Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 90 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīpadmāvatīprajñe procatuḥ |
kṛṣṇanārāyaṇasvāmina sarvoddhāraparāyaṇa |
saṃsārakardamasthānāmuddhārako'si vai prabho || 1 ||
[Analyze grammar]

yeṣāṃ jñānaṃ na vā dhyānaṃ na japo neṣṭadevatā |
na gururna makho dharmaḥ kintu pāpāni santi vai || 2 ||
[Analyze grammar]

na satsaṃgo vrataṃ nāsti na tīrthaṃ viprabhojanam |
na sādhubhojanaṃ kṛṣṇapūjanaṃ nāsti vai tathā || 3 ||
[Analyze grammar]

teṣāṃ saṃsāramagnānāṃ samuddhārāya sādhanam |
mokṣadaṃ pāpanāśārthaṃ sugamaṃ yad vadasva nau || 4 ||
[Analyze grammar]

śrīkṛṣṇanārāyaṇa uvāca |
śṛṇutaṃ mādhavi sādhvi prajñe saṃsārimuktaye |
pāpināṃ pāpanāśārthaṃ sādhanaṃ gopradānakam || 5 ||
[Analyze grammar]

gṛhāśramastu pāpāḍhyo godānaṃ pāpanāśakam |
uddhārakaṃ yamadūtabhayāt saṃrakṣakaṃ sadā || 6 ||
[Analyze grammar]

pitruddhārakaraṃ svargapradaṃ vaṃśapradaṃ tathā |
sampatpradaṃ hi godānaṃ mokṣadaṃ sadgatipradam || 7 ||
[Analyze grammar]

yena nā'nyat kṛtaṃ puṇyaṃ kartavyaṃ gopradānakam |
godānena prajāyante samagrā iṣṭasiddhayaḥ || 8 ||
[Analyze grammar]

godānaṃ pṛthivīdānaṃ pṛthivī gosvarūpiṇī |
godānaṃ śrīkṛṣṇadānaṃ dhenuḥ kṛṣṇapriyā sadā || 9 ||
[Analyze grammar]

godānaṃ yajñapuṇyādipradaṃ gauryajñarūpiṇī |
godānaṃ śrīramādānaṃ gaurhi lakṣmīsvarūpiṇī || 10 ||
[Analyze grammar]

godānaṃ tu sarvarasapradānaṃ dugdhadā hi gauḥ |
gaurmātā sarvalokānāṃ payobhiḥ poṣaṇapradā || 11 ||
[Analyze grammar]

dātavyā sarvathā dāne dogdhrī vatsatarīyutā |
gurave sā pradātavyā vaiṣṇavāya tu sādhave || 12 ||
[Analyze grammar]

viprāya sā pradātavyā makhine'tithisevine |
aṅgane yajamānastu snātaḥ kṛtābhivandanaḥ || 13 ||
[Analyze grammar]

yāyād goṣṭhaṃ makhadvāraṃ devālayaṃ maṭhaṃ satām |
tīrthaṃ yāyāt prakuryādvai śuddhyarthaṃ tīrthavāriṇā || 14 ||
[Analyze grammar]

ācamanatrayaṃ netre jalasparśaṃ tathā''caret |
hastapādau ālayecca dakṣe kare jalaṃ śubham || 15 ||
[Analyze grammar]

gṛhṇīyād deśakālādi puṇyāhaṃ vācayettataḥ |
gururdānasya saṃkalpaṃ kuryācca kārayettathā || 16 ||
[Analyze grammar]

jalaṃ bhūmau pramucyā'tha namaḥ kuryāt payasvatīm |
savatsikāṃ mātaraṃ gāṃ punarjalaṃ kare nyaset || 17 ||
[Analyze grammar]

dharmārthakāmamokṣārthaṃ nijasambandhināṃ tathā |
kuṭumbināṃ ca saukhyārthaṃ karomi gopradānakam || 18 ||
[Analyze grammar]

ityuktvā tajjalaṃ pṛthvyāṃ muñced varuṇasākṣikam |
namaskuryācca gāṃ paścāt kare dhṛtvā tu kuṃkumam || 19 ||
[Analyze grammar]

yajamāno vadet sveṣṭasiddhyarthaṃ gosamīpataḥ |
ārogyārthaṃ sampadarthaṃ putrapautrādisiddhaye || 20 ||
[Analyze grammar]

vaṃśavistārasaukhyārthaṃ saukhyārthaṃ yaśase tathā |
tāpatrayavināśārthaṃ dharmārthaṃ mokṣahetave || 21 ||
[Analyze grammar]

