Chapter 37

śrīnaranārāyaṇa uvāca |
śṛṇu badrīpriye devi śrutvā tatkanyakāvacaḥ |
badrikāyanamunirāṭ kanyakā mohavarjitāḥ || 1 ||
[Analyze grammar]

niścikāya tirobhūya yayau tāsāṃ gṛhaṃ prati |
mam tāsāṃ bhrātarastu rathyāmārjanakarmiṇaḥ || 2 ||
[Analyze grammar]

kurvanti mārjanaṃ tatra gatvā ruroda vai ṛṣiḥ |
dṛṣṭvā taṃ saṃrudantaṃ te papracchuḥ kāraṇaṃ tadā || 3 ||
[Analyze grammar]

uvācarṣirmahāduḥkhabhṛtaḥ śvāsaṃ manāg dharan |
ahoho bahvaniṣṭaṃ va mamāśramasya sannidhau || 4 ||
[Analyze grammar]

sañjātaṃ tvadya vacmyatra śrotavyārhaṃ na vidyate |
rākṣasāḥ pañca cāyātā mama kuṭyāḥ samīpataḥ || 5 ||
[Analyze grammar]

kṛtrimaujjvalyasampannā mahāmohakarāḥ khalāḥ |
kārelikāyāḥ pañcāpi kanyakā vavrire tu tān || 6 ||
[Analyze grammar]

rākṣasāstā drutaṃ nītvā yayuścābdhitalālayam |
aho'niṣṭaṃ paraṃ jātaṃ bhaktāyāścātiduḥkhakṛt || 7 ||
[Analyze grammar]

śaśākā'haṃ na tatsoḍhuṃ jñāpanārthamupāgataḥ |
śrutvaitat pañca sabalāḥ sahodarāḥ sahāyinaḥ || 8 ||
[Analyze grammar]

kārayantu kanyakānāṃ svasṛṇāṃ mokṣaṇaṃ tataḥ |
aho mohaḥ kanyakānāṃ śavādānāṃ striyo'bhavan || 9 ||
[Analyze grammar]

ityuktvā bahudhā sādhuḥ śuśoca bhrātṛsannidhīौ |
bhrātaraste vīkṣya caitad ṛṣiṃ prāhustadottaram || 10 ||
[Analyze grammar]

ṛṣe te darśanādadya janmasāphalyameva naḥ |
svasṝṇāṃ janmasāphalyaṃ yad bhavadāśramāntike || 11 ||
[Analyze grammar]

bhavato darśanaṃ kṛtvā patiprāptiṃ gatāstu tāḥ |
bhavatā vīkṣitāścāpi śaucitā muktaye'pi ca || 12 ||
[Analyze grammar]

rākṣasā api ṛṣirāḍ bhavatā tu nibhālitāḥ |
bhavatpratāpataste'pi bhaviṣyanti maharṣayaḥ || 12 ||
[Analyze grammar]

kanyakāḥ pañca evāpi vaiṣṇavyaḥ santi dhārmijāḥ |
dharmavatyaśca pāvanyaḥ pāpināṃ mokṣadā api || 14 ||
[Analyze grammar]

rakṣasāmapi tāsāṃ saṃprasaṅgena pramokṣaṇam |
bhaviṣyati na sandehastatra śoko na vidyate || 15 ||
[Analyze grammar]

kanyāratnaṃ pradātavyaṃ yasmai kasmai tu karmiṇe |
karmabandhena jāyante patnyaśca patayastviha || 16 ||
[Analyze grammar]

tāsāṃ bhāgyeṣu puruṣā rākṣasā likhitā yadi |
patayaste prajātā vai tatra kā parivedanā || 17 ||
[Analyze grammar]

kanyādhanaṃ parakīyaṃ puṃsāpekṣaṃ sadā matam |
tajjātaṃ samaye tāsāṃ tatra kā parivedanā || 18 ||
[Analyze grammar]

