Chapter 39

śrīnaranārāyaṇa uvāca |
śṛṇu badrīpriye devi kathāṃ dhūrtāvimokṣiṇīm |
dhutārapuravāstavyā cāmaṭhājātijā hyapi || 1 ||
[Analyze grammar]

nārāyaṇaparā nārī nāmnā'bhūt kanakāṃgadā |
patiputravatī putrīmatī bhrātṛkuṭumbinī || 2 ||
[Analyze grammar]

nagarābhyāśavāsā ca śakaṭacchāyavartinī |
vṛṣabhāṇāṃ ca vatsānāṃ krayavikrayakāriṇī || 3 ||
[Analyze grammar]

jīrṇopakaraṇānāṃ ca saṃskāroddhāratatparā |
krayavikrayakāryāḍhyā tathā nirvāhayoginī || 4 ||
[Analyze grammar]

harerbhaktā'pi vai jātisvabhāvā dhūrtatā'nvitā |
anṛtakapaṭā'satyaśāṭhyādyuktā hi vartate || 5 ||
[Analyze grammar]

vāṇyāṃ kriyāyāṃ manasi pratāraṇaparāyaṇā |
yathākathañcid vyāmohya pradarśyā'pi phalaṃ bahu || 6 ||
[Analyze grammar]

viśvāsaṃ bahudhotpādya karoti vañcanāṃ tataḥ |
labdhaṃ vañcanayā yattaddhanaṃ raupyaṃ ca kāñcanam || 7 ||
[Analyze grammar]

śīghraṃ nītvā prayātyeva grāmāntaramanoyutā |
anasā saumabhāgeṣu kṣetreṣu vāṭikāsvapi || 8 ||
[Analyze grammar]

annānāṃ haraṇaṃ cauryaṃ karoti karmasandhinī |
evaṃvidhā'pi mārgeṣu catuḥsaṃgeṣu vai niśi || 9 ||
[Analyze grammar]

śakaṭacchāyayā kālaṃ niryāpayati sīmani |
tatra kaścit samāyācced bhikṣuko bhikṣukī tu vā || 10 ||
[Analyze grammar]

tasmai datvā yathāyogyaṃ bhakṣyaṃ bhuṃkte tatastu sā |
evamabhyāgataparā bhikṣuke kṛṣṇamāninī || 11 ||
[Analyze grammar]

nārāyaṇaṃ bhikṣukaṃ tu matvā'rhaṇāṃ karotyapi |
pādasaṃvāhanaṃ rātrau divā dehaprasevanam || 12 ||
[Analyze grammar]

jalapuṣpādyarpaṇaṃ ca kṛtvā bhuṃkte tataḥ param |
evaṃ sevāparā cāste niyame bhikṣukārcane || 13 ||
[Analyze grammar]

vartamānā bhikṣukāya nirdaṃbhā dhūrtatāṃ nijām |
nivedayati vijñā sā niṣpāpatvāya sarvathā || 14 ||
[Analyze grammar]

sā tu jānāti guruto nāmnā cārvaṃkarādhanāt |
sādhave nijakṛtyaṃ vai nivedanīyamādarāt || 15 ||
[Analyze grammar]

satyaṃ vācyaṃ yacca tacca guhyaṃ vāpi prakāśajam |
anyāyyaṃ vā nyāyayuktaṃ pāpaṃ puṇyaṃ pratāraṇām || 16 ||
[Analyze grammar]

dhūrtatā śubhatā cāpyaniṣṭatā kleśatā tathā |
cauryaṃ cāpaharaṇaṃ ca vācyaṃ śrīgurave sadā || 17 ||
[Analyze grammar]

garhitaṃ vā praśastaṃ vā vācyaṃ cā'vācyamityapi |
sarvaṃ śrīgurave nivedanīyaṃ śuddhihetave || 18 ||
[Analyze grammar]

ityevaṃ jāyate karturniṣpāpatvaṃ pavitratā |
bandhanaṃ jāyate naiva pāpaphalaṃ na jāyate || 19 ||
[Analyze grammar]

upārjitāt tathā nyāyā'nyāyābhyāmapi sarvadā |
dātavyaṃ gurave cābhyāgatāya bhikṣukāya ca || 20 ||
[Analyze grammar]

nirdoṣatvaṃ jāyate ca tena pāpaṃ vyapohati |
aniveditabhoktaiva pāpena parilipyate || 21 ||
[Analyze grammar]

