Chapter 75

śrīnaranārāyaṇa uvāca |
śṛṇu badrīpriye lakṣmi māgadhasya kathāṃ śubhām |
amṛtākhyanagare vai tadā''sīnmāgadho janaḥ || 1 ||
[Analyze grammar]

nāmnā tu harṣanayano vaṃśopavaṃśabodhavān |
vaṃśopavaṃśapūrveṣāṃ caritrākhyānakārakaḥ || 2 ||
[Analyze grammar]

rājñāṃ pañcanadīyānāṃ sindhujānāṃ viśeṣataḥ |
sa śuśrāva janebhyo vai camatkāraṃ kathodbhavam || 3 ||
[Analyze grammar]

rājñāṃ prajānāṃ bahvīnāṃ mokṣaṇaṃ pāpanāśanam |
tato vicārya sahasā kathā''karṇanahetave || 4 ||
[Analyze grammar]

āyayau śarkarāpuryāṃ kathāmaṇḍapamāgataḥ |
neme sarvān saṃhitāṃ ca vyāsaṃ śrīlomaśaṃ harim || 5 ||
[Analyze grammar]

sādhujanān satīḥ sādhvīrvaiṣṇavān nṛpatīṃstathā |
śrotṝn rājñījanāṃścāpi neme śuśrāva satkathām || 6 ||
[Analyze grammar]

kathānte sa tu vaṃśān vai nārāyaṇasamudbhavān |
jagāda bhaktiyuktaśca rañjayāmāsa mānavān || 7 ||
[Analyze grammar]

anādiśrīkṛṣṇanārāyaṇaḥ śrīparameśvaraḥ |
eko divyeśvarakoṭyavatārakoṭikāraṇam || 8 ||
[Analyze grammar]

akṣare parame dhāmni rājate puruṣottamaḥ |
tadvaṃśe prathamaṃ kṛṣṇo vyāsudevo vyajāyata || 9 ||
[Analyze grammar]

tato nārāyaṇo jāto mahāviṣṇustataḥ param |
tato virāḍ virājācca brahmaviṣṇumaheśvarāḥ || 10 ||
[Analyze grammar]

brahmataḥ sanakādyāśca ṛṣayo mānavādayaḥ |
kuṃkumavāpikākṣetre tvaśvapaṭṭasarovare || 11 ||
[Analyze grammar]

anādiśrīkṛṣṇanārāyaṇaḥ śrībhagavān prabhuḥ |
kaṃbharāśrīmahālakṣmīsuto gopālanandanaḥ || 12 ||
[Analyze grammar]

lakṣmīrādhāramākṛṣṇāprajñāpadmāvatīpatiḥ |
māṇikīsukhadālakṣmīlalitākamalāpatiḥ || 13 ||
[Analyze grammar]

vrahmapriyāpatirmuktapatirmuktānikāpatiḥ |
haripriyāpatiḥ sarvapatirbrahmapatiḥ prabhuḥ || 14 ||
[Analyze grammar]

vartate viprarūpo'dya sarvagotrā'graśāśvataḥ |
gīyate'tra harirlakṣmīnārāyaṇakathādibhiḥ || 15 ||
[Analyze grammar]

jayatvatra mahārājarājādhirājapuṃgavaḥ |
vidhātā śreyasāṃ kartā mokṣasya duḥkhanāśanaḥ || 16 ||
[Analyze grammar]

śaraṇāgatarakṣākṛt jayatvānandaśevadhiḥ |
parabrahma harikṛṣṇo nityaṃ vijayatetamām || 17 ||
[Analyze grammar]

sādhavo vijayante ca vaiṣṇavā vijayantyati |
evaṃ śrībadrike harṣanayanaḥ śrīpatiṃ harim || 18 ||
[Analyze grammar]

abhiṣṭūya sabhāyāṃ sa daṇḍavat pracakāra ha |
tulasīdalapuṣpāṇi phalāni śarkarāstathā || 19 ||
[Analyze grammar]

pūgīphalaṃ ca mudrāṃ ca kānakīṃ cāmbaraṃ śubham |
vyāsāya ca tathā saṃhitāyai nyadhāt prapūjya ca || 20 ||
[Analyze grammar]

namaścakre prasādaṃ ca jagṛhe caraṇāmṛtam |
mantraṃ ca nāmadhunyaṃ ca jagṛhe vyāsadevataḥ || 21 ||
[Analyze grammar]

jajāpa mantraṃ nityaṃ sa cakre dhunyaprakīrtanam |
śuśrāva ca kathāṃ nityamekatāno'bhavat sadā || 22 ||
[Analyze grammar]

pāvanaḥ pūrṇabhāgyaśca samajāyata māgadhaḥ |
jyeṣṭhakṛṣṇaikādaśyāṃ tu sāyaṃ bhaktyā vaśīkṛtaḥ || 23 ||
[Analyze grammar]

anādiśrīkṛṣṇanārāyaṇo vimānamāsthitaḥ |
āyayau taṃ samānetuṃ divyaḥ śrīsevito hariḥ || 24 ||
[Analyze grammar]

māgadhaṃ harṣanayanaṃ saṃkṛtvā divyavigraham |
avasthāpya vimāne taṃ ninye dhāmā'kṣaraṃ nijam || 25 ||
[Analyze grammar]

śṛṇu badrīpriye devi kathāṃ cānyāṃ prapāvanīm |
dāsastatrā'bhavad vṛddhaḥ saṃhitāmaṇḍapasthale || 26 ||
[Analyze grammar]

rātrau rakṣākaro nityaṃ jāgarti yaśca rakṣati |
nityaṃ sa bhajate kṛṣṇaṃ kathāṃ śṛṇoti bhāvataḥ || 27 ||
[Analyze grammar]

pradakṣiṇaṃ niśānte ca karoti saṃhitāsanam |
patraṃ puṣpaṃ phalaṃ nityamarpayatyapi bhāvataḥ || 28 ||
[Analyze grammar]

karoti kīrtanaṃ nityaṃ bhuṃkte prasādamuttamam |
pibatyapaḥ prasādotthāḥ satāṃ prasādamaśnute || 29 ||
[Analyze grammar]

sevāṃ vyāsasya dehādisaṃvāhanaṃ karotyapi |
mārjanaṃ sadasaścāpi vastrakṣālanamityapi || 30 ||
[Analyze grammar]

vaiṣṇavebhya iṣṭavastupradānaṃ prakarotyapi |
evaṃvidhasya bhaktasya yogidāsābhidhasya tu || 31 ||
[Analyze grammar]

prasannaḥ śrīharirjāto badrike cāyayau hariḥ |
divyaṃ haṃsaṃ samāruhya sarvābharaṇabhūṣitaḥ || 32 ||
[Analyze grammar]

uvāca yogidāsaṃ tvaṃ sajjo bhava vimuktaye |
netuṃ samāgato'smyatra haṃsena mokṣaṇaṃ prati || 33 ||
[Analyze grammar]

yogidāso'timumude śrutvā vākyaṃ parātmanaḥ |
cacāla śrīhariṃ haṃsaṃ prati yāvad vimuktaye || 34 ||
[Analyze grammar]

tāvanmūrchāmavāpā'sau dehaḥ papāta bhūtale |
divyarūpo yogidāso'bhavanmuktasvarūpavān || 35 ||
[Analyze grammar]

haṃse niṣādya bhaktaṃ taṃ yayau kṛṣṇanarāyaṇaḥ |
śāśvataṃ paramaṃ dhāma paśyatāṃ sarvadehinām || 36 ||
[Analyze grammar]

ityevaṃ badrike mukto'bhavat kathādisevayā |
yogidāso jyeṣṭhakṛṣṇaikādaśyāṃ kṛṣṇamānasaḥ || 37 ||
[Analyze grammar]

athā'nyāṃ te kathāṃ badri vadāmi bhaktamokṣadām |
nāmnā saurabhasāvitro'bhavattāmbūlakārakaḥ || 38 ||
[Analyze grammar]

śarkarānagare badri satāṃ hareśca sevakaḥ |
pratyahaṃ so'pi sevāyāṃ vaiṣṇavānāṃ sthiro'bhavat || 39 ||
[Analyze grammar]

dadāti tāmbūlakāni nityaṃ sahasraśo mudā |
sugandhirasacūrṇādimiśritāni śubhāni ca || 40 ||
[Analyze grammar]

nityaṃ prātaḥ samutthāya snātvā cāyāti maṇḍapam |
yathāsthānaṃ samāgatya patrapuṣpākṣatādibhiḥ || 41 ||
[Analyze grammar]

karoti pūjanaṃ kathāsaṃhitāyāstathā satām |
vyāsadevasyā'rhaṇāṃ ca lomaśasyā'rhaṇāṃ tathā || 42 ||
[Analyze grammar]

lālāsanasyāpi pūjāṃ pūjāṃ vṛkāyanasya ca |
nīlakarṇasya pūjāṃ ca yavakrītādipūjanam || 43 ||
[Analyze grammar]

tuṣitānāṃ hāritānāṃ divimānāyanasya ca |
devāyatanameṣāyatamaṃkaṇādiyoginām || 44 ||
[Analyze grammar]

hemaśālāyanādīnāṃ sādhūnāṃ pūjanaṃ prage |
karoti nityamevā'yaṃ devānāṃ pūjanaṃ tathā || 45 ||
[Analyze grammar]

vyāsāya saṃhitāyaicārpayatyeva phalānyapi |
tāmcūlakāni tulasīpatrahārāṃśca kausumān || 46 ||
[Analyze grammar]

mudrāścā'kṣatagodhūmān vastrakambalakāṃstathā |
yathāśakti dadātyeva pūjāyāṃ saurabhān rasān || 47 ||
[Analyze grammar]

evaṃ saurabhasāvitro bhaktyā niṣkalmaṣo'bhavat |
satāṃ dehādisaṃvāhapādasaṃmardanādikam || 48 ||
[Analyze grammar]

kṛtvā bhuktvā prasādaṃ ca pītvā taccaraṇāmṛtam |
śrutvā kathāḥ saṃhitāyāḥ sandagdhavāsano'bhavat || 49 ||
[Analyze grammar]

taṃ netuṃ cākṣare sthāne kṛṣṇanārāyaṇaḥ prabhuḥ |
āyayau śvetagaruḍe sthitvā kathāsthalaṃ hariḥ || 50 ||
[Analyze grammar]

avātatāra sahasā prasannānanapaṅkajaḥ |
prāha saurabhasāvitraṃ prasannastava sevayā || 51 ||
[Analyze grammar]

āyāhi paramaṃ sthānaṃ divyaṃ vyoma mamā'kṣaram |
śrutvā saurabhasāvitraḥ kūrdayitvā nanarta ha || 52 ||
[Analyze grammar]

dhanyaṃ mokṣapadaṃ matvā''gataṃ kṛṣṇanarāyaṇam |
natvā tyaktvā nijaṃ dehaṃ manuṃ japaṃ purā'rjitam || 53 ||
[Analyze grammar]

nāmadhunyaṃ śrāvayaṃścā''ruroha garuḍopari |
divyamuktaśarīro'sau yayāvambaravartmanā || 54 ||
[Analyze grammar]

jyeṣṭhakṛṣṇasya dvādaśyāṃ kathottaraṃ yayau param |
āścaryaṃ paramaṃ dṛṣṭvā mumudire'timānavāḥ || 55 ||
[Analyze grammar]

śṛṇu badrīpriye devi bhaktagāthāṃ tathā'parām |
raṃgakārakathāṃ tatrabhūtāṃ paramapāvanīm || 56 ||
[Analyze grammar]

raṃgakāro'bhavannāmnā raṃgilo raṃgakṛt sadā |
raṃgakalāsu sarvāsu kuśalaścitrakoṭiṣu || 57 ||
[Analyze grammar]

śarkarānagare nityaṃ raṃgakāryaprajīvanaḥ |
devasevāparaścāpi sādhubhakto'bhavat sadā || 58 ||
[Analyze grammar]

badrike sa kathāyā vai maṇḍapaṃ samaraṃgayat |
devacitrāṇi sarvāṇi bhaktacitrāṇi sarvaśaḥ || 59 ||
[Analyze grammar]

bhittīnāṃ raṃgakāryāṇi paṭaraṃgān suśobhanān |
akarot sevayā bhaktyā satāṃ prasannatāptaye || 60 ||
[Analyze grammar]

hareḥ prasannatāyai ca raṃgasevāṃ tathā'karot |
abhajatparamātmānaṃ mantraṃ jajāpa nityaśaḥ || 61 ||
[Analyze grammar]

nāmasaṃkīrtanadhunyādīnyācarat kṛtādaraḥ |
vaiṣṇavānāṃ sevanaṃ ca kathāyāḥ śravaṇaṃ vyadhāt || 62 ||
[Analyze grammar]

prasādabhakṣaṇaṃ pādāmṛtavāriprapānakam |
pādadhūlivahanaṃ ca śarīre bhāvato'karot || 63 ||
[Analyze grammar]

evaṃ kṣapitapāpaḥ sa saṃprakṣālitavāsanaḥ |
iyeṣa śrīharerdhāma gantuṃ śāśvatamakṣaram || 64 ||
[Analyze grammar]

badrike vyāpakaḥ kṛṣṇo'ntaryāmī śrīnarāyaṇaḥ |
śvetā'śvā''rūḍha īśeśeśeśvaraḥ samupāyayau || 65 ||
[Analyze grammar]

uvāca raṃgila ehi mama dhāmā'kṣaraṃ param |
raṃgilaḥ sahasā dehaṃ tyaktvā bhautikamutsukaḥ || 66 ||
[Analyze grammar]

divyadeho'bhavat kṛṣṇadṛṣṭyā'śvamāruroha ca |
sarveṣāṃ paśyatāṃ nārāyaṇo ninye tamakṣaram || 67 ||
[Analyze grammar]

raṃgilaṃ raṃgakartāraṃ yāntaṃ vīkṣya sabhājanāḥ |
jayavādān pracakruśca nemustāṃ diśamacyutam || 68 ||
[Analyze grammar]

jyeṣṭhakṛṣṇatrayodaśyāṃ raṃgilo hyakṣaraṃ yayau |
badrike ca tataścānyāṃ kathāṃ bhaktasya saṃśṛṇu || 69 ||
[Analyze grammar]

vādyakāro'bhavattatra śarkarānagare śubhaḥ |
ḍamarūkābhidhaḥ so'pi bhakto vādyādinirmitim || 70 ||
[Analyze grammar]

kṛtvā vṛttiṃ nirvahati satāṃ sevāṃ karoti ca |
kathāyāṃ vādyadānāni kṛtavān bhāvataḥ sa vai || 71 ||
[Analyze grammar]

kāṃsyān śaṃkhān paṭahāṃśca bherīdiṇḍimagomukhān |
mṛdaṃgān paṇavāṃścāpi murajā'mbarakāṃstathā || 72 ||
[Analyze grammar]

mardalān veṇuvīṇāśca dardurān kacchapān dadau |
talaghātānānakāṃśca dundubhīn tālakān dadau || 73 ||
[Analyze grammar]

tena puṇyena bhagavān prasanno'syā'bhavattadā |
so'pi vādyakalāvijño vādyavādanamācarat || 74 ||
[Analyze grammar]

tena santaḥ prasannāśca badrike tasya cābhavan |
sevāṃ cakre satāṃ nityaṃ kathāṃ śuśrāva nityadā || 75 ||
[Analyze grammar]

prasādaṃ jagṛhe nityaṃ pādāmṛtaṃ papau sadā |
mantraṃ jajāpa satataṃ nāmasaṃkīrtanaṃ vyadhāt || 76 ||
[Analyze grammar]

evaṃ vaiṣṇavasevāyāṃ śrīkṛṣṇasevane rataḥ |
ḍamarūko'bhavat sarvanaṣṭapāpaḥ supāvanaḥ || 77 ||
[Analyze grammar]

anādiśrīkṛṣṇanārāyaṇaśrīkāntavallabhaḥ |
āyayau tvakṣaraṃ dhāma netuṃ taṃ ḍamarūkaṇam || 78 ||
[Analyze grammar]

so'pi mokṣakṣaṇaṃ jñātvā cāgataṃ harinā harim |
neme dadhyau hṛdaye ca natvā sabhājanān muhuḥ || 79 ||
[Analyze grammar]

bhautikaṃ varṣma santyaktvā divyadehamavāpya ca |
kṛṣṇanārāyaṇā''hūto gajaṃ samāruroha saḥ || 80 ||
[Analyze grammar]

yayau dhāmā'kṣaraṃ śrīmannārāyaṇasya śāśvatam |
kṛpayā śrīharerbadri yayāvapunarāgamam || 81 ||
[Analyze grammar]

jyeṣṭhakṛṣṇacaturdaśyāṃ yayau ḍamarūko'kṣaram |
śṛṇu badrīpriye devi tathā kathāṃ supāvanīm || 82 ||
[Analyze grammar]

bhāvasāro'bhavattatra vastravyāpārakārakaḥ |
śarkarānagare nāmnā cihnarāyeti viśrutaḥ || 83 ||
[Analyze grammar]

cihnarāyo dadau vastrasahasraṃ maṇḍapārthakam |
bhaktyā kathāsthalārthaṃ sa vaiṣṇavo dhanavān sukhī || 84 ||
[Analyze grammar]

ūrṇikāprastaraṇāni vitānānyuttamāni ca |
āsanāni suramyāṇi dadau kathotsave yataḥ || 85 ||
[Analyze grammar]

sādhūn sa sevayāmāsa śuśrāva cā''cyutīṃ kathām |
mantraṃ jagrāha dhunyaṃ ca kīrtanaṃ vyāsadevataḥ || 86 ||
[Analyze grammar]

siṣeve nityamevā'pi vastranāṇakadāṇakaiḥ |
tatsevayā prasanno'bhūcchrīhariḥ puruṣottamaḥ || 87 ||
[Analyze grammar]

prasādena pavitrāya cihnarāyāya darśanam |
pratyakṣaṃ pradadau kṛṣṇo vallabhāryaḥ śriyaḥ patiḥ || 88 ||
[Analyze grammar]

uvāca taṃ prasanno'smi dhāma cāyāhi me'kṣaram |
etadvimānavaryeṇa nayāmi paramaṃ padam || 89 ||
[Analyze grammar]

jyeṣṭhā'māyāṃ tu madhyāhne kṛṣṇaṃ dṛṣṭvā samāgatam |
sajjo'bhavat pragantuṃ vai tatyāja bhautikīṃ tanum || 90 ||
[Analyze grammar]

divyadeho'bhavattūrṇaṃ vimānamāruroha ca |
nāmasaṃkīrtanaṃ kurvan kṛṣṇanārāyaṇeti saḥ || 91 ||
[Analyze grammar]

sārdhaṃ śrīhariṇā tūrṇaṃ vimānenā''kṣaraṃ yayau |
jayanādāstadā tatra bhaktānāmabhavan muhuḥ || 92 ||
[Analyze grammar]

badrike ca tadā tatra sāyaṃkāle kathottaram |
āścaryaṃ paramaṃ jātaṃ śṛṇu tadgrāmayājinaḥ || 93 ||
[Analyze grammar]

grāmayājī vipradevo'bhavannāmnā rameśvaraḥ |
nityaṃ kathāṃ śṛṇotyeva vyāsā'rhaṇāṃ karoti ca || 94 ||
[Analyze grammar]

bhajate śrīhariṃ nityaṃ mantraṃ japati nityaśaḥ |
nāmadhunyaṃ kīrtanaṃ ca karoti satataṃ mudā || 95 ||
[Analyze grammar]

prasādaṃ śrīharernityaṃ gṛhṇāti ca padāmṛtam |
evaṃ pāvanahṛdayo vipro vyavartatā'nvaham || 96 ||
[Analyze grammar]

vaiṣṇavaḥ paramo nityaṃ sevate sādhupuṃgavān |
niścayaṃ so'karod gantuṃ dhāmā'kṣaraṃ paraṃ hareḥ || 97 ||
[Analyze grammar]

badrike'naśanaṃ cakre nirjalaṃ mokṣalabdhaye |
dinatraye haristasya mokṣārthaṃ samupāyayau || 98 ||
[Analyze grammar]

amāyāṃ tu niśāraṃbhe vimānena samāyayau |
āha taṃ bhakta cāyāhi vimānaṃ tvatkṛte tvidam || 99 ||
[Analyze grammar]

so'pi tūrṇaṃ divyadevo bhūtvā samāruroha tat |
yayau kṛṣṇena sahito dhāmā'kṣaraṃ paraṃ padam || 100 ||
[Analyze grammar]

badrike te camatkārāḥ prāsaran bhuvi sarvataḥ |
asaṃkhyā mānavā yānti kathāśravaṇahetave || 101 ||
[Analyze grammar]

tīvravegāstūrṇaśuddhāḥ prayānti tūrṇamakṣaram |
madhyavegāḥ śanairyānti mandāścireṇa yānti ca || 102 ||
[Analyze grammar]

asnehāstu na vai yānti snehastatra hi kāraṇam |
prasannatā kṛpā sevā śraddhā ca divyabhāvanā || 103 ||
[Analyze grammar]

vāsanāvilayaścāpi jigamiṣā'tiveginī |
vairāgyaṃ śaraṇaṃ bhaktiḥ kāraṇāni tu mokṣaṇe || 104 ||
[Analyze grammar]

yeṣāṃ tīvrāste tu śīghraṃ prayānti paramaṃ padam |
paṭhanācchravaṇādasya bhuktirmuktirbhavediha || 105 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne kathāśravaṇasevādānādinā prasannaḥ śrīhariḥ harṣanayanākhyaṃ māgadhaṃ yogidāsākhyaṃ dāsaṃ saurabhasāvitrākhyaṃ tāmbūlakāraṃ raṃgilākhyaṃ raṃgakāraṃ ḍamarūkākhyaṃ vādyakāraṃ cihnarāyākhyaṃ bhāvasāraṃ rameśvaraṃ grāmayājinaṃ ca mokṣapadaṃ nītavānityādinirūpaṇanāmā pañcasaptatitamo'dhyāyaḥ || 75 ||
[Analyze grammar]