śarīrāṇi samastāni samavikṛtivanti vai |
bhautikāni bhavantyeva tatra kā parivedanā || 19 ||
[Analyze grammar]

pumān vā yadi vā nārī mūtramalādivikṛtiḥ |
sarvatra sadṛśī vedī tatra kā parivedanā || 20 ||
[Analyze grammar]

yadi nārāyaṇaṃ kṛṣṇaṃ bhajata nahi mānavaḥ |
vipro'pi rākṣaso bodhyastatra kā parivedanā || 21 ||
[Analyze grammar]

rākṣaso'pi hareryogaṃ bhaktayogaṃ ca vindati |
vipraḥ sa eva bhaktyāḍhyastatra kā parivedanā || 22 ||
[Analyze grammar]

sarve bhaktiṃ vinā devā mānavāśca maharṣayaḥ |
varṣmamohaparā varṣmabhoktāro rākṣasā matāḥ || 23 ||
[Analyze grammar]

dehendriyāṇāṃ bhogāṃstu tyaktvā''tmavedinastu ye |
antarātmaparāsaktāsta eva ṛṣayo matāḥ || 24 ||
[Analyze grammar]

yeṣāṃ sarvamidaṃ kṛṣṇamayaṃ kṛṣṇaśarīrakam |
kṛṣṇānvitaṃ samastaṃ vai teṣāṃ daivitvamucyate || 25 ||
[Analyze grammar]

yeṣāṃ rūpe rase svāde kāme dehe ca vāsanā |
bhedadṛṣṭirvartate'pi te narā rākṣasāstviha || 26 ||
[Analyze grammar]

bhaktimatyaḥ kanyakāstā ātmanivedanānvitāḥ |
santi mahābhāgavatyastāsāṃ saṃgaṃ gatāstu ye || 27 ||
[Analyze grammar]

tāsu bhāvaparā ye ca tāsu raktāśca ye narāḥ |
tāsu snehaparā jātā daivāste na tu rākṣasāḥ || 28 ||
[Analyze grammar]

parakīyaṃ dhanaṃ sarvaṃ parahaste gataṃ bhavet |
sahasā vā'rpitaṃ vāpi prasahyā'pi gataṃ bhavet || 29 ||
[Analyze grammar]

gataṃ kāle yathārekhaṃ tatra kā parivedanā |
saṃsārasya gatiśceyaṃ kanyā'nyasmai pradīyate || 30 ||
[Analyze grammar]

tāratamyaṃ tataḥ snehe dampatyorvyajyate hyanu |
mithaḥ snehe vivṛddhe tu sukhaṃ tayoḥ prajāyate || 31 ||
[Analyze grammar]

svargaṃ daivādhivāsārhaṃ tadgṛhaṃ procyate tayoḥ |
yadi sneho mitho naiva jāyate naiva vardhate || 32 ||
[Analyze grammar]

vaimanasyaṃ kalahaśca narakaṃ tat sadā tviha |
sthitiścaitādṛśī yatra rakṣodharmāstu tatra vai || 33 ||
[Analyze grammar]

prāyaśaḥ khalu sṛṣṭau vai rakṣodharmā bhavanti hi |
ekatrotpadyate sarvaṃ poṣaṇaṃ caiti bhautikaiḥ || 34 ||
[Analyze grammar]

bhujyate tvapareṇaitat phalakanyādhanādikam |
svasṛmātṛvyavahārāḥ sāpekṣā nirmitāstviha || 35 ||
[Analyze grammar]

kanyā ced rākṣasaṃ bhaktyā vṛṇute tanmanasvinī |
tāṃ tu nivārayituṃ na śaktaḥ kaścid bhavediha || 36 ||
[Analyze grammar]

kanyā cet vimanā deve dattāpi na suraiṣiṇī |
preṣayituṃ na tāṃ śaktaḥ kaścid bhavet svayaṃvarām || 37 ||
[Analyze grammar]

yatra mano gataṃ lagnaṃ yasyāḥ sa eva tatpatiḥ |
alagnaṃ tu mano yatra tatra svāmitvameva na || 38 ||
[Analyze grammar]

