Chapter 29

śrīnaranārāyaṇa uvāca |
śrūyatāṃ ca tvayā badri māṇikye mādhavi priye |
kathāṃ tvatra kṛtaghnāyā yoṣito muktikāriṇīm || 1 ||
[Analyze grammar]

āsīdekā vibhāvaryāṃ puryāṃ saurāṣṭramaṇḍale |
kuthalī nāmato yoṣā dīnā sagarajātijā || 2 ||
[Analyze grammar]

ekākinī dīnabālā hyanāthā'bhavadārttinī |
ābālyānmṛtajananīpitṛbāndhavapālakā || 3 ||
[Analyze grammar]

pañcavarṣā'bhavad yāvat tāvat sā mṛtarakṣakā |
guruṇā sagarāṇāṃ sā poṣitā vardhitā gṛhe || 4 ||
[Analyze grammar]

prāptadvādaśavarṣā sā viveda svāṃ tu sāgarīm |
na viprāṃ tena viprāṇyāṃ sneho vicchinnatāṃ gataḥ || 5 ||
[Analyze grammar]

yā mātā garbhadhartrī syāt saiva snehasya bhājanam |
anyā tu kṛtrimasnehā kanyāsneho na tatra vai || 6 ||
[Analyze grammar]

vadhvāḥ sneho jananyāṃ yādṛśaḥ śvaśrvāṃ na tādṛśaḥ |
janayitryāṃ yathā snehaḥ stanyadāyāṃ na tādṛśaḥ || 7 ||
[Analyze grammar]

garbhadhartryāṃ yathā snehastatsapatnyāṃ na tādṛśaḥ |
gurau sneho yathā loke pitṛsnehastato'dhikaḥ || 8 ||
[Analyze grammar]

raktasnehāddharmajanyasneho gauṇo hi sarvadā |
āpatkāle raktajaḥ saḥ dharmajādvai viśiṣyate || 9 ||
[Analyze grammar]

kuthalī sāgarī kanyā viprāṇyāṃ bhedadṛṣṭitaḥ |
vartanaṃ tvakarottatrā''jñāyāṃ prasevanādiṣu || 10 ||
[Analyze grammar]

sarvakriyāsu yadvat sā bhrāntacittā hi vartate |
na karoti gṛhakāryaṃ jalasyā''haraṇādikam || 11 ||
[Analyze grammar]

mārjanaṃ majjanaṃ śayyāstaraṇaṃ peṣaṇībhramim |
prātarutthāya viprāṇyā dattaṃ bhuktvā tu sotsukā || 12 ||
[Analyze grammar]

sagarāṇāṃ gṛhāṇyeva prayāti khelane ratā |
vimanaskā vipragṛhe samanaskā tu sāgare || 13 ||
[Analyze grammar]

sāgarībhiḥ pramadābhirbodhitā sāgarīti sā |
sāgarī bhavituṃ tatra cecchad drutaṃ vivāhitā || 14 ||
[Analyze grammar]

guruṇā tu kṛtaṃ tasyā upakāraṃ na vetti sā |
ābālyāt pālitā sarvadānaiḥ sā vetti naiva tat || 15 ||
[Analyze grammar]

gaṇayatyeva naivā'pi mātāpitṛsamau dvijau |
kṛtaṃ prapoṣaṇaṃ varṣasaptakaṃ manute na tat || 16 ||
[Analyze grammar]

abuddhitvāt svabhāvādvā bālātvādvā pradūṣaṇam |
kṛtaghnītvaṃ samāpannaṃ sāgarīsaṃgato'pi vā || 17 ||
[Analyze grammar]

badrike kṛtalābhānāṃ hananaṃ narakāya tat |
kṛtānāṃ hananaṃ puṇyahananaṃ svargahaṃ tathā || 18 ||
[Analyze grammar]

gurogṛhe tu kanyāyā vāso'yutajanuḥphalam |
anyayoniprasūtāyā viprāṇītvaṃ hi durlabham || 19 ||
[Analyze grammar]