niveditānnabhoktā tu pāpena nopalipyate |
udarārthaṃ kuṭumbārthaṃ dasyūnāṃ dasyukarmasu || 22 ||
[Analyze grammar]

dūṣaṇaṃ jāyate naiva jātaṃ ced gurave'rpaṇāt |
nirdoṣaṃ jāyate tasmād guruḥ sevyaḥ pramokṣadaḥ || 23 ||
[Analyze grammar]

gurureva parabrahma gurureva janārdanaḥ |
gurureva vidhātā ca gurureva parāgatiḥ || 24 ||
[Analyze grammar]

gururevā'nalaḥ sūryo gurureva prakāśadaḥ |
gurureva paraṃ puṇyaṃ gururdharmaḥ sukhaṃ dhanam || 25 ||
[Analyze grammar]

guruḥ svargaṃ gururviṣṇurguruḥ śaṃbhurgururvratam |
gurvarpaṇaṃ paraṃ puṇyaṃ tasmācchrīgurave'rpayet || 26 ||
[Analyze grammar]

anyatra vai kṛtaṃ pāpaṃ gurvegre saṃvinaśyati |
gurau pāpaṃ na kartavyaṃ gururvai paramā gatiḥ || 27 ||
[Analyze grammar]

na vai nārāyaṇo bhūmau śaṅkhadhārī milatyapi |
gururnārāyaṇaḥ satyadhārī milati bhūtale || 28 ||
[Analyze grammar]

satāṃ samāgamāt tena niṣpāpatā prajāyate |
santaḥ śrīguravastasmāt sevanīyā viśuddhaye || 29 ||
[Analyze grammar]

aśuddhaḥ khaluḥ saṃsāraḥ śuddhastatra gururhariḥ |
aśuddhirlīyate sarvā guroryogena daihikī || 30 ||
[Analyze grammar]

mānasī līyate cāpyaśuddhirbhaktyā guroḥ sadā |
gurornāmasmaraṇena cātmā pāvanatāṃ vrajet || 31 ||
[Analyze grammar]

gurave tvarpaṇāt sarvavastūnāṃ syāt pavitratā |
narā nāryaḥ praśuddhyanti guruyogena bhūtale || 32 ||
[Analyze grammar]

gurormūrtirharermūtiḥ pāvanī pāpināmiha |
tasmāt satsaṃgatiḥ kāryā pāpibhiḥ pāpahānaye || 33 ||
[Analyze grammar]

evaṃvidhaṃ paraṃ jñānaṃ gurutaḥ sā hyavāpa tu |
tena sādhujanasevāṃ karoti daṃbhavarjitā || 34 ||
[Analyze grammar]

samastaṃ tatkuṭumbaṃ vai satāṃ karoti sevanam |
cārvaṃkarādhanaḥ sādhurdadau tasyai manuṃ hareḥ || 35 ||
[Analyze grammar]

oṃnamaḥ śrīkṛṣṇanārāyaṇāya pataye svāhā |
dadau mūrtiṃ dadau jñānaṃ gurusevātmakaṃ tathā || 36 ||
[Analyze grammar]

evaṃ gurvājñayā nityaṃ vartate kanakāṃgadā |
gurusevāparā śrīmadbālakṛṣṇaparā'nvaham || 37 ||
[Analyze grammar]

dhūrtatāpāpanāśārthaṃ sevate śrīhariṃ gurum |
bhāvena nityamevaiṣā kṣudhāṃ tṛṣā ca sevate || 38 ||
[Analyze grammar]

akṛtvā sā guroḥ pūjāṃ cā'nivedyā'nnamityapi |
vāri puṣpaṃ phalaṃ śākaṃ na bhuṃkte sā kvacit khalu || 39 ||
[Analyze grammar]

evaṃ niyamamāsādya vartate gurutatparā |
athaikadā tu saptāhaṃ gururvanāntaraṃ yayau || 40 ||
[Analyze grammar]

abhyāgataśca vā sādhuḥ kaścid gṛhaṃ ca nāgataḥ |
hariṃ prapūjya sā sādhvī vāṭaṃ paśyati cotsukā || 41 ||
[Analyze grammar]

kṣudhinā tṛṣitā rātrindivaṃ paśyati vāṭinam |
saptāhaṃ nāgataḥ sādhurabhyāgato'pi nāgataḥ || 42 ||
[Analyze grammar]

adattvā sādhave sādhvī na bhuṃkte'nnaṃ prasādajam |
anyānyasya tu kā vārtā badrike dṛḍhabhaktigā || 43 ||
[Analyze grammar]

nāpi papau ca sā vāri tvanivedya hi sādhave |
tadā'nādikṛṣṇanārāyaṇaḥ śrī kṛṣṇagopajaḥ || 44 ||
[Analyze grammar]

antaryāmī sarvavijñaḥ sādhurbhūtvā samāyayau |
dhṛtakāṣāyavasano dhṛtakanthākamaṇḍaluḥ || 45 ||
[Analyze grammar]

dhṛtapāvaṭikākukṣirdhṛtabhasmādijolikaḥ |
nārāyaṇahare viṣṇo kṛṣṇaśrībhagavāniti || 46 ||
[Analyze grammar]

raṭannuccairvadad śrīmadbālakṛṣṇo jayatyapi |
hare kṛṣṇa prabhokṛṣṇa padmāvatīpate prabho || 47 ||
[Analyze grammar]

dharminiyamirakṣaka tvaṃ bhakṣarakṣakaraprabho |
evaṃ nārāyaṇakṛṣṇaṃ japan śakaṭīmāyayau || 48 ||
[Analyze grammar]

āsanaṃ pāvaṭīṃ jolīṃ nyasya bhūmau hare hare |
kathayitvā niṣasāda jayo bhavatu cakriṇaḥ || 49 ||
[Analyze grammar]

sukhinī syāḥ kānakāṃgi cārvaṃkarādhano'pi ca |
sukhinaste kuṭumbaṃ ca putrāḥ putryo bhavantvapi || 50 ||
[Analyze grammar]

ityevaṃ samacittaśca hyāśīrvādaparāyaṇaḥ |
sādhurayaṃ daivayogādāgato madgṛhaṃ tviti || 51 ||
[Analyze grammar]

matvotthāya druta sādhvī kanakāṃgī śubhāsanam |
dadau natvā jalaṃ śuddhaṃ dadau phalāni vai tadā || 52 ||
[Analyze grammar]

annaṃ navaṃ dadau tasmai pavanaṃ vyajanena ca |
puṣpāṇi tulasīpatrāṇyapi dadau tu bhāvataḥ || 53 ||
[Analyze grammar]

bhojanaṃ kuru sādho tvaṃ madhuparkaṃ gṛhāṇa ca |
snānamācamanaṃ bhakṣyaṃ bhojyaṃ vāri gṛhāṇa ca || 54 ||
[Analyze grammar]

āśīrvādaṃ dehi sādho pāpaṃ me nāśamāpnuyāt |
mama bhāgyavaśāt prāpto nārāyaṇasvarūpavān || 55 ||
[Analyze grammar]

vāsaṃ gṛhe mama sādho kuru sevāṃ gṛhāṇa ca |
oṃ namo'nādiśrīkṛṣṇanārāyaṇāya sādhave || 56 ||
[Analyze grammar]

yogine sarvavijñāya bhaktarakṣākarāya ca |
adhamoddhāraṇakartre dīnānāthadayālaye || 57 ||
[Analyze grammar]

namaḥ sādhusvarūpāya bālakṛṣṇāya te namaḥ |
kaṃbharānandabālāya gopālabālakāya te || 68 ||
[Analyze grammar]

namo rādhāvihārāya kamalāpataye namaḥ |
namo'ntaryāmiṇe bhaktabhāvukāya sate namaḥ || 99 ||
[Analyze grammar]

antarātmā paramātmā prasanno bhava sarvadā |
sādhusevā tava sevā nārāyaṇa gṛhāṇa tām || 60 ||
[Analyze grammar]

ityevaṃ bhāvabhinnā sā dadau tat kanakāṃgadā |
putrāḥ putryaḥ samastāstā daduryatheṣṭavastukam || 61 ||
[Analyze grammar]

cārvaṃkarādhanaścāpi sādhusevāṃ tadā'karot |
miṣṭavāṇyā caraṇayoḥ saṃvāhanaṃ vyadhānmudā || 62 ||
[Analyze grammar]

evaṃ sarvaṃ kuṭumbaṃ vai cāmaṭhājātijaṃ tadā |
sevāparāyaṇaṃ jātaṃ saptāhā'naśanānvitam || 63 ||
[Analyze grammar]

sādhuṃ saṃbhojayitvaiva pāyayitvā jalaṃ tathā |
sevayitvā yathāyogyamājñayā ca tataḥ param || 64 ||
[Analyze grammar]

prasādānnaṃ jalaṃ sarve jagṛhurbhāvataḥ khalu |
śayane cāpi sarve te cakruḥ sādhoḥ prasevanam || 65 ||
[Analyze grammar]