sarvaśatruvināśārthaṃ nirvighnakāryasiddhaye |
pretānāṃ mama muktyarthaṃ sarvapāpādiśāntaye || 22 ||
[Analyze grammar]

sarvakleśavināśārthaṃ puṇyārthaṃ goprapūjanam |
dhenudānāṃgabhūtaṃ vai karomi kuṃkumādibhiḥ || 23 ||
[Analyze grammar]

binduṃ bhāle kuṃkumena karomi candanādibhiḥ |
mama saubhāgyasiddhyarthaṃ karomi tilakaṃ tu goḥ || 24 ||
[Analyze grammar]

mama kuṭumbisaukhyārthaṃ pūjāṃ karomi cākṣataiḥ |
mama puṇyasya lābhārthaṃ dīpaṃ dhūpaṃ karomi ca || 25 ||
[Analyze grammar]

mama sampatpravṛddhyarthaṃ gave bhakṣyaṃ dadāmi ca |
mama svargasya siddhyarthaṃ gave vāri dadāmi ca || 26 ||
[Analyze grammar]

pitruddhārāya ca gave guḍaṃ miṣṭaṃ dadāmi ca |
navasasyāni bījāni kārpāsasya dadāmi ca || 27 ||
[Analyze grammar]

vastraṃ prāvaraṇaṃ pṛṣṭhe dadāmi jhullarīṃ śubhām |
mālyaṃ mālāṃ puṣpamālāṃ svarṇamālāṃ dadāmi ca || 28 ||
[Analyze grammar]

ambaraṃ ca vibhūṣāśca gave dadāmi śṛṅgayoḥ |
svarṇaśṛṅge rūpyakhurāḥ khureṣu pradadāmi ca || 29 ||
[Analyze grammar]

dohanaṃ tāmrapātraṃ ca śṛṅkhalāṃ pradadāmi ca |
suvarṇaghaṇṭikāyuktaṃ hāraṃ kaṇṭhe dadāmi ca || 30 ||
[Analyze grammar]

bhakṣyapātraṃ pānapātraṃ dohapātraṃ dadāmi ca |
gavāṃ kharjananāśārthaṃ kharjakaṃ pradadāmi ca || 31 ||
[Analyze grammar]

devagurvoḥ pratuṣṭyarthaṃ dakṣiṇāṃ pradadāmi ca |
gulālābīrakuṃkumā'kṣataiḥ prapūjayāmi gām || 32 ||
[Analyze grammar]

patraiḥ puṣpaiḥ phalaiścāpi tulasīpatrakaistathā |
pūjayāmi prakaromi pradakṣiṇacatuṣṭayam || 33 ||
[Analyze grammar]

pṛthvīpradakṣiṇatulyaṃ cārthayāmi sukhāptaye |
namo'stu brahmamūrtibhyo viśvamātṛbhya oṃnamaḥ || 34 ||
[Analyze grammar]

lokādhivāsinībhyaśca rohiṇībhyaśca vai namaḥ |
gavāmaṅgeṣu tiṣṭhanti sarve devāstatheśvarāḥ || 35 ||
[Analyze grammar]

avatārāśca pitarastiṣṭhanti śrīramādikāḥ |
golalāṭe gaṇeśo'sti gaṇeśaṃ praṇamāmyaham || 36 ||
[Analyze grammar]

gośṛṃgayostu goloko vaikuṇḍastau namāmyaham |
gonetrayoḥ sūryacandrau vasatastau namāmyaham || 37 ||
[Analyze grammar]

vaiśvānaro'sti dhenvāsye vaiśvānaraṃ namāmyaham |
godanteṣu grahāḥ sarve grahān sarvānnamāmyaham || 38 ||
[Analyze grammar]

gonasoraśvinīputrau kumārau tau namāmyaham |
gavoṣṭhayornāradastumburustau praṇamāmyaham || 39 ||
[Analyze grammar]

gokarṇayornaranārāyaṇau tau praṇamāmyaham |
gojivhāyāṃ śāradā'sti śāradāṃ praṇamāmyaham || 40 ||
[Analyze grammar]

gokaṇṭhe praṇavaścāsti oṃkāraṃ praṇamāmyaham |
brahmā gale kambale tu sāvitrī tau namāmyaham || 41 ||
[Analyze grammar]