tadasyāḥ sulabhaṃ jātaṃ tathāpi karmanoditā |
viprātvaṃ sā parityajya sāgarītve mano'karot || 20 ||
[Analyze grammar]

atha bhāryā guroḥ kanyāmupādideśa śāntaye |
putrike karmasaṃsāro śasanāmūlapoṣitaḥ || 21 ||
[Analyze grammar]

viṣayādyaśano modapramodavāriṣecitaḥ |
dharmā'dharmādiśākhaśca tṛṣṇādipatrapallavaḥ || 22 ||
[Analyze grammar]

bhogehāṃ'kuraśobhāḍhyaḥ sukhaduḥkhaphalapradaḥ |
rāgadveṣakusumādyairākṛṣyante'tra dehinaḥ || 23 ||
[Analyze grammar]

ātmā doṣavihīnaśca vṛkṣatāmeti saṃgataḥ |
saṃsārī vāsanābaddhastata ucyata ārttimān || 24 ||
[Analyze grammar]

bālye tvātmā doṣahīno nirmalaścendriyeśvaraḥ |
yauvane doṣasarvasvo malinaścendriyānugaḥ || 25 ||
[Analyze grammar]

kanyā vāpi kumārā vā jihvārasātibandhanāḥ |
yuvatyo vā yuvāno'pi yo niśi śnāti veginaḥ || 26 ||
[Analyze grammar]

sa vego nirjito yena yayā tau mokṣabhāginau |
nityasukhaṃ parameśadhāmni tanmokṣaṇaṃ mahat || 27 ||
[Analyze grammar]

nārāyaṇaprasaṃgena satāṃ yogena kanyake |
mokṣo bhavati saṃsārānnirayastvanyasaṃgataḥ || 28 ||
[Analyze grammar]

garbhe prapācito deho bālye muhuśca saṃskṛtaḥ |
yauvane malino malavannimnendriyamalādhikaḥ || 29 ||
[Analyze grammar]

yadi vegena kāmena vāsanayā'tivegayā |
paradehe naradehe mugdhā syāt sā vinaśyati || 30 ||
[Analyze grammar]

mātāpitṛsnehapātraṃ kanyā kumāravanmatā |
tau tyaktyā yetaraṃ yāti sā kṛtaghnā bhavediha || 31 ||
[Analyze grammar]

adīyamānā kanyā vai necchayā gantumarhati |
vadhūrbhūtvā preṣitā vai dharmeṇa yāti kāntagā || 32 ||
[Analyze grammar]

tvaṃ viprau poṣakau tyaktvā nityaṃ yāsi gṛhāntaram |
nādya te samayastādṛg vinā''jñāṃ yāhi mā tathā || 33 ||
[Analyze grammar]

kanyakānāṃ paragṛhe cirayogo bhayāvahaḥ |
hāvabhāvaiśca puṃyogairmaryādānāśa āpatet || 34 ||
[Analyze grammar]

vivāhavarjitā kanyā bhraṃśaṃ labhenna saṃśayaḥ |
sāgarī tvaṃ janmato'pi viprā tvaṃ brāhmaṇīgṛhe || 35 ||
[Analyze grammar]

utpannaphalavat kanye pavitrā tvaṃ hi bhūsurī |
dehaste nirmalo jāto viprapoṣaṇakāritaḥ || 36 ||
[Analyze grammar]

viprāṇīyogamutsṛjya sāgarīgā tu mā bhava |
viprāṇīṃ māṃ vihāyaiva yadi putri gamiṣyasi || 37 ||
[Analyze grammar]

kṛtadhnītvaṃ tadā prāpya bhraśyase nātra saṃśayaḥ |
ityuktā viprapatnyā sā kanyā papraccha mātaram || 38 ||
[Analyze grammar]

kīdṛśyastāḥ kṛtaghnyaśca vada me mātarañjasā |
atha mātā viprapatnī nāmnā sā tvātmaśemuṣī || 39 ||
[Analyze grammar]

putrīṃ prāha kṛtānāṃ yā hantrī kṛtaghnikā tu sā |
śṛṇu putri tathā nāryo bhavantīha narā api || 40 ||
[Analyze grammar]

