṣṭitomarapaṭṭiśān |
sabhiṇḍipālaparighānsaśaktivarakampanān || 24 ||
[Analyze grammar]

sapratodamahāśaṅkhānsakuntānsakacagrahān |
samudgarakṣepaṇīyānsapāśaparighopalān || 25 ||
[Analyze grammar]

sakeyūrāṅgadānbāhūnhṛdyagandhānulepanān |
saṃcicchedārjunirvṛttāṃstvadīyānāṃ sahasraśaḥ || 26 ||
[Analyze grammar]

taiḥ sphuradbhirmahārāja śuśubhe lohitokṣitaiḥ |
pañcāsyaiḥ pannagaiśchinnairgaruḍeneva māriṣa || 27 ||
[Analyze grammar]

sunāsānanakeśāntairavraṇaiścārukuṇḍalaiḥ |
saṃdaṣṭauṣṭhapuṭaiḥ krodhātkṣaradbhiḥ śoṇitaṃ bahu || 28 ||
[Analyze grammar]

cārusraṅmukuṭoṣṇīṣairmaṇiratnavirājitaiḥ |
vinālanalinākārairdivākaraśaśiprabhaiḥ || 29 ||
[Analyze grammar]

hitapriyaṃvadaiḥ kāle bahubhiḥ puṇyagandhibhiḥ |
dviṣacchirobhiḥ pṛthivīmavatastāra phālguṇiḥ || 30 ||
[Analyze grammar]

gandharvanagarākārānvidhivatkalpitānrathān |
vīṣāmukhānvitriveṇūnvyastadaṇḍakabandhurān || 31 ||
[Analyze grammar]

vijaṅghakūbarākṣāṃśca vinemīnanarānapi |
vicakropaskaropasthānbhagnopakaraṇānapi || 32 ||
[Analyze grammar]

praśātitopakaraṇānhatayodhānsahasraśaḥ |
śarairviśakalīkurvandikṣu sarvāsvadṛśyata || 33 ||
[Analyze grammar]

punardvipāndvipārohānvaijayantyaṅkuśadhvajān |
tūṇānvarmāṇyatho kakṣyā graiveyānatha kambalān || 34 ||
[Analyze grammar]

ghaṇṭāḥ śuṇḍānviṣāṇāgrānkṣurapālānpadānugān |
śarairniśitadhārāgraiḥ śātravāṇāmaśātayat || 35 ||
[Analyze grammar]

vanāyujānpārvatīyānkāmbojāraṭṭabāhlikān |
sthiravāladhikarṇākṣāñjavanānsādhuvāhinaḥ || 36 ||
[Analyze grammar]

svārūḍhāñśikṣitairyodhaiḥ śaktyṛṣṭiprāsayodhibhiḥ |
vidhvastacāmarakuthānviprakīrṇaprakīrṇakān || 37 ||
[Analyze grammar]

nirastajihvānayanānniṣkīrṇāntrayakṛdghanān |
hatārohānbhinnabhāṇḍānkravyādagaṇamodanān || 38 ||
[Analyze grammar]

nikṛttavarmakavacāñśakṛnmūtrāsṛgāplutān |
nipātayannaśvavarāṃstāvakānso'bhyarocata || 39 ||
[Analyze grammar]

eko viṣṇurivācintyaḥ kṛtvā prākkarma duṣkaram |
tathā vimathitaṃ tena tryaṅgaṃ tava balaṃ mahat |
vyahanatsa padātyoghāṃstvadīyāneva bhārata || 40 ||
[Analyze grammar]

evamekena tāṃ senāṃ saubhadreṇa śitaiḥ śaraiḥ |
bhṛśaṃ viprahatāṃ dṛṣṭvā skandenevāsurīṃ camūm || 41 ||
[Analyze grammar]

tvadīyāstava putrāśca vīkṣamāṇā diśo daśa |
saṃśuṣkāsyāścalannetrāḥ prasvinnā lomaharṣaṇāḥ || 42 ||
[Analyze grammar]

palāyanakṛtotsāhā nirutsāhā dviṣajjaye |
gotranāmabhiranyonyaṃ krandanto jīvitaiṣiṇaḥ || 43 ||
[Analyze grammar]

hatānputrāṃstathā pitṝnsuhṛtsaṃbandhibāndhavān |
prātiṣṭhanta samutsṛjya tvarayanto hayadvipān || 44 ||
[Analyze grammar]