Chapter 56

śrīnaranārāyaṇa uvāca |
śṛṇu badrīpriye devi kathāmanyāṃ supāvanīm |
śarkarānagare tatra tvekā''sīt kuṭṭanī sakhī || 1 ||
[Analyze grammar]

vārāṃganānāṃ maitryāḍhyā vyavāyināṃ niyojinī |
yoṣitāṃ yuvatīnāṃ kanyakānāṃ śaulanāśinī || 2 ||
[Analyze grammar]

nāmnā sā'naṅgavallīti yā sā nirdhanā hyati |
vyavāyayogalabdhena nirvāhaṃ prakaroti sā || 3 ||
[Analyze grammar]

pāpinī pāparūpā sā jānāti hyauṣadhānyapi |
jvaranāśakaraṃ cauṣṇyanāśakṛd roganāśakṛt || 4 ||
[Analyze grammar]

guptendriyādirogāṇāṃ tvauṣadhaṃ vetti sā sakhī |
garbhasrāvauṣadhaṃ bhrūṇaghātauṣadhaṃ ca vetyapi || 5 ||
[Analyze grammar]

ata eva vyavāyādau nirbhayā yogadāyinī |
pāpajñānavihīnā''sījjaḍā kāmātikāminī || 6 ||
[Analyze grammar]

svayaṃ duṣṭā parā duṣṭāḥ sampādayati karmaṇā |
evaṃ tayā tu bahvīnāmadhavānāṃ samudbhavāḥ || 7 ||
[Analyze grammar]

garbhā nipātitā bījanāśāścāpi kṛtā muhuḥ |
pakvabālā janmayogyā auṣadhairmāritā hyapi || 8 ||
[Analyze grammar]

evaṃ sā bālahatyā'ghā śuśrāva saṃhitākathām |
tayā jñātavatī pāpaṃ bālahatyādijaṃ mahat || 9 ||
[Analyze grammar]

duḥkhaṃ jñānavatī cāpi yāmyajaṃ duḥsahaṃ sakhī |
svasyā api pratigarbhaṃ patanaṃ daṇḍamulbaṇam || 10 ||
[Analyze grammar]

jñātvā śuśoca bahudhā pāpānnyavartatā'pi sā |
prāyaścittasya jijñāsāṃ cakāra sadgurostataḥ || 11 ||
[Analyze grammar]

ekadā śrīlomaśā'gre nivedayituṃ sā yayau |
kathānte lomaśaṃ gatvā pūjayitvā tu dīnavat || 12 ||
[Analyze grammar]

kṛtvā tu daṇḍavadyogyaṃ jagrāha caraṇau muneḥ |
pādaprakṣālanaṃ kṛtvā lomaśasya mahātmanaḥ || 13 ||
[Analyze grammar]

papau pādāmṛtaṃ sarvaṃ śiro dhṛtvā tu pādayoḥ |
jagāda kṛtya pāpādi sarvaṃ kapaṭavarjitam || 14 ||
[Analyze grammar]

kṛpālulomaśaḥ śrutvā brahmakūrcavrataṃ dadau |
palāśapatraprabhṛtikvāthaṃ ca pañcagavyakam || 15 ||
[Analyze grammar]

pātumājñāṃ dadau tasyai sā cakāra yathoditam |
māsānte sā śuddhadehā mantraṃ jagrāha lomaśāt || 16 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
kṛṣṇanārāyaṇa kṛṣṇanārāyaṇa narāyaṇa || 17 ||
[Analyze grammar]

bālakṛṣṇā'nādikṛṣṇanārāyaṇa ramāyaṇa |
mantramevaṃ bhajanaṃ ca jagrāha lomaśānmuneḥ || 18 ||
[Analyze grammar]

mālāśataṃ kṛṣṇanārāyeṇanāmnā'pyavartayat |
nityaṃ snātvā sindhunadyā jale pāti padāmṛtam || 19 ||
[Analyze grammar]

nityaṃ kṛṣṇaprasādaṃ ca bhakṣayatyeva bhāvataḥ |
sādhūnāṃ pātraśeṣaṃ ca bhakṣayatyapi pāvanam || 20 ||
[Analyze grammar]

sādhuvāseṣu nityaṃ sā mārjanaṃ pātramañjanam |
karoti sevanaṃ gatvā gātrasaṃvāhanaṃ satām || 21 ||
[Analyze grammar]

dhūlibhirmārjitābhiścoddhūlanaṃ nijavarṣmaṇi |
karoti bhāvato'naṅgavallikā pāpanuttaye || 22 ||
[Analyze grammar]

dhunyaṃ ca kīrtanaṃ nityaṃ karoti sadasi sthitā |
dadāti phalapuṣpādi saṃhitāvācakāya ca || 23 ||
[Analyze grammar]

śrīkṛṣṇāya satīsadbhyo lomaśāya mahātmane |
dhanaṃ tu ḍhabbukamātraṃ nitya dadāti cakriṇe || 24 ||
[Analyze grammar]

akṣatānāṃ nityamuṣṭiṃ vācakāya dadāti sā |
evaṃ kṛtavatī nityaṃ bhaktyā sā'naṅgavallikā || 25 ||
[Analyze grammar]

kathāṃ śuśrāva bahudhā sarvapāpaviśodhinīm |
sarvā'jñānaharāṃ dīrghatamoghnīṃ jñānadāyinīm || 26 ||
[Analyze grammar]

māsaścāsyā vyatīyāya kathāsevādikarmabhiḥ |
sā dadarśa tataḥ svapne prabhuṃ kṛṣṇaṃ samāgatam || 27 ||
[Analyze grammar]

spṛśantaṃ svāṃ hasantaṃ svāṃ hāsayantaṃ śriyaḥ patim |
vadantaṃ svāṃ viśuddhā'si nayantaṃ svāṃ nijaṃ prati || 28 ||
[Analyze grammar]

kṣaṇamevaṃ pradarśyaiva bhagavān mādhavīpatiḥ |
adṛśyatāṃ yayau sā'pi jajāgāra samutsukā || 29 ||
[Analyze grammar]

utthāya sahasā brāhme muhūrte tu nijālaye |
tūrṇaṃ sā paritaḥ kṛṣṇaṃ mārgayāmāsa bhāminī || 30 ||
[Analyze grammar]

premavihvalatāṃ prāptā yadā labdhavatī na tam |
tadā mugdhā drutaṃ snātvā pūjāṃ kṛtvā parātmanaḥ || 31 ||
[Analyze grammar]

yayau tūrṇaṃ saṃhitāyāḥ pūjārthaṃ kuṃkumā'kṣataiḥ |
brāhme muhūrte nārīṇāṃ pravāhastumulaḥ prage || 32 ||
[Analyze grammar]

satataṃ saṃhitāyāstu pūjane vartate sadā |
tanmadhye sā gatā śīghraṃ dhyātvā svāpnaṃ priyaṃ prabhum || 33 ||
[Analyze grammar]

pūjayitvā tatastūrṇaṃ samutsukā tu lomaśam |
gatvā jagāda sarvaṃ tat prasannamānasā sakhī || 34 ||
[Analyze grammar]

śrutvā śrīlomaśaḥ prāha śuddhā tvaṃ bhaktiyoginī |
kṛṣṇaprasannatāṃ prāptā vartase'dya ramā yathā || 35 ||
[Analyze grammar]

bhava sajjā dhāma gantuṃ mokṣo te'tra bhaviṣyati |
sarvaṃ pāpaṃ gataṃ te'dya kṛṣṇo yadgocaro'bhavat || 36 ||
[Analyze grammar]

tataḥ sāpi jagādainaṃ guruṃ śrībadrike drutam |
sajjā'smi kintu bhagavannāste me hṛdi cintanam || 37 ||
[Analyze grammar]

mama yogena yā nāryo yuvatyo dhavavarjitāḥ |
garbhapātādidoṣāḍhyā bhrūṇūhatyānvitāstathā || 38 ||
[Analyze grammar]

tāsāṃ kalyāṇamicchāmi pāpanāśanapūrvakam |
kṛpā te'sti tathā cājñā kṛpāloste guroriha || 39 ||
[Analyze grammar]

tāḥ sarvāstvaccharaṇaṃ cānayāmīha pramuktaye |
vinā nārāyaṇaṃ kṛṣṇaṃ vinā ca sadguruṃ kvacit || 40 ||
[Analyze grammar]

pāpānāṃ naiva nistāro yoṣitāṃ syāt kadācana |
vinā vaiṣṇavabhaktānāṃ śaraṇaṃ naiva rakṣaṇam || 41 ||
[Analyze grammar]