tena pāpena nirayān bhuñjate maraṇottaram |
mātṛpuṣṭā bālikā yā mātaraṃ naiva sevate || 41 ||
[Analyze grammar]

sā kṛtaghnī prathamaiva dvitīyā mātṛduḥkhadā |
poṣitā'pi ca kanyā yā viparītā virodhinī || 42 ||
[Analyze grammar]

sā kṛtapnā kuṭumbasya doṣavaktrī kṛtaghnikā |
gṛhacchidraṃ bahirvakti kleśaṃ karoti tena yā || 43 ||
[Analyze grammar]

sā kṛtaghnā sadā proktā hantrī kīrteḥ kuṭumbinām |
yā prāptayauvanā yāti vinā''jñāṃ paramandiram || 44 ||
[Analyze grammar]

svatantrasvavihārā sā kṛtaghnā kulanāśinī |
yā vidhiṃ tu samutsṛjya vṛṇute tu svayaṃvaram || 45 ||
[Analyze grammar]

sā pitrorduḥkhadā cet syāt kṛtaghnātvena dūṣitā |
gṛhakāryāṇi yā tyaktvā parakāryaparāyaṇā || 46 ||
[Analyze grammar]

gṛhakāryaṃ mahatīnāmarthe rakṣati sā'pi sā |
vadhūrbhūtvā kāntasevāṃ yā karoti na māninī || 47 ||
[Analyze grammar]

sā kṛtaghnā tathā śvaśrūkleśinī tadvidhā tathā |
sapatnīduḥkhadā yā ca gṛhanārī virodhinī || 48 ||
[Analyze grammar]

kāntasambandhikalidā gṛhakleśābhiropiṇī |
kṛtaghnā sā sadā bodhyodāsīnā gṛhakarmasu || 49 ||
[Analyze grammar]

yā vadhūṃ sevikāṃ naiva śvaśrūḥ snehayati kvacit |
sā vṛddhā duḥkhadā vadhvāḥ kṛtaghnā gṛhaśāsinī || 50 ||
[Analyze grammar]

yā bāleṣu pakṣapātaṃ bhojanādau viśeṣataḥ |
ayogyaṃ prakarotyeṣā kṛtaghnā jñānavarjitā || 51 ||
[Analyze grammar]

kṛtopakāraṃ sāhāyyaṃ cā'vamatyā'tivartinī |
doṣān vakti virodhena kṛtaghnā sā sadā matā || 52 ||
[Analyze grammar]

puṣṭā tuṣṭā pālitā ca pālakaṃ sā vihāya cet |
prayātyanyatra paśuvat sā kṛtaghnā sadā matā || 53 ||
[Analyze grammar]

abhyudayaḥ kṛto yena śikṣānnadhanamandiraiḥ |
taṃ cedāpatsu sahasā kṣiped yā sā kṛtaghnikā || 54 ||
[Analyze grammar]

guruṃ devaṃ pālakaṃ ca pitaraṃ mātaraṃ patim |
yā tvāpatsu prakṣipati kṛtaghnā sā prakīrtitā || 55 ||
[Analyze grammar]

kṛtāpakāraṃ vadati nopakāraṃ kadācana |
sā kṛtaghnā kṛtahantrī nirayān yāti bhāminī || 56 ||
[Analyze grammar]

āpadvināśakasyā'pi tadāpattau na pakṣadā |
pratyutā'niṣṭasaṃyoktrī sā kṛtaghnā matā sadā || 57 ||
[Analyze grammar]

pareśenā'rpito deho mānavo mokṣalabdhaye |
taṃ pareśaṃ pravismṛtya vartate sā kṛtaghnikā || 58 ||
[Analyze grammar]

vivāhaḥ kārito yena vivāhitā ca yena vā |
tayorguṇaṃ na gṛhṇāti doṣadā sā kṛtadhnikā || 59 ||
[Analyze grammar]

adhyāpitā śikṣitā yā tathā''pattāritā tu yā |
tadguṇaṃ naiva jānāti virodhinī kṛtaghnikā || 60 ||
[Analyze grammar]