evaṃ sthite'tra saṃsāre naḥ kā'tra parivedanā |
maharṣe tvaṃ vṛthā śokaṃ kuruṣe viṣame vṛṣe || 39 ||
[Analyze grammar]

bhogyaṃ bhoktā bhunaktyeva bhogyaṃ bhoktāramṛcchati |
tatra kaḥ śokaḥ ko mohaḥ kā tatra vedanā'pi ca || 40 ||
[Analyze grammar]

svāgataṃ te'rhaṇaṃ brahman gṛhāṇa bhojanādikam |
madhuparkaṃ gṛhītvā'pi pāvayitvā ca nastviha || 41 ||
[Analyze grammar]

madhvāśīrbhirnaḥ prayujya yāhi vidvan yathāgatam |
mā mohaṃ ca śucaṃ vidvan yāhi nisargasarjane || 42 ||
[Analyze grammar]

kariṣyāmo yathāyogyaṃ tatra kā parivedanā |
ityukto badrike bhrātṛbhiścarṣirvismayaṃ gataḥ || 43 ||
[Analyze grammar]

nirmohā bhrātaraḥ sarve niścikāya śamaṃ yayau |
atharṣirmātaraṃ gatvā kanyakānāṃ jagāda tām || 44 ||
[Analyze grammar]

aho putrā nirdayāste nirghṛṇā svasṛśatravaḥ |
svasṝṇāṃ cāpaharaṇe rākṣasairvihite'pi te || 45 ||
[Analyze grammar]

prabodhitā mayā cāpi sāhāyyārthaṃ na yānti vai |
pratyuta jñānavantaste nivārayanti māmapi || 46 ||
[Analyze grammar]

svasṛbhāvaṃ manāṅ naiva vijñāpayanti laukikam |
śuṣkahṛdayabhāvāste śṛṇvanti nāpadaṃ tava || 47 ||
[Analyze grammar]

śṛṇu mātarmahāniṣṭaṃ saṃbhūtaṃ matpadāśraye |
rākṣasaiste kanyakānāṃ prasahya haraṇaṃ kṛtam || 48 ||
[Analyze grammar]

atyaniṣṭaṃ hi tajjātaṃ mātarmocaya putrikāḥ |
śocāmyahaṃ tadarthaṃ vai sannidhau te samāgataḥ || 49 ||
[Analyze grammar]

vinā tu rakṣaṇaṃ tāsāṃ nāśo vā syāttu rākṣasaiḥ |
bhogaṃ vā pramadānāṃ te kariṣyanti svakīyavat || 50 ||
[Analyze grammar]

yadvā mugdhāḥ svapatnītvaṃ kariṣyanti na saṃśayaḥ |
yāhi śīghraṃ rakṣaṇārthaṃ saha cāyāmyahaṃ drutam || 7 ||
[Analyze grammar]

ityuktā badrike mātā kārelikā munīśvaram |
śocantaṃ phutkārayuktaṃ śirohastadvayaṃ tadā || 52 ||
[Analyze grammar]

prāha mune kathaṃ kanyākṛte śokaṃ karoṣi vai |
na te kanyā na te yogaḥ sambandhaste na vidyate || 53 ||
[Analyze grammar]

saṃsārottīrṇa evāsi kathaṃ saṃsarasi kṣaye |
avināśaṃ nijātmānaṃ smara saṃsāravarjitam || 54 ||
[Analyze grammar]

asmādṛśīnāṃ saṃsāraḥ so'pi yāvannijārthakaḥ |
bhavādṛśānāṃ saṃsāraścā'sāraḥ sarvadā mataḥ || 55 ||
[Analyze grammar]

tat kathaṃ munirāṭ cintayasi strījanaceṣṭanam |
kanyakā yāstu tāḥ kālāntare yāsyanti bhogyatām || 56 ||
[Analyze grammar]

patnītvaṃ parakīyātvaṃ pare tu mānavāḥ surāḥ |
yadvā daityā rākṣasā vā narā vai patayo matāḥ || 57 ||
[Analyze grammar]

yathā bhāgyaṃ tathā jātaṃ jāyate'pi tathaiva hi |
pūrvasañcitavegena jāyante gṛhamedhinaḥ || 58 ||
[Analyze grammar]

yadarthaṃ nirmitā kanyā patiḥ sa eva tiṣṭhati |
anirmito na vai svāmī kadācidapi jāyate || 59 ||
[Analyze grammar]

rākṣasāḥ patayastāsāṃ nirmitā yadi santi cet |
labdhavantaḥ runyakāstāstatra kā parivedanā || 60 ||
[Analyze grammar]

yāhi vidvan brahmamārgaṃ bhramamārgaṃ tu mā vaha |
mohaṃ mā kuru pārakye daihike vā'pyadaihike || 61 ||
[Analyze grammar]

prarakṣitaṃ gṛhe dravyaṃ parakīyaṃ bhaved yadi |
pārakyaṃ parahaste tad yathābhāgyaṃ gamiṣyati || 62 ||
[Analyze grammar]

parityaktaṃ jane dravyaṃ svakīyaṃ ced bhaved yadi |
svatvavannijahaste tat prasahyaivāgamiṣyati || 63 ||
[Analyze grammar]

abdhyudbhavā ghanāścāpi ratnāni mauktikānyapi |
bhāgyavatāṃ gṛhe rāṣṭre prayāntyambaramārgataḥ || 64 ||
[Analyze grammar]

gṛhodbhavāḥ kumārā vā kumāryo yatidharmagāḥ |
bhāgyavaśāt prayāntyeva vanāraṇyaguhādikam || 65 ||
[Analyze grammar]

nārikelaphale vāri pracchannamapi rohati |
dīyamānamapi vāri kamale nādhirohati || 66 ||
[Analyze grammar]

tasmāt pūrvakṛtā yogā bhavanti narayoṣitām |
tathā jātāḥ kanyakānāṃ tatra kā paridevanā || 67 ||
[Analyze grammar]

mayā sṛṣṭāḥ kanyakāstā badrīphalārthamutsukāḥ |
svayaṃ yātrā dhṛtāstatra paraiḥ kā parivedanā || 68 ||
[Analyze grammar]

kanyakātvaṃ dhruvaṃ nāsti mātṛgṛhaṃ dhruva na ca |
paragṛhaṃ sutarāṃ na tataḥ kā parivedanā || 69 ||
[Analyze grammar]

īkṣaṇaṃ na dhruvaṃ cāste parīkṣā na dhruvā tathā |
parīkṣako dhruvo nāsti tataḥ kā parivedanā || 70 ||
[Analyze grammar]

yāhi vidvan kuṭīṃ naijāṃ mā mohaṃ yāhi tatkṛte |
kariṣye kārayiṣye vā yogyaṃ matkanyakākṛte || 71 ||
[Analyze grammar]

ityevaṃ bodhito vipro mahāścaryaparo'bhavat |
kanyakāvad bhrātaraśca mātā'pi mohavarjitā || 72 ||
[Analyze grammar]

atha yāmi pitaraṃ vai kathayāmi niyojitam |
vicāryetthaṃ śuṣkamanāḥ śokodgāraparāhataḥ || 73 ||
[Analyze grammar]

nistejā iva saṃbhūtvā kanyānāṃ janakaṃ yayau |
pīṭayāmāsa hastābhyāṃ kapolau bhālagaṇḍakau || 74 ||
[Analyze grammar]

mumocā'śrūṇi bahūni paraṃ śokaṃ tvadarśayat |
āśvāsito dayāyuktaivākyairdhairyaṃ pradāpitaḥ || 75 ||
[Analyze grammar]

pitrā śanaiśca saṃpṛṣṭaḥ kāraṇaṃ prati bhūsuraḥ |
uvāca hikkāsahitaḥ kampayan mastakaṃ nijam || 76 ||
[Analyze grammar]

aho duḥkhamaho kaṣṭamaho nyāyavivarjitam |
mayā dṛṣṭaṃ nirghṛṇāḍhyaṃ kanyakānāṃ madantike || 77 ||
[Analyze grammar]

mamāśrame pañcabhiśca rakṣobhiḥ prabalairdrutam |
kṛtaṃ tvapaharaṇaṃ vai nirbalānāṃ prasahya tu || 78 ||
[Analyze grammar]

rakṣaṇārthaṃ drutaṃ tāsāṃ samāgaccha vibhañjana |
tvaṃ pitā rakṣakastāsāṃ śīghraṃ kuru mayā saha || 79 ||
[Analyze grammar]

vibhañjanābhidho rathyāmārjakaḥ prāha taṃ munim |
svāgataṃ munirāṭ te'stu dhanyavādaṃ dadāmi te || 80 ||
[Analyze grammar]

vairāgyamārgavāsasya rāgaceṣṭāvidhāyinaḥ |
tyaktakuṭumbayogasya parārthayogaśokinaḥ || 81 ||
[Analyze grammar]

vṛthā mohagatasyā'tra cātmārāmasya rogiṇaḥ |
kiṃ te gataṃ kanyakānāṃ gamane rākṣasaiḥ saha || 82 ||
[Analyze grammar]

kanyāhastagrahāḥ sarve rākṣasā mānavā bhuvi |
narahastagrahā nāryo rākṣasyastāstathā bhuvi || 83 ||
[Analyze grammar]

tyaktalajjādharmakarmāṇo ye te rākṣasā matāḥ |
patnyaśca patayastadvannagnā vai rākṣasāḥ sadā || 84 ||
[Analyze grammar]

kuṇape snehavanto ye mūtragolakalubdhakāḥ |
mitho yujyanta udvṛttāḥ pracchannā rākṣasāstu te || 85 ||
[Analyze grammar]

deho'yaṃ rākṣasaḥ proktaḥ paradehasya bhakṣakaḥ |
mune saṃsāravelāto bahiścāsi prayāhi vai || 86 ||
[Analyze grammar]

svakhedaṃ kuru viprendra rākṣasatvavimuktaye |
parakhedaparatve tu viśeṣo rākṣasāttu kaḥ || 87 ||
[Analyze grammar]

karmaṇā yogamāsādya viyogaṃ yānti karmabhiḥ |
karmasambandhisaṃsāre kā te me parivedanā || 88 ||
[Analyze grammar]

pūjāṃ gṛhāṇa viprendra bhojanaṃ kuru bhāvataḥ |
vāsaṃ vidhehi viśrāntiṃ śāntiṃ gṛhāṇa mā śucaḥ || 89 ||
[Analyze grammar]

sarvaṃ kālavaśaṃ loke jāyate copatiṣṭhati |
kāle gate punastadvai viyujyate na tiṣṭhati || 90 ||
[Analyze grammar]

yathāyogyaṃ tu satkāraṃ labdhvā yāhi nijālayam |
tyaktā'haṃmamatābhāve kathaṃ śokastvayi sthitaḥ || 91 ||
[Analyze grammar]

deho'yaṃ bhogya evā'sti bhogasthānaṃ sadā''tmanaḥ |
ātmā bhuṃkte nijaṃ matvā dehaṃ dehāntaraṃ ca vā || 92 ||
[Analyze grammar]

bhogo mohaḥ paraḥ prokto nirbhogo mohavarjitā |
sukhaduḥkhaikasākṣātkārastu bhogo hi manyate || 93 ||
[Analyze grammar]

mune mā te'stu muktasya mā māṃ yojaya tatra ca |
nirañjano'smi nā cāsmi mohabhañjanako'smi ca || 94 ||
[Analyze grammar]

kanyakānāṃ na me mohaste kathaṃ vartate tviha |
alakṣye mohanaṃ te me vijñāpayati kṛtrimam || 95 ||
[Analyze grammar]

śokaṃ sandarśayase'tra yāhi yogin yathāgatam |
vidhāsye rakṣaṇaṃ yogyaṃ svasti te me'stu sarvathā || 96 ||
[Analyze grammar]

ityuktvā bhañjanaḥ śūdro bhojanādi samārpayat |
tāvat tāḥ kanyakāstatra pakvabadrīphalāni tu || 97 ||
[Analyze grammar]

saṃgṛhya tvāgatāstūrṇaṃ sarvāḥ prasannamānasāḥ |
pṛṣṭāstā bhrātṛbhirmātrā pitrā tathā'nyamānavaiḥ || 98 ||
[Analyze grammar]

rākṣasopadrave tāstu śrutvā taṃ badrikāyanam |
asatpralāpinaṃ jñātvā munidharmacyutaṃ tathā || 99 ||
[Analyze grammar]

asthānakṛtajijñāsaṃ śepurmūko bhavā'dhunā |
ityukte mūkatāṃ sādhuravrajad vāgvidūṣaṇaiḥ || 100 ||
[Analyze grammar]

prārthayāmāsa manasā nirmohikanyakāstathā |
mātaraṃ pitaraṃ bhrātṝnarthayāmāsa bhāṣaṇam || 101 ||
[Analyze grammar]

dayāparā dharmadhartryaḥ kṛṣṇakāntaparāyaṇāḥ |
kuṭumbinaḥ samastāste cakrurnirmūkatāṃ muneḥ || 102 ||
[Analyze grammar]

munirviveda sarveṣāṃ nirmohitvaṃ mahattamam |
jijñāsāyāḥ svayaṃ mohaṃ tyaktvā natvā punaḥ punaḥ || 103 ||
[Analyze grammar]

mānaṃ hitvā yayau pūjāṃ prāpya daṇḍabhayād drutam |
evaṃ badraupriye devi kanyakā bhrātaraḥ pitā || 104 ||
[Analyze grammar]

mātā ca mohaśūnyāste'bhavan kṛṣṇaparāyaṇāḥ |
nirañjanaśca nirvāṇo nirmoho'pi nirīhakaḥ || 105 ||
[Analyze grammar]

nirāśayaśca te pañca bhrātaro nāmataḥ smṛtāḥ |
niḥsvarūpā nirabhidhā nirantarā nirāgasā || 106 ||
[Analyze grammar]

nijānandā ca pañcaitāḥ putrikā nāmatastu tāḥ |
sarve'nādikṛṣṇanārāyaṇasya paramātmanaḥ || 107 ||
[Analyze grammar]

janmajayantyutsave caikonaviṃśe yayustataḥ |
prabhuṃ kṛṣṇaṃ prabhuṃ labdhvā pūrṇāśāḥ pūrṇakāmanāḥ || 108 ||
[Analyze grammar]

babhūvurdivyarūpāśca śrīkṛṣṇasya prasādataḥ |
hariṃ prapūjya bhāvena cā'vatārya nijāntare || 109 ||
[Analyze grammar]

āgatena vimānena cāśvapaṭṭasarastaṭe |
bālakṛṣṇecchayā tūrṇaṃ yayuścākṣaramuttamam || 110 ||
[Analyze grammar]

evaṃ badrīpriye devi kārelikākuṭumbinaḥ |
bālakṛṣṇasya vai bhaktyā badrikāyanayogataḥ || 111 ||
[Analyze grammar]

divyabhāvaṃ samavāpya nirmohatāṃ pragamya ca |
paraṃ mokṣaṃ yayuḥ sarve kṛṣṇakāntasya bhaktitaḥ || 112 ||
[Analyze grammar]

paṭhanācchravaṇāccāsya mananācchravaṇādapi |
bhuktimuktyau bhavetāṃ vai kṛṣṇakāntakṛpālavāt || 113 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne kārelikāśūdrāṇyā mārjayitryā nirmohitvaparīkṣāyāṃ badrikāyanarṣermūkatvaṃ śāpanivṛttiḥ pañcakanyakānāṃ pañcaputrāṇāṃ patyuśca mokṣaṇamityādinirūpaṇanāmā saptatriṃśo'dhyāyaḥ || 37 ||
[Analyze grammar]