Chapter 72

śrīnaranārāyaṇa uvāca |
śṛṇu badrīpriye devi kathāṃ jyotirvidasya vai |
vikramanagare vipro nāmnā devamatīśvaraḥ || 1 ||
[Analyze grammar]

kulakuṭumbasahitaścāsīddharmavratādimān |
devasevāparaścāpi prajākalyāṇacintanaḥ || 2 ||
[Analyze grammar]

ātitheyaḥ śaraṇyaśca paraduḥkhaprabhañjanaḥ |
brahmakarmaparaścāpi jyotirvidyā'rdhapaṇḍitaḥ || 3 ||
[Analyze grammar]

badrike sarvalokeṣu cārdhajñaḥ sarvakarmasu |
na pāraṃ nirṇayaṃ yāti tato bhavati kleśabhāk || 4 ||
[Analyze grammar]

auṣadheṣu bhāgyavitsu jyotirvitsu kalāsu ca |
sarvathā pārago dīrghānubhavī ca bahuśrutaḥ || 5 ||
[Analyze grammar]

sādhaneṣvanukūleṣu dhruvaṃ phalaṃ samaśnute |
apāragastu yatnena daivānukūlavartmani || 6 ||
[Analyze grammar]

akasmāllabhate puṣpaṃ phalaṃ vā labhate kvacit |
prāyaśo na phalaṃ yāti viphalaṃ labhate sadā || 7 ||
[Analyze grammar]

asatyā''ḍambaradoṣairlipyate vijñagarvavān |
ardhadagdhena bhāvyaṃ na prāyaśaḥ kleśakāriṇā || 8 ||
[Analyze grammar]

ardhābhijño bhiṣaṅmadhya śatahiṃsottaraṃ varaḥ |
utkṛṣṭabhāvamāyāti hiṃsāpāpaśatānvitaḥ || 9 ||
[Analyze grammar]

ardhābhijñastathā jyotirvettā rekhāvidastathā |
bahūnāmanṛtānāṃ ca pāpavān jāyate sadā || 10 ||
[Analyze grammar]

asatyakathanaiścāpi sandigdhānāṃ pradarśanaiḥ |
niścitajñānavidhurā viśvāsaghātadūṣitāḥ || 11 ||
[Analyze grammar]

vipathe vartamānāste parān vipathayanti ca |
tena doṣeṇa jāyante mṛtāstiryañci rākṣasāḥ || 12 ||
[Analyze grammar]

upadeśakarā evaṃ vṛthā vācāṃ vihāriṇaḥ |
svayamuktārthaśūnyāste paropadeśapaṇḍitāḥ || 13 ||
[Analyze grammar]

tiraścāṃ yonimṛcchanti jāyante rākṣasā api |
badrike'to bhiṣaktvaṃ vidvattvaṃ jyotiḥpravetṛtā || 14 ||
[Analyze grammar]

satyena yuñjitāḥ sarve svargadā mokṣadā api |
asatyayuñjitāḥ sarve'dhogatau nirayapradāḥ || 15 ||
[Analyze grammar]

badrike sa tathā cārdhajyotiṣī grahadarśakaḥ |
bhāgyā'bhāgyapravaktā ca mithyācāro'bhavattadā || 16 ||
[Analyze grammar]

tena pāpena saṃlipto devagatīśvarābhidhaḥ |
galagaṇḍena rogeṇa kaṇṭhamālarujā tathā || 17 ||
[Analyze grammar]

gale karkaṭavṛddhyā ca pīḍitaścā'bhavattadā |
jihvāmūlaṃ rujā channaṃ jihvā hrasvā tato'bhavat || 18 ||
[Analyze grammar]

aspaṣṭavarṇā vāṇī ca śanairvai mūkatāṃ gatā |
evaṃ rogābhibhūtasya śiraso vedanā'bhavat || 19 ||
[Analyze grammar]

gaṇḍayoścā'bhavat pākastena duḥkhena pīḍitaḥ |
pūyapāko'bhavad bhāle pūyasrāvaśca karṇayoḥ || 20 ||
[Analyze grammar]

netrayorāndhyabhāvaśca bādhiryaṃ cāpyajāyata |
aho prārabdhaduḥkhaṃ vā sañcitaṃ tatsamāgatam || 21 ||
[Analyze grammar]

kṛtaṃ mithyāpracāraṃ yat samastaṃ bhujyate tviha |
tasmānmithyā na kartavyaṃ na kartavyaṃ mṛṣā kvacit || 22 ||
[Analyze grammar]

asatyaṃ nācaraṇīyaṃ nopadeṣṭavyamanṛtam |
ajñātaṃ nopadeṣṭavyaṃ darśanīyaṃ na cā'nṛtam || 23 ||
[Analyze grammar]

sandigdhaṃ viparītaṃ vā kathanīyaṃ na sarvathā |
nā'hitaṃ cintanīyaṃ ca svārthadoṣābhipātinā || 24 ||
[Analyze grammar]

nā'niṣṭaṃ karaṇīyaṃ ca kāraṇīyaṃ na kenacit |
nā'ndhamārge dhāvanīyaṃ nā''kṛṣṭavyāḥ pare'pi ca || 25 ||
[Analyze grammar]

na pātanīyā garte'ndhe patanīyaṃ na sarvathā |
dṛṣṭaṃ vācyaṃ na tvadṛṣṭaṃ vācyaṃ prāmāṇikaṃ tu yat || 26 ||
[Analyze grammar]

vaktavyaṃ phalavad badri niṣphalaṃ nā'nṛtaṃ mṛṣā |
āptaśrutaṃ pravaktavyaṃ hyāptaśrutyā svayā na tu || 27 ||
[Analyze grammar]

āśīrvādāḥ pradātavyāḥ kṛṣṇārpaṇavidhitsayā |
vacanaṃ tu pradātavyaṃ phalā''yatibhṛtaṃ sadā || 28 ||
[Analyze grammar]

ājñā kāryā vahyasahyā stutiḥ pramodakārikā |
nāṭakaṃ rasavat kāryaṃ samājāścaryakārakam || 29 ||
[Analyze grammar]

bhajanaṃ kīrtanaṃ gītaṃ kartavyaṃ tuṣṭaye hareḥ |
praśaṃsā tu mahatāṃ vai kartavyā pūjyabhāvataḥ || 30 ||
[Analyze grammar]

varṇanaṃ sarvathā kāryaṃ śataguṇaṃ tato'dhikam |
cintanaṃ tu vidhātavyaṃ sahasratarkitaṃ tathā || 31 ||
[Analyze grammar]

kintu roge grahe satyaṃ vācyaṃ viśvāsakarmasu |
vyavahāre yathāyogyaṃ vaktavyaṃ satyameva ha || 32 ||
[Analyze grammar]

prāṇatrāṇāya yad yogyaṃ tadvaktavyaṃ vijānatā |
badrike gaṇakaḥ so'yaṃ bhiṣaṅmithyābhidūṣaṇaiḥ || 33 ||
[Analyze grammar]

pīḍito bahudhā rogaistrātāraṃ na lalābha ha |
bahudhā'pi vyayaṃ kṛtvā prāpto nirdhanatāṃ punaḥ || 34 ||
[Analyze grammar]

anyāyopārjitaṃ sarvaṃ rogeṇa viniyāpitam |
athā'sya matirutpannā śrutvā śrutvā punaḥ punaḥ || 35 ||
[Analyze grammar]

kathāpraśaṃsāṃ bahudhā rogaghnīṃ mokṣadāṃ tathā |
kathāsthalaṃ tato gantuṃ rakṣituṃ svaṃ vratādibhiḥ || 36 ||
[Analyze grammar]

patnyai nivedayāmāsa vicāraṃ gamanātmakam |
badrike duḥkhabhāk prāṇī bhajate śrīprabhumpatim || 37 ||
[Analyze grammar]

sukhe naiva smaratyenaṃ sukhadaṃ mādhavīprabhum |
vipadyeva smaratyenaṃ svārthī prāṇī budho'pi san || 38 ||
[Analyze grammar]

mānuṣyaṃ sarvathā prāptaṃ smṛtyarthaṃ śrīhareḥ sadā |
tad vismṛtya dhane patnyāṃ yāpayanti kṣaṇaṃ khalāḥ || 39 ||
[Analyze grammar]

pūrvakṛtaṃ bhakṣayanti navīnaṃ nārjayantyapi |
puṇyaṃ tyaktvā pāpamevā''caranti nirayāya te || 40 ||
[Analyze grammar]

asatyaṃ hṛdaye yasya vāci tvasatyatā bhavet |
karmasvasatyatā tasya trīṇyatra nirayāṇi vai || 41 ||
[Analyze grammar]

tatphalaṃ ghorapāpaṃ ca nirayaṃ nirayapradam |
phalaṃ ca narakaṃ duḥkhaṃ sarvamasatyakāriṇaḥ || 42 ||
[Analyze grammar]

prathamaṃ narakaṃ dehe rogaḥ samparikīrtitaḥ |
dvitīyaṃ narakaṃ cā'nnā'mbaralabdhistvatuṣṭidā || 43 ||
[Analyze grammar]

tṛtīyaṃ narakaṃ bhāryā duṣṭā duṣṭaḥ patiśca vā |
caturthaṃ narakaṃ dāsyaṃ kaiṃkaryaṃ paravaśyatā || 44 ||
[Analyze grammar]

pañcamaṃ narakaṃ nityaṃ kalahaḥ svajaneṣu vai |
ṣaṣṭhaṃ tu narakaṃ grāme deśe ca bahuśatrutā || 45 ||
[Analyze grammar]

saptamaṃ narakaṃ rājadaṇḍaścātiprayāsitā |
aṣṭamaṃ narakaṃ tṛṣṇā vāsanā cā'nivartinī || 46 ||
[Analyze grammar]

navamaṃ narakaṃ ceṣṭā'lābhastathā'vamānanam |
daśamaṃ narakaṃ nityadāridryaṃ sarvato'dhikam || 47 ||
[Analyze grammar]

ekādaśaṃ tu naraka sarvatraivā'rdhadagdhatā |
dvādaśaṃ tu narakaṃ yannityaṃ narakakṣālanam || 48 ||
[Analyze grammar]

trayodaśaṃ tu narakaṃ navadvāramalāni vai |
caturdaśaṃ tu narakam udarasthaṃ sadā malam || 49 ||
[Analyze grammar]

malakuṇḍaḥ śarīraṃ vai nityaṃ narakasaṃbhṛtam |
pañcadaśaṃ tu narakaṃ paśuvanmalinā sthitiḥ || 50 ||
[Analyze grammar]

ṣoḍaśaṃ narakaṃ yāmyaṃ sahasradhā tu vistṛtam |
ityevaṃ badrike loke bhavanti narakāṇi hi || 51 ||
[Analyze grammar]

duṣṭaputro duṣṭaśiṣyo rājā duṣṭaśca bhakṣakaḥ |
rakṣako bhakṣakastrātā hanteti narakāṇi vai || 52 ||
[Analyze grammar]

prātikūlyaṃ tathā'niṣṭaprāptirvighnāni yānyapi |
sarve te nirayā loke durbhāgyānāṃ bhavanti hi || 53 ||
[Analyze grammar]

kārāgāre nivāsaśca tathā'rāteradhīnatā |
durbhikṣe bhikṣukī vṛttirnarakāṇi bhavanti hi || 54 ||
[Analyze grammar]

lobho mānaṃ ca ruṭ kāmo dveṣo rāgo'pyasūyikā |
īrṣyā matsara udvegaḥ sākṣātte nirayāstviha || 55 ||
[Analyze grammar]

ajñānaṃ ca tamo mohaścauryaṃ śāṭhyamapūrṇatā |
pratāraṇaṃ ca viśvastaghātanaṃ nirayāstvime || 56 ||
[Analyze grammar]

unmattatvaṃ vicittatvaṃ śītoṣṇāgama ulbaṇaḥ |
chedyabhedyā'ṅgahīnatvaṃ narakāste sadā matāḥ || 57 ||
[Analyze grammar]

malamūtrāśayāḥ sarve narakā deharūpiṇaḥ |
garbhavāso janmamṛtyū narakāste sadā matāḥ || 58 ||
[Analyze grammar]

yāvantaḥ kardamāḥ svedā durgandhā narakā hi te |
apakīrtiśca narakaṃ śokāgnirnirayo mahān || 59 ||
[Analyze grammar]

ādhayo vyādhayaścopādhayaste narakāḥ sadā |
badrike yasya santoṣastasya svargamanuttamam || 60 ||
[Analyze grammar]

tṛṣṇākṣayasukhaṃ svargaṃ nirīhatā sukhaṃ param |
pratiṣṭhāṃ śaukarīṃ viṣṭhāṃ gauravaṃ rauravaṃ tathā || 61 ||
[Analyze grammar]

abhimānaṃ surāpānaṃ tyaktvā trīṇi sukhī bhavet |
necchānāṃ vilayaścāsti bhogānāṃ viratirna hi || 62 ||
[Analyze grammar]

karmaṇāṃ śūnyatā nāsti trīṇi tyaktvā sukho bhavet |
tṛptirnāsti rasānāṃ vai śāntirnāsti ca karmiṇām || 63 ||
[Analyze grammar]

nivṛttirdehināṃ nāsti triguṇaḥ sarvadā sukhī |
adhyātmajñāne divaso rātriryasya narāyaṇe || 64 ||
[Analyze grammar]

nidrā brahmātmasandhāne sa vai syāt sarvathā sukhī |
duḥkhadā sukhatṛṣṇāpi tāṃ tyaktvā syāt sukhī sadā || 65 ||
[Analyze grammar]

śarīraṃ narakaṃ sarvaṃ navadvāraṃ malairbhṛtam |
puṣṭaṃ malātmakairbhāvairātmano nirayātmakam || 66 ||
[Analyze grammar]

are prapaśya badari nāsikāyāḥ pragartayoḥ |
pūyabhāgaḥ prasravati durgandhaścauṣṭhalepakaḥ || 67 ||
[Analyze grammar]

lālājālaṃ mukhe nityaṃ kaphaścāntaḥpradeśataḥ |
mukhamāyāti nityaṃ ca dantamūleṣu pūyakam || 68 ||
[Analyze grammar]

durgandhaṃ dantamūleṣu pakvaṃ pūyaṃ pravardhate |
prātarmukhaṃ hi durgandhaṃ śvāso durgandhasaṃbhṛtaḥ || 69 ||
[Analyze grammar]

svedaḥ sarveṣu sarvatra romasvabhisravatyapi |
durgandhaḥ kṣārabhṛt sarvaḥ sugandho yatra durlabhaḥ || 70 ||
[Analyze grammar]

śreṣṭhāṃgamevaṃ durgandhamanyāṃ'gānāṃ tu kā kathā |
manuṣyāṇāṃ viḍālānāṃ siṃhānāṃ rakṣasāṃ tathā || 71 ||
[Analyze grammar]

piśācānāṃ sūkarāṇāṃ kākānāṃ dehasāmyatā |
badrike sarvathā nityadurgandhā'śuddhisaṃbhṛtām || 72 ||
[Analyze grammar]

naisargā'śuddhadeho'yaṃ kathaṃ śuddhimavāpnuyāt |
tasmād yogijanā nityaṃ kṣālayantyāntaraṃ sadā || 73 ||
[Analyze grammar]

dhyānena cetanaṃ dehasthitamātmānamutsukāḥ |
samādhinā''pnuvantyenaṃ satyaṃ satyātmanā'nvitam || 74 ||
[Analyze grammar]

paramātmā nityaśuddhaḥ kṛṣṇanārāyaṇo hariḥ |
yatrāste cāsane taccāsanaṃ śuddhaṃ sadātmakam || 75 ||
[Analyze grammar]

sannātmā cetano nityasaccidānandatattvakaḥ |
taṃ santaṃ sāttvataṃ bhaktaṃ bhāvayanti budhāḥ sadā || 76 ||
[Analyze grammar]

hṛdaye vartamānaṃ taṃ svāminā saṃvirājitam |
prakāśitaṃ śritaṃ nityaṃ śrīkṛṣṇaparamātmanā || 77 ||
[Analyze grammar]

dhyāyanti jñānavimalā dehabhāvavivarjitāḥ |
vivekalabdhavairāgyāḥ santaḥ santaṃ hṛdi sthitam || 78 ||
[Analyze grammar]

yatrā'satyamanṛtaṃ ca phalgumithyāmṛṣātmatā |
aṇutulyā'pi nāstyeva santo dhyāyanti taṃ nijam || 79 ||
[Analyze grammar]

te pāraṃ samprayāntyasya kardamasya hi varṣmaṇaḥ |
sarvamalāni santyajya prayānti parameśvaram || 80 ||
[Analyze grammar]

māyā malātmikā nityaṃ tatrāpi rājaso guṇaḥ |
tamastu malinaṃ nityaṃ malaṃ sarvaṃ hi tāmasam || 81 ||
[Analyze grammar]

tata utpannatattvāni mahadahaṃ ca māyikau |
indriyāṇi viṣayāśca bhūtāni malināni vai || 82 ||
[Analyze grammar]

bhautikāni samastāni malināni malāni ca |
badrike tāpasāḥ santastasmāt tyajanti bhautikam || 83 ||
[Analyze grammar]

śāśvataṃ cintayantyeva bhajante śāśvataṃ harim |
tiṣṭhanti brahmabhāve ca modante cātmagahvare || 84 ||
[Analyze grammar]

pariharantyasatyaṃ tajjagat pāpaughasaṃbhṛtam |
mokṣārthaṃ ca yatante te sadgurvāśrayamāsthitāḥ || 85 ||
[Analyze grammar]

evaṃ badrīpriye devagatīśvarastu bhūsuraḥ |
satyā'satyamayaṃ vīkṣya parabhāgyaṃ grahāṃstathā् || 86 ||
[Analyze grammar]

satyā'nṛtamayaṃ sarvaṃ sandigdhaṃ bhāvi dehinām |
nivedayati dehibhyaḥ pāpamardhaṃ yathātatham || 87 ||
[Analyze grammar]

tena pāpena pīḍāvān patnyai saha pramuktaye |
patnī dharmavatī śrutvā patyuḥ priyacikīrṣayā || 88 ||
[Analyze grammar]

patiṃ nītvā'nasā sādhvī jagāma śarkarāpuram |
kathāsthalaṃ muniṃ vyāsaṃ dadarśa ca pupūja ca || 89 ||
[Analyze grammar]

nyavedayat svāmiduḥkhaṃ muktaye prārthayanmunim |
vyāsaṃ svataḥprakāśākhyaṃ vyāso'pi dayayā tadā || 90 ||
[Analyze grammar]

bhūsurāya dadau mantraṃ nāmadhunyaṃ dadau vratam |
oṃ namaḥ śrīkṛṣṇanārāyaṇāya svāmine svāhā || 91 ||
[Analyze grammar]

prabhonārāyaṇa padmāvatīnārāyaṇa prabho |
jayākṛṣṇa lalitāśrīkṛṣṇa rādhāpate vibho || 92 ||
[Analyze grammar]

patnī cāpi prajagrāha mantraṃ dhunyaṃ vrataṃ tathā |
papatustau hareḥ pādāmṛtavāri śubhapradam || 93 ||
[Analyze grammar]

cakhadatuḥ prasādaॆ ca śuśruvatuḥ kathāmṛtam |
māsānte śrīharistābhyāṃ darśanaṃ pradadau prabhuḥ || 94 ||
[Analyze grammar]

pasparśa taṃ karāgreṇa rugṇaṃ nīrogiṇaṃ vyadhāt |
divyabhāvaॆ vyadhāccāpi bhāryāṃ divyāṃ vyadhāttathā || 95 ||
[Analyze grammar]

tatastābhyāṃ prārthitaśca harirmokṣārthamatyati |
hariḥ kṛtvā divyadehau tau tu nije vimānake || 96 ||
[Analyze grammar]

nyasya vaiśākhapūrṇāyāṃ ninye dhāmā'kṣaraṃ nijam |
paśyatāṃ sarvalokānāṃ jyotirvit prāpa mokṣaṇam || 97 ||
[Analyze grammar]

puṇyavatyā striyā sākaṃ paraṃ mokṣamavāpa saḥ |
badrike mahadāścaryamabhūt tat sarvadehinām || 98 ||
[Analyze grammar]

māsamātreṇa viprasya roganāśaśca mokṣaṇam |
praśaśaṃsurjanā viprabhāryā pativratāṃ śubhām || 99 ||
[Analyze grammar]

yayā svāmī prāpito vai mokṣaṃ cājñāpravṛttayā |
dhanyā sā gṛhiṇī loke yā''jñākarī varasya vai || 100 ||
[Analyze grammar]

dhanyo nārāyaṇaścāpi śaraṇyo mokṣado varaḥ |
badrike jīvaloke'tra snehaḥ svargaḥ sadottamaḥ || 101 ||
[Analyze grammar]

paropakāraḥ snehena sevā snehena jāyate |
sukhadatvaṃ premabhāvairjāyate śraddhayā tathā || 102 ||
[Analyze grammar]

paṭhanācchravaṇādasya smaraṇādvartanāttathā |
bhuktirmuktirbhaveccāpi kṛpā kṛṣṇasya vai bhavet || 103 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne devagatīśvarasya viprasyā'rdhajyotirvido'satyapāpādināśena kathāśravaṇakāriṇaḥ puṇyavatībhāryāsahitasya mokṣa ityādinirūpaṇanāmā dvāsaptatitamo'dhyāyaḥ || 72 ||
[Analyze grammar]