dharmārthaṃ mānuṣo deho dharmaṃ jānāti naiva yā |
adharmārthakṛtadhyānā sā tu dharmakṛtaghnikā || 61 ||
[Analyze grammar]

dharmārthakāmamokṣeṣu sāhāyyadāstu ye matāḥ |
teṣāmapakṛtau lagnā yā sā kṛtaghnikā sadā || 62 ||
[Analyze grammar]

kṛtaghnānāṃ nirayā vai bhavanti duḥkhadāḥ sadā |
yāmyaloke paratrāpi sarvaṃ tāsāṃ vihanyate || 63 ||
[Analyze grammar]

sukhaṃ na labhate kvāpi kṛtaghnā pāpaparvatā |
kṛtajñā labhate puṇyaṃ svargaṃ sukhaṃ mahotsavam || 64 ||
[Analyze grammar]

kṛtaṃ jānāti yā kanyā nārī vṛddhā naro'pi vā |
upakāraṃ prakuryācca sā syāt svarganivāsinī || 65 ||
[Analyze grammar]

atra putraprapautrādyaiḥ śobhate vaṃśavistaraiḥ |
dhanadhānyāmbarasampatsvarṇādyairabhivardhate || 66 ||
[Analyze grammar]

kṛtaghnāyā vināśaṃ vai yāti sarvaṃ samūlakam |
putri tvaṃ mā kṛtaghnā syā nirayān mā prayāhi ca || 67 ||
[Analyze grammar]

mama santoṣadā bhūtvā pravardhayā'tisampadā |
yaśasā vaṃśavṛddhyā'pi svarge'pi ca tato'dhikā || 68 ||
[Analyze grammar]

ityuktā kuthalī kanyā sāgarī bījadoṣataḥ |
na mene sā mātṛvākyaṃ pāpaṃ yā manute nahi || 69 ||
[Analyze grammar]

na doṣaṃ manute tatra tyajane cāśrayāntare |
niṣekadoṣabhāvena cā'vamatya vaco hi tat || 70 ||
[Analyze grammar]

prāha prativacastatra mātaraṃ mativibhramā |
mātaḥ kṛtaghnatāḥ sarvā ākarṇitā mukhāttava || 71 ||
[Analyze grammar]

svārthaste mayi ko'styatra sāgaryāṃ bhinnayoṣiti |
bhinnavarṇodbhavāyāṃ ca bhinnācārādiyoṣiti || 72 ||
[Analyze grammar]

na me bhikṣugṛhe vṛttirbhikṣukī na bhavāmyaham |
ahaṃ sagarajātīyā sāgaraṃ kaṃcidāpnuyām || 73 ||
[Analyze grammar]

tatra śreyo mama cāsti na vipre svāmini kvacit |
bālikāścāpyanāthāśca sarvaiḥ poṣyāstu dharmataḥ || 74 ||
[Analyze grammar]

kṛto'yaṃ sarvathā nyāyo vṛddhaiścā'pratidānavat |
bālānāmupakāro yaḥ kartavyaṃ tat samucyate || 79 ||
[Analyze grammar]

tatra nāsti kṛtaghnatvaṃ kanyā dhanaṃ parārthakam |
mātaḥ kṣamāṃ vidhehyatra majjātau tu prayāmyaham || 76 ||
[Analyze grammar]

na bhikṣāvāribahule vipre prayāmi karhicit |
ityuktvā mātaraṃ natvā hyavamatya ca tadvacaḥ || 77 ||
[Analyze grammar]

pratyuta dūṣaṇaṃ datvā viprāṇyā pālanaṃ kṛtam |
aviprāyāstu viprāṇyā pālanaṃ taddhi dūṣaṇam || 78 ||
[Analyze grammar]

yadvā paropakartavyaṃ mamatvavarjitaṃ vṛṣaḥ |
kṛto bhavatyā tatrā'yaṃ tvāgrahaḥ putrikātmakaḥ || 79 ||
[Analyze grammar]

