Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 25 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnaranārāyaṇa uvāca |
śṛṇu badrīpriye devi tataḥ kṛṣṇanarāyaṇaḥ |
punaḥ svarūpayogaṃ svaṃ subhaktāya tvupādiśat || 1 ||
[Analyze grammar]

svarūpaṃ śrīkṛṣṇanārāyaṇaṃ mānavavigraham |
āśritya vartate yastu tasya mokṣo'sti sarvathā || 2 ||
[Analyze grammar]

pare'kṣare rājamāno rājādhirāja īśapaḥ |
avatārā'vatārī yaḥ so'haṃ śrīkṛṣṇa eva hi || 3 ||
[Analyze grammar]

anantavāsudevānāṃ vāsudevottamo'smyaham |
anantaśrīkṛṣṇanārāyaṇanārāyaṇottamaḥ || 4 ||
[Analyze grammar]

anantānāṃ bhagavatāṃ bhagavānuttamottamaḥ |
anantānāṃ puruṣāṇāmasmyahaṃ puruṣottamaḥ || 5 ||
[Analyze grammar]

anantānāmakṣarāṇāmakṣarottamaśāsakaḥ |
anantānāṃ ca muktānāṃ muktā'dhipā'dhipo'smyaham || 6 ||
[Analyze grammar]

asaṃkhyānāṃ pārṣadānāṃ pārṣadeśeśvaro'smyaham |
asaṃkhyānāṃ ca śaktīnāṃ mahāśaktīśvaro'smyaham || 7 ||
[Analyze grammar]

divyamuktānikānāṃ ca mahāmuktānikeśvaraḥ |
samastasādhusādhvīnāṃ śreṣṭhasādhūttamo'smyaham || 8 ||
[Analyze grammar]

asaṃkhyānāṃ vibhavānāṃ mahāvibhūttamo'smyaham |
anantāṃ'śāṃ'śarūpāṇāmaṃśī cāsmi paraḥ pumān || 9 ||
[Analyze grammar]

anantā''veśakartā'haṃ mahāveśeśvaro'smyaham |
asaṃkhyādhikalānāṃ ca kaleśvaro'smyahaṃ prabhuḥ || 10 ||
[Analyze grammar]

vibhūtīnāmasaṃkhyānāṃ mahāvibhūtipo'smyaham |
māṇikyālalitārādhāramādīnāṃ paraḥ patiḥ || 11 ||
[Analyze grammar]

satāṃ patiścā'kṣareśaścā'kṣarātīta ātmapaḥ |
ātmeśaḥ sarvasṛṣṭīnāṃ pālakānāṃ niyāmakaḥ || 12 ||
[Analyze grammar]

saccidānandarūpo'smi sadā divyo'tisundaraḥ |
divyamūrtiścaikatattvātmako'saṃkhyasukhānvitaḥ || 13 ||
[Analyze grammar]

modapramodānandānāmāśrayo'smi mahānaham |
utsavānāṃ samastānāṃ prakāśako'smi pāvanaḥ || 14 ||
[Analyze grammar]

samastānāmamṛtānāṃ sāgaro'smi sudhābhṛtaḥ |
miṣṭātimiṣṭamiṣṭānāṃ rasānāmasmi śevadhiḥ || 15 ||
[Analyze grammar]

ākarṣaṇānāṃ divyānāṃ mahākarṣaṇamūrtimān |
ānandamūrchanānāṃ ca sadā'smyānandamūrchanaḥ || 16 ||
[Analyze grammar]

sarvadivyaprasādānāṃ prasannatādivāridhiḥ |
sarvalāvaṇyasukhavān sarvamādhuryasaṃbhṛtaḥ || 17 ||
[Analyze grammar]

sarvaramyaprasaṃgānāṃ prasañjako'smi mādhavaḥ |
yāvanmanorathānāṃ ca pūrako'smi tṛṣāharaḥ || 18 ||
[Analyze grammar]

sarvāsāṃ cāpi tṛptīnāṃ tṛptidātā'smi tarpaṇe |
santoṣāṇāṃ samastānāṃ tuṣṭastoṣaprado'smi ca || 19 ||
[Analyze grammar]

premṇāṃ ca yāvatāṃ premaprado'smi premabhūḥ prabhuḥ |
snehānāṃ snigdhabhāvanāṃ snehapūrṇo bhavāmyaham || 20 ||
[Analyze grammar]