āprātaḥ sevanaṃ cakruḥ pādasaṃvāhanādikam |
prātaḥ sādhustataḥ prāha vara vṛṇuta cāmaṭhāḥ || 66 ||
[Analyze grammar]

prasanno'smi niyamena bhaktyā satāṃ prasevayā |
bhābenā'haṃ prasanno'smi gaṇayāmi na dūṣaṇam || 67 ||
[Analyze grammar]

mahāpāpātipāpāni śāṭhyāni vividhānyapi |
pratāraṇāni sarvāṇi nāśayāmi kṛpāvaśaḥ || 68 ||
[Analyze grammar]

dhūrtatāṃ sarvathā cāpi viśvāsaghātanaṃ hyapi |
cauryapāpaṃ tathā dravyāpaharaṇodbhavaṃ tvagham || 69 ||
[Analyze grammar]

sarvaṃ prasannabhāvo'haṃ nāśayāmi kṛpāvaśaḥ |
uktvetthaṃ sādhurūpo'pi mūrtirūpo'bhavat kṣaṇam || 70 ||
[Analyze grammar]

nārāyaṇasvarūpaśca caturbhujo'bhavat kṣaṇam |
anādiśrīkṛṣṇanārāyaṇaśrīkāntavallabhaḥ || 71 ||
[Analyze grammar]

śrīpriyāmādhavīrādhāmāṇikīlalitāpatiḥ |
abhavattūrṇamevā'sau sarvadivyavibhūṣaṇaḥ || 72 ||
[Analyze grammar]

divyatejo'bhisaṃvyāpto divyasaundaryabhājanaḥ |
atha tūrṇaṃ sampradarśya rūpaṃ divyamanoharam || 73 ||
[Analyze grammar]

tiro'bhavattato mūrtau tataḥ sādhusvarūpavān |
vyadṛśyata svayaṃ kṛṣṇanārāyaṇaḥ kṛpāvaśaḥ || 74 ||
[Analyze grammar]

atha sarve kṣaṇaṃ mugdhā niṣpāpā divyadṛṣṭayaḥ |
jātā bhaktivaśāḥ kṛṣṇavaśā gadgadasusvarāḥ || 75 ||
[Analyze grammar]

bhavapāraṃ samastāste hyayācan duḥkhanāśanam |
śrīhareḥ śaraṇaṃ muktimayācan tvakṣare pade || 76 ||
[Analyze grammar]

dhūtapāpāni sarvāṇi kṣamāpayeti cārthayan |
pāpajāteḥ samuddhāraṃ kuru kṛṣṇeti cārthayan || 77 ||
[Analyze grammar]

atha badrīpriye svāmī svayaṃ śrīharivallabhaḥ |
pādajalaṃ pāyayitvā divyadehān vyadhāddhi tān || 78 ||
[Analyze grammar]

vimānaṃ tvāgataṃ tatra divyaṃ vaikuṇṭhavāsinām |
pārṣadānāṃ tatra sarve'dhyarohan pramudānvitāḥ || 79 ||
[Analyze grammar]

yayurdhāmā'kṣaraṃ te vai prāpya vaikuṇṭhamuttamam |
śrīhareḥ pādavāsaṃ te prāpurbhaktyā'tibhāvayā || 80 ||
[Analyze grammar]

sādhurūpo haristatra tūrṇaṃ tirobhavat kṣaṇāt |
evaṃ śrībadrike bhaktā kanakāṃgī tu cāmaṭhī || 81 ||
[Analyze grammar]

sakuṭumbā yayau mokṣaṃ dhūrtā'pi bhaktipāvanā |
śravaṇātpaṭhanādasya bhuktirmuktirbhavettathā || 82 ||
[Analyze grammar]

pāpanāśo bhaveccāpi svargarddhiḥ saṃbhavedapi |
sādhusevāphalaṃ sākṣāt kṛṣṇaprāptirbhavedapi || 83 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne cāmaṭhījātīyāyāḥ kanakāṃgadāyāḥ sakuṭumbāyāḥ sādhusamāgamena paramabhaktyā sādhurūpeṇa bhagavatprāptimokṣaṇaṃ cetyādinirūpaṇanāmā navā'dhikatriṃśo'dhyāyaḥ || 39 ||
[Analyze grammar]