kathaṃ vai kriyate sādhvi pūjye vimūlako mayi |
mṛd bhūmau vāri salile vahnistejasi vā'nile || 80 ||
[Analyze grammar]

svasvatattveṣu viśrāmaṃ labhante netare kvacit |
tathā'haṃ sāgarī kanyā sāgare śāntimemi ha || 81 ||
[Analyze grammar]

prayāmi sāgaraṃ vaṃśaṃ dehi vā na pradehi mām |
ityuktvā badrike sā tu natvā tadātmaśemuṣīm || 82 ||
[Analyze grammar]

kuthalī samparityajya vipragṛhaṃ tu sāttvikam |
rājasaṃ sāgaraṃ veśaṃ svayaṃ gatvā samāśritā || 83 ||
[Analyze grammar]

kṛtaghniketi brāhmaṇyā tadoktā sā tathāvidhā |
poṣikāṃ mātaraṃ tyaktvā yato'nyatra svayaṃgatā || 84 ||
[Analyze grammar]

kṛtaghnātvamahādoṣaṃ prāptā sā kanyakā tataḥ |
kintu vipragṛhe nityaṃ devaprasādabhojinī || 85 ||
[Analyze grammar]

devārcanādisevābhirbahupuṇyavatī hyabhūt |
tasyāḥ puṇyapratāpena kuthalī prāptayauvanā || 86 ||
[Analyze grammar]

vibhāvarīnagaryāstu rājñā nāmnā virāmiṇā |
anāthā sā sagarāya svabhṛtyāya samarpitā || 87 ||
[Analyze grammar]

nāmnā dharmakareṇā'pi sagareṇa vivāhitā |
rājñīsevāparā jātā mānyā sampatsubhoginī || 88 ||
[Analyze grammar]

modate bhogasampattyā dharmakaragṛhe sthitā |
ciravarṣāṇi sā bhogān bubhuje puṇyanirmitāna || 89 ||
[Analyze grammar]

viṃśatiḥ putrakāścāsyāḥ kanyakāḥ sapta cā'bhavan |
puṇyastaro'bhavattasyāḥ sāntaḥ pāpastarastataḥ || 90 ||
[Analyze grammar]

samprāptastu kṛtaghnātvabhogo viprāṇikoditaḥ |
rugṇā sā tvekadā jātā śītapīḍānvitā jvaraiḥ || 91 ||
[Analyze grammar]

pīḍitā sā rurodā'pi māsottaraṃ viśaktikā |
upacārāḥ kṛtāḥ putraiḥ svāminā tatkuṭumbibhiḥ || 92 ||
[Analyze grammar]

tathāpi na jvaraśāntirabhavat sukhamāpa na |
rājayakṣmā'bhavattasyāḥ sarvanāśakaro'tha sā || 93 ||
[Analyze grammar]

sasmāra brāhmaṇīṃ tatra mātaraṃ poṣikāṃ satīm |
taduktaṃ tat kṛtaghnātvaṃ tatphalaṃ cāgataṃ mama || 94 ||
[Analyze grammar]

kālena bhāvi bhāvyaṃ ca bhavitavyaṃ na līyate |
putraiḥ putryādibhiḥ sā tu sevitā dūrato bhayāt || 95 ||
[Analyze grammar]

rājayakṣmabhayānnā'nye pārśve tvāyānti karhicit |
evaṃ sā varṣadaśakaṃ pīḍitā rājayakṣmaṇā || 96 ||
[Analyze grammar]

kṛtaghnatāphalaṃ tasyāḥ prāptaṃ nā''pnoti cāntatām |
patitā śayane tvāste pañjarābhā'bhavaddhi sā || 97 ||
[Analyze grammar]

atha putraṃ jyeṣṭhameva prāha sā vigatāśayā |
yathā mokṣo bhavenme ca yathā me maraṇaṃ bhavet || 98 ||
[Analyze grammar]

tathā kuru madarthaṃ vai kṛtaghnatvanivāraṇam |
putrastasyā drutaṃ tvāyāllomaśasyāśramaṃ prati || 99 ||
[Analyze grammar]

prārthayāmāsa taṃ śreṣṭhamaharṣiṃ mokṣaṇaṃ prati |
yadvā rogasya dehasya cātmaśaktistu saṃbhavet || 100 ||
[Analyze grammar]

lomaśastaṃ jyeṣṭhasutaṃ tiraścāyanasaṃjñakam |
jagāda hitakṛdvākyaṃ dayayā pāpanāśakam || 101 ||
[Analyze grammar]

mantraṃ gṛhāṇa kṛṣṇasya mātre dehi drutaṃ tathā |
aśvapaṭṭajale snātvā tīrthavāri pradehi ca || 102 ||
[Analyze grammar]

anādiśrīkṛṣṇanārāyaṇapādajalaṃ śubham |
rogāṇāṃ bhavarogāṇāṃ nāśakaṃ saṃpradehi ca || 103 ||
[Analyze grammar]

ityuktvā pradadau mantraṃ kṛpayā pāpanāśakam |
oṃ namaḥ śrīkṛṣṇanārāyaṇāya svāmine svāhā || 104 ||
[Analyze grammar]

mantraṃ prāpya saro gatvā snātvā tīrthajalaṃ śubham |
labdhvā'nādikṛṣṇanārāyaṇapādajalaṃ dadhe || 105 ||
[Analyze grammar]

oṃ śrīkṛṣṇanārāyaṇetijapārthaṃ tu mālikām |
labdhvā śrībālakṛṣṇāt sa yayau svamātaraṃ prati || 106 ||
[Analyze grammar]

mātre'rpitaṃ jalaṃ divyaṃ mantraśca mālikā rajaḥ |
vibhāvaryāṃ kuthalī sā samāptā'ghā'bhavad drutam || 107 ||
[Analyze grammar]

pīḍā naṣṭā'bhavattasyā rājayakṣmā tu mūrtimān |
bahirnirgatya dehāttāṃ kṛtaghnatāstriyā saha || 108 ||
[Analyze grammar]

hasannatvā yayau śīghraṃ barburāraṇyakaṃ prati |
kuthalī rogarahitā samādhau saṃvyalīyata || 109 ||
[Analyze grammar]

dadarśa tatra deveśaṃ kṛṣṇanārāyaṇaṃ prabhum |
bālakṛṣṇaṃ nikaṭasthaṃ divyaṃ rādhāramāpatim || 110 ||
[Analyze grammar]

prāṇamat sā'tibhāvena papāta kṛṣṇapādayoḥ |
cucumba bahudhā kṛṣṇapādau samāghisaṃsthitā || 111 ||
[Analyze grammar]

kṛtaghnatāyāḥ pāpaṃ te vigataṃ kṛpayā mama |
svasthā'si bhaja govindaṃ dehānte yāhi cā'kṣaram || 112 ||
[Analyze grammar]

ityuktvā prayayau kṛṣṇaḥ svasthā sā bahirāyayau |
utthāya sarvavṛttāntaṃ putrādibhyo nyavedayat || 113 ||
[Analyze grammar]

tataḥ sarve'nādikṛṣṇabhaktā jātāḥ samantataḥ |
lakṣavarṣāṇi kuthalī jīvitā mokṣaṇaṃ gatā || 114 ||
[Analyze grammar]

evaṃ badripriye devi kṛtaghnyāḥ pāpanāśanam |
mokṣaṇaṃ ca kṛtaṃ kṛṣṇanārāyaṇena yoṣitaḥ || 115 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne vibhāvarīpurīsthāyāḥ kuthalīsāgaryā mṛtapitṛbāndhavāyā vipragṛhe vardhanaṃ svātantryeṇa kṛtaghnitādoṣeṇa sāgarapatnītvaṃ kṛtaghnatāyāḥ phalaṃ rājayakṣmā śrīkṛṣṇanārāyaṇāśrayeṇa rājayakṣmaroganāśaḥ mokṣaṇaṃ cetyādinirūpaṇanāmā navādhikaviṃśatitamo'dhyāyaḥ || 29 ||
[Analyze grammar]