śaṃbhuḥ kakudi skandhe tu śivā tau praṇamāmyaham |
viṣṇurhṛdaye lakṣmīśca śakṛti tau namāmyaham || 42 ||
[Analyze grammar]

mūtre gaṅgā yamunā ca sarasvatī namāmi tāḥ |
pucche tu pitaraḥ santi pitṝn sarvānnamāmyaham || 43 ||
[Analyze grammar]

pṛṣṭhavaṃśe tu ṛṣayaḥ ṛṣīn sarvānnamāmyaham |
pārśveṣu devatāḥ santi devatāstā namāmyaham || 44 ||
[Analyze grammar]

romasu sādhavaḥ siddhā vasanti tānnamāmyaham |
pucche śeṣaśca viṣṇuḥ śrīstān sarvān praṇamāmyaham || 45 ||
[Analyze grammar]

pucchānte sarvatīrthāni tīrthāni praṇamāmyaham |
udare lokapālāśca lokapālānnamāmyaham || 46 ||
[Analyze grammar]

oghasyamṛtasarvasvaṃ brahmāmṛtaṃ namāmyaham |
staneṣu sāgarāḥ sarve rādhāputrānnamāmyaham || 47 ||
[Analyze grammar]

vakṣo'gre tu brahmahrado brahma tatpraṇamāmyaham |
pādeṣu pārṣadā viṣṇostān sarvān praṇamāmyaham || 48 ||
[Analyze grammar]

khureṣu tu makhāḥ sarve tān yajñān praṇamāmyaham |
goṣṭhaṃ brahmā'kṣaraṃ dhāma gosthalīṃ praṇamāmyaham || 49 ||
[Analyze grammar]

godhūlirjaṃgamaṃ tīrthaṃ dhūliṃ mūrdhni vahāmyaham |
gotakraṃ goghṛtaṃ dhenukṣīraṃ gorasamityapi || 50 ||
[Analyze grammar]

gonavanītamevāpi brahmapīyūṣapañcakam |
dāne dadāmi tatsarvaṃ tṛpyantāṃ pitaraḥ surāḥ || 51 ||
[Analyze grammar]

rohiṇyo dogdhrya īśvaryo mātaraḥ pāntu māṃ sadā |
gāvo mamā'grataḥ santu gāvaḥ santu ca pṛṣṭhataḥ || 52 ||
[Analyze grammar]

gāvaḥ śirasi me nityaṃ gavāṃ madhye vasāmyaham |
vatsatarī bhaktirūpā vatso dharmaḥ sanātanaḥ || 53 ||
[Analyze grammar]

kṛṣṇaśaṃbhupriyau pātāṃ māṃ sadā sakuṭumbakam |
svargaṃ satyaṃ ca vairājaṃ bhaumaṃ vaikuṇṭhamuttamam || 54 ||
[Analyze grammar]

śrīpuraṃ cāmṛtaṃ cāvyākṛtaṃ golokamakṣaram |
brahmadhāma ca me gāvo dadatveva ca sampadaḥ || 55 ||
[Analyze grammar]

tvaṃ devi sarvadevānāṃ vāsarūpā'si tāriṇī |
kāmadhenusamastānāṃ pratimāyai ca te namaḥ || 56 ||
[Analyze grammar]

sarvakāmaprade mātargolokavāsini priye |
pāpahe puṇyade mokṣaprade mātaśca te namaḥ || 57 ||
[Analyze grammar]

māmasmāt sāgarāllakṣmīrūpe tāraya sarvathā |
sarvasampatprade kṛṣṇapriye tāraya sāgarāt || 58 ||
[Analyze grammar]

putrān pautrān putrikāśca dhanaṃ dhānyādi dehi me |
aiśvaryāṇi ca dīrghāyurārogyaṃ sampradehi me || 59 ||
[Analyze grammar]

saubhāgyaṃ patisaubhāgyaṃ patnīsaubhāgyamityapi |
dravyasaubhāgyamevā'pi dehi me kāmapūrike || 60 ||
[Analyze grammar]

ityabhyarthya yajamāno gurorhaste dvijasya ca |
jalaṃ dadyānmayā dattā gaurgṛhyatāṃ samuccaret || 61 ||
[Analyze grammar]

gave puṣpāñjaliṃ dadyānnamaskuryād gave sate |
gurave cāpi viprāya sādhave pātrayogine || 62 ||
[Analyze grammar]

dhenuṃ dadyāt sugurave mahācāryāya sādhave |
viprāya yogyapātrāya vaiṣṇavāya ca śārṅgiṇe || 63 ||
[Analyze grammar]

mahyaṃ kṛṣṇāya dātavyo mandirāya harāya ca |
anyaratnāni dhānyāni deyavastūni yāni ca || 64 ||
[Analyze grammar]

tāni sarvāṇi dadyācca yathāyogyebhya ādarāt |
bhojayed bālikā bālān satīḥ sādhvī sato dvijān || 65 ||
[Analyze grammar]

puṣpahāraṃ gavocchiṣṭaṃ gṛhṇīyād yajamānakaḥ |
gopūjāsalilaṃ pucchapāvanaṃ praṇamed gṛhe || 66 ||
[Analyze grammar]

prokṣaṇaṃ gṛhamadhye vai kuryādgopūtavāriṇā |
puṣpahāraṃ rakṣayecca vidhnanāśakaro hi saḥ || 67 ||
[Analyze grammar]

guruṃ sampūjayettatra gopūjāyā anantaram |
vatsaṃ vatsāṃ pūjayecca praṇamecca pradakṣiṇam || 68 ||
[Analyze grammar]

dakṣiṇāṃ gurave dadyād yathāśakti kṛtādaraḥ |
kapilāṃ gāṃ ca dhavalāṃ raktāṃ karburikāṃ ca vā || 69 ||
[Analyze grammar]

dadyāttasyā phalaṃ sādhvyau vairājapadamuttamam |
kṛṣṇāṃ dhūmrāṃ piśaṃgīṃ ca dadyād vedhaḥpadaṃ phalam || 70 ||
[Analyze grammar]

dogdhrīṃ yāṃ kāṃ pradadyācca phalaṃ tvindrapadaṃ divi |
vatsāṃ dadyāt phalaṃ tasya devatābhavanaṃ divi || 71 ||
[Analyze grammar]

dadyādubhayatomukhīṃ phalaṃ tasyāḥ paraṃ padam |
ākṣarī paramā muktiḥ śāśvatī pauruṣottamī || 72 ||
[Analyze grammar]

asūtakīṃ pradadyādvai dogdhrīṃ golokadā tu sā |
godānasya yajamānaḥ pālayed govrataṃ tadā || 73 ||
[Analyze grammar]

divārātraṃ vrataṃ kuryādekabhojitvameva ha |
gavyā'śitvaṃ prakuryādvai gosevāṃ sarvathā caret || 74 ||
[Analyze grammar]

brahmacaryaṃ tadekāhaṃ pālayed gosthale svapim |
mālayā śrīhariṃ māṃ śrīkṛṣṇaṃ nārāyaṇaṃ japet || 95 ||
[Analyze grammar]

godānena samaṃ dadyānmāsagrāsatṛṇānyapi |
kārpāsabījakādīni dadyād gobhuktaye sadā || 76 ||
[Analyze grammar]

pratyakṣāṃ gāṃ pradadyādvai śreṣṭhaṃ dānaṃ hi tanmatam |
gavā'lābhe gāṃ prapūjya tanmūlyaṃ cārpayetparam || 77 ||
[Analyze grammar]

mūlyārdhaṃ vā tadardhaṃ vā svalpaṃ daśāṃśakaṃ ca vā |
dadyād yathādhanaṃ bhakto natvā śrīgurave muhuḥ || 78 ||
[Analyze grammar]

yathāśakti mayā dattaṃ kṣamasvā''pūrṇamatra yat |
kuryācca daṇḍavattasmai vittaśāṭhyaṃ vivarjayet || 79 ||
[Analyze grammar]

godānaṃ mandire śreṣṭhaṃ devālaye taduttamam |
maṭhe sādhvāśrame śreṣṭhaṃ makhe pārāyaṇālaye || 80 ||
[Analyze grammar]

vivāhamaṇḍape śreṣṭhaṃ tīrthe sarittaṭe'pi ca |
vratāhe puṇyadivase mahotsave śubhotsave || 81 ||
[Analyze grammar]

śreṣṭhaṃ dhenupradānaṃ vai svāsthye kuryāt kareṇa vai |
yā dhenurdīyate dāne sā divyā maraṇottaram || 82 ||
[Analyze grammar]

svargamārge dharmamārge hyagre'gre yāti rakṣikā |
dhenudānapradātā na yātyasadgatimīśvari || 83 ||
[Analyze grammar]

vaitaraṇyāṃ duḥkhanadyāṃ dhenuścottāriṇī priye |
paraloke pragantuśca pretasya bhojanapradā || 84 ||
[Analyze grammar]

dhenuṃ svarṇamayīṃ dadyād dhenuṃ ca rājatīṃ tathā |
dhenuṃ dhānyamayīṃ dadyāddhenuṃ kārpāsakīṃ tathā || 85 ||
[Analyze grammar]

dhenuṃ rasamayīṃ dadyād dhenuṃ sampanmayīṃ tathā |
dhenuṃ kanyāmayīṃ dadyāt kanyāhīno jano bhuvi || 86 ||
[Analyze grammar]

vidhivanmaṇḍapaṃ kuryād vedīṃ kuṇḍaṃ ca kārayet |
dānavastūni sarvāṇi tathā ratnāni sannyaset || 87 ||
[Analyze grammar]

dhenuṃ svakanyakāṃ kṛtvā nāmānvitāṃ tadā |
kanyāvastrāṇi sarvāṇi kanyakābharaṇāni ca || 88 ||
[Analyze grammar]

kanyādhenuṃ maṇḍape vai kṛtvā dadyād dvijātaye |
havanaṃ kārayettatra vāditrāṇi pravādayet || 89 ||
[Analyze grammar]

kanyādānavidhiṃ yogyaṃ kārayenmaṇḍape tadā |
kanyādānaphalaṃ tasya dhenudātuḥ prajāyate || 90 ||
[Analyze grammar]

kanyādhenuṃ rohiṇīṃ vai dadyād vṛṣabhāsaṃginīm |
agarbhiṇīṃ mahāvatsīṃ dadyāt kanyāsvarūpiṇīm || 91 ||
[Analyze grammar]

mahāvatsīpradānena kanyāvān jāyate tataḥ |
evaṃdānapradātā syāt svargabhāk mokṣabhāk tathā || 92 ||
[Analyze grammar]

bhuktimuktimahāmuktisampanno jāyate sadā |
pitṝṇāṃ tārakaścāpi kuṭumbināṃ ca tārakaḥ || 93 ||
[Analyze grammar]

sarvapuṇyasupātraṃ ca brahmānandamayo bhavet |
anapatyo dhenudātā sāpatyo hi samāntare || 94 ||
[Analyze grammar]

aputraḥ putravān syācca varṣāntare na saṃśayaḥ |
śubhaṃ kālaṃ ca satpātraṃ prāpya dadyāt pradānakam || 95 ||
[Analyze grammar]

gataḥ kālaḥ śubho yastu punarnā''yāsyati kvacit |
gṛhastho dharmakarmārthahīno godānamācaret || 96 ||
[Analyze grammar]

gaustasyoddhārikā sādhvyau śataikādikuṭumbinām |
godātre tu gururdadyādāśīrvādān tadā'kṣataiḥ || 97 ||
[Analyze grammar]

dhanavān putravāṃllakṣmīsampadvān bhava pārthivaḥ |
ārogyavāṃstathā śrīmān varcasvavān janeṣvapi || 98 ||
[Analyze grammar]

āyuṣyavān bhogavāṃśca vaṃśavistāravān bhava |
svargavān surasampadvān mokṣavān bhava cottare || 99 ||
[Analyze grammar]

vaṃśe te gopradātāro jāyantāṃ mokṣabhāginaḥ |
dhārmikā devabhaktāśca prajoddhāraparāyaṇāḥ || 100 ||
[Analyze grammar]

sādhusevāparāḥ santu nāryaḥ santu pativratāḥ |
satya santu ca te vaṃśe rādhālakṣmīsamāḥ striyaḥ || 101 ||
[Analyze grammar]

svasti te'stu sadā loke paraloke'pi te'stu tat |
gauriyaṃ sarvathā svasti karotvagre gatā tava || 102 ||
[Analyze grammar]

oṃ namaḥ śrīgopataye rādhāyāḥ pataye namaḥ |
gavātmani sthitaścāhaṃ sākṣī kṛṣṇanarāyaṇaḥ || 103 ||
[Analyze grammar]

māṃ saṃsmṛtya priye padmāvati kuryādgavārpaṇam |
kṛṣṇārpaṇamidaṃ dānaṃ cā'stvityuktvā visarjayet || 104 ||
[Analyze grammar]

ityevaṃ supriye śreṣṭhaṃ sādhanaṃ vāṃ mayoditam |
paṭhanācchravaṇādasya dhenudānaphalaṃ bhavet || 105 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne gṛhagītāyāṃ sarvadharmādivarjitagṛhiṇo'pi mokṣādisādhanaṃ godānaṃ gosthadevādi cetyādinirūpaṇanāmā navatitamo'dhyāyaḥ || 90 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 90

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: