Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 67 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnaranārāyaṇa uvāca |
śṛṇu badrīpriye devi kathāṃ sarvāghahāriṇīm |
taṭādhiṣṭhānake grāme govāro nāmato'bhavat || 1 ||
[Analyze grammar]

gavāṃ pālaḥ kuṭumbāḍhyaścārayatyeva gāḥ sadā |
gavāṃ pañcaśataṃ sīmni kṣetreṣu pīḍakeṣu ca || 2 ||
[Analyze grammar]

sasyabhūmiṣu ghāsāḍhyakṣitāvucchrāyakeṣu ca |
nītvā nityaṃ cārayati govyāpāraśca jīvati || 3 ||
[Analyze grammar]

dugdhadadhyājyavikretā govāraḥ sa prajīvati |
karoti cāparaṃ kāryaṃ grāmīṇagopracāraṇam || 4 ||
[Analyze grammar]

grāmīṇānāṃ gavāṃ cāpi cāraṇaṃ svīyadhenubhiḥ |
sākaṃ sīmasu sarvatra vṛttikāṃ labhate tathā || 5 ||
[Analyze grammar]

evaṃ nirvāhamāpnoti kintu lobhābhikarṣitaḥ |
anyāsāṃ tu gavāṃ dugdhaṃ dohayitvā ca vikrayam || 6 ||
[Analyze grammar]

kvacit kvacit karotyeva dugdhacauryaṃ tathāvidham |
catuḥśatāni gāvastu grāmīṇānāṃ bhavanti tāḥ || 7 ||
[Analyze grammar]

nijā gāvaḥ śataṃ ceti dugdhadāstu tadardhikāḥ |
grāmīṇānāṃ gavāṃ nityaṃ pañcānāṃ dugdhameva saḥ || 8 ||
[Analyze grammar]

corayatyeva madhyāhnottaraṃ sīmnyeva pratyaham |
nityamevaṃ rasacauryaṃ karoti gosatīṣvapi || 9 ||
[Analyze grammar]

dogdhrīṣu ca svakīyāsu tṛṣṇātanturhi durjaraḥ |
rasastainyajapāpena kālāntare mṛto vane || 10 ||
[Analyze grammar]

jalānnarahitaḥ so'yaṃ vane mārjāratāṃ gataḥ |
śarkarānagarābhyāśe mārjāro bhramati prage || 11 ||
[Analyze grammar]

yadvā rātrau bhojanārthaṃ samanveṣaṇatatparaḥ |
samāyāti mahodyānaṃ gandhena karṣitastataḥ || 12 ||
[Analyze grammar]

āyayau bhojanocchiṣṭotkarapuñjasamīpagaḥ |
tatra kṛṣṇaprasādānnabhojināṃ sādhuyoginām || 13 ||
[Analyze grammar]

ucchiṣṭaṃ prāptavān vanyabiḍālako mudaṃ gataḥ |
bhakṣayāmāsa tṛptaśca yayau rātrau vanāntaram || 14 ||
[Analyze grammar]

evaṃ karoti nityaṃ sa miṣṭagariṣṭabhojanam |
tenā'lasaḥ sa sañjāto māsānte puṣṭadehavān || 15 ||
[Analyze grammar]

utkarasyaiva pārśvasthatṛṇapuñje divāniśam |
vāsaṃ sa rocayāmāsa nirbhīkaḥ stabakeṣvapi || 16 ||
[Analyze grammar]

stambeṣu ca kvacidasti svapiti bhakṣaṇottaram |
kvacid divā samāyāti bahiḥ śvādivivarjite || 17 ||
[Analyze grammar]

caitraśuklatrayodaśyāṃ bhoktumutkarake sa tu |
madhyāhnottaravelāyāmāgato bhayavarjitaḥ || 18 ||
[Analyze grammar]

ucchiṣṭaṃ bhuktavāṃstatra mūrchāṃ jagāma vai tataḥ |
vyasurjātaḥ kṣaṇāt tasmād divyaḥ pumān vyajāyata || 19 ||
[Analyze grammar]

suravad divyadehaśca sarvāṃgaśobhanaḥ śubhaḥ |
ucchiṣṭamārjakā dṛṣṭvā mahāścaryamidaṃ tataḥ || 20 ||
[Analyze grammar]

papracchustaṃ devajanaṃ kastvaṃ mārjāratāṃ gataḥ |
kathaṃ devatvamāpanno namastubhyaṃ vadātra naḥ || 21 ||
[Analyze grammar]

sa cāhocchiṣṭahārāṃstu taṭādhiṣṭhānake pure |
govāranāmakaścā'haṃ gavāṃ cāro'bhavaṃ purā || 22 ||
[Analyze grammar]

grāmīṇānāṃ dhenavaśca dogdhrayaḥ sucāritā mayā |
kintu tāsāṃ sudugdhāni sīmni pralobhinā mayā || 23 ||
[Analyze grammar]

coritāni dohitāni vikrītāni ca cauryataḥ |
ājīvanaṃ kṛtaṃ cauryaṃ tena pāpena vai mṛtaḥ || 24 ||
[Analyze grammar]

yāmyapure duḥkhamayīryātanāḥ samalokya ca |
bhuktvā duḥkhānyasaṃkhyāni tato mārjāratāṃ gataḥ || 25 ||
[Analyze grammar]

jalānnaśūnyadeśe vai kṣudhātṛṣātipīḍitaḥ |
śvapadānāṃ bhautiyukto bhramāmi rakṣayaṃstu mām || 26 ||
[Analyze grammar]

mārgayāmi bhakṣyameva jalaṃ cāpi miled yadi |
aṭan vanāni cāgacchaṃ vane sindhutaṭe'dhunā || 27 ||
[Analyze grammar]

jalayukte pradeśe'haṃ nivāsaṃ samarocayam |
rātrau rātrau vicarāmi bhakṣyalābhāya kheṭakān || 28 ||
[Analyze grammar]

mahodyānābhibhūmau cāgacchaṃ daivānuyojitaḥ |
utkaraṃ dṛṣṭavān rātrāvucchiṣṭabahulaṃ tadā || 29 ||
[Analyze grammar]

abhakṣayaṃ yatheṣṭaṃ ca tṛptiṃ śāntimavāpa ca |
nityamevaṃ bhakṣyamatra prāptaṃ mayā divāniśam || 30 ||
[Analyze grammar]

puṣṭiṃ prāpto'tra dehasya mahālasyaṃ gato'pi ca |
alasaḥ sannivāsaṃ cārocayaṃ tṛṇapuñjake || 31 ||
[Analyze grammar]

nātidūre stabakeṣu stambeṣvapi bhramāmyaham |
bhuktvā cātra prayāmyevaṃ māso'tra me vyavartata || 32 ||
[Analyze grammar]

ucchiṣṭaṃ bhuktavānnityaṃ kṛṣṇaprasādabhojinām |
sādhūnāṃ vaiṣṇavānāṃ ca tenā'ghāni gatāni me || 33 ||
[Analyze grammar]

naṣṭapāpo bhavāmyadya prasādocchiṣṭabhojanaḥ |
puṇyavān bhāgyavānasmi jātaścādya bhuvastale || 34 ||
[Analyze grammar]

kathāsthalīsthasādhūnāṃ prasādaṃ prāptavānaham |
devabhāvaṃ cādhigatastyaktvā biḍālavigraham || 35 ||
[Analyze grammar]

prayāmi vyomacāro'haṃ svargaṃ mahendrapālitam |
tatra śatayugaṃ sthitvā yāsyāmi badarīvanam || 36 ||
[Analyze grammar]

śvetadvīpaṃ tataścāpi vaikuṇṭhaṃ ca tataḥ param |
tato''kṣarapadaṃ divyaṃ prayāsyāmi ca saṃśayaḥ || 37 ||
[Analyze grammar]

anādiśrīkṛṣṇanārāyaṇasya paramātmanaḥ |
sādhūnāṃ suprasādasyocchiṣṭabhogaphalaṃ tvidam || 38 ||
[Analyze grammar]

jātaṃ me sarvathā lokā yāsyāmi svargamuttamam |
svasti vo'stu namo vo'stvityuktvā divaṃ yayau drutam || 39 ||
[Analyze grammar]

ucchiṣṭamārjakāḥ sarve mahāścaryaṃ prapedire |
aho prasādamāhātmyaṃ paśūnāṃ devatākaram || 40 ||
[Analyze grammar]

viditvā te kathāyāṃ vai kathānte cāhurutsukāḥ |
sarve jñātvā menire tāṃ kṛpāṃ kṛṣṇasya sarvathā || 41 ||
[Analyze grammar]

śṛṇu badrīpriye devi ṭhaṭhṭholasya kathāṃ tathā |
vastracauro'bhavaddhūrtaḥ ṭhaṭṭholākhyo vaṇigjanaḥ || 42 ||
[Analyze grammar]

hanūdarākhyanagare vastravyāpāravān sadā |
vastrāpaṇād vastrajātīnyabhikrīṇāti nityadā || 43 ||
[Analyze grammar]

vikrīṇāti ca tānyeva vyāpāraṃ prakaroti ca |
kvacit kvacid vastracauryaṃ karoti paravastrataḥ || 44 ||
[Analyze grammar]

kraye cauryaṃ vikraye'pi parakośebhya ityapi |
granthicauryaṃ karotyeva yathā jānāti netaraḥ || 45 ||
[Analyze grammar]

vastracauryotthapāpena dāridryaṃ samajāyata |
annavastrādihīnaḥ sa vyajāyata śanaiḥ śanaiḥ || 46 ||
[Analyze grammar]

kuṭumbapoṣaṇā'śakto vicittaḥ so'bhavaṃstataḥ |
unmattaḥ sa gṛhaṃ tyaktvā'bhramad grāmāntare'pi ca || 47 ||
[Analyze grammar]

prārabdhavaśatāpanno jvarāviṣṭobhavattaḥ |
mṛto nirjanadeśe'sau dehaṃ kākā abhakṣayan || 48 ||
[Analyze grammar]

vastracauryasya pāpena yāmyapuraṃ gato'bhavat |
tatra bhuktvā narakān sa vane jambukatāṃ gataḥ || 49 ||
[Analyze grammar]

kṣudhāvyāpto vastrahīnaḥ śītoṣṇapīḍitaḥ śaṭhaḥ |
dhūrtasvabhāvayuktaḥ sa jambukaḥ śarkarāpuram || 50 ||
[Analyze grammar]

adūravanatastatra kathā'bhyāśamupāyayau |
rātrau bhojanalabdhīcchāpreritaḥ paryaṭan svayam || 51 ||
[Analyze grammar]

utkaraṃ khādyasampannamucchiṣṭasañcayānvitam |
prāpa cakhāda tatrānnaṃ prasādocchiṣṭamujjhitam || 52 ||
[Analyze grammar]

satāṃ prasādocchiṣṭaṃ ca bubhuje tṛptipūrvakam |
evaṃ nityaṃ bhuktavān sa badrike cotkarojjhitam || 53 ||
[Analyze grammar]

tena pāpāni naṣṭāni paśujanmārthakānyapi |
pūrvajāni samastāni nūtnajanmāni yānyapi || 54 ||
[Analyze grammar]

sarvapāpāni naṣṭāni vāsanāśca kṣayaṃ gatāḥ |
śuddho jātaḥ śṛgālo yat prasādo bheṣajaṃ satām || 55 ||
[Analyze grammar]

janmarogaharaḥ sarvavāsanākṣayakṛttathā |
hareḥ satāṃ ca sādhvīnāṃ prasādo bheṣajaṃ mahat || 56 ||
[Analyze grammar]

saṃsārarogamagnānāṃ prasādo roganāśakaḥ |
brahmasvāsthyapradaścāpi svargasaukhyapradastathā || 57 ||
[Analyze grammar]

paśūnāṃ pakṣiṇāṃ cāpi kīṭānāṃ kṣudradehinām |
śākhināṃ tṛṇajātīnāmapi pāpavināśakaḥ || 58 ||
[Analyze grammar]

svargadaḥ puṇyado mokṣapradaścāpi prasādakaḥ |
divyadṛṣṭiprado divyagatipradaḥ prasādakaḥ || 59 ||
[Analyze grammar]

prasādānnaṃ prasādāpo bhuktaṃ pītāḥ pramokṣadāḥ |
pitaro mānavā devāḥ pibanti bhuñjate tataḥ || 60 ||
[Analyze grammar]

hareḥ prasādaṃ muktyarthaṃ satāṃ prasādamityapi |
evaṃ bhuktvā nityameva jambukaḥ śuddhatāṃ gataḥ || 61 ||
[Analyze grammar]

badrike caitrapūrṇāyāṃ madhyandinottaraṃ sa tu |
bhakṣayāmāsa cocchiṣṭaṃ mūrchāmavāpa tatkṣaṇam || 62 ||
[Analyze grammar]

tāvajjambukadehāttu puruṣo devarūpavān |
sudivyaḥ prāvirabhavat sarvatejo'bhibhāsuraḥ || 63 ||
[Analyze grammar]

karmacāraistathā'nyaiḥ saṃvīkṣitaḥ sa tadāmbare |
pṛṣṭaḥ kastvaṃ kathaṃ devo jambukādvai vyajāyathāḥ || 64 ||
[Analyze grammar]

sa prāhā'haṃ vaṇigjātirhanūdarapurālayaḥ |
purā''saṃ ṭhaṭṭholakākhyo vastravyāpāravān sadā || 65 ||
[Analyze grammar]

viśvastānāṃ cāpaṇebhyo vastracauryaparo'bhavam |
vastrakośebhya evā'pi granthikācauryatatparaḥ || 66 ||
[Analyze grammar]

evaṃ cauryaprapāpaiśca dāridryaṃ prāptavāṃstataḥ |
unmattaścā'bhavaṃ mṛtyuṃ gato bhraman vanāntike || 67 ||
[Analyze grammar]

dehaṃ tvabhakṣayan kākā gṛdhrāśca jambukā mama |
yāmyaduḥkhāni saṃbhuktvā pāpaleśena jambukaḥ || 8 ||
[Analyze grammar]

vane'trā'smi prasaṃbhūtaḥ kṣudhāviṣṭo bhramāmi ca |
vastrahīnaḥ sadā duḥkhī bhojanārthamihotkaram || 69 ||
[Analyze grammar]

āgatya pratyahaṃ cānnaṃ bhunajmyucchiṣṭamuttamam |
hareḥ prasādajaṃ cānnaṃ satāmucchiṣṭamuttamam || 70 ||
[Analyze grammar]

pāvanaṃ pāpahāraṃ ca nityaṃ bhuktvā'ghavarjitaḥ |
pāvano vāsanāhīno jāto'smi puṇyavānaham || 71 ||
[Analyze grammar]

kathāprasaṃgataścātra mayā prāptaṃ subhojanam |
yenā'haṃ devatārūpo jāto'smi ca divaṃgataḥ || 72 ||
[Analyze grammar]

uṣitvā suciraṃ mārge tato yāsyāmi mokṣaṇam |
ityuktvā prayayau badri devo bhūtvā divaṃ tadā || 73 ||
[Analyze grammar]

āścaryaṃ paramaṃ prāptāḥ karmacārāstadā janāḥ |
vividuśca prasādasya māhātmyaṃ svargamokṣadam || 74 ||
[Analyze grammar]

śṛṇu badrīpriye paścādāścaryaparamaṃ manaḥ |
abhavat karmacārāṇāṃ prasādānnādibhakṣaṇe || 75 ||
[Analyze grammar]

māhātmyasaṃvidaste ca prasādaṃ karmacāriṇaḥ |
pāpanāśakaraṃ jñātvā cakhadurbhāvasaṃbhṛtāḥ || 76 ||
[Analyze grammar]

teṣāṃ vai karmacārāṇāṃ nirmalānyāntarāṇi vai |
indriyādīnyabhavaṃśca hṛdayāni śubhāni ca || 77 ||
[Analyze grammar]

pāpaśūnyāni jātāni śreṣṭhavivekavanti ca |
teṣāṃ tadā'bhavan hṛtsu saṃkalpā mokṣahetave || 78 ||
[Analyze grammar]

mantrāṇāṃ grahaṇe cāpi satāṃ prasevane'pi ca |
nāmnāṃ kṛṣṇasya raṭane kīrtane paramātmanaḥ || 79 ||
[Analyze grammar]

atha te vai śataṃ karmacārāḥ sevāparāyaṇāḥ |
jagṛhuḥ paramaṃ mantraṃ nāmadhunyaṃ ca kīrtanam || 80 ||
[Analyze grammar]

svataḥprakāśāyanato jāpaṃ cakruśca kīrtanam |
nityaṃ kathāyāḥ śravaṇaṃ kṛtvā kurvanti kīrtanam || 81 ||
[Analyze grammar]

evaṃ te śraddhayā yuktā mantramāhātmyavedinaḥ |
prasādasya satāṃ sevāyāśca māhātmyavedinaḥ || 82 ||
[Analyze grammar]

bhaktyā kṛṣṇasya bhajanaṃ cakrire bhojanottaram |
māsānte bhajatāṃ teṣāṃ kṛṣṇaḥ prasannatāṃ gataḥ || 83 ||
[Analyze grammar]

anādiśrīkṛṣṇanārāyaṇaśrīkāntavallabhaḥ |
ākāśādāyayau tūrṇaṃ svarṇavimānavāhanaḥ || 84 ||
[Analyze grammar]

prasannamānaso divyaḥ sarvābharaṇabhūṣitaḥ |
lakṣmyā juṣṭo lalitayā māṇikyā parisevitaḥ || 85 ||
[Analyze grammar]

rādhayā japayā padmāvatyā ca prajñayā'rcitaḥ |
karmacārairnaraiḥ sarvaistathā karmaparāyaṇaiḥ || 86 ||
[Analyze grammar]

tadanyamānavaiścāpi yoṣidbhiḥ karmajuṣṭibhiḥ |
dṛṣṭaḥ śrībhagavān ramyaḥ sarvakāmārthapūrakaḥ || 87 ||
[Analyze grammar]

nato muhurjayaśabdairvardhitaścā'kṣatādibhiḥ |
pūjito hārdakusumairvimānād bhuvamāgamat || 88 ||
[Analyze grammar]

prāha sarvān prasaṃvīkṣya karmacārā'gramānavam |
gṛhṇannāma hariṃ prāha sarveṣāṃ śṛṇvatāṃ tadā || 89 ||
[Analyze grammar]

bho svarṇāñjana bhṛtya tvaṃ pavitro'si prasādataḥ |
manye nārīnarāḥ sarve prasādabhojino'pi ca || 90 ||
[Analyze grammar]

kathāsevāparāḥ santi pāvanā gatakalmaṣāḥ |
muktiyogyāḥ samastā vai sarvānnetuṃ mamā'kṣaram || 91 ||
[Analyze grammar]

āgato'pi samāyāntu sarve me śāśvatālayam |
ityuktā badrike sarve karmacārā narāḥ striyaḥ || 92 ||
[Analyze grammar]

sajjā halahalāśabdairvimānaṃ prati dudruvuḥ |
kṛṣṇanārāyaṇenaite vārikaṇaiḥ prasiñcitāḥ || 93 ||
[Analyze grammar]

mūrchāṃ labdhvā tanūstyaktvā bhūtvā sudivyavigrahāḥ |
vimānamadhiruhyaite divyā dhāmā'kṣaraṃ yayuḥ || 94 ||
[Analyze grammar]

vaiśākhakṛṣṇaikādaśyāṃ yayurdhāmā'kṣaraṃ hareḥ |
śataṃ narāḥ śataṃ nāryo divyā muktāḥ sadā'bhavan || 95 ||
[Analyze grammar]

jayanādān prakurvanto modapramodarañjitāḥ |
śrāvayanto janān sarvān kirtanaṃ te yayustadā || 96 ||
[Analyze grammar]

prabhonārāyaṇakṛṣṇamālataunrāyaṇa prabho |
jayākṛṣṇalalitānrāyaṇarādhāpate vibho || 97 ||
[Analyze grammar]

evaṃ tālīrvādayantaḥ kurvantaḥ kilakilāṭikāḥ |
āhvayanto bhūtalasthān yayurdhāmā'kṣaraṃ he te || 98 ||
[Analyze grammar]

badrike śrīhareścā'yaṃ prasādaḥ kṛpayā'nvitaḥ |
bhuktiṃ muktiṃ dadātyeva tatheṣṭaṃ pradadātyapi || 99 ||
[Analyze grammar]

bhajatāṃ bhagavantaṃ vai na nyūnaṃ tvavaśiṣyate |
sevatāṃ sādhūvaryāṃśca sarvaṃ pūrṇaṃ pravartate || 100 ||
[Analyze grammar]

raṭatāṃ śrīharernāma bhasmībhavantyaghāni vai |
oṃ namaḥ śrīkṛṣṇanārāyaṇāya pataye svāhā || 101 ||
[Analyze grammar]

ityevaṃ japatāṃ mantraṃ jāyante puṇyakoṭayaḥ |
smaratāṃ śrīhariṃ badri sākṣāt kṛṣṇo'bhiyāti ca || 102 ||
[Analyze grammar]

arpayatāṃ samastaṃ ca gatirdhāmnyakṣare'sti ca |
svayaṃ nārāyaṇaḥ śrīmānnayatyetānnijā''layam || 103 ||
[Analyze grammar]

paṭhatāṃ śṛṇvatāṃ cāpi smaratāṃ mokṣadaṃ tvidam |
sarveṣṭapūrakaṃ badri śāśvatānandadāyakam || 104 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne pūrvajanmani dhenupālasya govārābhidhasya mārjāratāṃ gatasya pūrvabhave ṭhaṭṭholākhyavaṇigjanasya śṛgālatā prāptasya |
svarṇāñjanādiśatadvayakarmacārinaranārīṇāṃ ca prasādabhojanena sevākathādinā ca mokṣaṇamityādinirūpaṇanāmā saptaṣaṣṭitamo'dhyāyaḥ || 67 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 67

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: