Chapter 41

śrīnaranārāyaṇa uvāca |
śṛṇu badrīpriye tatra śarkarākhye supattane |
rāyaharermandire tu mahodyānasumaṇḍite || 1 ||
[Analyze grammar]

kathāśālāsthale pārāyaṇaṃ vatsaravartanam |
koṭirāyo nṛpo rāyahareḥ śreyo'bhilabdhaye || 2 ||
[Analyze grammar]

yojayāmāsa vai sa māse tvāṣāḍhaikādaśīdine |
āditaścāhvayāmāsa dūtaiḥ sādhūṃśca bhūsurān || 3 ||
[Analyze grammar]

vyāsān prapāṭhakāṃścāpi jāpakāṃśca sahasraśaḥ |
āyayuḥ sarvataḥ santo viprāḥ sādhvyaśca vaiṣṇavāḥ || 4 ||
[Analyze grammar]

svaprakāśo hi bhagavān mukhyavaktā'bhavattadā |
lomaśaśca munistatra guruḥ pūjākaro'bhavat || 5 ||
[Analyze grammar]

anye saurāṣṭradeśīyā ājanābhāśca pūrvajāḥ |
prācīnabrahmabhūmisthā rāśiyānodbhavāstathā || 6 ||
[Analyze grammar]

parīpradeśajāścāpi tathā'marīpradeśajāḥ |
abriktādipradeśotthāḥ santo viprāḥ samāyayuḥ || 7 ||
[Analyze grammar]

uṣṭrapradeśajātāścāpyārārtrikotthāśca sādhavaḥ |
dvīpopadvīpajāścādrivanāraṇyasamudrajāḥ || 8 ||
[Analyze grammar]

saṃhitārasavettāraḥ santastatra samāyayuḥ |
sādhvyaśca sāṃkhyayoginyo muktānikāḥ samāyayuḥ || 9 ||
[Analyze grammar]

ṛṣayo munayo viprā vidvāṃsastatra cāyayuḥ |
āmantritāḥ sarvabhuvāṃ vaiṣṇavā lakṣakoṭayaḥ || 10 ||
[Analyze grammar]

cāturmāsye vrate pārāyaṇe tathā viśeṣataḥ |
vārṣike vṛṣaniṣpādye cāyayurbrahmavittamāḥ || 11 ||
[Analyze grammar]

teṣāṃ kṛte samastānāṃ rājyaprāsādabhūtayaḥ |
arpitāḥ svāgatasaukhyabhogavāsārthamuttamāḥ || 12 ||
[Analyze grammar]

yathā rājarddhayo rājabhogyāstathā tu bhūsuraiḥ |
aviśeṣeṇa bhogyā vai hyāsan badrīpriye tadā || 13 ||
[Analyze grammar]

ghṛtakulyā dadhikulyā rasakulyā saśarkarāḥ |
madhukulyāḥ payaḥkulyāḥ pānakulyāḥ sahasraśaḥ || 14 ||
[Analyze grammar]

sindhusarittaṭe tatra nirmitā dīrghavāhikāḥ |
viśālā bhojyaśālāśca divāniśaṃ pravartitāḥ || 159 ||
[Analyze grammar]

pānabhojanadāyinyo dāsyo dāsāśca lakṣaśaḥ |
yāvaddravyāṇi tu paṇe nyastāni vijitānyapi || 16 ||
[Analyze grammar]

ubhābhyāṃ tu nṛpābhyāṃ vai tāni yajñārthameva ha |
arpitāni vyayārthaṃ vai koṭirāyeṇa sarvathā || 17 ||
[Analyze grammar]

mahāsaudhe pūrito'sti rāyaharirnṛpastadā |
unmatto rākṣaso yadvad bhāṇavāṇī tathāvidhā || 18 ||
[Analyze grammar]

sarve paśyanti rājānaṃ śāpadagdhaṃ vicittakam |
bhāṇavāṇīṃ sarvanāśakarīṃ durodarodarām || 19 ||
[Analyze grammar]

śāpadagdhāṃ tathonmattāṃ vyapaśyanti janāstadā |
etayoḥ śreyase pārāyaṇaṃ prajāyate tviti || 20 ||
[Analyze grammar]

vadanti darśakāstatra śaṃsanti candrikeśvarīm |
pativratāṃ mahāsādhvīṃ paśyanti ca namanti tām || 21 ||
[Analyze grammar]

mahāścaryaparā lokāḥ koṭiśo vaiṣṇavāstadā |
khānapānanivāsasvāgatādyaiḥ paritoṣitāḥ || 22 ||
[Analyze grammar]

āṣāḍhaikādaśīprātaḥkāle sabhāsthale yayuḥ |
maṇḍapaṃ tu viśālaṃ yojitaṃ svarṇasurūpiṇam || 23 ||
[Analyze grammar]

vyapaśyan cā'paraṃ svargaṃ sudharmāṃ vā sabhāmiva |
vimānamiva tatrā''sīd vyāsāsanaṃ mahattamam || 24 ||
[Analyze grammar]

svarṇahīrakasannaddhaṃ svarṇatoraṇamaṇḍitam |
vitānacandrabhāsvacca bahumauktikasaṃbhṛtam || 25 ||
[Analyze grammar]

puṣpahārādibhiḥ śṛṃgāritaṃ haṃsādirājitam |
patākikādhvajavyāptaṃ hāratoraṇakojjvalam || 26 ||
[Analyze grammar]

mṛdugendukapārśvadhrapṛṣṭhadhrādisamanvitam |
darpaṇādyaiścittaharaṃ svarṇavastrādibhūṣitam || 27 ||
[Analyze grammar]

svarṇakadalīsaṃstambhaṃ saṃhitāpaṭṭakānvitam || 28 ||
[Analyze grammar]

pūjāsāmagrikāpātrasarvopacārasaṃhitam |
kṛtracāmaravetrādyairalaṃkṛtajanairyutam || 29 ||
[Analyze grammar]

vipraiḥ sadbhiścākṣatādyaiḥ puṣpahāraiḥ pravardhitam |
vyāsāsane tatra vipraḥ svaprakāśaparāyaṇaḥ || 30 ||
[Analyze grammar]

saṃhitāyā mukhyavaktā niṣasāda śubhe kṣaṇe |
tadā vādyānyavādyanta jayaśabdāstathā'bhavan || 31 ||
[Analyze grammar]

saṃhitā paṭṭake nyastā pūjitā pārameśvarī |
lomaśena mahāmuktavaryeṇa badrike tadā || 32 ||
[Analyze grammar]

lakṣmīdevī svayaṃ sākṣāt saṃhitāyāṃ vyadṛśyata |
divyā prasannavadanā sarvatejobhivardhitā || 33 ||
[Analyze grammar]

sarvālaṃkāraśṛṃgāraśobhāḍhyā sumanoharā |
nārāyaṇaṃ hṛdye sve dadhānā jñānasāgarā || 34 ||
[Analyze grammar]

atha nārāyaṇakṛṣṇastadā tasmiṃstu vaktari |
vyadṛśyata caturbāhuḥ svaprakāśaparāyane || 35 ||
[Analyze grammar]

sarvaśobhākaraḥ kṛṣṇanārāyaṇaḥ prameśvaraḥ |
māṇikīlalitārādhāramāśrīmādhavīpriyāḥ || 36 ||
[Analyze grammar]

sarvāstadā'bhavan pārśve pūjāpātrādidhārikāḥ |
muktā muktānikāścāsaṃstadā tatsannidhau śubhāḥ || 37 ||
[Analyze grammar]

viprāśca munayaḥ santaḥ sādhavaśca maharṣayaḥ |
surā devyaśca tīrthāni tatra tvāsannupasthitāḥ || 38 ||
[Analyze grammar]

pauruṣeṇa tu sūktena śrīsūktena tathā tadā |
nārāyaṇena sūktena devīsūktena vaidikaiḥ || 39 ||
[Analyze grammar]

mantraiḥ pūjāṃ saṃhitāyāstathā vyāsasya lomaśaḥ |
akarod vidhinā tatrā''rārtrikaṃ koṭirājakaḥ || 40 ||
[Analyze grammar]

akaroccandanapuṣpākṣatāmbarasuvarṇakaiḥ |
dhanaistathopacāraiśca gandhisārādibhiḥ phalaiḥ || 41 ||
[Analyze grammar]

maṅgalaṃ vācayāmāsa mahāśīrvādapūrvakam |
saṃkalpaṃ kārayāmāsa lomaśaḥ śreyase tayoḥ || 42 ||
[Analyze grammar]

kathāśravaṇamagnāścopatasthire kṣaṇe'tra ca |
sabhā pūrṇā'bhavallakṣalakṣalakṣādhimānavaiḥ || 43 ||
[Analyze grammar]

svaprakāśo'pi bhagavān śiṣyaḥ śrīparamātmanaḥ |
anādiśrīkṛṣṇanārāyaṇasya maṅgalaṃ vyadhāt || 44 ||
[Analyze grammar]

śrīmadbrahmapurādhipo'kṣarapatiḥ sarvāvatāreśvaro |
muktabrahmaniṣevitāṃ'ghriyugalo rādhārameśeśvaraḥ |
yaścā'saṃkhyanarāyaṇādhivasatiḥ śrīkṛṣṇakṛṣṇeśvaraḥ |
so'yaṃ kṛṣṇanarāyaṇo'stu sukhadaḥ saurāṣṭradhāmeśvaraḥ || 45 ||
[Analyze grammar]

yaḥ pṛthvyāṃ vicaran purā kṣitibhṛtāmokṣapramodāvaho |
daityānāṃ vilayaṃkaro'rbudasatīsādhvībhujādhārakaḥ |
jīvānāṃ narayoṣitāmaghaharaḥ śreyovidhātā''tmanāṃ |
so'yaṃ kuṃkumavāpikā'kṣararaviḥ śrīsaṃhitādaivatam || 46 ||
[Analyze grammar]

natvā taṃ paramātmānaṃ lakṣmīnārāyaṇātmakam |
tadvijñānamayaṃ śāstraṃ śrāvayiṣyāmi mokṣadam || 47 ||
[Analyze grammar]

anādiśrīkṛṣṇanārāyaṇo'stu hṛdaye sadā |
kathāsu jāyamānāsu mokṣado bhaktavallabhaḥ || 48 ||
[Analyze grammar]

parabrahma namaskṛtya kṛṣṇanārāyaṇaṃ harim |
kaṃbharāśrīṃ ca gopālaṃ natvā jayaṃ samuccaret || 49 ||
[Analyze grammar]

smarāmi paramātmānaṃ namāmi vallabhamprabhum |
nirdiśāmi harerbhaktiṃ śaṃsāmi sevanaṃ satām || 50 ||
[Analyze grammar]

ityevaṃ badrike kṛtvā maṃgalaṃ bījasaṃbhṛtam |
lakṣmīnārāyaṇasaṃhitāyāḥ kathāmavācayat || 51 ||
[Analyze grammar]

tadā devā mānavāśca pare'pi dehinaḥ khalu |
anādiśrīkṛṣṇanārāyaṇadhyānārthino'bhavan || 52 ||
[Analyze grammar]

kṛṣṇamūrtau kathāmūtau dattadhyānāstadā'bhavan |
kathāsāraṃ papustatra saṃkṣepād vistarādapi || 53 ||
[Analyze grammar]

pratyahaṃ tu kathānte te kurvanti paramātmanaḥ |
harekṛṣṇa bālakṛṣṇa harinārāyaṇa prabho || 54 ||
[Analyze grammar]

anādiśrīkṛṣṇanārāyaṇa mokṣapradaprabho |
nāmasaṃkīrtanaṃ tvevaṃ samastā vādyasaṃgatāḥ || 55 ||
[Analyze grammar]

tālikābhirnṛtyagītairbhajanaṃ cakrire mudā |
kathānte jāyate tvārārtrikaṃ naivedyamuttamam || 56 ||
[Analyze grammar]

pūjā vyāsasya tatraiva jāyate pratyahaṃ śubhā |
jāpakā bhūsurādyāśca jayanti parameśvaram || 57 ||
[Analyze grammar]

sāyaṃ homaḥ sadā tatra prajvāyate'nalaprabhau |
prāghūṇikānaneṣvatra miṣṭahomā bhavanti ca || 58 ||
[Analyze grammar]

dugdhāpānāni devānāṃ havanāni bhavanti ca |
bhūsurāṇāṃ satāṃ bhojyaṃ dugdhasārādi cāmṛtam || 59 ||
[Analyze grammar]

sarveṣāṃ dehināṃ tatra bhedabhāvo na vidyate |
yaddevānāṃ nṛpāṇāṃ carṣīṇāṃ tat sarvadehinām || 60 ||
[Analyze grammar]

pratyahaṃ bhakṣyabhojyādi khānapānādi sadṛśam |
kathā prajāyate prātastathā sāyaṃ tu sarvadā || 61 ||
[Analyze grammar]

ārārtrikaṃ samāptau ca pratyahaṃ pūjanādikam |
anādiśrīkṛṣṇanāmadhunyaṃ prajāyate'niśam || 62 ||
[Analyze grammar]

vitaraṇaṃ prasādānāṃ bhojanānāṃ pradānakam |
suvarṇādipradānānāṃ cārpaṇaṃ pratyahaṃ tadā || 63 ||
[Analyze grammar]

evaṃ samutsavo jāto badrike saṃhitātmakaḥ |
lakṣaśo mānavā jñānāmṛtaṃ pītvā tu pāvanāḥ || 64 ||
[Analyze grammar]

bhūtvā bhūtvā mahābhāgavatā bhavanti tatra vai |
oṃnamaḥ śrīkṛṣṇanārāyaṇāya pataye svāhā || 65 ||
[Analyze grammar]

itimantrapradānaṃ ca karoti lomaśo muniḥ |
āścaryāṇi kathāyāṃ tu vicitrāṇi bhavantyapi || 66 ||
[Analyze grammar]

vimānāni surāṇāṃ vai śravaṇārthaṃ tadā'mbare |
samāgatyā'vatiṣṭhanti puṣpacandanavarṣaṇam || 67 ||
[Analyze grammar]

kṛtvā prayānti satataṃ svargaṃ svargāgatāni vai |
adṛśyā divyadehāśca tīrtharṣiyoginastadā || 68 ||
[Analyze grammar]

āgatyā''karṇya khe sthitvā nītvā yānti prasādakam |
vādyāni devalokānāṃ gandharvāṇāṃ ca gītayaḥ || 69 ||
[Analyze grammar]

apsarasāṃ gītikāśca nartanaṃ vārayoṣitam |
sādhvīnāṃ bhajanaṃ ghoṣā vipravedodbhavāstadā || 70 ||
[Analyze grammar]

utsavānte prajāyante pratyahaṃ vyāsasevanam |
gurūṇāṃ sevanaṃ sādhuvargāṇāṃ pūjanādikam || 71 ||
[Analyze grammar]

svāgataṃ tvāgatānāṃ vigatānāṃ mānapūjanam |
madhuparko nūtanānāṃ prācīnānāṃ tu dakṣiṇāḥ || 72 ||
[Analyze grammar]

dīyante pratyahaṃ tatrā'nāthādīnāṃ yatheṣṭakam |
pretā āgatya śṛṇvanti kathāṃ paramapāvanīm || 73 ||
[Analyze grammar]

prasādaṃ saṃpragṛhṇanti yānti mokṣapadaṃ tataḥ |
vimānaiste prayāntyeva kathayitvā hyudantakam || 74 ||
[Analyze grammar]

ahaṃ bhogyaṃ sindhujānāṃ tadā śrībadrike param |
mahābhāgavatāḥ santo rājante yatra vaiṣṇavāḥ || 75 ||
[Analyze grammar]

lakṣmīnārāyaṇasaṃhitāyāḥ kathā bhavanti ca |
pravartante harerlīlājñānadharmayutāḥ kathāḥ || 76 ||
[Analyze grammar]

saṃhitātīrthamatredaṃ khyātaṃ tarhyabhavattataḥ |
bhāṇavāṇī rāyahariḥ śṛṇutaḥ pratyahaṃ kathāḥ || 77 ||
[Analyze grammar]

bhuṃjāte ca prasādau tau pibataśca jalāmṛtam |
pāpaprakṣālanaṃ prajāyate śanaiḥ kathāmṛtaiḥ || 78 ||
[Analyze grammar]

kathāśravaṇayogena jāyate tvātmaśodhanam |
satāmāśīrvādalābhairjāyate śāpamokṣaṇam || 79 ||
[Analyze grammar]

evaṃ śuddhiḥ śanairjātā cāturmāsye viśeṣataḥ |
vratadānaphalānāṃ cārpaṇaṃ kṛtaṃ kuṭumbibhiḥ || 80 ||
[Analyze grammar]

tatpuṇyena tayoḥ svāsthyaṃ śanaiḥ śanairudaicchubham |
kathāyāṃ vartamānāyāmūrjamāsaḥ samāyayau || 81 ||
[Analyze grammar]

kṛṣṇāṣṭamyāṃ bālakṛṣṇajanmajayantikotsavam |
cakrurnṛpāḥ prajāścāpi mahīmānā narāḥ striyaḥ || 82 ||
[Analyze grammar]

maharṣayastathā devā mānavāḥ sādhavastathā |
sādhyo viprā vaidikāśca pracakruste mahotsavam || 83 ||
[Analyze grammar]

ṣaṣṭhyāṃ nṛpaḥ koṭirāyaḥ parimeyapuraḥsaraḥ |
prāpya patraṃ lomaśarṣeḥ śrīkṛṣṇā''nayanāya saḥ || 84 ||
[Analyze grammar]

anādiśrīkṛṣṇanārāyaṇaṃ śrīparameśvaram |
kuṃkumavāpikātīrthaṃ saurāṣṭre vyomavartmanā || 85 ||
[Analyze grammar]

vimānenā''yayau kṛṣṇanārāyaṇālayāntikam |
avātaranmandirāgre bālakṛṣṇaṃ vilokitum || 86 ||
[Analyze grammar]

pūjayituṃ tathā''mantrayituṃ kṛṣṇā'grato'bhavat |
kṛtāñjaliḥ kṛtapūjaḥ svāgataṃ prāpya darśanam || 87 ||
[Analyze grammar]

modaṃ prāpya śrīharaye hṛdayaṃ prasamarpya ca |
sarvaṃ nivedayāmāsa prārthayāmāsa kāraṇam || 88 ||
[Analyze grammar]

janmajayantī bhagavannekaviṃśatikā śubhā |
āgatya sindhujān deśān śarkarānagarāntike || 89 ||
[Analyze grammar]

saṃhitāmaṇḍape kāryā svayaṃ bhagavatā prabho |
kṛpayā netumāyātaḥ śvo gatistatra rocate || 90 ||
[Analyze grammar]

saptamyāṃ śarkarābhūmau madhyandine samāgamaḥ |
kartavyo bhavatā tatra mahāsvāgatamuttamam || 91 ||
[Analyze grammar]

bhavitā bhagavaṃstasmādāgantavyaṃ kṛpālunā |
hariḥ prāha śubhaṃ bhūyādāgantā omiti drutam || 92 ||
[Analyze grammar]

rājā rātrau tu viśrāmaṃ jagrāha tīrthamācaran |
prātaḥ sajjo babhūvā'pi kṛṣṇanārāyaṇājñayā || 93 ||
[Analyze grammar]

mātā pitā ṛṣayaśca santaḥ sajjāstato'bhavan |
vidhāya svaṃ dvidhā rūpaṃ vimānaṃ cāruroha vai || 94 ||
[Analyze grammar]

vimānasthāḥ samastāste dvedhā kṛtāḥ parātmanā |
vimānaṃ prayayau tūrṇaṃ cāmbareṇa tu badrike || 95 ||
[Analyze grammar]

sindhudeśaṃ samaprāpacchrīmatkṛṣṇanarāyaṇaḥ |
dvitīyena svarūpeṇa kuṃkumavāpikāsthitaḥ || 96 ||
[Analyze grammar]

janmā'hotsavalābhārthaṃ svagṛhe śrīhariṃ svayam |
āgatānāṃ manastuṣṭyai kuṃkumavāpikāsthitaḥ || 97 ||
[Analyze grammar]

sindhujānāṃ manastuṣṭyai sindhudeśaṃ gato'pi ca |
evaṃ śrīmadbālakṛṣṇaḥ sindhutīramavātarat || 98 ||
[Analyze grammar]

sūryabhāsvadvimānaṃ tat pūjitaṃ prathamaṃ janaiḥ |
harirniyet vimānācca jayaśabdaiḥ prapūjitaḥ || 99 ||
[Analyze grammar]

netrārpaṇairharṣanādairakṣataiḥ kusumaiḥ śubhaiḥ |
pūjitaścandanādyaiśca puṣpahāraiḥ prapūjitaḥ || 100 ||
[Analyze grammar]

lājābhirvardhitaścāpi karāñjalibhirarcitaḥ |
hārdairbhāvairiṅgitaiśca nijanāthaukṛto janaiḥ || 101 ||
[Analyze grammar]

pratikṛtisahasrātmā chāyāmūrtiḥ kṛto hariḥ |
nārībhiśca naraiḥ kṛṣṇaḥ pratibimbita ātmasu || 102 ||
[Analyze grammar]

atha kṛṣṇo yayau koṭirāyadarśitamandiram |
lomaśādyāḥ praṇemustaṃ pupūjuḥ svāgatādibhiḥ || 103 ||
[Analyze grammar]

jalapānaṃ daduścāpi candreśvarī mahāsatī |
candrakaṃ kauṃkumaṃ cāpyakṣatairyuktaṃ cakāra sā || 104 ||
[Analyze grammar]

puṣpamālāṃ dadau kaṇṭhe kṛṣṇasya candrikeśvarī |
dineśvarī harestatra pādaprakṣālanādibhiḥ || 105 ||
[Analyze grammar]

sammānamācarat pūjāṃ vyadhād bhāvabharā tadā |
anye'pi śrīharerlokā devāḥ prajājanā api || 106 ||
[Analyze grammar]

maharṣayaśca ṛṣayo vyadhuḥ pūjāṃ harestadā |
yayuḥ sarve kuśalaṃ vai pṛṣṭāḥ svasvaniketanam || 107 ||
[Analyze grammar]

kṛṣṇanārāyaṇastatra viśrāntimāpa vai kṣaṇam |
badrike sarvatastatra parānando vyavartata || 108 ||
[Analyze grammar]

iti śrīlakṣmīnārāyaṇauyasaṃhitāyāṃ caturthe tiṣyasantāne śarkarānagare saṃhitākathārambhe sarvalokavāsināṃ tathā janmajayantyāṃ śrīkṛṣṇanārāyaṇasya cāgamaḥ svāgatādikaṃ cetyādinirūpaṇa |
nāmaikacatvāriṃśo'dhyāyaḥ || 41 ||
[Analyze grammar]