vinā śrīkṛṣṇabhaktānāṃ sevanaṃ nā'ghamarṣaṇam |
vinā satāṃ prasādaṃ na pāpināṃ vāsanākṣayaḥ || 42 ||
[Analyze grammar]

vinā cetanatīrthaṃ na pāpātmanāṃ viśodhanam |
nārīṇāṃ durlabhā śuddhirguro loke'tra māyike || 43 ||
[Analyze grammar]

kāmakṣetre tu niṣkāmisatāṃ sevā hi śuddhidā |
yā nārī vāñchati śuddhiṃ muktiṃ brāhmīṃ paraṃ padam || 44 ||
[Analyze grammar]

tayā sevyā hareḥ santo niṣkāmāḥ kṛṣṇamūrtayaḥ |
satāṃ prasevayā kāmakrodhalobhādināśanam || 45 ||
[Analyze grammar]

vāsanānāṃ vināśaśca bhavenme vai yathā'bhavat |
tasmād guro samicchāmi matsakhīnāṃ viśodhanam || 46 ||
[Analyze grammar]

prāpte kṛṣṇe gurau divye tvātmamokṣaḥ puro mataḥ |
kṛṣṇagurvoḥ kṛpayā tu cātmīyānāṃ mato'pi saḥ || 47 ||
[Analyze grammar]

ātmanastāraṇe puṇyaṃ tato'yutaṃ parasya tu |
yoṣitāṃ tāraṇe tatra puṇyaṃ koṭiguṇaṃ matam || 48 ||
[Analyze grammar]

anāthānāṃ tāraṇe tu brahmāṇḍoddhārajaṃ hi tat |
anāthā yoṣito yāstā matpāśe patitā guro || 49 ||
[Analyze grammar]

yāvattāsāṃ tu noddhārastāvanme narakaṃ bhavet |
pātitasyodayaṃ kṛtvā kṣantvā'parādhamasya ca || 50 ||
[Analyze grammar]

nirṛṇaṃ tu nijaṃ kṛtvā tato gamyaṃ divaṃ sukham |
ityevaṃ me guro cāste matirnārīpramokṣiṇā || 51 ||
[Analyze grammar]

tāḥ sarvāstamasi sthāpya kathaṃ me mokṣaṇaṃ bhavet |
sakhītvaṃ tu tadevā'tra samalābho yadātmanoḥ || 52 ||
[Analyze grammar]

svārthamātrastu lābhādirnarakaṃ kapaṭānvitam |
tanmayā sarvathā tāsāṃ kartavyaṃ mokṣaṇaṃ prabho || 53 ||
[Analyze grammar]

punaḥ kṣaṇo divyagatirnāgamiṣyati sadguro |
ityuktvā sā virarāma badrike'naṅgavallarī || 54 ||
[Analyze grammar]

lomaśo'pi śubhaṃ matvā kṛpayā tāṃ jagāda ha |
yogyaṃ vadasi kalyāṇi śreṣṭhaṃ vicāryate tvayā || 55 ||
[Analyze grammar]

svārthasya sādhakaḥ prāṇī nārakī nātra saṃśayaḥ |
sa eva kākaḥ sarpaśca sūkaraḥ svārthasādhakaḥ || 56 ||
[Analyze grammar]

tvaṃ parārthaparā sādhvī dvayoḥ kalyāṇakāriṇī |
parakalyāṇakartryāstu svaṃ kalyāṇaṃ prajāyate || 57 ||
[Analyze grammar]

avaśyaṃ paralokāṃstvaṃ jitā'si copakāriṇī |
yatheṣṭaṃ vartamānā yā cāpi pāpātipāpinī || 58 ||
[Analyze grammar]

paropakāradharmā cet svargaṃ vindati sā satī |
paropakāraḥ puṇyārthaḥ parapīḍā tu pāpadā || 59 ||
[Analyze grammar]

parapīḍānāśayitrī mucyate duḥkhabandhanāt |
pareṣāṃ sukhado lokaḥ svarge loke mahīyate || 60 ||
[Analyze grammar]

avaśyaṃ cānaṅgavalli samānaya sakhījanān |
tābhyo mantraṃ pradāsye'tra dāsye nāmajapaṃ tathā || 61 ||
[Analyze grammar]

vrataṃ dāsye brahmakūrcaṃ kariṣye pāpanāśanam |
pāvanāstāḥ kariṣye'haṃ mokṣabhāgā viśuddhigāḥ || 62 ||
[Analyze grammar]

ityevaṃ badrike soktā lomaśena maharṣiṇā |
śarkarānagaraṃ tūrṇaṃ gatvā yatra ca yatra ca || 63 ||
[Analyze grammar]

yuvatyo dhavahīnāśca vyavāyavyavasāyikāḥ |
garbhapātabhrūṇahatyādoṣavatyo'bhavan pure || 64 ||
[Analyze grammar]

anaṅgavallīsaṃginyastāstāḥ sā'naṅgavallarī |
bodhayāmāsa pāpānāṃ nuttaye śreyase tathā || 65 ||
[Analyze grammar]

tāśca viśvāsamāpannā anaṅgavallikāyutāḥ |
snātvā pūjopasāmagrīrnītvā gurvagramāgatāḥ || 66 ||
[Analyze grammar]

yuvatyastāḥ śataṃ badri vidhavā garbhapātikāḥ |
kanyakāśca śataṃ garbhahantryo'pi yauvanānvitāḥ || 67 ||
[Analyze grammar]

āgatāḥ śrīlomaśāgre pāpabhayena śokitāḥ |
salajjā svasakhīvākyaviśvastā āyayurmunim || 68 ||
[Analyze grammar]

pādajalaṃ papuḥ sarvā lomaśasya tataḥ kathām |
śuśruvustāstato brahmakūrcaṃ vrata ca jagṛhuḥ || 69 ||
[Analyze grammar]

pūjāṃ tāḥ saṃhitāyāśca pracakrurvācakasya vai |
pradakṣiṇaṃ stutiṃ cakruḥ kṣamāṃ yayācire tataḥ || 70 ||
[Analyze grammar]

mantraṃ jagṛhurmunito nāmadhunyaṃ prajagṛhuḥ |
oṃ namaḥ śrīkṛṣṇanārāyaṇāya pataye svāhā || 71 ||
[Analyze grammar]

kṛṣṇanārāyaṇa kṛṣṇanārāyaṇa narāyaṇa |
bālakṛṣṇā'nādikṛṣṇanārāyaṇa ramāyaṇa || 72 ||
[Analyze grammar]

evaṃ mantraṃ ca bhajanaṃ prāpya tathā samācaran |
snātvā tīrthe sadā tāśca śuśruvuḥ saṃhitākathām || 73 ||
[Analyze grammar]

evaṃ tāsu samastāsu vartamānāsu badrike |
pūtāsu jāyamānāsu satāṃ sevāparāsu ca || 74 ||
[Analyze grammar]

ājñāparāsu sarvāsu lomaśasya prasannatā |
abhavallomaśastābhyo dadau kṛṣṇaprasādajam || 75 ||
[Analyze grammar]

svabhuktaṃ phalamevā'pi miṣṭānnaṃ nijapātrajam |
sādhuprasādamāsādya bubhujire'tibhāvataḥ || 76 ||
[Analyze grammar]

tāvattāsāṃ śarīrebhyaḥ kṛṣṇāḥ kākā viniryayuḥ |
sarve te garbhahatyākhyā bhraṇūhatyāstathā'bhavan || 77 ||
[Analyze grammar]

uḍḍīyoḍḍīya cākāśe nipetuḥ sindhusāgare |
vināśaṃ sahasā prāpuḥ kākātmakānyaghāni vai || 78 ||
[Analyze grammar]

striyastāḥ śuddhatāṃ prāptā bhajanti sma narāyaṇam |
pārāyaṇaṃ bhāvabhinnāḥ śṛṇvantvekāgramānasāḥ || 79 ||
[Analyze grammar]

tāvadanagavallīṃ tu netuṃ kṛṣṇaḥ samāyayau |
phālgunasya tu pūrṇāyāṃ tithau kṛṣṇanarāyaṇaḥ || 80 ||
[Analyze grammar]

vimānenā''sthito bhūmāvanaṃgavallikāpuraḥ |
prāha tāṃ tu samāgantuṃ mokṣārthaṃ tu vimānake || 81 ||
[Analyze grammar]

tāvat sā dayayā prāha kṛṣṇanārāyaṇaprabho |
dve śate mama saṃginyaścaitāḥ striyo'ghabhājanāḥ || 82 ||
[Analyze grammar]

kathālomaśayogena niṣpāpā yadi santi cet |
netavyāstāstava dhāmā'kṣaraṃ divyā vidhāya tāḥ || 83 ||
[Analyze grammar]

nānyathā'haṃ kṛṣṇakānta mokṣamicchāmi caikalā |
uddhara tāḥ samastā vai tataścoddhara māmapi || 84 ||
[Analyze grammar]

śrutvā cātiprasanno'bhūd bālakṛṣṇaḥ prabheśvaraḥ |
kṛpālurbhagavānāhā'naṃgavalli śubhaṃ tava || 85 ||
[Analyze grammar]

yāḥ sarvā vidhavāstāstu neṣye me'kṣaramuttamam |
tvayā sākaṃ vimānena kariṣye kamalāsamāḥ || 86 ||
[Analyze grammar]

yāstu santi kanyakā vai tāsāṃ mokṣo'dhunā nahi |
tāḥ sarvāḥ svajanakasya gṛhe vasantu nirbhayāḥ || 87 ||
[Analyze grammar]

pūtā niṣpāpadehāstāḥ kṛpayā bhālitā mayā |
vivāhya tāśca gārhasthyamanubhūya tataḥ param || 88 ||
[Analyze grammar]

āyuṣo'nte mama dhāma cāyāsyanti na saṃśayaḥ |
ityuktvā śrīkṛṣṇanārāyaṇaḥ pasparśa pāṇinā || 89 ||
[Analyze grammar]

sarvāstāstatra tatkāle saṃhitāśravaṇā''sthitāḥ |
pāvayitvā samastāstā vidhavāstu śataṃ tadā || 90 ||
[Analyze grammar]

divyadehā vidhāyaiva vimāne sve'dhyarohayat |
kanyakāstu samājñāpya sthātuṃ pitṛgṛhe tadā || 91 ||
[Analyze grammar]

vimānena yayau kṛṣṇo dhāmākṣaraṃ nijaṃ mahat |
sarveṣāṃ paśyatāṃ badri sā'naṃgavallikā hyapi || 92 ||
[Analyze grammar]

divyadehā'bhavattūrṇaṃ divyā divyavibhūṣitā |
vimānaṃ samadhiruhya yayau dhāmā'kṣaraṃ hareḥ || 93 ||
[Analyze grammar]

jayakāro mahānāsīt puṣpavṛṣṭirabhūttadā |
adhamoddhārake kṛṣṇe māhātmyamatulaṃ hyabhūt || 94 ||
[Analyze grammar]

badrike garbhaghātinyaḥ kathāśravaṇamātrataḥ |
pūtatāṃ tā gatāḥ sarvā gurorbalātpramocitāḥ || 95 ||
[Analyze grammar]

aho balaṃ guroḥ śreṣṭhatamaṃ śrībhagavānapi |
yadagre nirbalo bhūtvā karoti sadgurorvacaḥ || 96 ||
[Analyze grammar]

vīkṣya śrutvā tu māhātmyaṃ vyavāyadoṣanāśakam |
anyā api tadā nāryaḥ kṛṣṇāśrayaṃ vyadhurmudā || 97 ||
[Analyze grammar]

svadoṣān kṣapayāmāsurananyabhaktitatparāḥ |
mantraṃ tā raṭayāmāsurnāmakīrtanamāvyadhuḥ || 98 ||
[Analyze grammar]

satāṃ sevāṃ pracakruśca dānapuṇyaṃ pracakrire |
prapattiṃ jagṛhuścāpi pavitratvaṃ prapedire || 99 ||
[Analyze grammar]

divyabhāvāḥ śīlaparā dharmadārḍhyāstato'bhavana |
anādiśrīkṛṣṇanārāyaṇabhaktiyutāḥ sadā || 100 ||
[Analyze grammar]

evaṃ śrībadrike devi prabhuḥkṛṣṇo hariḥ svayam |
cakāra mokṣaṇaṃ tāsāṃ prāptakāle dayānidhiḥ || 101 ||
[Analyze grammar]

paṭhanācchravaṇādasya smaraṇāccintanādapi |
guṇagrāhād vartanācca svargo mokṣo bhaved dhruvaḥ || 102 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne śarkarāpuravāsinyāḥ vyavāyakārayitryā garbhrabhrūṇabālaghātinyā anaṃgavallaryāḥ tatsakhīśatadvayasyāpi ca saṃhitāśravaṇādinā mantravratasevābhiśca pāpanirmuktirmokṣaṇaṃ cetyādinirūpaṇanāmā ṣaṭpañcāśattamo'dhyāyaḥ || 56 ||
[Analyze grammar]