āsaktīnāṃ samastānāmāsaktipatirasmyaham |
śarkarāṇāṃ ca miṣṭānāṃ pīyūṣamadhudo'smyaham || 21 ||
[Analyze grammar]

śītalānāṃ sukhānāṃ ca viśeṣaḥ śītasaukhyadaḥ |
uṣṇānāṃ ca mahānandapradānāmuṣṇasaukhyadaḥ || 22 ||
[Analyze grammar]

śṛṃgārāṇāmasaṃkhyānāṃ śṛṃgārarasado'smyaham |
svādānāṃ ca samastānāṃ mahāsvādabharo'smyaham || 23 ||
[Analyze grammar]

āśleṣāṇāṃ mahānandabharo'smyahaṃ pramīlane |
cūmbanānāṃ samastānāṃ sakampānandado'smyaham || 24 ||
[Analyze grammar]

snehāśrūṇāṃ vāhako'smi premaromodgamo'smyaham |
pulakānāṃ vicitrāṇāṃ prapulako'pi sarvathā || 25 ||
[Analyze grammar]

mohānāṃ ca samastānāṃ mugdhatāsaṃbhṛto'smyapi |
śayanānāṃ suṣuptīnāṃ viśrāntīnāṃ virāmadaḥ || 26 ||
[Analyze grammar]

ārāmāṇāṃ mahārāmo rāmo'smi ramatāmaham |
ramaṇo'smi sakāmānāṃ kāmo'smi kāmināmapi || 27 ||
[Analyze grammar]

ratiścāsmi ratānāṃ ca śāntiśca siddhayoginām |
puṣṭiścāsmi prapuṣṭānāṃ balināṃ balamuttamam || 28 ||
[Analyze grammar]

ātmabalaṃ samastānāmasmyahaṃ nirbhayatvadam |
surabhiḥ saurabhāṇāṃ ca puṣpamasmi c puṣpiṇām || 29 ||
[Analyze grammar]

phalaṃ cāsmi ca phalināṃ dhāturdhātumatāmaham |
suvarṇaścā'smi varṇānāṃ rūpiṇāṃ rūpamasmyaham || 30 ||
[Analyze grammar]

sukaṇṭhīnāṃ miṣṭakaṇṭhaḥ susvarāṇāṃ svaro'smyaham |
gītīnāṃ madhurā gītirnṛtyānāṃ caikatānatā || 31 ||
[Analyze grammar]

hāvo bhāvastathā ceṣṭā cihnaṃ cāsmi samastagaḥ |
saṃyogo'smi dhṛtiścā'smi vṛṣo'smi sattvavānapi || 32 ||
[Analyze grammar]

ākāṃkṣā'smi samastānāṃ maryādā'smi ca dehinām |
āścaryāṇāṃ samagrāṇāmāścaryamasmi sarvagam || 33 ||
[Analyze grammar]

kautukānāṃ samastānāmasmyahaṃ kautukottamaḥ |
nirvṛttīnāṃ ramaṇīnāṃ kriyānirvṛttirasmyaham || 34 ||
[Analyze grammar]

sarvavidhānāṃ kelīnāṃ kelicāturyavānaham |
yogānāṃ ca samastānāṃ śāśvatānandayogadaḥ || 35 ||
[Analyze grammar]

rāgāṇāṃ cāpi sarveṣāṃ rāgyahaṃ rañjanārthakṛt |
śobhānāṃ yāvatīnāṃ ca śobhano'haṃ subhāsuraḥ || 36 ||
[Analyze grammar]

madānāṃ mādakaścā'haṃ bhogyānāṃ bhogavardhanaḥ |
ābhogānāṃ mahābhogasvarūpo'smi prabhogiṣu || 37 ||
[Analyze grammar]

dravāṇāṃ yāvatāṃ cāsmi snehadravātmakaḥ prabhuḥ |
vātsalyānāṃ vatsalatā naisargikī bhavāmyaham || 38 ||
[Analyze grammar]

cumbakānāṃ samastānāṃ piṇḍacumbakavānaham |
āntarāṇāṃ praharṣāṇāṃ mahāpraharṣaṇo'smyaham || 39 ||
[Analyze grammar]

samastānāṃ prahāsyānāṃ mandahāsyaṃ bhavāmyaham |
kaṭākṣāṇāṃ ceṅgitānāṃ kaṭākṣeṅgitavānaham || 40 ||
[Analyze grammar]

hārdānāṃ cāntarāṇāṃ ca mahāhṛdayavānaham |
prakarṣaṇānāṃ sarveṣāṃ mahāprakarṣaṇo'smyaham || 41 ||
[Analyze grammar]

śreṣṭhānāṃ ca variṣṭhānāṃ śreṣṭhavareṇyadharmyaham |
pravarāṇāṃ varāṇāṃ ca pravaro varado'smyaham || 082 ||
[Analyze grammar]

vyāpakānāmambarāṇāṃ mahāvyāpakatā'sti me |
kallolānāṃ ca khelānāṃ prakhelako'smi tadgataḥ || 43 ||
[Analyze grammar]

ullāsānāṃ vilāsānāṃ samullāso vilāsakṛt |
bhāvanānāṃ ca bhāvānāṃ mahābhāvanayā'nvitaḥ || 44 ||
[Analyze grammar]

nivāsānāṃ ca vāsānāṃ vāsanānāṃ vasānakaḥ |
prasthānābhimukhānāṃ ca prabhavāmyavasānakṛt || 45 ||
[Analyze grammar]

pāritoṣikavaryāṇāmupadānāṃ ca toṣaṇam |
svāgatānāṃ ca mānānāṃ mānado'smi pitā prabhuḥ || 46 ||
[Analyze grammar]

prapannānāṃ cāśrayado mahādhāro'smi nāthavat |
anāthānāṃ sunātho'smi dhavo'smi dhavinīgaṇe || 47 ||
[Analyze grammar]

saubhāgyānāṃ tu sarveṣāṃ mahāsaubhāgyacandravān |
sampadāṃ ca vipulānāṃ sampattirasmi śāśvatī || 48 ||
[Analyze grammar]

ṛddhīnāṃ paramarddhiśca lābhānāṃ cātmalābhadaḥ |
prasevānāṃ cāṃ'gasevāsvarūpo'smi samarpaṇe || 49 ||
[Analyze grammar]

śuśrūṣāṇāṃ cānuvṛttirasmyahaṃ sādhuvṛttitā |
sādhutā ca kṣamā dainyaṃ tyāgināmasmi mattatā || 50 ||
[Analyze grammar]

śīladharmaḥ samasteṣu vīryaṃ vīryavatāmaham |
asmi rūpaṃ ca yoṣāsu puṃsu śmaśrurbhavāmyaham || 51 ||
[Analyze grammar]

vadhvā alaktakaścā'smi mantharā ca padoḥ gatiḥ |
cāñcalyaṃ navasaṃyogād bhavāmi ca nisargajam || 52 ||
[Analyze grammar]

ānukūlyaṃ dehināṃ copakāriṇāṃ bhavāmyaham |
anugraho dayā kāruṇyaṃ hitaṃ cāsmi sādhuṣu || 53 ||
[Analyze grammar]

jayo jayināṃ mūrdhanyo vidyā cātmavidāmaham |
tarkaḥ sarvajñakalpānāṃ kavīnāṃ kāvyamasmyaham || 54 ||
[Analyze grammar]

vallabhatā vallabhānāṃ kūjanaṃ mantravedinām |
stavanaṃ stāvakānāṃ ca bhavāmi miṣatāṃ miṣaḥ || 55 ||
[Analyze grammar]

lagnatā lagnināmasmi granthiśca grathnatāmapi |
nisargo'smi nisargisthastānastānavatāmaham || 96 ||
[Analyze grammar]

nikāmadeva jānīhi cetanānāṃ tu cetanaḥ |
asmyahaṃ sarvasākṣīti pravartako nivartakaḥ || 57 ||
[Analyze grammar]

sarvakarmaphaladātā sūkṣmaḥ sūkṣmā'sujīvinām |
sthūlaścāsmi ca sthūlānāṃ dṛśyo'smi netriṇāṃ sadā || 58 ||
[Analyze grammar]

adṛśyo'smi divyanetravihīnānāṃ tu dehinām |
gocaro'smi madarthānāṃ dūre'smi dveṣiṇāmapi || 59 ||
[Analyze grammar]

jīvanaṃ sarvasattvānāṃ jaḍānāmasmi cāstitā |
yoṣitāṃ nābhipadme'smi narāṇāmasmi nṛtvake || 60 ||
[Analyze grammar]

devānāṃ cā'mṛte hyasmi pitṝṇāṃ puṇyasañcaye |
ṛṣīṇāṃ brahmabhāve'smi mānavānāṃ naye'smi ca || 61 ||
[Analyze grammar]

śūrāṇāṃ yodhane cāsmi viduṣāṃ bahuvedane |
satīnāṃ satyadharme'smi vadhūnāṃ patidaivate || 62 ||
[Analyze grammar]

patnīnāṃ pātivratye'smi putrāṇāṃ pitṛsevane |
dhanināṃ dānabhāve'smi rājñāṃ dhiṣṇye vasāmyaham || 63 ||
[Analyze grammar]

apsarasāṃ cānane'smi gāndharvāṇāṃ tu gāyane |
nartakīnāṃ nṛtyakārye sabhāyāṃ ca sabhāpatau || 64 ||
[Analyze grammar]

kathāyāṃ vyāsadeve'smi makhe'nale'smi sarvathā |
yuddhe jaye sthitaścāsmi nītāvasmi samudyame || 65 ||
[Analyze grammar]

dugdhe gavādipaśūnāmasmi gundre tu śākhinām |
saṃskāre dvidalādīnāmasmi bhikṣukabhikṣite || 66 ||
[Analyze grammar]

mandirāṇāṃ madhyadeśe bhavanānāṃ tu gopure |
grāmāṇāṃ catvare cāsmi nagarāṇāṃ nayālaye || 67 ||
[Analyze grammar]

araṇyeṣu pippale'smi dehalyāṃ tu gṛhe gṛhe |
tulasyāṃ vaiṣṇavasthalyāṃ vaiṣṇave'smi vane'pi ca || 68 ||
[Analyze grammar]

tīrtheṣu satsu varte'haṃ pṛthvyāṃ bhaktālaye'smi ca |
kāleṣu brāhmakāle'smi sāyaṃ cārārtrike'smi ca || 69 ||
[Analyze grammar]

nakṣatre'smi jayantyādau bimbe'smi śreṣṭhapūjane |
sarvamitre'smi manuje śāstre'smi matkathānvite || 70 ||
[Analyze grammar]

dharme'smi brahmacarye'haṃ śraddhāyāmasmi dātari |
bhāgyavatāṃ puraścā'smi durbhāgyānāṃ tu pṛṣṭhataḥ |
adhaścāsmi tu pāpānāmūrdhvamasmi divaukasām || 71 ||
[Analyze grammar]

ātmanivedināmasmi dehendriyāntarātmasu |
viprāṇāṃ vacane cāsmi māyāyāṃ sāttvike guṇe || 72 ||
[Analyze grammar]

anyāyānāṃ bhayaṃ cāsmi śikṣā'smi śāsyavargiṇām |
vādānāṃ nirṇayaścāsmi phalavyāpto'smi sarvathā || 73 ||
[Analyze grammar]

sajātīnāṃ pravāhe'smi cānupūrvyāṃ tu vāṅmaye |
viśiṣṭaṃ cā'kṣaraṃ brahma tatrā'dvaito vasāmyaham || 74 ||
[Analyze grammar]

ato viśiṣṭabrahmā'dvaitātmako'haṃ pareśvaraḥ |
nikāmadeva māṃ yastu jānīyāt susvarūpiṇam || 79 ||
[Analyze grammar]

śrīkṛṣṇaṃ vallabhaṃ cāryaṃ svāminaṃ bālakṛṣṇakam |
muktiṃ gacchenna sandeho madvijño na praṇaśyati || 76 ||
[Analyze grammar]

śrīnikāmadeva uvāca |
kathaṃ viśiṣṭabrahmādvaitātmakastvaṃ vibudhyase |
saṃkṣepānme kathayasva sarvasvāminnarāyaṇa || 77 ||
[Analyze grammar]

śrīkṛṣṇanārāyaṇa uvāca |
viśeṣaṇaṃ sthūlamāyā sarvakāryātmikā tu yā |
viśeṣaṇaṃ sūkṣmamāyā sāmyāvasthā guṇatrayam || 78 ||
[Analyze grammar]

tābhyāmacetanābhyāṃ tu viśiṣṭaṃ brahma cākṣaram |
antaḥsthaṃ vyāpakaṃ cāsti viśiṣṭe te hyubhe'kṣare || 79 ||
[Analyze grammar]

viśeṣaṇaṃ sthūlātmānaḥ sarvakarmaphalāśanāḥ |
viśeṣaṇaṃ sūkṣmātmānaḥ karmaphalādivarjitāḥ || 80 ||
[Analyze grammar]

tābhyāṃ vai cetanābhyāṃ tu viśiṣṭaṃ brahma cā'kṣaram |
antaḥsthaṃ vyāpakaṃ cāsti viśiṣṭe te hyubhe'kṣare |
akṣaraṃ tvekamevā'sti dvitīyena vivarjitam || 81 ||
[Analyze grammar]

brahmābhidhaṃ dhāma divyaṃ parabrahmaparātmanaḥ |
prakāśākhyaṃ saccidānandātmatejomayaṃ sadā || 82 ||
[Analyze grammar]

tadekaṃ tu caturdhā'tra viśeṣaṇairviśeṣitam |
viśiṣṭayorviśiṣṭayoradvaitaṃ brahmadhāma tat || 83 ||
[Analyze grammar]

viśiṣṭādvaitamuktaṃ me dhāmā'kṣarābhidhaṃ dvija |
jaḍeṣu cetaneṣveva sarvāvasthāsu sarvathā || 84 ||
[Analyze grammar]

rājate cā'kṣaraṃ brahma sarvāścaryasamanvitam |
tatra viśiṣṭādvaite vai dhāmnyakṣare virājate || 85 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
yaḥ so'haṃ tveka evā'smi tulyādhikavivarjitaḥ || 86 ||
[Analyze grammar]

advaito'smi na svo dvau vai parameśau kadācana |
ato viśiṣṭā'dvetā'dvaito'haṃ śrīparameśvaraḥ || 87 ||
[Analyze grammar]

parabrahmā'kṣarātītaḥ sarvātmā'kṣarabrahmagaḥ |
viśiṣṭaṃ cā'kṣaraṃ brahmā'dvaitaṃ tatrā'smi caikalaḥ || 88 ||
[Analyze grammar]

madviśiṣṭaṃ brahma sarvajaḍacetanagaṃ matam |
evaṃ cā'smi sadā vipra vyāpino vyāpako'pyaham || 89 ||
[Analyze grammar]

etatte kathitaṃ tattvaṃ mama svarūpavedane |
so'haṃ mūrto'smi sarvatrā'kṣare mūrte'pi tejasi || 90 ||
[Analyze grammar]

akṣaraṃ brahma madyuktaṃ sarvatrā'sti dvijottama |
sṛṣṭitrayaṃ cā'kṣare'sti viśeṣaṇatayā'nvitam || 91 ||
[Analyze grammar]

akṣare santi muktāśca dhāmānyanyāni santyapi |
taddhāma ca samarthaṃ madyogena mūrtimat tathā || 92 ||
[Analyze grammar]

sevāyāṃ vartate cāpi mukteśvaraṃ hi mannibham |
matsārūpyaṃ bhajamānaṃ sarvādhāramapi dhruvam || 93 ||
[Analyze grammar]

pumānnakṣarapuruṣaḥ so'yaṃ brahmapumān svayam |
tadeva vyāpakaṃ divyaṃ bhūmikā taijasī sadā || 94 ||
[Analyze grammar]

tatprāvirbhūtabhogyādi bhogopakaraṇānyapi |
bhogāśca sampadaḥ sarvā vidyante tatra sarvaśaḥ || 95 ||
[Analyze grammar]

yadādhārā yatprapoṣā yadṛddhimanta ityapi |
muktāḥ sarve vasantyeva muktānikāśca dhāmani || 96 ||
[Analyze grammar]

mama mūrteḥ suyogena pūrṇaṃ cā'khaṇḍamakṣaram |
avyayaṃ śāśvataṃ dhāma tatra vāso hi mokṣaṇam || 97 ||
[Analyze grammar]

nikāmadeva me yogāt tvaṃ gato'si tadakṣaram |
yatrā'haṃ tatra vai dhāmā'kṣaraṃ nityaṃ hi vidyate || 98 ||
[Analyze grammar]

sā bhūśca sampadaḥ sarvā bhavantyatra mayi prabhau |
kuṃkumavāpikākṣetraṃ dhāmā'kṣaraṃ tvihāsti vai || 99 ||
[Analyze grammar]

anādiśrīkṛṣṇanārāyaṇaḥśrīvallabhaḥ prabhuḥ |
akṣarastho virāje'tra sarveśaste sutāpatiḥ || 100 ||
[Analyze grammar]

mama yogena mokṣe'si gantavyaṃ te na vidyate |
mama sākṣātprasaṃgo'trā'kṣare mokṣapradastava || 101 ||
[Analyze grammar]

sadā tvaṃ mama mukto'si paśya divyaṃ nijaṃ gṛham |
ityuktvā śrīkṛṣṇanārāyaṇastaṃ cā'kṣaraṃ padam || 102 ||
[Analyze grammar]

darśayāmāsa sahasā muktaṃ nikāmadevakam |
muktānikāṃ tathā sureśvarīṃ divyāṃ tu śāśvatīm || 103 ||
[Analyze grammar]

badrīpriyāṃ bālayoginīṃ ca padmāvatīsatīm |
māṇikīṃ haripatnīṃ sa pradarśyā'bhāvayattiraḥ || 104 ||
[Analyze grammar]

badrike tvaṃ saiva cāsse yā tatra bālayoginī |
māṇikyavarṇā śrīkṛṣṇanārāyaṇasya vāhinī || 105 ||
[Analyze grammar]

pṛthvyāṃ sā māṇikī vāhā vaḍavā'bhavadacyutā |
brahmaprabhāvatī yuktā yā jayālalitātmikā || 106 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne parabrahmasvarūpayoganirūpaṇaṃ viśiṣṭabrahmā'dvaitātmakaparabrahmavivecanaṃ cetyādinirūpaṇanāmā pañcaviṃśo'dhyāyaḥ || 25 ||
[Analyze grammar]

Other editions:

Also see the following editions of the Sanskrit text or (alternative) English translations of the Lakshminarayana Samhita Chapter 25

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: