Chapter 84

śrīnaranārāyaṇa uvāca |
śṛṇu badrīpriye devi śailavajraścamūpatiḥ |
rathasthaḥ sarvaśastrāstrasampannaḥ purato'bhavat || 1 ||
[Analyze grammar]

nandibhillamahāsainye'bhavan ghoṣāḥ saharṣakāḥ |
jayārthaṃ tūryaninadā bherīśaṃkhādiniḥsvanāḥ || 2 ||
[Analyze grammar]

tāvanmumoca bāṇān sa tīkṣṇān vidārakān mṛdhe |
śataṃ śataṃ caikavāramācchādayad rathaṃ hareḥ || 3 ||
[Analyze grammar]

kubarasya rathaṃ cāpi nāgasyāpi rathaṃ tathā |
ciccheda bhagavān sarvān samāyātān pravāhiṇaḥ || 4 ||
[Analyze grammar]

sahasrabāṇairbhagavān muktairyugapadvegibhiḥ |
śarān śailavrajasyāpi nandibhillasya vai śarān || 5 ||
[Analyze grammar]

kubaro bhallakān dhṛtvā sāyakāṃśca śilīmukhān |
śataṃ śataṃ tu yugapajjaghāna bhillasainyapau || 6 ||
[Analyze grammar]

vyadṛśyanta ripurathā meghachannādrayo yathā |
kālavajrādayaścānye camūnāṃ patayastadā || 7 ||
[Analyze grammar]

śarameghān prasaṃjahrurbahvībhiḥ śarakoṭibhiḥ |
nandibhillaḥ śaraṃ tīkṣṇaṃ vāhneyaṃ samavāsṛjat || 8 ||
[Analyze grammar]

tadutpannā analāstu prājvālayan hi kūbaram |
nāgavikramaṇaṃ cāpi tasya sainyāni cābhitaḥ || 9 ||
[Analyze grammar]

kṛṣṇanārāyaṇastatra dhṛtvā rūpāṇi sarvaśaḥ |
yayau sainyānalaṃ sarvaṃ mahāścaryamabhūddhi tat || 10 ||
[Analyze grammar]

atha śailavrajastatra śaraṃ pārvatamantravat |
mumoca nāgasainyeṣu parvatāste'bhavan hi khe || 11 ||
[Analyze grammar]

nipetuścūrṇayāmāsurnāgasainyāni sarvataḥ |
kubaraḥ pārthivairmantrairvajrān mumoca dāruṇān || 12 ||
[Analyze grammar]

vajrahatāḥ parvatāste nilīyurvai kṣaṇāntare |
pṛthvī mahādrīn sahasā'gilat sarvān samantataḥ || 13 ||
[Analyze grammar]

tadāścaryaṃ mahajjātaṃ sarveṣāṃ stabdhatākaram |
hariścūrṇitatāprāptān svasthān cakāra vīkṣaṇāt || 14 ||
[Analyze grammar]

paśūn vāhanasaṃsthāṃśca yojitānapyajīvayat |
atha badrīpriye tatra kubaro garttamantravit || 15 ||
[Analyze grammar]

gartamantraśaraṃ sā'straṃ mumoca śailavajrakam |
śailavajrarathā'dhastāccharāstraṃ gartamākarot || 16 ||
[Analyze grammar]

yadgartte tu ratho'śvāśca śailavajraḥ saśastrakaḥ |
avātarad drutaṃ yasya rakṣā kenāpi na kṛtā || 17 ||
[Analyze grammar]

pṛthvī jagrāsa garbhe sve śailavajraṃ tu badrike |
pṛthvīgarbhe mṛtaḥ pṛthvī punaryathā tathā'bhavat || 18 ||
[Analyze grammar]

bhūkampastu mahān jātastadā camvordvayorapi |
trastā yoddhāra evāpi kṣaṇaṃ mohamupāgatāḥ || 19 ||
[Analyze grammar]

śailavajro itaśceti śuśucurnandibhillinaḥ |
jayanādān pracakruśca nāgavikramayodhinaḥ || 20 ||
[Analyze grammar]

athā''yayau kālavajranāmā pañcamasainyapaḥ |
mahākālasamaḥ krūro'ntakatulyaparākramaḥ || 21 ||
[Analyze grammar]

tadā vādyānyavādyanta senayorubhayordrutam |
astraṃ haimaṃ mahāmantrādhiṣṭhitaṃ sa mumoca ha || 22 ||
[Analyze grammar]

upalā himajāstatrā'bhavan vyomni jalasravāḥ |
atiśaityopalā vyomno nipetuḥ prāṇaghātikāḥ || 23 ||
[Analyze grammar]

koṭiśo lakṣaśaścāpi jñātvā'straṃ himamantritam |
mumoca kubarastūrṇaṃ sauryāstraṃ himanāśanam || 24 ||
[Analyze grammar]

vāḍavāstraṃ drutaṃ cāpi jalabhakṣaṇakārakam |
tenopalā vilīnā vai haimyaḥ sarvā jalātmikāḥ || 25 ||
[Analyze grammar]

jalaṃ tūrṇaṃ cāmbare tu layaṃ prāptaṃ tu vāḍavāt |
kubarastu tataḥ kālavajrāya vajramuttamam || 26 ||
[Analyze grammar]

mumoca kālavajrastad vyanāśayat svavajrakaiḥ |
kubarasya vināśārthaṃ preṣayad bhairavāstrakam || 27 ||
[Analyze grammar]

bhairavo bhayadaḥ krūraḥ kubare vīkṣya śaṃkaram |
natvā līno'bhavattūrṇaṃ mahāścaryamidaṃ tvabhūt || 28 ||
[Analyze grammar]

kubaraḥ svaśaraṃ sāṃkarṣaṇāstrāḍhyaṃ vyamūmucat |
kālavajrāya kālo'pi yadadhīno viluṇṭhati || 29 ||
[Analyze grammar]

saṃkarṣaṇo mahāvīro mahāgadādiśastravān |
jaghāna bāṇarūpeṇa kālavajraṃ tu sainyapam || 30 ||
[Analyze grammar]

cūrṇayāmāsa sarathaṃ śatenaikena bhūtale |
kālavajre hate bhillasainyānyāsan dravanti ca || 31 ||
[Analyze grammar]

hāhākāro mahān jāto hate vai kālavajrake |
vahnivajrastatastūrṇamāyayau pṛtanāpatiḥ || 32 ||
[Analyze grammar]

sainyāgre'yodhayad bāṇairbhallaiśca svarṇapuṃkhakaiḥ |
śataṃ sahasraṃ bāṇānāṃ visasarja sa meghavat || 33 ||
[Analyze grammar]

ekasmāt tu sahasrāṇi mantrāstrayojitāḥ śarāḥ |
viniryayurvyomamārge patanti sainyamastake || 34 ||
[Analyze grammar]

śarāṇāṃ vṛṣṭayaścā'dhomukhānāṃ parito'bhavan |
nāgavikramasainyāni cā''ndhyamugdhāni vai kṣaṇam || 35 ||
[Analyze grammar]

abhavaṃśca tadā rudro vyomā'straṃ samavāsṛjat |
kubarasthena rudreṇa vyomnā vṛṣṭirlayīkṛtā || 36 ||
[Analyze grammar]

utpāditāśca rākṣasyo vajradehyo'tidāruṇāḥ |
bāṇabhakṣaṇakāriṇyo'ntarīkṣe vajranāśikāḥ || 37 ||
[Analyze grammar]

utpadyante sahasrāṇi tvekasyā rākṣasīstriyāḥ |
tā nigilya śaravṛṣṭiṃ vyomnā peturhi sainyake || 38 ||
[Analyze grammar]

nandibhillasya sarvasmin tadā''krośāstato'bhavan |
mārayantu khādayantu carvayantu viśantu ca || 39 ||
[Analyze grammar]

troṭayantu sphoṭayantu mānavān bhillasainyagān |
ityevaṃ vadamānāstā nigiluścakhaduśca tān || 40 ||
[Analyze grammar]

hāhākāraḥ punaścāsīd bhillisainyeṣu sarvataḥ |
maraṇaṃ śaraṇaṃ ceti nānyattatra vyadṛśyata || 41 ||
[Analyze grammar]

atha rājā nandibhillo jñātvā''padaṃ vināśinīm |
jagāma śaraṇaṃ cāgnirātarṣeḥ svasya sadguroḥ || 42 ||
[Analyze grammar]

agnirātastadā rakṣohanaṃ mantraṃ śarāsanam |
kṛtvā mumoca sahasā sāyakaṃ rākṣasāntakam || 43 ||
[Analyze grammar]

ekaśarātsahasrāṇi jāyante sāyakāstataḥ |
yāṃ yāṃ spṛśati bāṇo'sau sā sā tirobhavattadā || 44 ||
[Analyze grammar]

evaṃ nivāritāḥ sarvā rākṣasyo guruṇā tadā |
bahnivajro tato'muñcad vaiṣṇavāstraṃ sudāruṇam || 45 ||
[Analyze grammar]

viṣṇavaḥ śastravanto vai samutpannāḥ sahasraśaḥ |
utpatyotpatya sahasā līnāḥ kṛṣṇanarāyaṇe || 46 ||
[Analyze grammar]

tadadbhutaṃ paraṃ jātaṃ vahnivajrastataḥ punaḥ |
nārāyaṇāstraṃ vipulaṃ sarvaprāṇaharaṃ kṣaṇāt || 47 ||
[Analyze grammar]

mumoca sarvanāśārthaṃ tadapi śrīnarāyaṇe |
bālakṛṣṇe'bhavallīnaṃ mahāścaryamidaṃ hyabhūt || 48 ||
[Analyze grammar]

vahnivajrastato nidrāmahāstraṃ prasamairayat |
nidrā nārāyaṇākṣiptā vilīnā kṛṣṇanetrake || 49 ||
[Analyze grammar]

evaṃ vyarthāni cāstrāṇi viditvā krodhamāptavān |
mumoca kālakavalaṃ mahāstraṃ sarvabhakṣakam || 50 ||
[Analyze grammar]

muktād bāṇānmahākālo vikarālo viniryayau |
naikayojanavistīrṇo naikayojanakocchrayaḥ || 51 ||
[Analyze grammar]

sarvagrāsakaraṃ vīkṣya kālaṃ kṛṣṇanarāyaṇaḥ |
nāgasthaṃ tu mahākālamairayat tallayāya ha || 52 ||
[Analyze grammar]

nāgavikramarājastho mahākālo drutaṃ tadā |
kālakavalasaṃjñaṃ svaṃ rūpaṃ samajahāra ha || 53 ||
[Analyze grammar]

līnaṃ vīkṣya tu kālāstraṃ bhayaṃ cāpā'gnivajrakaḥ |
gataṃ cāstraṃ mahanme vai niḥśastro'smi ca nirbalaḥ || 54 ||
[Analyze grammar]

tathāpi gadayā yotsye mudgareṇa tathā'sinā |
vicāryetthaṃ mahāśaktiṃ jagrāha ca mumoca ca || 55 ||
[Analyze grammar]

kubarastāṃ svagadayā vihatāṃ pracakāra ha |
patitā sā gadā cāpi bhūtale grāhavattadā || 56 ||
[Analyze grammar]

kubaraśca drutaṃ śaktiṃ cikṣepa vahnivajrake |
sā vahnivajrakaṃ bhittvā kṣitāvardhaṃgatā'bhavat || 57 ||
[Analyze grammar]

vahnivajro'dribalavān samutthāya saśaktikaṃ |
utthāya khaḍgahastaśca dudrāva śaktilagnitaḥ || 98 ||
[Analyze grammar]

kubara tu vyasuṃ kartuṃ tāvan kubarasainyapaḥ |
śaktiṃ mumoca sahasā dvitīyāṃ galakūpake || 59 ||
[Analyze grammar]

tṛtīyāmudare cāsya gadāṃ mumoca mastake |
ardhacandrāṃstīkṣṇaśarān pādāgrayormumoca ha || 60 ||
[Analyze grammar]

karttapādo bhagnakaṇṭho bhinnodaraḥ papāta ha |
gadayā cūrṇitāṃgaśca bhinnamūrdhā mamāra ca || 61 ||
[Analyze grammar]

vahnivajro'gamanmṛtyuṃ badrike gahane raṇe |
triṃśatsāhasrasainyāni nandibhillasya badrike || 62 ||
[Analyze grammar]

nāgavikramasainyānāṃ mārairmṛtyumagurmṛdhe |
atha prāleyavajrākhyaḥ saptamaḥ sainyapastataḥ || 63 ||
[Analyze grammar]

nandibhillādeśakaraḥ sainyāgre saṃsthito'bhavat |
śarān mumoca śatadhā garjayan parito diśaḥ || 64 ||
[Analyze grammar]

sainyāni tasya mumucurbāṇānnāgacamūṣu vai |
sphoṭakairgolakaiścāpi śataghnībhiśca sāyakaiḥ || 65 ||
[Analyze grammar]

bhūśuṇḍībhirvahniśastrairardayāmāsurutkaṭān |
yoddhṝn samantatastatra prāleyavajradeśataḥ || 66 ||
[Analyze grammar]

kubarasyāpi sainyāni badrike vahnigolakaiḥ |
śataghnībhirbhūśuṇḍībhirjaghnurbhillacamūstataḥ || 67 ||
[Analyze grammar]

prāleyavajrahastena bāṇāḥ śatasahasraśaḥ |
kārmukānniḥsarantyūrdhvamutpatanti camūpari || 68 ||
[Analyze grammar]

kubarasya dhanurjyāṃ sacicchedāpi ca kārmukam |
kubaro'nyat samādāya vyasarjayaccharān bahūn || 69 ||
[Analyze grammar]

tarujyāṃ vyanāśayacchīghraṃ prāleyavajrako yadā |
kubaraścārdhacandrābhyāṃ ciccheda kārmukaṃ karam || 70 ||
[Analyze grammar]

prakoṣṭhahastaśūnyo vai prāleyo'stramavāsṛjat |
prāleyāstraṃ viṣatāpātmakamantrābhimantrim || 71 ||
[Analyze grammar]

yatra dvādaśasūryāṇāṃ viṣatejāṃsi cāpatan |
sainyamūrchāṃ vyadhāttūrṇaṃ taddhi pralayasadṛśīm || 72 ||
[Analyze grammar]

kṛṣṇonārāyaṇaḥsvāmī viditvā tu viṣānalam |
āmṛtīṃ pīyūṣamayīmākṣarīṃ brahmasaṃbhavām || 73 ||
[Analyze grammar]

brāhmīṃ śaktiṃ nijāṃ sarvaviṣādāṃ samavāsṛjat |
sā tu mūrtā kṣaṇamātrānmanovegena sarvataḥ || 74 ||
[Analyze grammar]

bhvāmambare sainyabhāge prāsarad viṣaśāntidā |
āmṛtī sā viṣaṃ pītvā'mṛtadānena tān bhaṭān || 75 ||
[Analyze grammar]

poṣayāmāsa bahudhā sainyāni sarvatodiśaḥ |
prāle'yā'straṃ samastaṃ sā saṃjahāra hi badrike || 76 ||
[Analyze grammar]

kubarastu tadā dhṛtvā sarvadhāraṃ sucakrakam |
phalāgrasubhramaccakraṃ dīrghaśaramivā'sṛjat || 77 ||
[Analyze grammar]

prāleyavajrakaṃ prāpya cakraṃ taccharasaṃyutam |
gale papāta yāvadvai tāvad dvedhā babhūva tat || 78 ||
[Analyze grammar]

śaraṃ viveśa hṛdye cakraṃ viveśa vai gale |
prāleyavajrako dvedhā chinno mamāra vai rathe || 79 ||
[Analyze grammar]

hāhākāro mahān jāto mṛtaḥ prāleyavajrakaḥ |
śokaṃ cakāra bhillo'pi vahnirātraṃ nyavedayat || 80 ||
[Analyze grammar]

guro naṣṭā mama sapta seneśāḥ saptatistathā |
sahasrāṇi tu yoddhāro mānavā raṇadurmadāḥ || 81 ||
[Analyze grammar]

divārātraṃ yuddhametatpravartate dinadvayāt |
rātridvayāttathā vipra sainyanāśo mahānapi || 882 ||
[Analyze grammar]

triṃśatsāhasramātraṃ me vartate mānavaṃ dalam |
trayaścamūpatayaśca śiṣyante me jayapradāḥ || 83 ||
[Analyze grammar]

guro tvaṃ sainyapo bhūtvā majjayāya samācara |
parājayo hi saṃsāre sarvathā narakapradaḥ || 84 ||
[Analyze grammar]

ityevaṃ badrike śrutvā guruścāha tu bhillakam |
indraghātaharicchailakālāgnilayavajrakāḥ || 5 ||
[Analyze grammar]

hatāstathāpi sabalā jayāśā gurugāminī |
yatra nārāyaṇaścāste mahākālo nṛpe'sti ca || 86 ||
[Analyze grammar]

rudraḥ kubare saṃviṣṭaḥ sainyeṣu sarvaśaktayaḥ |
tatra jayāśā viphalā rājan yuddhaṃ virāmaya || 87 ||
[Analyze grammar]

śrutvaitat sahasā kruddho nandibhillo'tivegavān |
prairayad raṇavajraṃ vai sainyapaṃ cāṣṭamaṃ tadā || 88 ||
[Analyze grammar]

raṇavajro raṇaṃ cakre nārācairbhindipālakai |
śarairbāṇaiḥ sāyakaiśca śilīmukhaiśca mārgaṇaiḥ || 89 ||
[Analyze grammar]

svarṇapuṃkhai rukmapuṃkhaiścāndryandraiśca khaḍgakaiḥ |
churikairbhallakaiścāpi kuntalaiḥ śaktibhiśca ha || 90 ||
[Analyze grammar]

mantrāstrayojitaiḥ sarvairvardhamānaiḥ samantataḥ |
ācchādayad vyomamārgaṃ śarajālai raṇavrajaḥ || 91 ||
[Analyze grammar]

kubarasya mahāsainyaṃ channaṃ bāṇapravarṣaṇaiḥ |
nākāśo dṛśyate tatra nordhvaṃ cakṣuḥ pravartate || 92 ||
[Analyze grammar]

andhakāramayaṃ bāṇairjātaṃ sarvaṃ kṣaṇāntare |
tadāścaryamabhūttatra raṇavajrasya karmaṇā || 93 ||
[Analyze grammar]

atha rājā nāgadevaḥ svayamastraṃ dadhe tadā |
mahātejo'bhidhaṃ sarvabāṇānāṃ bhasmatākaram || 94 ||
[Analyze grammar]

vyāptaṃ bhūtvā'mbare bhasmīcakāra bāṇavarṣaṇam |
sandadhe ca mahāśaktiṃ durgāmantrapravardhitām || 95 ||
[Analyze grammar]

raṇavajraṃ mārayituṃ mumoca rudradevatām |
jagāma sahasā devī raṇavajrasya vakṣasi || 96 ||
[Analyze grammar]

nipapāta yayā vajraṃ parvate prapatettathā |
vibhidya hṛdayaṃ tasya jagāma sarathā bhuvam || 97 ||
[Analyze grammar]

raṇavajro hatastatra hāhākāro'bhavanmahān |
aho kaṣṭaṃ rurodā'pi śrutvā bhillo vimūrchitaḥ || 98 ||
[Analyze grammar]

svastho bhūtvā tathā yuddhe yuddhavajraṃ tu sainyapam |
vijayārthaṃ tvādideśa yuddhavajro'pi cā''yayau || 99 ||
[Analyze grammar]

raṇāgre kubarasyāpi nāśārthaṃ śrīharestathā |
rājñaścāpi vināśārthaṃ raṇāgre samupāyayau || 100 ||
[Analyze grammar]

rathaṃ strīsūtanodyaṃ vai samāsthāya samāyayau |
dharmayuddhaṃ parityajya strīṃ kṛtvā cā'grato rathe || 101 ||
[Analyze grammar]

āyayau raṇadhūrtaḥ saśastrāstrabalasaṃyutaḥ |
yatra strī dṛśyate tatra śastrapāto na sammataḥ || 102 ||
[Analyze grammar]

strīkṛtā'vana evāsau raṇe cāvātatāra ha |
badrike sarvasainyānāṃ tadā hāsyamabhūnmahat || 103 ||
[Analyze grammar]

strībhūtaḥ strīvacaḥkartā strīsahāyaḥ strīdharmavān |
strīnodito vināśaṃ vai yātyeva nātra saṃśayaḥ || 104 ||
[Analyze grammar]

atha kṛṣṇaḥ prabhurdṛṣṭvā strīsūtaṃ yuddhavajrakam |
durgāyai strīsvarūpeṇa yoddhumājñāṃ cakāra ha || 105 ||
[Analyze grammar]

anantāśca tadā durgā rathasthāḥ siṃhapṛṣṭhagāḥ |
śarabhasthā vyāghrasaṃsthā gavayasthā vṛṣasthitāḥ || 106 ||
[Analyze grammar]

abhavaṃstatra cāgrasthā yoddhuṃ strīsūtasannidhau |
āścaryaṃ paramaṃ prāpa yuddhavajraḥ pravīkṣya tāḥ || 107 ||
[Analyze grammar]

sahasraśastadā durgāḥ sandehamāpa jīvane |
bāṇavarṣaṇamevā''dau cakāra strījaneṣu saḥ || 108 ||
[Analyze grammar]

durgāsu sarvatastāśca sarvānagilan sāyakān |
khaḍgahastāśca tāḥ sarvā utpatyotpatya tadrathe || 109 ||
[Analyze grammar]

nipeturyuddhavajrasya nāśanārthaṃ rathopari |
praviśya tā rathe yuddhavajraṃ ca sārathiṃ striyam || 110 ||
[Analyze grammar]

cicchiduḥ khaṇḍaśaḥ sarvāstataḥ sainyānyanāśayan |
mṛtaśca navamo yuddhavajraḥ sainyapa āhave || 111 ||
[Analyze grammar]

hāhākāro mahānāsīttadā bhillicamūṣu vai |
sainyāni nihatānyeva sahasrāṇi tu viṃśatiḥ || 112 ||
[Analyze grammar]

durgābhistatra sainyaiśca sarvaśaktibalānvitaiḥ |
badrike nandibhillastu tadā mūrchāmavāpa ha || 113 ||
[Analyze grammar]

nāgavikramasainyānāṃ mahotsavastadā'bhavat |
vahnirāto bhillaguruḥ śuśocā'vanamuttamam || 114 ||
[Analyze grammar]

śaraṇaṃ rakṣaṇaṃ cātra nānya upāya uttamaḥ |
evaṃ rājñe upādeṣṭuṃ samārabhata sadguruḥ || 115 ||
[Analyze grammar]

itiśrīlakṣmīnārāyaṇīyasaṃhitāyāṃ caturthe tiṣyasantāne saṃgrāme nandibhillasyā'nyaṣaṭse'nāpatīnāṃ ṣaṣṭisāhasrasainyasahitānāṃ vināśanamityādinirūpaṇanāmā caturaśītitamo'dhyāyaḥ || 84 ||
[Analyze grammar]